Joshua 19

Kirundi (Bibliya Yera 1951, 1967 (Burundi))

← Chapter 18 Jump to: Chapter 20 →

1Ubupfindo bga kabiri bushika ku ba Simeyoni, nk’ukw amazu y’umuryango w’Abasimeyoni ari; kand’ ishamvu yabo yar’ itaye ikirimi mu y’umuryango w’ Abayuda.

2Ishamvu yabo bahawe yari Beri‐sheba na Sheba na Molada,

3na Hasari‐shuwali na Bala na Esemu,

4na Elitoladi na Betula na Horuma,

5na Sikulagi na Beti‐marakaboti na Hasari‐susa,

6na Beti‐lebayoti na Sharuheni: ivyo bisagara vyose na vyose vyar’ icumi na bitatu, bifise imihana ibikūkira;

7hāri na Ayini na Rimona na Eteri na Ashani: ivyo na vyo vyari bine, bifise imihana ibikūkira;

8bāhawe n’imihana yose ikikije ivyo bisagara, ukarinda ushika i Balati‐beri, ari ho Rama h’i bumanuko. Iyo ni yo shamvu y’umuryango w’Abasimeyoni, nk’ ukw amazu yabo ari;

9iyo shamvu y’Abasimeyoni yakūwe ku mugabane w’Abayuda, kuk’ umugabane w’Abayuda war’ ubarengeye; ni kubg’ ivyo Abasimeyoni bāhawe ishamvu ku yabo.

10Ubupfindo bga gatatu bushika ku Bazebuloni, nk’ukw amazu yabo ari; igihugu cabo cagarukira i Sarida;

11urubibe rwabo rwādūga rwerekeye i burengerazuba, rukarinda rushika i Marala, rugaca i Dabesheti, rugashika ku mugezi uca imbere y’i Yokineyamu;

12kandi kuva i Sarida nyene, urwerekeye i burasirazuba rwarakevya, rukarinda rushika ku rubibe rw’i Kisiloti‐tabora; rugaca i Daberati, rukadūga rugashika i Yafiya;

13ruvudutse aho, rukagenda rwerekeye i burasirazuba, rugaca i Gati‐heferi n’i Eti‐kasini, rugashika i Rimoni, rugakebereza i Neya;

14ruvuye aho, urwo rubibe rugakebereza i burārūko, rukaja i Hanatoni, rukagarukira ku mwonga Ifutaheli.

15Batwara na Katati na Nahalali na Shimuroni na Idala na Betelehemu: ibisagara vyose na vyose vyar’ icumi na bibiri, bifise imihana ibikūkira.

16Iyo ni yo shamvu y’Abazebuloni, nk’ukw amazu yabo ari, ivyo bisagara bo n’imihana ibikūkira.

17Ubupfindo bga kane bushika ku Bisakari, nk’ukw amazu y’Abisakari ari.

18Urubibe rwabo rwaca i Yezireli n’i Kesuloti n’i Shunemu,

19n’i Hafarayimu n’i Shiyoni n’i Anaharati,

20n’i Rabiti n’i Kishiyoni n’i Ebeza,

21n’i Remeti n’i Eni‐ganimu n’i Eni‐hada n’i Beti‐pazezi;

22kand’ urwo rubibe rwaca n’i Tabora n’i Shahazuma n’i Beti‐shemeshi, rukaruma kuri Yorodani; ivyo bisagara vyose na vyose vyar’ icumi na bitandatu, bifise imihana ibikūkira.

23Iyo ni yo shamvu y’ umuryango w’Abisakari, nk’ukw amazu yabo ari, ivyo bisagara bo n’imihana ibikūkira.

24Ubupfindo bga gatanu bushika ku muryango w’Abasheri, nk’ukw amazu yabo ari.

25Urubibe rwabo rwaca i Helikati n’i Hali n’i Beteni n’i Akishafu,

26n’i Alameleki n’i Amadi n’i Mishali, nuko rugashika i Karumeli ahahera i burengerazuba, rugashika n’i Shihori‐libunati;

27rugaheza rugakebereza i burasirazuba, rugashika i Beti‐dagoni, rugasomana n’ic’ Abazebuloni ku mwonga Ifutaheli ahahera i burārūko, rugaca n’i Beti‐emeki n’i Neyeli, rugakomeza kugenda rwerekeye i burārūko rukarinda rushika i Kabuli,

28n’i Eburoni n’i Rehoba n’i Hamoni n’i Kana, gushika no kuri ca gisagara kinini Sidoni;

29maz’ urwo rubibe rugakevya rugaca i Rama, rugashika no ku gisagara c’i Tiro kizitijwe uruzitiro rw’amabuye; rugaheza rugakebereza i Hosa, rukagarukira ku kiyaga. Batwara na Mahalabu na Akizibu,

30na Uma na Afeka na Rehobu: ibisagara vyose na vyose vyari mirongwibiri na bibiri, bifise imihana ibikūkira.

31Iyo ni yo shamvu y’umuryango w’Abasheri, nk’ukw amazu yabo ari, ivyo bisagara bo n’imihana ibikūkira.

32Ubupfindo bga gatandatu bushika ku Banafutali, nk’ukw amazu y’Abanafutali ari.

33Urubibe rwabo rwāhēra i Helefu, rugaca ku giti c’umweloni kir’ i Sananimu, n’i Adami‐nekebu n’i Yabuneli, rugashika i Lakumu, rukagarukira kuri Yorodani;

34urwo rubibe rugakebereza i burengerazuba rugashika i Azinoti‐tabora, rukavudukaho rugaca i Hukoki, rukagarukira ku gihugu c’Abazebuloni i bumanuko, no ku c’Abasheri i burengerazuba no ku c’Abayuda kuri Yorodani i burasirazuba.

35Ibisagara bātwaye vyubakiwe inzitiro z’amabuye vyar’ ibi: Sidimu na Sera na Hamati na Rakati na Kinereti,

36na Adama na Rama na Hasori,

37na Kedeshi na Edireyi na Eni‐hasori,

38na Ironi na Migudali‐eli na Horemu na Beti‐anati na Beti‐shemeshi; ivyo bisagara vyose na vyose vyar’ icumi n’icenda, bifise imihana ibikūkira.

39Iyo ni yo shamvu y’ umuryango w’Abanafutali, nk’ukw amazu yabo ari, ivyo bisagara bo n’imihana ibikūkira.

40Ubupfindo bugira indwi bushika ku muryango w’Abadani nk’ukw amazu yabo ari.

41Urubibe rw’ishamvu yabo rwaca i Sora n’i Eshitayoli n’i Irishemeshi,

42n’i Shalabina n’i Ayaloni n’i Itula,

43n’i Eloni n’i Timuna n’i Ekuroni,

44n’i Eliteke n’i Gibetoni n’i Balati,

45n’i Yehudi n’i Beneberake n’i Gati‐rimoni,

46n’i Meyarakoni n’i Rakoni no mu ntāra irābana n’i Yopa.

47Maz’ igihugu c’Abadani kibāgiye, baradūga, batera i Leshemu, barahatsinda, baharanduza inkota, baca barahegukira, barahaba; maze Leshemu bahīta Dani, bahītiranije na sekuruza wabo Dani nyene.

48Iyo ni yo shamvu y’ umuryango w’Abadani, nk’ukw amazu yabo ari, ivyo bisagara n’ imihana ibikūkira.

49Bahejeje kugabanganya igihugu mw amashamvu nk’ukw imbibe zayo ziri, Abisirayeli baha Yosuwa mwene Nuni ishamvu hagati yabo;

50bamuha igisagara yasavye citwa i Timunati‐sera, co mu mugamba w’Abefurayimu, nk’ uk’ Uhoraho yabigeze; asanura ico gisagara, akibamwo.

51Ayo ni yo mashamvu Eleyazari umuherezi, na Yosuwa mwene Nuni, n’abakuru b’amazu ya ba sekuruza bo mu miryango y’Abisirayeli, bagaburishije ubupfindo bar’ i Shilo imbere y’Uhoraho, ku muryango w’ihema ry’ibonaniro. Uko ni ko barangije kugabanganya igihugu.

← Chapter 18 Jump to: Chapter 20 →