bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 12
Ezekiel 12
Quechuan QXO (Biblia en Quechua del sur de Conchucos)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 13 →
1
Tsaypitanam Tayta Dios nimarqan:
2
«Runapa tsurin, mana cäsukuq runakuna täyanqanchömi taykanki. Tsay runakuna ñawiyuq karpis manam rikayantsu. Rinriyuq karpis manam wiyayantsu. Mana cäsukuq karmi tsaynö kayan.
3
«Tsaymi qepikita alistakuskir llapan runa rikaykäyäshuptiki prësu aywaykaqnö aywaq tukunki. Pïmaypis rikayäshuptiki täranqaykipita jukläpa aywakunki. Tsaynö rikayäshurniki capazmi mana cäsukuq kayanqanta tantiyakuyanman.
4
«Juklä nacionman prësu apayäshunaykipä alistakuqnö llapan rikaraykäyäshuptiki alistakunqayki qepikita junaqpa jipinki. Tardipana llapanpa rikananchö prësu aywakuykaqnö wayikipita yarqunki.
5
Wayikipita yarqunaykipä llapanpa rikananchö adöbita uchkuskir qepikita aparikurkur tsaypa yarqunki.
6
Patsa tsakaykaptinna llapan rikaykäyäshuptiki qepikita apakurkur aywakunki. Qepapa mana rikanaykipä cäraykita tsapakunki. Tsaynöpam Israel runakunata tantiyatsinki nacionninpita prësu yarquyänanpä kanqanta».
7
Tsaymi Tayta Dios nimanqannölla llapanta rurarqä. Juklä nacionman prësu apayämaptin aywaqnömi alistakurqä. Junaqpam apanäpä kaqkunata jipirqä. Tardipanam wayipita yarqunäpä adöbita uchkurqä. Patsa tsakaykaptinnam llapan runa rikaraykäyämaptin qepïta aparikurkur aywakurqä.
8
Waraynin wäraynam Tayta Dios nimarqan:
9
«Runapa tsurin, mana cäsukuq Israel runakunam tapuyäshunki imanir tsaynö ruranqaykita.
10
Tsaynö tapuyäshuptiki ninki: «Tayta Diosmi nin: Kay rikayanqayki kaykan Jerusalénchö reyta y tsaychö täraqkunata ima päsananpä kanqantapis tantiyayänaykipämi».
11
«Tsaypitana willanki: «Jerusalénchö reyta y tsaychö täraq runakunatapis juklä nacionmanmi contrankuna prësu apayanqa. Tsaymi wayïpita yarqunqäta rikayanqaykinölla paykunapis yarquyanqa.
12
Tayta Diosmi nin: Reypis qepin aparishqam murälla pirqata uchkuyanqanpa paqaspa qeshpinqa. Markanta mana rikananpämi cäranta tsapakurkur aywakunqa.
13
Tsaynö aywaykaqtam atarräyäwan tsariskir caldeo runakunapa nacionnin Babiloniaman prësu apatsishä. Tsaynö kaptinpis tsay nacionta manam rikanqatsu. Tsay nacionllachönam wanukunqa.
14
«Reypa llapan cuidaqninkunatapis y soldädunkunatapis wakpa kaypam mashtakätsishä. Tsaynö mashtakashqa kaykaqtam qati qatiykur espädawan wanutsishä.
15
Wakinkunanam juklä nacionkunachö y jäpa markakunachö prësu kayanqa. Tsayrämi Tayta Dios kanqäta musyayanqa.
16
«Juk ishkay runakuna guërrapita qeshpiyänanpämi permitishä. Wakinkunanam qeshyawanpis ni mallaqaywanpis wanuyanqatsu. Contrankuna juk nacionkunaman prësu apayaptinmi tsay nacionkunachö willakuyanqa jutsata rurayanqanpita castiganqäta. Tsayrämi Tayta Dios kanqäta musyayanqa».
17
Yapaymi Tayta Dios nimarqan:
18
«Runapa tsurin, mikunqayki höra y yakuta upunqayki höra llakikuywan y mantsariywan pasaypa tsuktsukyay.
19
Babiloniachö taykaq Israel marka mayikikunata ninki: «Tayta Diosmi nin: Jerusalénchö y Israelchö täraq runakuna runa mayinta ñakatsiyanqanpita castigaptïmi nacionninpis tsunyaq quëdanqa. Tsayta musyarmi mikuytapis pasaypa mantsarir mikuyanqa y yakutapis llakishqam upuyanqa.
20
Markankunapis raqällana quëdaptinmi entëru nacionpis pasaypa tsunyaqllana kanqa. Tsayrämi Tayta Dios kanqäta musyayanki».
21
Tayta Diosmi yapay nimarqan:
22
«Runapa tsurin, ¿imanirtä Israel runakuna niyan: «Killatsarkunpis watatsarkunpis profëta willakunqanqa manam imaypis cumplintsu»?
23
Kanan tsay runakunata niy: «Tayta Diosmi nin: Noqam permitishä Israelchö tsay parlata manana parlayänanpä. Profëtäkunawan willakatsinqänöllam llapanpis cumplinanpäna kaykan.
24
«Kananpitaqa llulla profëtakuna manam Israel runakunata llullapäyanqanatsu ni manakaqkunamanpis yärakatsiyanqanatsu.
25
Willakuqnïkuna imata willakuyänanpäpis kikïmi parlapäshä. Willakatsinqänöllam llapanpis kanqa. Manarä wanuyaptikim ninqänölla llapantapis cumplishä. Mana wiyakuq runakuna, tantiyakuyay». Tayta Diosmi tsaynö nin».
26
Tayta Diosmi yapay nimarqan:
27
«Runapa tsurin, Israel runakunam parlaykäyan: «Imaykapis päsananpä kanqanta willakunqan mä imayshi kanqa».
28
Kanan paykunata willay: «Tayta Diosmi nin: Pöcullanam pishiykan ninqäkuna cumplinanpä. Ninqäkunaqa llapanmi cumplinqa». Tayta Diosmi tsaynö nin».
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48