bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 44
Ezekiel 44
Quechuan QXO (Biblia en Quechua del sur de Conchucos)
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 45 →
1
Tsaypitanam pushamaq runa yapay pushamarqan templupa jatun patiunman yaykuna juk punkuman. Tsay punkuqa rupay yarqamunan läduchömi karqan. Tsay punkum wichqaraykarqan.
2
Tsaychömi Tayta Dios nimarqan: «Kay punkum imaypis wichqaranqa. Israel runakunata kuyaq Tayta Dios kar kay punkupa yaykushqa kaptïmi pipis yaykunanpä kichanqatsu. Tsaymi imaypis wichqaräkunqa.
3
Mandakuq autoridämi sïqa kay punkuchö kaykaq ruri cuartullaman yaykunqa ñöpächö mikunanpä. Tsay cuartuman yaykunanpä y tsaypita yarqunanpä patiuparämi päsanqa».
4
Tsaypitam norti lädu yaykuna punkupa päsatsimar templu ruri kaq patiuman pushamar templu frentinyaq chätsimarqan. Tsaypita rikaskinäpämi Tayta Diospa chipipiynin templuchö junta kaykänä. Tsaymi patsaman ras lätakaskirqä.
5
Tsaychömi Tayta Dios nimarqan: «Runapa tsurin, shumaq wiyamay. Templüchö imanö kayänanpä kaqtapis ninqäkunata shumaq tantiyakuy. Tsaynölla templuman pï yaykunanpä y pï mana yaykunanpä kaqtapis tantiyakuy.
6
«Mana wiyakuq Israel runakunata niy: «Tayta Diosmi nin: Israel runakuna, melananqäkunata ama rurayaynatsu.
7
Señalanni mana cäsumaq jäpa runakunata templüman amana yaykutsiyaynatsu. Paykunata yaykutsirqa tsaki mikuy ofrendakunata, ashmakunapa wiranta y yawarninta altarnïman churarpis templüta impüruyaykätsiyankim. Tsaynö rurarqa pactu ruranqantsikta manakaqmanmi churaykäyanki.
8
«Ninqänö rurayänaykipa trokinmi jäpa runakunata templüchö sirviyämänanpä churayarquyki.
9
Israel markakunachö taykarpis señalanni mana cäsumaq jäpa runakuna manam templüman yaykuyanqatsu». Tayta Diosmi tsaynö nin.
10
«Israel runakuna mana cäsumar ïdulukunata adorayanqannöllam levitakunapis ïdulukunata adorayashqa. Tsaymi levitakunaqa
11
templu punku cuidaqllana kayanqa. Tsaynöllam runakuna apayämunqan ashmakunata rupatsina sacrificiupä y wakin sacrificiukunapäpis pishtaqllana kayanqa. Runakunata templuchö yanapayänallanpämi listu kaykäyanqa.
12
Tsaynö kayanqa ïdulukunata adorar Israel runakunata jutsata ruratsiyanqanpitam». Tayta Diosmi tsaynö nin.
13
«Levitakunaqa manam sacerdöti kayanqanatsu ni ñöpäman witiyämunqanatsu. Sagrädu ofrendakunata ni templuchö wakin sagrädu kaqkunatapis manam yatayllapis yatayanqanatsu. Llutanta rurayanqanpitam pasaypa penqakuyanqa.
14
Paykunataqa churashä templuta cuidayänanpä y tsaychö ruraypä kaqkunata rurayänallanpänam.
15
«Israel runakuna mana cäsumar ïdulukunata adorayaptinpis Sadocpita miraq sacerdötikunam sïqa ninqäkunata cäsukur templuchö sirviyämashqa. Tsaymi paykunaqa ñöpächö sirvimar wiratapis yawartapis altarnïman churayanqa». Tayta Diosmi tsaynö nin.
16
«Paykunallam templüman yaykuyanqa y altarnïchö sirviyämanqa. Paykunaqa llapan ninqätam cäsuyämanqa.
17
«Ruri kaq patiupa yaykurmi lïnupita rurashqa röpata sacerdötikuna jatikuyanqa. Manam millwapita awashqa röpan jatishqaqa patiuchöpis ni templu rurinchöpis sirviyämanqatsu.
18
Umankunatapis lïnupita awashqa päñuwanmi watakuyanqa. Lïnupita awashqa calzoncïllutam jatikuyanqa. Jumpitsikuqtaqa manam imatapis jatikuyanqatsu.
19
Jatun patiuman manarä yarqur y runakunawan manarä tinkurmi jatikuyanqan lïnu röpankunata llushtikuyanqa. Trocakuyanqan röpankunata templupa ñöpanchö kaykaq cuartukunamanmi churayanqa. Tsaynöpam jatun patiuchö kaykaq runakunata ima desgraciapis päsanqatsu.
20
«Sacerdötikunaqa aqtsankunatapis manam qara putuypaqa rututsikuyanqatsu ni alläpapis wiñatsiyanqatsu. Tsaypa rantinqa shumaq kayänanpämi rututsikuyanqa.
21
Altar kanqan patiuman yaykuyänanpä kaptinqa vïnuta manam upuyanqatsu.
22
Viüdawan ni runan jaqishqa warmiwanpis manam täyanqatsu. Tsaypa rantinqa Israel casta soltëra jipashllawan o sacerdötipa viüdallanwanmi täyanqa.
23
«Sacerdötikunam qamkunata tantiyatsiyäshunki imapis sagrädu kanqanta y mana sagrädu kanqanta, imapis püru kanqanta y imapis impüru kanqanta.
24
Demandukunachöpis leynïkuna ninqannömi juzgayäshunki. Fiestakunachöpis imanö rurayänaykipä ninqänömi cumplitsiyäshunki. Jamay junaqkunatapis paykunam respitatsiyanqa.
25
«Impüru mana quëdayänanpä ayatapis manam yatayanqatsu. Papänin, maman, ollqu tsurin, warmi tsurin, wawqin o jipashllarä panin wanuptinmi sïqa yatayanman.
26
Ayata yatayanqanpita bäñakuskirmi qanchis junaqyaq shuyaräyanqa purificakuyänanpä.
27
Tsaypitarämi altar kanqan kaq patiuman kutiskir yapay sirviyämänanpä purificatsina sacrificiuta apayämunqa». Tayta Diosmi tsaynö nin.
28
«Sacerdötikunapaqa manam chakranpis kanqatsu. Chakran kananpa rantinmi herencian noqa kashä. Israelchö herencian ni chakran mana kaptinpis noqam paykunata wätashä.
29
Apayämunqayki tsaki mikuy ofrendakunata, purificatsina sacrificiukunata y consagratsina sacrificiukunatam paykuna mikuyanqa. Noqapä apayämunqaykikuna llapanpis paykunapämi kanqa.
30
Punta wayuqkunapita primiciata apayämunqaykita y llapan ofrendaykikunatapis sacerdötikunam chaskiyanqa. Tsaynöllam tantata masarar puntata jornupita jipinqaykitapis paykunata entregayanki. Tsaynö rurayaptikiqa bendicionnïtam qamkunaman churamushä.
31
«Kikillan wanushqa o chucaru ashma wanutsishqa aytsata sacerdötikuna manam mikuyanqatsu. Ashmapa o pishqupa kaptinpis tsay aytsata manam mikuyanqatsu.
← Chapter 43
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 45 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48