bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Quechuan
/
Quechuan QXO (Biblia en Quechua del sur de Conchucos)
/
Ezekiel 23
Ezekiel 23
Quechuan QXO (Biblia en Quechua del sur de Conchucos)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
1
Tayta Diosmi nimarqan:
2
«Runapa tsurin, juk kutichömi ishkay warmi wamrakuna tsay ñañalla kayarqan.
3
Jipashyarnam paykunaqa Egiptuchö jukta jukta waynäkuyarqan. Chuchunkunatapis yataparmi perditsiyarqan.
4
Mayor kaqpa jutinmi karqan Ahola y qepa kaqpanam jutin karqan Aholiba. Ishkanwan taptïmi ollqupis warmipis tsurïkuna kashqa. Aholam Samaria marka y Aholibanam Jerusalén marka.
5
«Aholaqa warmï kaykarmi vecïnun Asiria runakunata waynäkurqan.
6
Paykunaqa llapanpis kayarqan granäti röpashqa y caballunkuna muntashqam. Tsaynöllam kayarqan capitán, mandakuqkuna y shumaq jövinkuna.
7
Aholaqa valienti Asiria runakunawan kakurmi ïdulunkunatapis adorar pasaypa jutsata rurashqa.
8
«Egiptuchö jipashllarä kaykar jukwan jukwan kakunqannöllam Asiria runakunawanpis kakurqan. Chuchunkunata yatapar Egipto runakuna perditsiyanqannöllam Asiria runakunapis mañösayätsiyarqan.
9
Tsaymi waynäkunqan Asiria runakunapa poderninman dëjaskirqä.
10
Tsay runakunam payta qarapachaskir espädawan wanutsiyarqan. Tsaypitanam wamrankunata warmita ollqutapis apakuyarqan. Tsaynö ushakanqantam maytsaychöpis warmikuna parlayan.
11
«Tsayta rikarmi ñañan Aholibapis pasaypa mañösayar ñañanpitapis mas peorrä pïmaywanpis kakurqan.
12
Paypis ñañannömi Asiria runakunata pasaypa kuyakurkurqan. Asiria runakunam llapanpis kuyayllapä azul röpashqa y caballunkuna muntashqa kayarqan. Tsaynöllam capitankunalla, mandakuqkunalla y shumaq jövinkunalla kayarqan.
13
Tsaymi Aholibatapis rikarqü ñañantanölla jukwan jukwan kakuqta.
14
«Aholiba pïmaywanpis lluta puriykanqanchömi Babilonia runakunata murälla pirqakunachö pukawan dibujashqa kaykaqta rikashqa.
15
Tsay dibujashqa runakunapa tseqllankunapis wachukuwan wachakäkushqa, umankunapis kuyayllapä tëlawan watashqa y Babiloniapita shamuq capitankuna niraqllam kayashqa.
16
«Tsay dibüjukunata rikaykurmi Babilonia runakunawanpis kakuyta munar kachata mandarqan pushamunanpä.
17
Tsaynöpam Babilonia runakuna chäyämuptin jukninwan jukninwan kakur pasaypa jutsata rurashqa. Tsaynö jutsata rurarmi melananqanyaq paykunawan kakushqa.
18
«Mana penqakuypa lluta pitapis waynäkuptin ñañanta rikayta mana munanqänöllam Aholibatapis rikayta munarqütsu.
19
Tsay jananmanpis Egiptuchö jipashllarä kaykar pïmaywanpis kakunqanta yarpaskirmi mana penqakuypa pïmaywanpis kakushqa.
20
Egiptuchö pasaypa mañösa karmi pïmaytapis waynäkushqa. Tsay runakunapaqa compañonninkunapis ashnupanörämi y lëchinpis caballupanörämi kashqa.
21
Tsaymi jipashllarä kaykar Egipto runakunawan kakunqannö kakushqa. Tsaychömi chuchunkunatapis yatapar perditsiyashqa».
22
Tsaymi Tayta Dios nin: «Aholiba, kananqa melananqayki waynaykikunawanmi chikitsishayki. Tsaymi ushakätsiyäshunaykipä maytsaypitapis shayämunqa.
23
Tsay runakunam shayämunqa Asiriapita y Babiloniachö Caldeapita. Tsay caldeo runakunam kayanqa Pecod, Soa y Coa partikunapita. Llapanpis kayanqa kuyayllapä jövinkuna, capitankuna, mandakuqkuna y caballun muntashqa reqishqa runakunam.
24
«Maytsay nacionpitam atskaq soldädukuna atacayäshunaykipä carrëtankunawan shayämunqa. Escüdunkuna y armankuna aptashqa y fiërru cascunkuna jatikushqam shayämunqa. Castigayäshunaykipä mandaptïmi munayanqannö castigayäshunki.
25
Pasaypa rabyashqa karmi mandashä vinciskir senqaykita y rinrikita roquyäshunaykipä. Wamraykikunata ollqutapis warmitapis qechuyäshurnikim espädawan wanutsiyanqa. Tsaypitanam llapan imaykaykikunatapis rupatsiyanqa.
26
Röpaykikunatapis alhäjaykikunatapis llapantam apayanqa.
27
«Tsaynöparämi Egiptuchö pïmaywanpis mañösayar kakunqaykinö manana kankinatsu. Mananam ïdulukunata adorankinatsu ni Egipto runakunapä yarparankinatsu».
28
Tayta Diosmi nin: «Chikinqayki nación runakunapa poderninman y melananqayki runakunapa makinmanmi dëjashayki.
29
Paykuna pasaypa chikiyäshurnikim qoriyanqaykita qechur qarapachäyäshunki. Penqakuypä pïmaywanpis lluta kanqayki chipyaqmi musyakanqa.
30
Tsaynö ñakanaykipä kikikim jutsayuq kanki. Qamqa juk nación runakunawanmi kakurquyki y paykuna adorayanqan ïdulukunatam adorarquyki.
31
Ñañayki ruranqannöllam qampis rurarquyki. Tsaymi ñañaykita uputsinqä castïgu cöpäta qamtapis uputsishayki».
32
Tayta Diosmi nin: «Ñañaykita uputsinqä jatunkaray cöpapitam uputsishayki. Tsay cöpaqa anchu y jondum. Tsaypita upuptikim pïmaypis manakaqman churashurniki asipäyäshunki.
33
Tsay cöpaqa ñañayki Samaria upunqan mantsariypä cöpam. Tsaymi tsaypita upur macharnin pasaypa llakikunki.
34
Chipyaq upuskirmi tsay cöpata pakiskir chuchuykitapis qashar ushanki». Tayta Diosmi tsaynö nin.
35
Tsaymi Tayta Dios nin: «Qonqaykamar penqakuypä kawanqaykipitam pasaypa ñakanki».
36
Tayta Diosmi nimarqan: «Runapa tsurin, Ahola y Aholiba jutsata rurayanqanpita qayapay.
37
Paykuna ïdulukunata adorarmi adulteriu jutsata ruraqnö kaykäyan. Tsaynöllam ïdulukunata adorar wamrankunata altarchö kayar wanutsikuq kaykäyan.
38
Mana penqakuq karmi wamrankunata wanutsiyanqan junaqlla adorayämänanpä templüman yaykuyashqa. Tsaynöpam templüta impüruyätsiyashqa. Jamay junaqtapis manam respitayantsu.
39
Yapaymi nï: Ïdulunkunata adorar wamrankunata kayayanqan junaqllam adorayämänanpä yaykur templüta manakaqman churayashqa. ¡Templütarämi impüruyätsiyashqa!
40
«Tsaynöllam karuchö täraq runakunata qayatsiyänanpä tsay warmikuna mandayarqun. Qayatsiyanqan runakuna chaykuyaptinmi tsay warmikuna bäñakur ñawinkunata pintakuyashqa y shumaq kayänanpä adornunkunatapis jatikuyashqa.
41
Kuyayllapä cäma jananman tsay runakunawan jamaykurmi ñöpanchö kaykaq mësaman sagrädu inciensiutawan perfümitapis churayashqa.
42
Wayinchö fiestata rurar qayaräyanqanmi wiyakämushqa. Desiertupita shamuq runakunapis tsayman chaykurmi pulcërakunata y kuyayllapä corönakunata jatitsiyashqa.
43
«Tsaymi yarpayllächö nirqä: «Tsay chakwasyashqa mañösa warmikunawan kakuyta munarqa kakuyätsunpis».
44
Tsay yarpanqänöllam Aholaman y Aholibamanqa atskaq runakuna shayämushqa. Mana penqakuq warmi kayaptinmi juknin jukninpis paykunawan kakuyashqa.
45
Tsaynö kayanqanpitam jutsaynaq runakuna tsay warmikunata juzgayanqa. Runanta engañaq warmi kayanqanpita y wanutsikuq kayanqanpita juzgarmi condenayanqa. Wanutsikuq kayaptinmi makinkunapis yawarllana kaykan».
46
Tayta Diosmi nin: «Paykunata atacananpä atskaq runakunata mandamuptïmi llapan imaykantapis apayanqa.
47
Saqmar ushayanqa. Espädankunawan tuksiyanqa. Wamrankunatapis ollquta warmita wanutsiyanqa. Wayinkunatapis kayar ushayanqa.
48
Tsaynöpam kay nacionchö melanaypä mana alli ruraykunata ushakätsishä. Tsayta rikarmi wakin warmikunapis tsaynö kayanqanatsu.
49
Tsay warmikuna ïdulukunata adorayanqanpitam castigashä. Tsayrämi Tayta Dios kanqäta musyayanki».
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48