Joshua 15

Kirundi (Bibliya Yera 1951, 1967 (Burundi))

← Chapter 14 Jump to: Chapter 16 →

1Ishamvu umuryango w’Abayuda waheshejwe n’ubupfindo, nk’ukw amazu yabo ari, yagarukira ku rubibe rw’Abanyedomu, ikerekera i bumanuko ahahera mu bugaragwa bg’i Zini, ikarinda ishika no kw iherezo ryabgo ry’i bumanuko.

2Urubibe rwabo rw’i bumanuko rwāhēra ah’ Ikiyaga c’Umunyu gitaye ikirimi aharāba i bumanuko;

3rugaca hirya y’umudūgo w’i Akurabimu ahahera i bumanuko nyene, rukagenda rugaca i Zini, rukadūga rugaca ku ruhande rw’i bumanuko rw’i Kadeshi‐baruneya, rugaca hafi y’i Hesironi, rukadūga Adari, rugakebereza i Karika;

4rugaca ahitwa Asimoni, rukagarukira ku ruzi rwa Egiputa, maz’ urwo rubibe rukaruma ku kiyaga. Urwo ni rwo rubibe rwabo rw’i bumanuko.

5Urubibe rw’i burasirazuba rwar’ Ikiyaga c’Umunyu gushitsa aho Yorodani rushikira muri co. Urubibe rw’i burārūko rwāhēra ah’ ico kiyaga gitaye ikirimi, hamwe nyene Yorodani rushikira muri co;

6urwo rubibe rwādūga i Beti‐hogula, rugaca ku ruhande rw’i burārūko rw’i Beti‐araba; rukadūga rugashika kw ibuye rya Bohani mwene Reyubeni;

7rugakomeza rukadūga i Debira ruvuye mu Kiyaya Akori, rugakomeza rurtyo ruja i burārūko rwerekeye i Gilugali, aharābana n’ inzira idūga Adumimu, umusozi wo hakurya, ahahera i bumanuko; rugakomeza rugaca ku mazi y’i Eni‐shemeshi, rukagarukira ahitwa Eni‐rogeli;

8rugaheza rukadūga rukajana umwonga wa mwene Hinomu gushitsa ku mucāmo w’ umusozi w’Abayebusi ahahera i bumanuko, ni wo Yerusalemu; rukadūga gushitsa ku mpinga y’ umusozi uhanamiye uwo mwonga nyene wa Hinomu ahahera i burengerazuba, ni ho umwonga Refayimu wahēra, ku ruhande rw’i burārūko.

9Nuk’ urwo rubibe rukamanuka ku mpinga y’uwo musozi gushitsa kw iriba ry’i Nefutowa, rugahēraho rugashitsa mu bisagara vyo ku musozi Efuroni; rugakebānuka rugaca i Bayala, ari ho Kiriyati‐yeyarimu;

10rugaheza rugakevya, rukava i Bayala, rukagenda rwerekeye i burengerazuba gushitsa ku musozi Seyiri; rugahita rugashika ku mucāmo uhera i burārūko w’umusozi Yeyarimu, ari wo Kesaloni, rukamanuka rugashika i Beti‐shemeshi, rugaca hafi y’i Timuna;

11rugakomeza rugashika ku mucāmo wa Ekuroni ahahera i burārūko; rugakevya, rugaca i Shikeroni, rugashika ku musozi Bayala, rugakomeza gushitsa i Yabuneli, rukaruma ku kiyaga.

12Urubibe rw’i burasirazuba rwar’ ikiyaga kinini, ujanye inkōkoro yaco. Urwo ni rwo rubibe rw’Abayuda impande zose, nk’ukw amazu yabo ari.

13Nuko Kalebu mwene Yefune Yosuwa amuha ishamvu mu muryango wa Yuda, nk’uk’ Uhoraho yamubariye; amuha Igisagara ca Araba, ari ho Heburoni; (Araba uwo ni we se wa Anaki).

14Maze Kalebu ahīrukana bene Anaki batatu, Sheshayi na Ahimanu na Talumayi; abo ni bo bene Anaki.

15Nukw avayo, aradūga, ngw aje gutera ab’i Debira; Debira kera hitwa i Kiriyati‐seferi.

16Kalebu aravuga, at’ Umuntu azotera i Kiriyati‐seferi akahanesha, nzomushingira umwana wanje Akisa.

17Otiniyeli mwene Kenazi, murumuna wa Kalebu, arahanesha; araheza amushingira umukobga wiwe Akisa.

18Maz’ agishika i w’umugabo wiwe, aramwinginga ngw asabe se itongo; Akisa ava ku ndogoba yiwe, Kalebu aramubaza, at’ Ugomba iki?

19Aramwishura, ati Ntabara ungabire: ko wandungitse mu gihugu cumye, mpa n’amariba y’amazi. Nukw amuha amariba yo haruguru n’ayo hepfo.

20Iyi ni yo shamvu y’umuryango w’Abayuda, nk’ukw amazu yabo ari:

21ibisagara vy’umuryango w’Abayuda birābana n’urubibe rw’ Abanyedomu i bumanuko vyari Kabuseri na Ederi na Yagura,

22na Kina na Dimona na Adada,

23na Kedeshi na Hasori na Itunani,

24na Zifu na Teremu na Beyaloti,

25na Hasori‐hadata na Keriyoti‐hezeroni (ari ho Hasori),

26na Amamu na Shema na Molada,

27na Hasari‐gada na Heshimoni na Beti‐peleti,

28na Hasari‐shuwali na Beri‐sheba na Biziyotiya,

29na Bala na Yimu na Esemu,

30na Elitoladi na Kesili na Horuma,

31na Sikulagi na Medumani na Sanusana,

32na Lebayoti na Shiluhimu na Ayini na Rimona; ibisagara vyose na vyose vyari mirongwibiri n’icenda, bifise imihana ibikūkira.

33Ibisagara vyo mu kiyaya vyar’ ibi: Eshitayoli na Sora na Ashina,

34na Sanowa na Eni‐ganimu, na Tapuwa na Enamu,

35na Yaramuti na Aduwamu na Sokoho na Azeka,

36na Sharayimu na Aditayimu na Gedera na Gederotayimu; vyose na vyose vyar’ icumi na bine, bifise imihana ibikūkira.

37Hāri na Senani na Hadasha na Migudali‐gadi,

38na Dilani na Misipe na Yokiteli,

39na Lakishi na Bosikati na Eguloni,

40na Kaboni na Lahimamu na Kitilishi,

41na Gederoti na Beti‐dagoni na Nayama na Makeda; vyose na vyose n’ icumi na bitandatu, bifise imihana ibikūkira.

42Hāri na Libuna na Eteri na Ashanu,

43na Ifuta na Ashuna na Nesibu,

44na Keyila na Akizibu na Maresha; vyose na vyose vyar’ ibisagara cenda, bifise imihana ibikūkira.

45Hāri na Ekuroni bo n’udusagara n’imihana bihakūkira,

46uhereye Ekuroni nyene ugashitsa ku kiyaga, iyo ntāra yose n’ imihana yaho, uko vyagenda biherereye kuri Ashidodi.

47Hāri na Ashidodi nyene, bo n’udusagara n’imihana bihakūkira, na Gaza n’udusagara n’imihana bihakūkira nyene, ugashitsa ku ruzi rwa Egiputa no ku kiyaga kinini ujanye inkōkoro yaco.

48Ibisagara vyo mu mugamba vyār’ ibi: Shamira na Yatira na Sokoho,

49na Dana na Kiriyati‐sana, ari ho Debira,

50na Anaba na Eshitemo na Animu,

51na Gosheni na Holoni na Gilo; vyar’ ibisagara cumi na kimwe bifise imihana ibikūkira.

52Hāri na Araba na Duma na Eshana,

53na Yanimu na Beti‐tapuwa na Afeka,

54na Humata na Kiriyati‐Araba (ari ho Heburoni) na Siyori; vyar’ ibisagara cenda bifise imihana ibikūkira.

55Hāri na Mayoni na Karumeli na Zifu na Yuta,

56na Yezireli na Yokodeyamu na Sanowa,

57na Kayini na Gibeya na Timuna; vyar’ ibisagara cumi bifise imihana ibikūkira.

58Hāri na Halihuli na Beti‐suri na Gedora,

59na Mara na Beti‐anoti na Elitekoni; vyar’ ibisagara bitandatu bifise imihana ibikūkira.

60Hāri na Kiriyati‐bayali (ari ho Kiriyati‐yeyarimu) na Raba: ibisagara bibiri bifise imihana ibikūkira.

61Ibisagara vyo mu bugaragwa vyar’ ibi: Beti‐araba na Midina na Sekaka,

62na Nibushani n’Igisagara c’Umunyu na Eni‐gedi; vyar’ ibisagara bitandatu bifise imihana ibikūkira.

63Arikw Abayebusi bo, ari bo bāba i Yerusalemu, Abayuda ntibāshoboye kubirukana; ariko bībēra i Yerusalemu mu Bayuda gushitsa n’ubu.

← Chapter 14 Jump to: Chapter 16 →