bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 16
Ezekiel 16
Quechuan QXO (Biblia en Quechua del sur de Conchucos)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
1
Tayta Diosmi nimarqan:
2
«Runapa tsurin, Jerusalén runakuna llutankunata rurayanqanta tantiyatsir ollqutupay.
3
Jerusalén markata ninki: «Tayta Diosmi nin: Jerusalén, ¡qamqa Canaánchö yuriq warmim kanki! ¡Papänikinam amorreo casta runa! ¡Mamaykinam heteo casta warmi!
4
Yurinqayki junaq manam pipis pupu watuykita roqurqantsu. Manam pipis bäñatsishurqaykitsu ni kachi yakuwanpis shullashurqaykitsu. Inchanawanpis manam inchashurqaykitsu.
5
Manam pipis kuyapäshurquykitsu. Kuyapäshunaykipa trokinmi melanäyäshurniki jitaskiyäshurqayki.
6
«Tsaymi puntaykipa päsar yawarllana jaytaykachaykaqta rikarqä. Tsayta rikarmi kuyapar nirqä: «¡Ama wanuytsu!»
7
«Qoriskirmi jachanö jatunyänaykipä shakshatsirqä. Shakshaskirnam kuyayllapä jipashyarqayki. Chuchuykikuna jatunyaptinmi partikichöpis shaprayki yurirqan. Tsaynö kaptinpis röpaynaq qallapächullam karqayki.
8
«Tsaypita puntaykipa yapay päsarmi rikarqä jipash poquraykaqna kar casarakunaykipä allina kanqaykita. Tsaymi warmïpä qoriskir qallapächulla kaptiki punchüwan tsapaskirqä. Tsaypitam casaranantsikpä pactuta rurarqantsik. Tsaypitanam noqapa warmïna karquyki». Tayta Diosmi tsaynö nin.
9
«Tsaypitanam yawarllana kaykaqta bäñaskatsir perfümita wiñaparqä.
10
Tsaypitanam kuyayllapä bordashqa röpata y allin kaq zapatuta jatitsirqä. Lïnupita kuyayllapä awashqa tseqlla watuwan wachakätsirnikim sëda tëlata umaykimanpis shukutatsirqä.
11
«Shumaq kanaykipämi kuyayllapä adornukunata jatitsirqä. Makikipis shumaq kananpämi brasilëtakunata jatitsirqä. Tsaynöllam kuyayllapä kanaykipä wallqatapis wallqatsirqä.
12
Senqaykimanpis kuyayllapä adornutam churaparqä. Rinrikikunamanpis kuyayllapä arëtitam jatitsirqä. Umaykimanpis kuyayllapä corönatam jatitsirqä.
13
Tsaymi qellaywan y qoriwan adornashqa karqayki. Bordashqa röpaykikunapis lïnupita y sëdapitam karqan. Allinnin kaq tantata, abëjapa mishkinta y olïvuspa aceitintam mikurqayki. Kuyayllapä y imaykayuqpis karmi reina kaymanpis charquyki.
14
Tsay jatitsinqäkunawanmi pasaypa kuyayllapä karqayki. Kuyayllapä kanqaykitam maytsay nacionkunachöpis parlayaq». Tayta Diosmi tsaynö nin.
15
«Peru qamqa kuyayllapä kanqaykiman yärakurmi pïmaywanpis lluta kakurquyki. Munaq kaqwanmi kakurquyki.
16
Ïdulukunata adorakuna wayikunatam röpaykikunawan adornayarquyki. Tsaychö ïdulukunata adorarmi juk runawan kakuqnö carguyki. ¡Imanirtä tsaynö tikrarquyki! ¡Tsaynöqa imaypis ama rurankimantsu karqan!
17
«Qaranqä qellaypita, qoripita y kuyayllapä alhäjakunapitam runa niraq ïdulukunata ruraykur adorarquyki.
18
Kuyayllapä bordashqa röpata jatitsinqätam tsay ruranqayki ïdulukunata jatitsirqayki. Tsaypitanam aceitïta y inciensiütapis tsay ïdulukunata qararquyki.
19
Mikunaykipä alistapanqä allinnin kaq tantata, aceitita y abëjapa mishkintapis tsay ruranqayki ïduluman mushkuynin chänanpämi rupatsirquyki. Tayta Diosmi tsaynö nin.
20
«Tsaynöllam noqapä entregamanqayki wamraykikunatapis warmita ollqutapis adoranqayki ïdulukunapä rupatsirquyki. Ïdulukunata adoranqaykiwan mana contentakur
21
¿imanirtä wamraykikunatapis pishtaskir ïdulukunapä rupatsirquyki?
22
Jipashyaskirqa ïduluta adorarmi manana yarpankinatsu wamra kaptiki cuidanqäta ni yurinqayki witsan qallapächu yawarllana qoshpanqaykitapis.
23
«Tayta Diosmi nin: ¡Allaw! ¡Tsaynö kanqaykipita kanan imarä päsashunki!
24
Pläzakunachöpis ïdulukunata adoranaykipämi tolduta shäritsirquyki.
25
Pïmaywanpis kakunayki raykurmi cälli esquïnakunachöpis tsaynö rurarquyki. Tsaychömi pïmaywanpis kakurquyki.
26
«Ashnupanörä kaptinmi vecïnuyki Egipto runakunawanpis kakurquyki. Paykunawanpis kakurmi pasaypa rabyanätsimarquyki.
27
Tsaynö kanqaykipitam qamta castigar nacionnikita takshayätsiyänanpä chikishuqniki filisteo runakunapa makinman entregarqü. Pasaypa mana allita ruranqaykita rikarmi paykunapis penqakuyarqan.
28
«Mana jimarmi Asiria runakunawanpis kakurquyki. Paykunawan mayjina kakurpis manam jimarquykitsu.
29
Tsaynöllam Babilonia negocianti runakunawanpis kakurquyki. Paykunawan kakurpis manam jimarquykitsu.
30
Tsaynö kakuptikim cäraykichöpis yawarniki kantsu. Prostitütanö kanqayki ¿manaku penqakuypä kaykan?» Tayta Diosmi tsaynö nin.
31
«Cälli esquïnakunachö y pläzakunachö runakunawan kakurmi prostitütanö cobranaykipa trokin pitapis cobrankitsu.
32
Runan engañaq warminömi kaykanki.
33
Prostitütaqa cobranmi. Qamqa cobranaykipa trokinmi päganki. Tsaynö päganki maytsaypitapis shamuq runakunawan kakunaykipämi.
34
Pägayäshunaykipa rantin qammi päganki. Tsaynö rurar prostitütapitapis mas peormi kaykanki.
35
«Pïmaywanpis kakuq Jerusalén, Tayta Dios ninqanta wiyay.
36
Tayta Diosmi nin: Mana penqakuypam qallapächulla waynaykikunawan kakurquyki. Tsaynöllam ïduluykikunata adoranaykipä wamraykikunatapis altarchö wanutsirquyki.
37
Tsaymi kuyanqayki kaqkunatapis y chikinqayki kaqkunatapis llapan waynaykikunata puntaykiman qorimushä. Paykunapa puntanchö qamta qarapachaptï llapanpis penqaynikita rikayaptinmi pasaypa penqakunki.
38
«Jukwan jukwan rakchatämanqaykipita y wanutsikuq kanqaykipitam pasaypa rabyar castigashayki.
39
Tsaymi waynaykikunapa makinman dëjaykuptï shäritsinqayki tolduykikunata y cämaykikunatapis ushakätsiyanqa. Röpaykikunata qechuyäshurnikim adornuykikunatapis apar jinayllatana dëjayäshunki.
40
«Atskaq runakuna shamurmi saqmayäshunki y espädankunawan wanutsiyäshunki.
41
Wayikikunatapis kayarmi ushayanqa. Llapan warmikunapa rikananchömi tsaynö ushakätsiyäshunki. Tsaynöpam prostitüta kanqaykipita ushakätsiptï waynaykikunata pägankinatsu.
42
Tsayrämi rabyaynï päsanqa. Llutankunata manana ruraptikiqa mananam rabyashänatsu.
43
«Wamra kaptiki cuidanqäta qonqaykurmi llutankunata rurar pasaypa rabyanätsimarquyki. Tsay jananmanmi pasaypa viciusa kar jukwan jukwan kakurquyki. Tsaynö penqakuypä kawanqaykipitam castigashayki». Tayta Diosmi tsaynö nin.
44
«Castigaptï llapan runakunam asipäyäshurniki niyanqa: «¡Wamranpis mamannöllam!»
45
«Qampa mamaykiqa heteo casta warmim y papänikinam amorreo casta runa. Mamaykipis ñañaykikunapis qowanta y wamrankunatam chikiyashqa.
46
Samaria markam mayor ñañayki. Payqa norti kaq läduchömi wamrankunawan täyarqan. Qepa kaq ñañaykinam Sodoma marka. Payqa sur kaq läduchönam wamrankunawan täyarqan.
47
Paykunata rikarmi jutsata rurayarquyki. Tsaymi paykunapita mas peorrä llutankunata rurarquyki.
48
«Noqa Tayta Diosmi jurar nï: Qam ruranqaykinö y wamraykikuna rurayanqannöqa manam ñañayki Sodomapis ni wamrankunapis rurayashqatsu.
49
Ñañayki Sodomapis y wamrankunapis mikuynin sobray sobray kaptinmi tranquïlu kawar orgullösa kayashqa. Tsaynö karmi pobrikunata y ñakaqkunata imaypis yanapayashqatsu.
50
Pasaypa allish tukurmi melanaypä jutsata rurayashqa. Tsaynö kayanqanta rikarmi illakätsirqü.
51
«Ñañayki Samariapitapis mas peormi jutsata rurarquyki. Qampa jutsaykipitaqa ñañaykipa jutsan pöcullam kaykan.
52
Mas melanaypä kaqkunata rurashqa karmi ñañaykikunapitapis mas jutsayuq kaykanki. ¡Tsaynö jutsasapa kaykarqa penqakuy!
53
«Sodomata y Samariatam wamrankunatawan yapay yanapashä. Tsaynöllam qamtapis yapay yanapashayki.
54
Yanapaptïpis mana allita ruranqaykipita pasaypam penqakunki. Tsaymi ñañaykikunapis kushikuyanqa qamnö jutsata mana rurayanqanpita.
55
Yanapanqä witsanmi ñañayki Sodomapis wamrankunawan y ñañayki Samariapis wamrankunawan unay kawayanqannö yapay tranquïluna kawayanqa. Tsaynöllam qampis wamraykikunawan tranquïluna kawayanki.
56
«Orgullösa kanqayki witsanmi ñañayki Sodomata manakaqman churarqayki.
57
Tsay witsanqa mana allikunata ruranqayki manarämi musyakarqanrätsu. Peru kananmi sïqa Edom nación, Filistea nación y llapan vecïnuyki nacionkunapis musyaskir ashlliyäshurniki penqakuyman churayäshunki.
58
Viciusa kar pasaypa melanaypä kaqkunata ruranqaykipita castigaptïmi pasaypa ñakanki. Tayta Diosmi tsaynö nin.
59
«Tayta Diosmi nin: Qamqa pactu ruranqantsikta manakaqman churarmi cumplirquykitsu. Tsaymi kananqa makïta yawanki.
60
Tsaynö castigarpis jipash kanqayki witsan pactu ruranqantsikta manam qonqashätsu. Tsaymi imayyaqpis alli kawanantsikpä yapay pactuta rurashun.
61
Tsaynöllam mayor ñañaykita y qepa ñañaykita wamraykikunanö kayänanpä makikiman churamushä. Tsaynömi rurashä paykuna wamraykinö kayänanpä mana parlashqa kaptintsikpis. Tsaynö ruraptïmi imanö jutsata ruranqaykitapis yarparkur pasaypa penqakunki.
62
«Qamwan yapaymi pactuta rurashun. Tsayrämi Tayta Dios kanqäta musyanki.
63
Llapan jutsa ruranqaykita perdonaptïmi imayka mana allikunata ruranqaykipita yarpaskir pasaypa penqakur upälla wiyaräkunki». Tayta Diosmi tsaynö nin».
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48