bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 33
Ezekiel 33
Quechuan QXO (Biblia en Quechua del sur de Conchucos)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
1
Tayta Diosmi nimarqan:
2
«Runapa tsurin, marka mayikikunata willar ninki: «Musyayanqaykinöpis may nacionchöpis guërra kaptinqa juk runatam rikachakunanpä churayan.
3
Paymi contran soldädukuna nacionninman yaykuykaqta rikar jinan höra cornëtata tukan marka mayinkuna alistakuyänanpä.
4
Cornëtata wiyaykar mana alistakuyaptinqa contrankuna chaykurmi tsay markachö täraq runakunata wanutsiyanqa. Mana alistakurqa kikinkunam wanuyänanpä jutsayuq kayanqa.
5
Tsaynö ushakäyanqa cornëtata wiyaykarpis mana alistakurmi. Peru alistakuq kaqmi sïqa wanuypita qeshpinqa.
6
«Tsay rikachakuq runa contran soldädukuna shamuykaqta rikaykar cornëtata mana tukaptinqa markaman yaykuskirmi pitapis lluta wanutsiyanqa. Jutsa ruraq kayanqanpita tsay runakunata wanutsiyaptinpis cornëtata mana tukanqanpitam rikachakuq runa jutsayuq kanqa».
7
«Runapa tsurin, Israel runakunapa rikachakuqninnö kanaykipämi churarqü. Tsaymi willanqäta paykunata willanki.
8
Jutsa ruraq runata ushakätsinäpä willaptï jutsa rurayta dëjananpä willay. Mana willarqa tsay runa wanuyanqanpita qammi jutsayuq kanki.
9
Jutsa rurayta dëjananpä nikaptiki tsaynölla jutsata rurarqa jutsanpitam tsay runa wanunqa. Willanqaykichöqa wanuptinpis manam jutsayuqnatsu kanki.
10
«Runapa tsurin, Israel runakunata niy: «Qamkunam nikäyanki jutsa rurayanqaykipita Tayta Dios castigayäshuptiki mana awantayänaykipä kanqanta. Tsaynöllam nikäyanki manana kawayänaykipä kanqanta».
11
«Tayta Diosmi jurar nin: «Jutsa ruraqkuna wanuyänanta manam munätsu, sinöqa llutan ruraykunata dëjaskir noqa munanqänö kawayänantam munä. Israel runakuna, jutsaykikunata dëjaskir wiyayämay. ¿Imanirtä wanuyta ashiyanki?»
12
«Runapa tsurin, Israel mayikikunata niy: «Alli ruraq runapis jutsata rurarqa castigashqam kanqa. Mana alli ruraq runapis jutsa rurayta dëjarqa perdonashqam kanqa.
13
«Aybësis alli runapis allita ruraq kanqanman yärakurmi llutan rurayman churakan. Tsay runata alli kawananpä awnishqa karpis mana allitana ruraptinqa wanutsishämi. Ñöpata allita ruranqankunatapis manam yarpäshänatsu.
14
«Aybësis mana alli ruraq runa jutsa rurayta dëjaskir munanqänömi kawan. Tsaymi jaqankuna prenda churayanqanta y suwakunqanta kutiskatsir leynïkunata cäsukun. Tsaynö kawaq runataqa wanutsinäpä nishqa karpis manam wanutsishänatsu.
16
Ñöpata jutsa ruranqankunatapis manam yarpäshänatsu. Llutankunata manana rurarqa mananam wanunqanatsu».
17
«Tsaynö niptikim marka mayikikuna niyäshunki: «Jutsa ruraqkuna jutsa rurayta dëjayaptinpis Tayta Dios ama perdonanmantsu. Perdonarqa llutantam ruraykan. Alli runatam sïqa jutsankunapita perdonanman. Mana perdonarqa llutantam ruraykan». Tsaynö nirqa llutantam parlaykäyan.
18
«Yapaymi nï: Alli runapis jutsata rurarqa wanunqam.
19
Jutsa ruraq runa jutsa rurayta dëjaskir munanqänö kawarqa salvakunqam.
20
Israel runakuna, ¿imanirtä niyanki shumaq mana juzganqäta? Imanöpis kawayanqaykimanmi llapaykikunatapis juzgayäshayki».
21
Babiloniaman prësu apayämanqan chunka ishkay wataman aywaykaptinnam chunka kaq killa pitsqa junaqchö Jerusalénpita qeshpimuq runa nimarqan: «¡Jerusaléntam chipyaq ushakätsiyashqa!»
22
Tsay runa chämunanpä juk junaq faltaykaptinmi patsa tsakanqan höra Tayta Dios shimïta pashtatsirqan. Tsaymi tsay wäray runa chämunanpäqa parlarqäna.
23
Tsaymi Tayta Dios nimarqan:
24
«Runapa tsurin, raqällana kaykaq Israel markakunachö taykaq runakunam nikäyan: «Abrahamqa japallan kaykarmi kay nacionta poderninchö tsarararqan. Noqantsikpis atskaq kaykarqa ¡imanirtä kay nacionta podernintsikchö tsararantsiktsu!»
25
«Tsaymi paykunata ninki: «Tayta Diosmi nin: Qamkunaqa ashmakunapa yawarnintam mikuykäyanki. Tsaynöllam ïdulukunata mañakuykäyanki y runa mayikitapis wanuykätsiyanki. ¿Tsaynö kaykarku kay nacionpa duëñun kayta munaykäyanki?
26
Qamkunaqa wanutsikuq, ïduluta adoraq y jukpa warminwan kakuqmi kayanki. ¿Tsaynö kaykarku kay nacionpa duëñun kayta munayanki?»
27
«Ezequiel, paykunata mastapis niy: «Tayta Diosmi jurar nin: Raqällana kaykaq markakunachö täraqkunapis guërrawanmi wanuyanqa. Chakrachö täraqkunatapis chucaru ashmakunam mikuyanqa. Qaqakunachö y machaykunachö täraqkunapis pestiwanmi wanuyanqa.
28
Chipyaq ushakätsiptïmi Israel nación tsunyaq quëdanqa. Tsaypaqa manam pipis purinqanatsu. Tsaynö ushakätsiptïmi allish tukuyänanpä pipis kanqanatsu.
29
Melananqäta rurayanqaykipita kay nacionta ushakätsiptïrämi Tayta Dios kanqäta musyayanki».
30
«Runapa tsurin, Israel runakunam marka murällakunachö y wayi punkukunachöpis qorikaykur niyan: «Tayta Diospa willakuyninta Ezequiel willakunqanta wiyaq aywashun».
31
Tsaynö nir qorikarmi willanqaykita wiyaq tukuyan. Peru manam cäsuyämantsu. Kuyamanqanta nirpis manam rasunpatsu kuyayäman. Tsaypa rantinqa rïcuyaypä ambiciösu karmi llutanta rurayänallanpä yarpachakuykäyan.
32
«Paykunapämi qam kaykanki arpata tukar jipashta cantapaq jövinnö. Tsaymi ninqaykita wiyaykarpis wiyakuyantsu.
33
Tsaynö kaptinpis willakunqayki llapanpis cumplinanpänam kaykan. Cumpliptinrämi willakuqnï profëta kanqaykita musyayanqa».
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48