1 Chronicles 27

Shan

← Chapter 26 Jump to: Chapter 28 →

1ၸွမ်းလူၺ်ႈတၢင်းဢၼ်ၼပ်ႉဢၼ်ဢၢၼ်ႇသေလႄႈ ၵူၼ်းမဵဝ်း ဢီႉသရေႇလႃႉ ဢၼ်ဝႃႈ၊ ၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈ ပီႈၼွင်ႉၸိူဝ်ႉၶိူဝ်းပေႃႈၶဝ် ဢိၵ်ႇတင်းၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈႁဵင်၊ ၶဝ်ၸိူဝ်းဢၼ်ဢုပ်ႉၵႃႈၼိူဝ်ၵူၼ်းယေႈပၢၵ်ႇ၊ ၶုၼ်ပူဝ်ႇဢၼ်ပႂ်ႉဢမူႉၶုၼ်ႁေႃၶမ်း၊ ၼႂ်းလွင်ႈတၢင်းဢၼ်ၸၢပ်ႈသႅင်ႇၵၼ်တင်းမုၵ်ႉၸိူဝ်းဢၼ်ပဵၼ်လႄႉပဵၼ်ၵမ်း ယေႈလိူၼ်ယေႈလိူၼ် ၸႅၼ်ႇတၢမ်းၵၼ်ၼႂ်းယေႈပီႊ၊ လိူၼ်ၼိုင်ႈယဝ်ႉလိူၼ်ၼိုင်ႈ ၵူႈလိူၼ် ၼႂ်းယေႈပီႊယေႈလႄႉ ယေႈပီႊယေႈၵမ်းၼင်ႇၵၼ်ၼၼ်ႉ၊ ယေႈလႄႉယေႈၵမ်း၊ မီးသွင်မိုၼ်ႇသီႇႁဵင်ၼင်ႇၵၼ်ဢေႃႈ။-

2ၵေႃႉဢၼ်ဢုပ်ႉၵႃႈၼိူဝ်မုၵ်ႉၸိူဝ်းပထမႃႉၼႂ်းလိူၼ်ပထမႃႉၸမ်ႉ၊ ပဵၼ် ယႃႇသေးပမ်ႇ ၊ လုၵ်ႈၸၢႆး ၸႃႇပတေးလႃႉ လႄႈ ၼႂ်းမုၵ်ႉၸိူဝ်းမၼ်းၼၼ်ႉ မီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

3မၼ်းၼၼ်ႉပဵၼ်ၵူၼ်းမဵဝ်း ၽေးရိတ်ႉ လႄႈ ပဵၼ်ငဝ်ႈပဵၼ်ႁူဝ်ၶုၼ်ပူဝ်ႇတင်းသဵင်ႈတင်းလူင်သေလႄႈ လႆႈပႂ်ႉဢမူႉၼႂ်းလိူၼ်ပထမႃႉၼၼ်ႉဢေႃႈ။-

4ၵေႃႉဢၼ်ဢုပ်ႉၵႃႈၼိူဝ်မုၵ်ႉၸိူဝ်းၼႂ်းလိူၼ်တူႉတီႉယႃႉၸမ်ႉ၊ ပဵၼ် တေႃးတေႇ မဵဝ်း ဢႁေႃႇႁီႉ လႄႈ မီႉၵလုတ်ႉ ၵေႃႈ ဢုပ်ႉၵႃႈၼိူဝ်မုၵ်ႉၸိူဝ်းၼၼ်ႉ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

5ၶုၼ်ပူဝ်ႇတႃႉတီႉယႃႉ၊ ဢၼ်ၸၢပ်ႈသႅင်ႇၵၼ်တင်းလိူၼ်တႃႉတီႉယႃႉၸမ်ႉ၊ ပဵၼ် ပေႇၼႃႇယႃႉ လုၵ်ႈၸၢႆး ယေႃးယတႃႉ ယိတ်ႈပရေႃးႁဵၵ်ႈလူင်လႄႈ ၼႂ်းမုၵ်ႉၸိူဝ်းမၼ်းၼၼ်ႉ မီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

6ပေႇၼႃႇယႃႉ ၼႆႉၸမ်ႉ၊ ပဵၼ်ၵေႃႉဢၼ်ႁူင်ႁၢင်းၼႂ်းပူဝ်ႇသၢမ်သိပ်းၵေႃႉလႄႈ ဢုပ်ႉၵႃႈၼိူဝ်ပူဝ်ႇသၢမ်သိပ်းၵေႃႉၼၼ်ႉဢေႃႈ။ ဢမီႉလတပ်ႉ လုၵ်ႈၸၢႆးမၼ်းၼၼ်ႉၵေႃႈ မီးၼႂ်းမုၵ်ႉၸိူဝ်းမၼ်းဢေႃႈ။-

7ၶုၼ်ပူဝ်ႇၸတုၵ်ႉထႃႉၼႂ်းလိူၼ်ၸတုၵ်ႉထႃႉၸမ်ႉ၊ ပဵၼ် ဢႃႇၸႁေးလႃႉ ၼွင်ႉၸၢႆး ယႂႃႇၽႃႉ ဢိၵ်ႇတင်းလုၵ်ႈၸၢႆးမၼ်း ၸေႇပတီႉ လိုၼ်းမၼ်းၼၼ်ႉလႄႈ၊ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်း သွင်မိုၼ်ႇပၢႆသီႇႁဵင်ဢေႃႈ။-

8ၶုၼ်ပူဝ်ႇပိၼ်ႇၸမႃႉၼႂ်းလိူၼ်ပိၼ်ႇၸမႃႉၸမ်ႉ၊ ပဵၼ် သမ်ႇႁုတ်ႉ မဵဝ်း ဢီႉၸႁႃႇ လႄႈ၊ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

9ၶုၼ်ပူဝ်ႇသႃႉထမႃႉ၊ ၼႂ်းလိူၼ်သႃႉထမႃႉၸမ်ႉ၊ ပဵၼ် ဢီႇရႃႉ လုၵ်ႈၸၢႆး ဢီႉၵေးသႃႉ မဵဝ်း တေႇၵေႃႇ လႄႈ၊ ၼႂ်းမုၵ်ႉၸိူဝ်းမၼ်းၼၼ်ႉ မီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

10ၶုၼ်ပူဝ်ႇသတ်ႉတမႃႉ၊ ၼႂ်းလိူၼ်သတ်ႉတမႃႉၸမ်ႉ၊ ပဵၼ် ႁေးလိတ်ႉ ဢၼ်ပဵၼ်ၸိူဝ်ႉၶိူဝ်း ပေးလေႃးၼီႉ မဵဝ်း ဢေႇၽရိမ်ႇ လႄႈ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

11ၶုၼ်ပူဝ်ႇဢႃႉထမႃႉ၊ ၼႂ်းလိူၼ်ဢႃႉထမႃႉၸမ်ႉ၊ ပဵၼ် သီႉပေႇၵေး ဢၼ်ပဵၼ်ၸိူဝ်ႉၶိူဝ်း ႁူႉသသီႉ မဵဝ်း ၸႃႇရႃႉ လႄႈ ၼႂ်းမုၵ်ႉၸိူဝ်း မၼ်းၼၼ်ႉမီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

12ၶုၼ်ပူဝ်ႇၼဝမႃႉ၊ ၼႂ်းလိူၼ်ၼဝမႃႉၸမ်ႉ၊ ပဵၼ် ဢပျေႇၸႃႇ ဢၼ်ပဵၼ်ၸိူဝ်ႉၶိူဝ်း ဢၼေႇသေႃႇသီႉ မဵဝ်း ပိၼ်ႇယႃႇမိၼ်ႇ လႄႈ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

13ၶုၼ်ပူဝ်ႇတႃႉသမႃႉ၊ ၼႂ်းလိူၼ်တႃႉသမႃႉၸမ်ႉ၊ ပဵၼ် မႁႃႇရေး ဢၼ်ပဵၼ်ၸိူဝ်ႉၶိူဝ်း ၼေႇတေႃႇၽႃႇသီႉ မဵဝ်း ၸႃႇရႃႉ လႄႈ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်း သွင်မိုၼ်ႇပၢႆသီႇႁဵင်ဢေႃႈ။-

14ၶုၼ်ပူဝ်ႇဢေႇၵႃႇတႃႉသမႃႉ ၼႂ်းလိူၼ်ဢေႇၵႃႇတႃႉသမႃႉၸမ်ႉ၊ ပဵၼ် ပေႇၼႃႇယႃႉ ဢၼ်ပဵၼ်ၸိူဝ်ႉၶိူဝ်း ပီႉရႃႉသေႃႇၼီႉ ၊ မဵဝ်း ဢေႇၽရိမ်ႇ လႄႈ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်းသွင်မိုၼ်ႇပၢႆသီႇႁဵင်ဢေႃႈ။-

15ၶုၼ်ပူဝ်ႇတႂႃႇတႃႉသမႃႉ၊ ၼႂ်းလိူၼ်တႂႃႇတႃႉသမႃႉၸမ်ႉ၊ ပဵၼ် ႁေႇလတေး ဢၼ်ပဵၼ်ၸိူဝ်ႉၶိူဝ်း ၼေႇတေႃႇၽႃႇသီႉ မဵဝ်း ဢေႃးထၼ်ႇယေႇလႃႉ လႄႈ ၼႂ်းမုၵ်ႉၸိူဝ်းမၼ်းၼၼ်ႉမီးၵူၼ်းသွင်မိုၼ်ႇပၢႆသီႇႁဵင်ဢေႃႈ။

16ၼွၵ်ႈသေၼၼ်ႉ ၶုၼ်ဢၼ်ဢုပ်ႉၵႃႈၼိူဝ်မဵဝ်း ဢီႉသရေႇလႃႉ ႁင်းၽႂ်ႁင်းမၼ်းၸမ်ႉ၊ တီႈမဵဝ်း ရူႉပိၼ်ႇ ၼၼ်ႉ ဢေးလေႇၸႃႇ လုၵ်ႈၸၢႆး ၸီႉၶရီႉ ဢၼ်ပဵၼ်ၶုၼ်ၼၼ်ႉ၊ တီႈမဵဝ်း သီႉမုၼ်ႇ ၼၼ်ႉ သေႇပတီႉ လုၵ်ႈၸၢႆး မႃႇၶႃႇ ၊-

17တီႈမဵဝ်း လေႇဝီႉ ၼၼ်ႉ ႁႃႇသပီႉ လုၵ်ႈၸၢႆး ၵေႇမူၺ်ႇလႃႉ ၊ တီႈမဵဝ်း ဢႃႇရုၼ်ႇ ၼၼ်ႉ ၸႃႇတုၵ်ႉ ၊-

18တီႈမဵဝ်း ယူႉတႃႉ ၼၼ်ႉ ဢေးလီႉႁူႉ ဢၼ်ၶဝ်ႈပႃးၼႂ်းပီႈၸၢႆး တႃႇဝိတ်ႈ ၸိူဝ်းၼၼ်ႉ၊ တီႈမဵဝ်း ဢီႉသၶႃႇ ၼၼ်ႉ ဢေႃးမရီႉ လုၵ်ႈၸၢႆး မိၵ်ႉၶေႇလႃႉ ၊-

19တီႈမဵဝ်း ၸေႇပူႉလုၼ်ႇ ၼၼ်ႉ ဢီႉသမႃႇယႃႉ လုၵ်ႈၸၢႆး ဢေႃးပတီႉ ၊ တီႈမဵဝ်း ၼပ်ႉထလီႉ ၼၼ်ႉ ယေႇရီႉမုတ်ႉ လုၵ်ႈၸၢႆး ဢႃႇၸရေႇလႃႉ ၊-

20တီႈမဵဝ်း ဢေႇၽရိမ်ႇ ၼၼ်ႉ ႁေႃးသေႇ လုၵ်ႈၸၢႆး ဢႃႇၸၸီႉ ၊ တီႈမဵဝ်း မၼႃႇသေႇ ၶိုင်ႈၼိုင်ႈၼၼ်ႉ ယူဝ်းဢေးလႃႉ လုၵ်ႈၸၢႆး ပေႇတႃႇယႃႉ ၊-

21တီႈမဵဝ်း မၼႃႇသေႇ ၶိုင်ႈၼိုင်ႈၵႃႈၼႂ်းမိူင်း ၵီႉလတ်ႉ ၼၼ်ႉ ဢိတ်ႉတေႃႇ လုၵ်ႈၸၢႆး ၸႃႇၶရီႉ ၊ တီႈမဵဝ်း ပိၼ်ႇယႃႇမိၼ်ႇ ၼၼ်ႉ ယေႇသေးလႃႉ လုၵ်ႈၸၢႆး ဢႃႉပၼႃး ၊-

22တီႈမဵဝ်း တၢၼ်ႇ ၼၼ်ႉ ဢႃႇၸရေႇလႃႉ လုၵ်ႈၸၢႆး ယေႇရေႃးႁမ်ႇ ဢေႃႈ။ ၶဝ်ၸိူဝ်းၼႆႉၸမ်ႉ၊ ပဵၼ်ၶုၼ်ဢၼ်ဢုပ်ႉၵႃႈၼိူဝ်မဵဝ်း ဢီႉသရေႇလႃႉ တင်းလၢႆဢေႃႈ။

23ၵွပ်ႈပိူဝ်ႈဢၼ်ထႃႇဝရႃႉၽြႃး မီးၵတီႉဝႆႉလူၺ်ႈလွင်ႈဢၼ်မၼ်းၸဝ်ႈတၵ်းႁႂ်ႈ ၵူၼ်းမဵဝ်း ဢီႉသရေႇလႃႉ တင်းလၢႆ ယႂ်ႇၽႄႈၼမ်ၵိုၼ်းမႃးမိူၼ်ၸိူဝ်ႉၼင်ႇလၢဝ်ၵၢင်ႁၢဝ်ၼၼ်ႉလႄႈ တႃႇဝိတ်ႈ ယင်းဢမ်ႇၼပ်ႉဢၢၼ်ႇဢဝ်ၸရၢင်းၶဝ်ၸိူဝ်းဢၼ် ဢသၢၵ်ႈလႆႈသၢဝ်းပီႊလူင်းလုမ်ႈၼၼ်ႉလႄႈယူႇဢေႃႈ။-

24ယႂႃႇၽႃႉ လုၵ်ႈၸၢႆး ၸေႇရူႉယႃႇ ၸင်ႇၸႃႉၼပ်ႉဢၢၼ်ႇဢဝ်ၸရၢင်းၵူၺ်းလႄႈ ဢမ်ႇႁဵတ်းႁႂ်ႈယဝ်ႉႁႂ်ႈတူဝ်ႈ၊ တၢင်းၸႂ်မႆႈၶႆႈၸႃႉၸဝ်ႈ တူၵ်းႁွတ်ႈၵႃႈၼိူဝ်မဵဝ်း ဢီႉသရေႇလႃႉ ၵွပ်ႈပိူဝ်ႈဢပႅတ်ႈၼၼ်ႉဢေႃႈ။ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်ၼပ်ႉဢၢၼ်ႇၼၼ်ႉၵေႃႈ ၶဝ်ဢမ်ႇဢဝ်သႂၢင်းၶဝ်ႈၵႃႈၼႂ်းလိၵ်ႈ ဢၼ်မၢတ်ႈမၢႆလူၺ်ႈလွင်ႈၶုၼ်လူင် တႃႇဝိတ်ႈ ၼၼ်ႉ။

25ဢႃႇၸမႃႇဝိတ်ႉ လုၵ်ႈၸၢႆး ဢတေႇလႃႉ ၼၼ်ႉ ပဵၼ်ၽၼ်ႇတႃႇၸူဝ်းၶုၼ်ႁေႃၶမ်းဢေႃႈ။ ယေႃးၼသၼ်ႇ လုၵ်ႈၸၢႆး ဢေႃးၸီႉ ၼၼ်ႉ လႆႈဢုပ်ႉၵႃႈၼိူဝ်ၽၼ်ႇတႃႇ ဢၼ်မီးၵႃႈၼွၵ်ႈၵႃႈပၢင်ႇၵႃႈဝၢၼ်ႈၵႃႈဝဵင်း ၵႃႈတီႈတိူၵ်ႈတီႈတိုၵ်းသိုၵ်းၸိူဝ်းၼၼ်ႉဢေႃႈ။-

26ဢေးၸရီႉ လုၵ်ႈၸၢႆး ၶေးလုပ်ႉ ၼၼ်ႉ လႆႈဢုပ်ႉၵႃႈၼိူဝ်ၶဝ်ၸိူဝ်းဢၼ်ႁဵတ်းႁႆႊႁဵတ်းၼႃးၸဝ်ႈၼၼ်ႉဢေႃႈ။-

27သီႉမီႉ ၵူၼ်းဝဵင်း ရႃႇမႃႉ ၼၼ်ႉ လႆႈဢုပ်ႉၵႃႈၼိူဝ်သူၼ်ဢူးယဵၼ်ႇၸပိတ်ႈၸဝ်ႈဢေႃႈ။ ၸႃႇပတီႉ ၵူၼ်းဝဵင်း သီႉၽမီႉ ၼၼ်ႉလႆႈဢုပ်ႉၵႃႈၼိူဝ်တၢင်းဢၼ် ယႂ်ႇၽႄႈတူဝ်းတွၼ်းတီႈမၢၵ်ႇသူၼ်ဢူးယဵၼ်ႇၸပိတ်ႈၸဝ်ႈ ပုၼ်ႈတိူၵ်ႈၼမ်ႉၸပိတ်ႈတင်းလၢႆဢေႃႈ။-

28ပႃႇလႁႃႇၼၼ်ႇ ၵူၼ်း ၵေႇတႃႇရီႉ ၼၼ်ႉ လႆႈဢုပ်ႉၵႃႈၼိူဝ်တူၼ်ႈ သၢၼ်ႇလုၼ်ႇ လႂ် တူၼ်ႈမၢၵ်ႇလိူဝ်ႇသၢင်းၽေႃးလႂ် ဢၼ်မီးၵႃႈတီႈပၢင်ႇတီႈပဵင်းၼၼ်ႉဢေႃႈ၊ ယေႃးသႃႉ လႆႈဢုပ်ႉၵႃႈၼိူဝ်တိူၵ်ႈၼမ်ႉမၼ်းတင်းလၢႆဢေႃႈ။-

29သီႉတရေး ၵူၼ်းတီႈ သႃႇရုၼ်ႇ ၼၼ်ႉ လႆႈဢုပ်ႉၵႃႈၼိူဝ်ၽုင်ဝူဝ်းဢၼ်ယၢမ်ႈၵိၼ်ယူႇၵႃႈတီႈ သႃႇရုၼ်ႇ ၼၼ်ႉ ၸိူဝ်းၼၼ်ႉဢေႃႈ။ သႃႇၽတ်ႉ လုၵ်ႈၸၢႆး ဢႃႇတလႄး ၼၼ်ႉ လႆႈဢုပ်ႉၵႃႈၼိူဝ်ၽုင်ဝူဝ်း ဢၼ်ယၢမ်ႈၵိၼ်ယူႇၵႃႈၼႂ်းပၢင်ႇႁူၺ်ႈတင်းလၢႆၼၼ်ႉဢေႃႈ။-

30ဢေႃးပီႉလႃႉ မဵဝ်း ဢီႉသမေႇလႃႉ ၼၼ်ႉ လႆႈဢုပ်ႉၵႃႈၼိူဝ်ၵလႃးဢုၵ်ႉတင်းလၢႆဢေႃႈ၊ ယေႇတေႇယႃႉ ၵူၼ်း မေႇရေႃးၼသီႉ ၼၼ်ႉလႆႈဢုပ်ႉၵႃႈၼိူဝ်လီႈတင်းလၢႆဢေႃႈ။-

31ယႃႇၸိတ်ႉ မဵဝ်း ႁႃႇၵရႃႉ ၼၼ်ႉ လႆႈဢုပ်ႉၵႃႈၼိူဝ်ၽုင်သူဝ်းၽုင်ပႄႉတင်းလၢႆဢေႃႈ။ ၶဝ်ၵႃႈမီးၸိူဝ်းၼႆႉ ပဵၼ်ၵေႃႉဢၼ်ဢုပ်ႉၵႃႈၼိူဝ်ဢုၵ်ႉၸႃႇၽၼ်ႇတႃႇၶုၼ်လူင် တႃႇဝိတ်ႈ ဢေႃႈ။-

32ယေႃးၼသၼ်ႇ ပေႃႈၼႃႉ တႃႇဝိတ်ႈ ၼၼ်ႉ ပဵၼ်မူးမၢတ်ႈဢၼ်တိူင်ႇပၢင်ႇ ၵေႃႉဢၼ်မီးၺၢၼ်ႇလႄႈ မေႃၵျၢမ်းလိၵ်ႈဢေႃႈ။ ယေႇႁေႇလႃႉ လုၵ်ႈၸၢႆး ႁႃႇၶႃႉမေႃးၼီႉ ၼၼ်ႉ ပဵၼ်ၵေႃႉဢၼ်ႁူမ်ႈပွင်းလူၺ်ႈၵၼ်တင်းလုၵ်ႈၸၢႆးၶုၼ်ႁေႃၶမ်းတင်းလၢႆဢေႃႈ။-

33ဢႁီႉသေႃႇၽေးလႃႉ ၼၼ်ႉ ပဵၼ်မူးမၢတ်ႈတီႈဢၼ်ၶုၼ်ႁေႃၶမ်းတိူင်ႇပၢင်ႇဢေႃႈ၊ ႁူႉသေး ၵူၼ်းဝဵင်း ဢႃႇၶီႉ ၼၼ်ႉ ပဵၼ်ၵေႃႉသေႈၶုၼ်ႁေႃၶမ်းဢေႃႈ။-

34လိုၼ်းသေ ဢႁီႉသေႃႇၽေးလႃႉ ၼၼ်ႉ မီး ဢႃႇပျႃႇထႃႇ တင်း ယေႃးယတႃႉ လုၵ်ႈၸၢႆး ပေႇၼႃႇယႃႉ ၼၼ်ႉဢေႃႈ။ ယႂႃႇၽႃႉ ပဵၼ်ၶုၼ်ပူဝ်ႇၶျုၵ်ႈပူဝ်ႇပႃႇၶုၼ်ႁေႃၶမ်းဢေႃႈ။

← Chapter 26 Jump to: Chapter 28 →