1 Chronicles 2 — Shan

1လုၵ်ႈၸၢႆး ဢီႉသရေႇလႃႉ ၸမ်ႉ၊ ပဵၼ် ရူႉပိၼ်ႇ၊ သီႉမုၼ်ႇ၊ လေႇဝီႉ၊ ယူႉတႃႉ၊ ဢီႉသၶႃႇ၊ ၸေႇပူႉလုၼ်ႇ ၊-

2တၢၼ်ႇ၊ ယူဝ်းသႅပ်ႈ၊ ပိၼ်ႇယႃႇမိၼ်ႇ၊ ၼပ်ႉထလီႉ၊ ၵၢတ်ႉ တင်း ဢႃႇသႃႇ ဢေႃႈ။-

3လုၵ်ႈၸၢႆး ယူႉတႃႉ ၸမ်ႉ၊ ပဵၼ် ဢေးရႃႉ၊ ဢေႃးၼၼ်ႇ တင်း သေးလႃႉ သၢမ်ၵေႃႉဢၼ်မၼ်းလႆႈတီႈလုၵ်ႈယိင်း ပႃႇသသူႉဢႃႉ ဢၼ်ပဵၼ်မဵဝ်း ၶႃႇၼၼီႉ ၼၼ်ႉဢေႃႈ။ ဢေးရႃႉ လုၵ်ႈၸၢႆးတူၼ်ႈ ယူႉတႃႉ ၼၼ်ႉ ပဵၼ်ၵေႃႉဢၼ်ႁၢႆႉမိူၵ်ႈၵႃႈတီႈၽၢႆႇၼႃႈထႃႇဝရႃႉၽြႃးလႄႈ၊ မၼ်းၸဝ်ႈဢဝ်မၼ်းတၢႆသေဢေႃႈ။-

4လုၵ်ႈၸၢႆးဢၼ်မၼ်းလႆႈတီႈလုၵ်ႈပႂ်ႉမၼ်း တႃႇမႃႇ ၼၼ်ႉၸမ်ႉ၊ ပဵၼ် ၽေးရိတ်ႉ တင်း ၸႃႇရႃႉ ဢေႃႈ။ လုၵ်ႈၸၢႆး ယူႉတႃႉ ၵႃႈမီးၸမ်ႉ၊ ပဵၼ်ႁႃႈၵေႃႉဢေႃႈ။-

5လုၵ်ႈၸၢႆး ၽေးရိတ်ႉ ၸမ်ႉ၊ ပဵၼ် ႁေႇၸရုၼ်ႇ တင်း ႁႃႇမူႉလႃႉ ဢေႃႈ။-

6လုၵ်ႈၸၢႆး ၸႃႇရႃႉ ၸမ်ႉ၊ ပဵၼ် ၸီႉမရီႉ၊ ဢေႇသၼ်ႇ၊ ႁေႇမၼ်ႇ၊ ၶႃႇလႃႉၵေႃႇလႃႉ၊ တႃႇရႃႉ လႄႈ ပွင်းၵၼ်ပဵၼ်ႁႃႈၵေႃႉဢေႃႈ။-

7လုၵ်ႈၸၢႆး ၵႃႇမီႉ ၸမ်ႉ၊ ပဵၼ် ဢႃႇၶၼ်ႇ ဢၼ်ဢဝ်လွင်ႈတၢင်းဢၼ် ထုၵ်ႇၵိၼ်ႇထုၵ်ႇဝႃႈၼၼ်ႉလႄႈ ၽိတ်းပိူင်ႈသေယဝ်ႉ၊ ပဵၼ်ၵေႃႉဢၼ်ယႃႉယူၵ်ႉ မဵဝ်း ဢီႉသရေႇလႃႉ ၼၼ်ႉဢေႃႈ။-

8လုၵ်ႈၸၢႆး ဢေႇသၼ်ႇ ၸမ်ႉ၊ ပဵၼ် ဢႃႇၸရီႉ ဢေႃႈ။

9လုၵ်ႈၸၢႆးဢၼ် ႁေႇၸရုၼ်ႇ လႆႈၼၼ်ႉၸမ်ႉ၊ ပဵၼ် ယေႇရမေးလႃႉ၊ ရမ်ႇ တင်း ၵႃႇလူႉပီႉ ဢေႃႈ။-

10ရမ်ႇ မီးလုၵ်ႈၸၢႆး ဢမီႉၼတပ်ႉ၊ ဢမီႉၼတပ်ႉ ၼၼ်ႉမီးလုၵ်ႈၸၢႆး ၼႃႇသုၼ်ႇ ဢၼ်ႁဵတ်းပူဝ်ႇၵႃႈၼႂ်းမဵဝ်း ယူႉတႃႉ ၼၼ်ႉဢေႃႈ။-

11ၼႃႇသုၼ်ႇ ၼၼ်ႉမီးလုၵ်ႈၸၢႆး ၸႃႇလမႃႇ၊ ၸႃႇလမႃႇ ၼၼ်ႉမီးလုၵ်ႈၸၢႆး ပေႃးၸႃႉ ၊-

12ပေႃးၸႃႉ ၼၼ်ႉ မီးလုၵ်ႈၸၢႆး ဢူဝ်းပိတ်ႉ၊ ဢူဝ်းပိတ်ႉ ၼၼ်ႉမီးလုၵ်ႈၸၢႆး ယေႇသႄး ဢေႃႈ။-

13ယေႇသႄး ၼၼ်ႉ မီးလုၵ်ႈၸၢႆးတူၼ်ႈ ဢေးလျႃႇၽႃႉ ၊ လုၵ်ႈၸၢႆးတူႉတီႉယႃႉ ဢၽီႉၼတပ်ႉ ၊ လုၵ်ႈၸၢႆးတႃႉတီႉယႃႉ သီႉမႃႇ ၊-

14လုၵ်ႈၸၢႆးၸတုၵ်ႉထႃႉ ၼႃႇသၼေႇလႃႉ ၊ လုၵ်ႈၸၢႆးပိၼ်ႇၸမႃႉ ရတ်ႉတေႇ ၊ လုၵ်ႈၸၢႆးသႃႉထမႃႉ ဢူဝ်းၸိမ်း ၊ လုၵ်ႈၸၢႆးသတ်ႉတမႃႉ တႃႇဝိတ်ႈ ဢေႃႈ။-

15ၼွင်ႉယိင်းၶဝ်ၸမ်ႉ၊ ပဵၼ် ၸေႇရူႉယႃႇ တင်း ဢၽီႉၵေးလႃႉ ဢေႃႈ။-

16လုၵ်ႈၸၢႆး ၸေႇရူႉယႃႇ ၸမ်ႉ၊ ပဵၼ် ဢၽီႉသေး၊ ယႂႃႇၽႃႉ တင်း ဢႃႇသႃႇႁေးလႃႉ ဢၢၼ်ႇပွင်းၵၼ်ပဵၼ်သၢမ်ၵေႃႉဢေႃႈ။-

17လုၵ်ႈၸၢႆး ဢၽီႉၵေးလႃႉ ၸမ်ႉ၊ ပဵၼ် ဢႃႇမသႃႉ ဢေႃႈ။ ပေႃႈ ဢႃႇမသႃႉ ၸမ်ႉ၊ ပဵၼ် ယေႇသႃႇ မဵဝ်း ဢီႉသမေႇလႃႉ ဢေႃႈ။

18လုၵ်ႈၸၢႆး ဢၼ် ၵႃႇလႅပ်ႉ လုၵ်ႈၸၢႆး ႁေႇၸရုၼ်ႇ လႆႈတီႈမေးမၼ်း ဢၸူႉၽႃႉ တင်း ယေႇရုတ်ႉ ၼၼ်ႉၸမ်ႉ၊ ပဵၼ် ယေႇသႃႇ၊ သေႃးပပ်ႉ တင်း ဢႃႇတုၼ်ႇ ဢေႃႈ။-

19ဢၸူႉၽႃႉ တၢႆသေလႄႈ ၵႃႇလႅပ်ႉ သိမ်းဢဝ် ဢေႇၽရတ်ႉ လႄႈ သမ်ႉလႆႈလုၵ်ႈၸၢႆး ႁူႉရႃႉ တီႈမၼ်းၼၼ်ႉထႅင်ႈဢေႃႈ။-

20ႁူႉရႃႉ ၼၼ်ႉ မီးလုၵ်ႈၸၢႆး ဢူႉရီႉ၊ ဢူႉရီႉ ၼၼ်ႉမီးလုၵ်ႈၸၢႆး ပေႇၸလေႇလႃႉ ဢေႃႈ။-

21လိုၼ်းၼၼ်ႉ ႁေႇၸရုၼ်ႇ ၼၼ်ႉ ႁူမ်ႈပွင်းၵၼ်တင်းလုၵ်ႈယိင်း မႃႇၶီႉရႃႉ ပေႃႈ ၵီႉလတ်ႉ ဢၼ်မၼ်းသိမ်းဢဝ်မိူဝ်ႈဢၼ် ဢသၢၵ်ႈမၼ်းလႆႈ ႁူၵ်းသိပ်းပီႊယဝ်ႉၼၼ်ႉလႄႈ မၼ်းၼၼ်ႉၵိူတ်ႇလဵင်ႉ ၸေးၵုပ်ႉ မႃးတီႈမၼ်းဢေႃႈ။-

22ၸေးၵုပ်ႉ ၼၼ်ႉမီးလုၵ်ႈၸၢႆး ယႃႇဢီႉရႃႉ ဢၼ်လႆႈဢုပ်ႉပိူင်ႇဝဵင်းသၢဝ်းပၢႆသၢမ်ဝဵင်း ၵႃႈၼႂ်းမိူင်း ၵီႉလတ်ႉ ၼၼ်ႉဢေႃႈ။-

23ၵေႇသူႉရႃႉ တင်း ဢႃႇရမ်ႇ တိုၵ်းဢဝ်ဝဵင်း ယႃႇဢီႉရႃႉ ၸိူဝ်းၼၼ်ႉသေၵႃႈတီႈၶဝ် ဢိၵ်ႇတင်းဝဵင်း ၵေးၼတ်ႉ တင်းဝၢၼ်ႈမၼ်းတင်းလၢႆ ဢၼ်ဝႃႈဝဵင်းႁူၵ်းသိပ်းဝဵင်းဢေႃႈ။ ၶဝ်တင်းသဵင်ႈတင်းလူင်ၸိူဝ်းၼႆႉပဵၼ်လုၵ်ႈလၢၼ် မႃႇၶီႉရႃႉ ပေႃႈ ၵီႉလတ်ႉ ၼၼ်ႉဢေႃႈ။-

24လိုၼ်းသေ ႁေႇၸရုၼ်ႇ တၢႆၵႃႈတီႈဝဵင်း ၵႃႇလႅပ်ႉဢေႇၽရတ်ႉ ၼၼ်ႉယဝ်ႉၼၼ်ႉ၊ ဢၽီႉ မေး ႁေႇၸရုၼ်ႇ ၼၼ်ႉၵိူတ်ႇလဵင်ႉ ဢႃႇသူႉရႃႉ ဢၼ်ပဵၼ်ပေႃႈ တေႇၵေႃႇ ၼၼ်ႉ မႃးတီႈမၼ်းဢေႃႈ။

25လုၵ်ႈၸၢႆး ယေႇရမေးလႃႉ လုၵ်ႈၸၢႆးတူၼ်ႈ ႁေႇၸရုၼ်ႇ ၼၼ်ႉၸမ်ႉ၊ ပဵၼ် ရမ်ႇ လုၵ်ႈၸၢႆးတူၼ်ႈမၼ်း ဢိၵ်ႇတင်း ပူႉၼႃႉ၊ ဢူဝ်းရိၼ်ႇ၊ ဢူဝ်းၸိမ်း တင်း ဢႁီႉယႃႉ ဢေႃႈ။-

26ယေႇရမေးလႃႉ ၼၼ်ႉ မီးမေးတၢင်ႇၵေႃႉဢၼ်လႆႈၸိုဝ်ႈ ဢႃႇတရႃႉ ဢေႃႈ။ မႄႈယိင်းၼၼ်ႉပဵၼ်မႄႈ ဢေႃးၼမ်ႇ ဢေႃႈ။-

27လုၵ်ႈၸၢႆး ရမ်ႇ ဢၼ်ပဵၼ်လုၵ်ႈၸၢႆးတူၼ်ႈ ယေႇရမေးလႃႉ ၼၼ်ႉၸမ်ႉ၊ ပဵၼ် မႃႇၸႃႉ၊ ယႃႇမိၼ်ႇ တင်း ဢေးၵႃႇ ဢေႃႈ။-

28လုၵ်ႈၸၢႆး ဢေႃးၼမ်ႇ ၸမ်ႉ၊ ပဵၼ် သမ်ႇမေႇ တင်း ယႃႇတႃႉ ဢေႃႈ။ လုၵ်ႈၸၢႆး သမ်ႇမေႇ ၸမ်ႉ၊ ပဵၼ် ၼႃႇတပ်ႉ တင်း ဢၽီႉသူႉရႃႉ ဢေႃႈ။-

29ၸိုဝ်ႈသဵင်မေး ဢၽီႉသူႉရႃႉ ၼၼ်ႉပဵၼ် ဢၽီႉႁေးလႃႉ လႄႈ မၼ်းၼၼ်ႉၵိူတ်ႇလဵင်ႉ ဢႃႇပၼ်ႇ တင်း မေႃႇလိတ်ႉ မႃးတီႈမၼ်းဢေႃႈ။-

30လုၵ်ႈၸၢႆး ၼႃႇတပ်ႉ ၸမ်ႉ၊ ပဵၼ် သေးလိတ်ႉ တင်း ဢပ်ႉပိမ်း ဢေႃႈ။ သေးလိတ်ႉ ၼၼ်ႉယင်းဢမ်ႇမီးလုၵ်ႈၸၢႆးလႄႈတၢႆသေဢေႃႈ။-

31လုၵ်ႈၸၢႆး ဢပ်ႉပိမ်း ၸမ်ႉ၊ ပဵၼ် ဢီႉသီႉ ဢေႃႈ။ လုၵ်ႈၸၢႆး ဢီႉသီႉ ၸမ်ႉ၊ ပဵၼ် သေႇသၼ်ႇ ဢေႃႈ။ လုၵ်ႈၸၢႆး သေႇသၼ်ႇ ၸမ်ႉ၊ ပဵၼ် ဢႃႇလေႇ ဢေႃႈ။-

32လုၵ်ႈၸၢႆး ယႃႇတႃႉ ၼွင်ႉၸၢႆး သမ်ႇမေႇ ၸမ်ႉ၊ ပဵၼ် ယေႇသႃႇ တင်း ယေႃးၼသၼ်ႇ ဢေႃႈ။ ယေႇသႃႇ ၼၼ်ႉယင်းဢမ်ႇမီးလုၵ်ႈၸၢႆးလႄႈတၢႆသေဢေႃႈ။-

33လုၵ်ႈၸၢႆး ယေႃးၼသၼ်ႇ ၸမ်ႉ၊ ပဵၼ် ပေးလိတ်ႉ တင်း ၸႃႇၸႃႉ ဢေႃႈ။ ၶဝ်ၸိူဝ်းၼႆႉၸမ်ႉ၊ ပဵၼ်လုၵ်ႈပဵၼ်လၢၼ် ယေႇရမေးလႃႉ ဢေႃႈ။-

34သေႇသၼ်ႇ ၼၼ်ႉ ယင်းဢမ်ႇမီးလုၵ်ႈၸၢႆး၊ မီးလုၵ်ႈယိင်းၵူၺ်းၵူၺ်းဢေႃႈ။ သေႇသၼ်ႇ ၼၼ်ႉ မီးၶႃႈၵူၼ်းၸၢႆးၵူၼ်း ဢေႇၵိပ်ႉတူႉ ဢၼ်လႆႈၸိုဝ်ႈ ယႃႇႁႃႉ ၵေႃႉၼိုင်ႈ ဢေႃႈ။-

35သေႇသၼ်ႇ ၼၼ်ႉ ဢဝ်လုၵ်ႈယိင်းမၼ်းၵေႃႉၼိုင်ႈ ပၼ်ၵၼ်တင်း ယႃႇႁႃႉ ဢၼ်ပဵၼ်ၶႃႈမၼ်းၼၼ်ႉသေယဝ်ႉ၊ လုၵ်ႈယိင်းမၼ်းၵိူတ်ႇလဵင်ႉ ဢတ်ႉတေႇ မႃး ပုၼ်ႈပေႃႈမၼ်းဢေႃႈ။-

36ဢတ်ႉတေႇ ၼၼ်ႉ မီးလုၵ်ႈၸၢႆး ၼႃႇသၼ်ႇ၊ ၼႃႇသၼ်ႇ ၼၼ်ႉမီးလုၵ်ႈၸၢႆး ၸႃႇပတ်ႉ ၊-

37ၸႃႇပတ်ႉ ၼၼ်ႉ မီးလုၵ်ႈၸၢႆး ဢေးၽလႃႇလႃႉ၊ ဢေးၽလႃႇလႃႉ ၼၼ်ႉ မီးလုၵ်ႈၸၢႆး ဢူဝ်းပိတ်ႉ ၊

38ဢူဝ်းပိတ်ႉ ၼၼ်ႉ မီးလုၵ်ႈၸၢႆး ယေႇႁူႉ၊ ယေႇႁူႉ ၼၼ်ႉ မီးလုၵ်ႈၸၢႆး ဢႃႇၸရီႉ ၊-

39ဢႃႇၸရီႉ ၼၼ်ႉ မီးလုၵ်ႈၸၢႆး ႁေးလိတ်ႉ၊ ႁေးလိတ်ႉ ၼၼ်ႉမီးလုၵ်ႈၸၢႆး ဢေးလႃႇသႃႉ ၊-

40ဢေးလႃႇသႃႉ ၼၼ်ႉ မီးလုၵ်ႈၸၢႆး သီႉသမေး၊ သီႉသမေး ၼၼ်ႉ မီးလုၵ်ႈၸၢႆး သႃႇလုမ်ႇ ၊-

41သႃႇလုမ်ႇ ၼၼ်ႉ မီးလုၵ်ႈၸၢႆး ယေႇၵမီႉ၊ ယေႇၵမီႉ ၼၼ်ႉ မီးလုၵ်ႈၸၢႆး ဢေးလီႉသမႃႇ ဢေႃႈ။-

42လုၵ်ႈၸၢႆး ၵႃႇလႅပ်ႉ ၼွင်ႉၸၢႆး ယေႇရမေးလႃႉ ၼၼ်ႉၸမ်ႉ၊ ပဵၼ် မေႇသႃႉ ဢၼ်ပဵၼ်လုၵ်ႈၸၢႆးတူၼ်ႈမၼ်းလႄႈ ပဵၼ်ပေႃႈ ၸီႉၽႃႉ ၼၼ်ႉ ဢိၵ်ႇတင်းလုၵ်ႈၸၢႆး မရေးသႃႉ ဢၼ်ပဵၼ်ပေႃႈ ႁေႇပြုၼ်ႇ ၼၼ်ႉ တင်းလၢႆၸိူဝ်းၼၼ်ႉဢေႃႈ။-

43လုၵ်ႈၸၢႆး ႁေႇပြုၼ်ႇ ၸမ်ႉ၊ ပဵၼ် ၵေႃးရႃႉ၊ တႃႇပႂႃႇ၊ ရေႇၵိမ်ႇ တင်း သေႇမႃႉ ဢေႃႈ။-

44လုၵ်ႈၸၢႆး သေႇမႃႉ ၸမ်ႉ၊ ပဵၼ် ရႃႇႁမ်ႇ ဢၼ်ပဵၼ်ပေႃႈ ယေႃႇၵွမ်ႇ ဢေႃႈ။ လုၵ်ႈၸၢႆး ရေႇၵိမ်ႇ ၸမ်ႉ၊ ပဵၼ် သမ်ႇမေႇ ၊-

45လုၵ်ႈၸၢႆး သမ်ႇမေႇ ၸမ်ႉ၊ ပဵၼ် မေႃးၼႃႉ ၊ လုၵ်ႈၸၢႆး မေႃးၼႃႉ ၸမ်ႉ၊ ပဵၼ် ပႅတ်ႉၸူႉရႃႉ ဢေႃႈ။-

46ဢေးၽႃႉ မေးၼွႆႉ ၵႃႇလႅပ်ႉ ၼၼ်ႉၵေႃႈ ၵိူတ်ႇလဵင်ႉ ၶႃႇရၢၼ်ႇ၊ မေႃႇၸႃႉ တင်း ၵႃႇၸတ်ႉ မႃးဢေႃႈ။ လုၵ်ႈၸၢႆး ႁႃႇရၼ်ႇ ၸမ်ႉ၊ ပဵၼ် ၵႃႇၸတ်ႉ ဢေႃႈ။-

47လုၵ်ႈၸၢႆး ယႃႇတေႇ ၸမ်ႉ၊ ပဵၼ် ရေႇၵိမ်ႇ၊ ယေႃးသမ်ႇ၊ ၵေႇသမ်ႇ၊ ပေးလိတ်ႉ၊ ဢေးၽႃႉ တင်း သႃႇၽႃႉ ဢေႃႈ။-

48မႃႇၶႃႇ မေးၼွႆႉ ၵႃႇလႅပ်ႉ ၼၼ်ႉၵေႃႈ ၵိူတ်ႇလဵင်ႉ သေးပႃႉ တင်း တီႉရႁႃႇၼႃႉ မႃးဢေႃႈ။-

49မၼ်းသမ်ႉၵိူတ်ႇလဵင်ႉ သႃႇၽႃႉ ဢၼ်ပဵၼ်ပေႃႈ မႃႇတမေႇၼႃႉ၊ သေးဝႃႉ ဢၼ်ပဵၼ်ပေႃႈ မႃႇၶပေးၼႃႉ ၊ ဢိၵ်ႇတင်းပေႃႈ ၵီႉဝီႉယႃႉ မႃးဢေႃႈ။ လုၵ်ႈယိင်း ၵႃႇလႅပ်ႉ ၸမ်ႉ၊ ပဵၼ် ဢႃႇၶသႃႉ ဢေႃႈ။-

50လုၵ်ႈၸၢႆး ၵႃႇလႅပ်ႉ ဢၼ်ပဵၼ်လုၵ်ႈၸၢႆး ႁူႉရႃႉ ဢၼ်ပဵၼ်လုၵ်ႈၸၢႆးတူၼ်ႈ ဢေႇၽရတ်ႉ ၼၼ်ႉၸမ်ႉ၊ ပဵၼ် သေႃႇပႃႇလႃႉ ဢၼ်ပဵၼ်ပေႃႈ ၵီႉရယတ်ႉယႃႇရိမ်ႇ ၊-

51ၸႃႇလမႃႉ ဢၼ်ပဵၼ်ပေႃႈ ပႅတ်ႉလႁႅမ်ႇ၊ ႁႃႇရပ်ႉ ဢၼ်ပဵၼ်ပေႃႈ ပႅတ်ႉၵႃႇတႃႇ ဢေႃႈ။-

52လုၵ်ႈၸၢႆး သေႃႇပႃႇလႃႉ ဢၼ်ပဵၼ်ပေႃႈ ၵီႉရယတ်ႉယႃႇရိမ်ႇ ၼၼ်ႉၸမ်ႉ၊ ပဵၼ် ႁႃႇရေႃႇ ဢိၵ်ႇတင်းမဵဝ်း မၼႃႇႁေႇသီႉ ၶိုင်ႈၼိုင်ႈဢေႃႈ။-

53မဵဝ်းၸိူဝ်ႉၶိူဝ်း ၵီႉရယတ်ႉယႃႇရိမ်ႇ ၼၼ်ႉၸမ်ႉ၊ ပဵၼ်ၵူၼ်း ဢီႉသႃႇရီႉ ၊ ၵူၼ်း ပူႉႁီႉ ၊ ၵူၼ်း သူႉမသီႉ ဢိၵ်ႇတင်းၵူၼ်း မီႉသရီႉ ဢၼ် ၵူၼ်း ၸႃႇရသီႉ တင်းၵူၼ်း ဢေးသတေႃလီႉ ပဵၼ်မႃးၵႃႈၼႂ်းမၼ်းၼၼ်ႉဢေႃႈ။-

54လုၵ်ႈၸၢႆး ၸႃႇလမႃႉ ၸမ်ႉ၊ ပဵၼ်ၵူၼ်း ပႅတ်ႉလႁႅမ်ႇ ၊ ၵူၼ်း ၼေႇတေႃႇၽႃႇသီႉ ၊ မဵဝ်း ဢႃႇတရုတ်ႉပႅတ်ႉယေႃႇၽႃႉ ၊ မဵဝ်း မၼႃႇႁေႇသီႉ ၶိုင်ႈၼိုင်ႈ၊ ၵူၼ်း ၸေႃးရီႉ ဢေႃႈ။-

55မဵဝ်းၸိူဝ်ႉၶိူဝ်းၸရေး ဢၼ်ယူႇၵႃႈတီႈဝဵင်း ယႃႇပႅတ်ႉ ၼၼ်ႉၸမ်ႉ၊ ပဵၼ်ၵူၼ်း တီႉရသီႉ ၊ ၵူၼ်း သီႉမသီႉ ၊ ၵူၼ်း ၸူႉၶသီႉ ဢေႃႈ။ ၶဝ်ၸိူဝ်းၼႆႉ ပဵၼ်မဵဝ်း ၵေႇၼီႉ ဢၼ်သိုပ်ႇလူင်းမႃးၵႃႈတီႈ ႁေႇမတ်ႉ ပေႃႈမဵဝ်း ရေႇၶပ်ႉ ၼၼ်ႉဢေႃႈ။