Joshua 21

Kirundi (Bibliya Yera 1951, 1967 (Burundi))

← Chapter 20 Jump to: Chapter 22 →

1Maz’ abakuru b’amazu ya ba sekuruza b’Abalewi baza kuri Eleyazari umuherezi na Yosuwa mwene Nuni n’abakuru b’ amazu ya ba sekuruza b’imiryango y’Abisirayeli,

2aho bāri bari nyene i Shilo mur’ ico gihugu c’i Kanani, barababarira, bat’ Uhoraho yatumye Mose, avuga ko tuzohabga ibisagara vyo kubamwo, hamwe n’amaragiro inyuma yavyo y’amasho yacu.

3Nukw Abisirayeli baha Abalewi mu mashamvu yabo ibi bisagara hamwe n’amaragiro ar’ inyuma yavyo, nk’uk’ Uhoraho yavuze.

4Ubupfindo bushika ku mazu y’ Abakohati; maz’ abuzukuruza ba Aroni umuherezi, bo mu muryango w’Abalewi nyene, ubupfindo bubaha ibisagara cumi na bitatu, bikūwe ku vy’umuryango w’Abayuda no ku vy’uw’ Abasimeyoni no ku vy’uw’ Ababenyamini.

5Abasigaye mu Bakohati ubupfindo bubaha ibisagara cumi, bikūwe ku vy’amazu y’umuryango w’Abefurayimu no ku vy’uw’ Abadani no ku vy’igihimba c’umuryango w’Abamanase.

6Abagerushoni ubupfindo bubaha ibisagara cumi na bitatu, bikūwe ku vy’amazu y’umuryango w’Abisakari no ku vy’uw’ Abasheri no ku vy’uw’ Abanafutali no ku vy’ikindi gihimba c’umuryango w’Abamanase i Bashani.

7Abamerari bahabga ibisagara cumi na bibiri, nk’ukw amazu yabo ari, bikūwe ku vy’umuryango w’ Abareyubeni no ku vy’uw’ Abagadi no ku vy’uw’ Abazebuloni.

8Ibisagara Abisirayeli bāhesheje Abalewi ubupfindo, hamwe n’ amaragiro yavyo, nk’uk’ Uhoraho yabivuze atumye Mose, vyar’ ibi:

9ku vy’umuryango w’Abayuda no ku vy’uw’ Abasimeyoni batanga ibi bisagara bigiye kudōndwa amazina,

10ngo bibe ivy’ ab’ inzu ya Aroni, imwe mu mazu y’Abakohati, bo mu muryango w’Abalewi, kukw ari bo ubupfindo bgabanje kwerekana.

11Nuko babaha Igisagara ca Araba, ari ho Heburoni, mu mugamba w’Abayuda, hamwe n’amaragiro ahakikije; (Araba uwo ni we se wa Anaki).

12Arikw indimiro zo kur’ ico gisagara, n’imihana ihakūkira, babiha Kalebu mwene Yefune kuba ishamvu yiwe.

13Nukw ab’inzu ya Aroni umuherezi ni kwo kubaha i Heburoni nyene, bo n’amaragiro yaho; kandi car’ igisagara c’ubuhungiro bg’uwishe uwundi; babaha n’i Libuna,

14n’i Yatiri n’i Eshitemowa,

15n’i Holoni n’i Debira,

16n’i Ayini n’i Yuta n’i Beti‐shemeshi, bo n’amaragiro bigendanye; vyar’ ibisagara cenda bivuye mur’ iyo miryango ibiri.

17Kandi ku vy’ umuryango w’Ababenyamini batanga Gibeyoni n’i Geba,

18n’i Anatoti n’i Alunoni, bo n’amaragiro bigendanye; vyar’ ibisagara bine.

19Ibisagara vyose na vyose vy’ab’ inzu ya Aroni, ari bo baherezi, vyar’ icumi na bitatu, hamwe n’amaragiro bigendanye.

20Abalewi bo mu yandi mazu y’Abakohati asigaye, ibisagara bāhawe n’ubupfindo vyākūwe ku vy’umuryango w’Abefurayimu.

21Babaha Shekemu n’amaragiro yaho mu mugamba w’Abefurayimu nyene, kandi car’ igisagara c’ubuhungiro bg’uwishe uwundi; babaha n’i Gezeri,

22n’i Kibuzayimu n’i Beti‐horoni, bo n’amaragiro bigendanye; vyar’ ibisagara bine.

23Ku vy’umuryango w’ Abadani babaha Eliteke n’i Gibetoni,

24n’i Ayaloni n’i Gati‐rimoni, bo n’amaragiro bigendanye; vyar’ ibisagara bine.

25Ku vy’igihimba c’umuryango w’Abamanase babaha Tanaki n’amaragiro yaho, n’i Gati‐rimoni n’amaragiro yaho, ivyo bisagara ukw ari bibiri.

26Ibisagara vyose na vyose vy’amazu asigaye y’Abakohati vyar’ icumi, hamwe n’amaragiro bigendanye.

27Abagerushoni bo mu mazu y’ Abalewi, ku vy’igihimba c’umuryango w’Abamanase babaha Golani i Bashani n’amaragiro yaho; car’ igisagara c’ubuhungiro bg’ uwishe uwundi; babaha n’i Beshitera n’amaragiro yaho; ivyo bisagara ukw ari bibiri.

28Ku vy’umuryango w’Abisakari babaha Kishiyoni n’i Daberati,

29n’i Yaramuti n’i Eni‐ganimu, bo n’ amaragiro bigendanye; vyar’ ibisagara bine.

30Ku vy’umuryango w’Abasheri babaha Mishali n’i Abudoni,

31n’i Helikati n’i Rehobu, bo n’amaragiro bigendanye; vyar’ ibisagara bine.

32Ku vy’umuryango w’Abanafutali babaha Kedeshi i Galilaya n’ amaragiro yaho; car’ igisagara c’ ubuhungiro bg’uwishe uwundi; babaha n’i Hamoti‐dora n’amaragiro yaho, n’i Karitani n’amaragiro yaho; vyar’ ibisagara bitatu.

33Ibisagara vyose na vyose vy’Abagerushoni, nk’ukw amazu yabo ari, vyar’ icumi na bitatu, hamwe n’amaragiro bigendanye.

34Amazu y’Abamerari, ari bo Balewi bāsigaye guhabga, babaha ku vy’umuryango w’Abazebuloni ahitwa Yokineyamu n’i Karita,

35n’i Dimuna n’i Nahalali, bo n’ amaragiro bigendanye; vyar’ ibisagara bine.

36Ku vy’umuryango w’Abareyubeni babaha Beseri n’i Yahasi,

37n’i Kedemoti n’i Mefati, bo n’amaragiro bigendanye; vyar’ ibisagara bine.

38Ku vy’umuryango w’Abagadi babaha Ramoti i Gileyadi n’amaragiro yaho; car’ igisagara c’ubuhungiro bg’uwishe uwundi; babaha n’i Mahanayimu,

39n’i Heshiboni n’i Yazeri, bo n’amaragiro bigendanye; vyar’ ibisagara bine.

40Ivyo vyose vyar’ ibisagara vy’ Abamerari, nk’ukw amazu yabo ari, ari yo mazu yar’ agisigaye guhabga mu y’Abalewi; ubupfindo bgabahaye ivyo bisagara ukw ar’ icumi na bibiri.

41Ibisagara Abalewi bāhawe mu mashamvu y’Abisirayeli bandi, vyose na vyose vyari mirongwine n’umunani, hamwe n’amaragiro bigendanye.

42Ivyo bisagara vyose vyari bikikijwe n’amaragiro yavyo; vyose iyo biva bikagera ni ko vyari bimeze.

43Uko ni k’Uhoraho yahaye Abisirayeli bose igihugu yasezeraniye ba sekuruza, ni ko bācegukiye, bakibamwo.

44Uhoraho abaha impore impande zose, nk’uko yarahiye ba sekuruza muri vyose; nta muntu n’umwe mu bansi babo yigeze kubahagarara imbere, arik’ Uhoraho yagenda agabura abansi babo bose mu maboko yabo.

45Nta kintu na kimwe mu vyiza vyose Uhoraho yasezeraniye ab’ inzu ya Isirayeli kitāshitse: ariko vyose vyarasohoye.

← Chapter 20 Jump to: Chapter 22 →