Joshua 20

Kirundi (Bibliya Yera 1951, 1967 (Burundi))

← Chapter 19 Jump to: Chapter 21 →

1Uhoraho abarira Yosuwa,

2ati Barira Abisirayeli, uti Mwirobanurire vya bisagara vy’ ubuhungiro, ut’ Ivyo yababariye atumye Mose;

3uti Kugira ng’ umukoracumu yishe umuntu atabigize ibigirankana, atavyitumye, ahungireyo; uti Ni vyo bizobabera ubuhungiro bgo guhunga ūhōra uwishwe.

4Kand’ umukoracumu ni yahungira mu gisagara kimwe mur’ ivyo, az’ ahagarare kw irembo ry’ico gisagara, adōndere abakuru baho ivyiwe; na bo baze bace bamushikana imbere muri co, bamuhe ah’ aba, abe muri bo.

5Maz’ ūhōra uwishwe ni yamukurikira, ntibaze bamuhe uwo mukoracumu, kuk’ uwo yishe yamwishe atavyitumye, adasanzwe amwanka.

6Nukw az’ agume mur’ ico gisagara gushitsa ah’ azogīra mw ikombe agacirwa urubanza, aheze arorēre igihe umuherezi mukuru azoba ariho mur’ ico gihe azopfira; ni ho uwo mukoracumu azobona gusubira i wabo mu rugo rwiwe, mu gisagara yavuyemw’ ahunga.

7Nuko batoranya i Kedeshi i Galilaya mu mugamba w’Abanafutali, n’i Shekemu mu mugamba w’Abefurayimu, n’i Kiriyati‐Araba, ari ho Heburoni, mu mugamba w’Abayuda.

8Kandi hakurya ya Yorodani i burasirazuba bg’i Yeriko batoranyay’ i Beseri mu bugaragwa bgo mu kiyaya, mu bg’ umuryango w’Abareyubeni, n’i Ramoti i Gileyadi, mu bg’umuryango w’Abagadi, n’i Golani i Bashani, mu bg’umuryango w’ Abamanase.

9Ivyo ni vyo bisagara vyashingiwe Abisirayeli bose, n’umunyamahanga wese aba muri bo, kugira ng’ uwishe umuntu wese atabigize ibigirankana az’ ahungireyo, kugira ng’ ūmuhōra ku wo yishe ntaz’ amwice, gushitsa abanje kuja mw ikombe.

← Chapter 19 Jump to: Chapter 21 →