1 Chronicles 4 — Shan

1လုၵ်ႈၸၢႆး ယူႉတႃႉ ၸမ်ႉ၊ ပဵၼ် ၽေးရိတ်ႉ၊ ႁေႇၸရုၼ်ႇ၊ ၵႃႇမီႉ၊ ႁူႉရႃႉ တင်း သေႃႇပႃႇလႃႉ ဢေႃႈ။-

2ရႃႇယႃႉ ဢၼ်ပဵၼ်လုၵ်ႈၸၢႆး သေႃႇပႃႇလႃႉ ၼၼ်ႉ မီးလုၵ်ႈၸၢႆး ယႃႇႁတ်ႉ၊ ယႃႇႁတ်ႉ မီးလုၵ်ႈၸၢႆး ဢႁူႉမေး တင်း လႃႇႁတ်ႉ ဢေႃႈ။ ၶဝ်ၸိူဝ်းၼႆႉၸမ်ႉ၊ ပဵၼ်မဵဝ်းၸိူဝ်ႉၶိူဝ်း ၸႃႇရသီႉ ဢေႃႈ။-

3လုၵ်ႈၸၢႆးပေႃႈမဵဝ်း ဢေးတမ်ႇ ၸမ်ႉ၊ ပဵၼ် ယေႇၸရေႇလႃႉ၊ ဢီႉသမႃႇ၊ ဢီႉတပတ်ႉ ၊ ၼွင်ႉယိင်းၶဝ် ႁႃႇၸလေးလႃႉပေႃႇၼီႉ ၊-

4ပေႇၼူၺ်ႇလႃႉ ပေႃႈ ၵေးတေႃး၊ ဢေးၸႃႇ ပေႃႈ ႁူႉသႃႉ ဢေႃႈ၊ ၶဝ်ၸိူဝ်းၼႆႉပဵၼ်မဵဝ်းၸိူဝ်ႉၶိူဝ်း ႁူႉရႃႉ လုၵ်ႈၸၢႆးတူၼ်ႈ ဢေႇၽရတ်ႉ ပေႃႈ ပႅတ်ႉလႁႅမ်ႇ ဢေႃႈ။-

5ဢႃႇသူႉရႃႉ ပေႃႈ တေႇၵေႃႇ ၼၼ်ႉ မီးမေးသွင်ၵေႃႉဢၼ်လႆႈၸိုဝ်ႈ ႁေႇလႃႉ တင်း ၼႃႇရႃႉ ဢေႃႈ။-

6ၼႃႇရႃႉ ၼၼ်ႉ ၵိူတ်ႇလဵင်ႉ ဢႁူႉၸမ်ႇ၊ ႁေႇၽႃႇ၊ တေႇမၼီႉ တင်း ႁႃႇႁႃႉသတႃႇရီႉ မႃးဢေႃႈ။ ၶဝ်ၸိူဝ်းၼႆႉပဵၼ်လုၵ်ႈၸၢႆး ၼႃႇရႃႉ ဢေႃႈ။-

7လုၵ်ႈၸၢႆးဢၼ် ႁေႇလႃႉ ၵိူတ်ႇလဵင်ႉၸမ်ႉ၊ ပဵၼ် ၸေႇရိတ်ႉ၊ ယေႇၸေႃႇ တင်း ဢေးသၼၼ်ႇ ဢေႃႈ။-

8လုၵ်ႈၸၢႆး ၵေႃးၸႃႉ ၸမ်ႉ၊ ပဵၼ် ဢႃႇၼုပ်ႉ၊ ၸေႃႇပေႇတႃႉ ဢိၵ်ႇတင်းမဵဝ်းၸိူဝ်ႉၶိူဝ်း ဢႁႃႇရေးလႃႉ လုၵ်ႈၸၢႆး ႁႃႇရုမ်ႇ ဢေႃႈ။

9ယႃႇပႅတ်ႉ ပဵၼ်ၵေႃႉဢၼ်မီးမုၼ်သရေႇယႂ်ႇၼႃႇသေပီႈၼွင်ႉၸိူဝ်ႉၶိူဝ်းမၼ်းတင်းလၢႆလႄႈ၊ မႄႈမၼ်းႁွင်ႉႁဵၵ်ႈၸိုဝ်ႈမၼ်း ယႃႇပႅတ်ႉ လႄႈဝႃႈ၊ ၵဝ်လႆႈၶၢမ်ႇဝူၺ်ႇတၼႃႇဢၼ်ႁႅင်းယႂ်ႇၼႃႇလူင်လၢင်လႄႈ ၵိူတ်ႇလဵင်ႉမၼ်းဢေႃႈ၊ ဝႃႈၼင်ႇၼႆဢေႃႈ။-

10ယႃႇပႅတ်ႉ ၼၼ်ႉ ၸင်ႇသူးတွင်းတီႈၽြႃးပဵၼ်ၸဝ်ႈ မဵဝ်း ဢီႉသရေႇလႃႉ လႄႈဝႃႈ၊ ၸဝ်ႈႁဝ်းၶႅၼ်းတေႃႈပၼ်တၢင်းလီတီႈၶႃႈၸဝ်ႈသေႇသေႇလႄႈ ႁႂ်ႈတီႈယူႇတီႈသဝ်းၶႃႈၸဝ်ႈၵႂၢင်ႈလီလႃးလီသေၵမ်းတီႈၶႃႈ။ ၶႅၼ်းတေႃႈဢဝ်မိုဝ်းၸဝ်ႈႁဝ်းယူႇၽၢႆႇၶႃႈၸဝ်ႈယူႇလႄႈ ႁၢမ်ႈတၢပ်ႈႁႄႉၶႅၼ်ၽေးဢူႉပၢတ်ႈ ႁႂ်ႈဢမ်ႇလႆႈယႃႉယူၵ်ႉၶႃႈၸဝ်ႈႁဝ်းသေၵမ်းတီႈၶႃႈ၊ ဝႃႈၼင်ႇၼႆလႄႈ ၽြႃးပဵၼ်ၸဝ်ႈဢဵတ်းလူပၼ်သူးဢၼ်မၼ်းယွၼ်းၼၼ်ႉဢေႃႈ။

11ၵႃႇလုပ်ႉ ၼွင်ႉၸၢႆး သူႉဢႃႇ မီးလုၵ်ႈၸၢႆး မႁီႉရႃႉ၊ မႁီႉရႃႉ ၼၼ်ႉ မီးလုၵ်ႈၸၢႆး ဢေးသတုၼ်ႇ ၊-

12ဢေးသတုၼ်ႇ ၼၼ်ႉ မီးလုၵ်ႈၸၢႆး ပႅတ်ႉရႃႇၽႃႉ၊ ပႃႇသႃႉ တင်း တေႇႁိၼ်ႇၼႃႉ ဢၼ်ပဵၼ်ပေႃႈ ဢီႉရႃႇၼႃႇႁတ်ႉ ၼၼ်ႉဢေႃႈ။ ၶဝ်ၸိူဝ်းၼႆႉ ပဵၼ်ၵူၼ်းမဵဝ်း ရေႇၶႃႇ ဢေႃႈ။-

13လုၵ်ႈၸၢႆး ၵေးၼတ်ႉ ၸမ်ႉ၊ ပဵၼ် ဢေႃးထၼ်ႇယေႇလႃႉ တင်း ၸရႃႇယႃႉ ဢေႃႈ။ လုၵ်ႈၸၢႆး ဢေႃးထၼ်ႇယေႇလႃႉ ၸမ်ႉ၊ ပဵၼ် ႁႃႇသတ်ႉ တင်း မေႃႇၼေႃႇသေး ဢေႃႈ။-

14မေႃႇၼေႃႇသေး ၼၼ်ႉ မီးလုၵ်ႈၸၢႆး ဢေႃႇၽရႃႉ ဢေႃႈ။ ၸရႃႇယႃႉ ၸမ်ႉ၊ မီးလုၵ်ႈၸၢႆး ယႂႃႇၽႃႉ ဢၼ်ပဵၼ်ပေႃႈသြႃႇသမႃးဢၼ်ယူႇၵႃႈတီႈ ၶူင်ႈႁူၺ်ႈသြႃႇသမႃးဢေႃႈ။-

15လုၵ်ႈၸၢႆး ၵႃႇလႅပ်ႉ ဢၼ်ပဵၼ်လုၵ်ႈၸၢႆး ယေႇၽုၼ်ႇၼႃႉ ၼၼ်ႉၸမ်ႉ၊ ပဵၼ် ဢီႉရူႉ၊ ဢေးလႃႇ တင်း ၼႃႇမႃႇ ဢေႃႈ။ လုၵ်ႈၸၢႆး ဢေးလႃႇ ၸမ်ႉ၊ ပဵၼ် ၵေးၼတ်ႉ ဢေႃႈ။-

16လုၵ်ႈၸၢႆး ယေႇႁလႃႉလေးလႃႉ ၸမ်ႉ၊ ပဵၼ် ၸီႉၽႃႉ၊ ၸီႉၽႃႇ၊ တီႉရီႉ၊ ဢႃႇသရေးလႃႉ ဢေႃႈ။-

17လုၵ်ႈၸၢႆး ဢေးၸရႃႉ ၸမ်ႉ၊ ပဵၼ် ယေႇသႃႇ၊ မေးရိတ်ႉ၊ ဢေးၽႃႉ တင်း ယႃႇလုၼ်ႇ ဢေႃႈ။ ပီႉသယႃႉ လုၵ်ႈယိင်း ၽႃႇရေႃး ဢၼ် ပဵၼ်ၵူပ်ႉပဵၼ်ၵူႈၵႃႈတင်း မေးရိတ်ႉ ၼၼ်ႉ ၵိူတ်ႇလဵင်ႉ မီႉရီႉဢၢမ်ႇ၊ သမ်ႇမေႇ တင်း ဢီႉသၽႃႇ ပေႃႈ ဢေးသတမေႃႇ မႃးဢေႃႈ။-

18မေးမၼ်း ယေႇႁူႉတီႉယႃႉ ၼၼ်ႉ ၵိူတ်ႇလဵင်ႉ ယေးရိတ်ႉ ပေႃႈ ၵေးတေႃး၊ ႁေႇပႃႇ ပေႃႈ သေႃႇၶေႃႇ၊ ယေႇၵူႉသေးလႃႉ ပေႃႈ ၸႃႇၼေႃႇ မႃးဢေႃႈ။-

19လုၵ်ႈၸၢႆးမေး ႁေႃးတီႉယႃႉ ဢၼ်ပဵၼ်ၼွင်ႉယိင်း ၼႃႇႁမ်ႇ ၼၼ်ႉၸိူဝ်းၼၼ်ႉၸမ်ႉ၊ ပဵၼ်ပေႃႈ ၵီႉလႃႉ ၵူၼ်းဝဵင်း ၵႃႇမီႉ တင်း ဢေးသတမေႃႇ ၵူၼ်းဝဵင်း မႃႇၶႃႇ ဢေႃႈ။-

20လုၵ်ႈၸၢႆး သီႉမုၼ်ႇ ၸမ်ႉ၊ ပဵၼ် ဢႃႇမၼုၼ်ႇ၊ ရိၼ်းၼႃႉ၊ ပိၼ်ႇႁႃႇၼၼ်ႇ တင်း တီႉလုၼ်ႇ ဢေႃႈ။ လုၵ်ႈၸၢႆး ဢီႉသီႉ ၸမ်ႉ၊ ပဵၼ် ၸေႃႇႁိတ်ႉ တင်း ပႅၼ်ႇၸေႃႇႁိတ်ႉ ဢေႃႈ။

21လုၵ်ႈၸၢႆး သေးလႃႉ ဢၼ်ပဵၼ်လုၵ်ႈၸၢႆး ယူႉတႃႉ ၼၼ်ႉၸမ်ႉ၊ ပဵၼ် ဢေးရႃႉ ပေႃႈ လေးၵႃႉ၊ လႃႇတႃႉ ပေႃႈ မရေးသႃႉ ဢိၵ်ႇတင်း မဵဝ်းၸိူဝ်ႉၶိူဝ်း ဢႃႇသပႃႇ ဢၼ်ၸၢင်ႈတေႃးပိၵ်ႈၶျေႃးၼၼ်ႉ၊-

22ယေႃးယၵိမ်း ၵူၼ်း ၶေႃးၸေးၽႃႉ တင်းလၢႆ၊ ယေႃးသႃႉ၊ သႃႇရပ်ႉ ၊ ဢၼ်လႆႈဢုပ်ႉပိူင်ႇၵႃႈၼႂ်းမိူင်း မေႃႇၽႃႉ ၼၼ်ႉ ဢိၵ်ႇတင်း ယႃႇသူႉပီႉလႁိမ်ႇ ဢေႃႈ။ ဢၼ်ဝႃႈၸိူဝ်ႉၼင်ႇၼၼ်ၼၼ်ႉၸိုင်၊ ပဵၼ်ၵႂၢမ်းမိူဝ်ႈၵွၼ်ႇဢွၼ်ၼႆႉဢေႃႈ။-

23ၶဝ်ၼၼ်ႉပဵၼ်ၵူၼ်းႁဵတ်းမေႃႈ၊ ၶဝ်ၸိူဝ်းဢၼ်ယူႇလူၺ်ႈႁႆႊလူၺ်ႈၼႃးလူၺ်ႈႁူဝ်ႉလူၺ်ႈႁိူၵ်ႈလႄႈ ယူႇၵႃႈတီႈၼၼ်ႈလူၺ်ႈၶုၼ်ႁေႃၶမ်းသေလႄႈ ဢွၼ်ၵၼ်ၵိုတ်ႉႁၢပ်ႇဢမူႉၸဝ်ႈဢေႃႈ။

24လုၵ်ႈၸၢႆး သီႉမုၼ်ႇ ၸမ်ႉ၊ ပဵၼ် ၼေႇမုၺ်ႇလႃႉ၊ ယႃႇမိၼ်ႇ၊ ယႃႇရိပ်ႉ၊ ၸေးရႃႉ တင်း သေႃးလႃႉ ဢေႃႈ။-

25လုၵ်ႈၸၢႆး သေႃးလႃႉ ၸမ်ႉ၊ ပဵၼ် သႃႇလုမ်ႇ ၊ လုၵ်ႈၸၢႆး သႃႇလုမ်ႇ ပဵၼ် မီႉၽသမ်ႇ ၊ လုၵ်ႈၸၢႆး မီႉၽသမ်ႇ ပဵၼ် မီႉသမႃႉ ၊-

26လုၵ်ႈၸၢႆး မီႉသမႃႉ ပဵၼ် ႁမူၺ်ႇလႃႉ ၊ လုၵ်ႈၸၢႆး ႁမူၺ်ႇလႃႉ ပဵၼ် ၸၵ်ႉၵူႉရႃႉ ၊ လုၵ်ႈၸၢႆး ၸၵ်ႉၵူႉရႃႉ ပဵၼ် သီႉမီႉ ဢေႃႈ။-

27သီႉမီႉ ၼၼ်ႉမီးလုၵ်ႈၸၢႆးသိပ်းပၢႆႁူၵ်းၵေႃႉ တင်းလုၵ်ႈယိင်းႁူၵ်းၵေႃႉဢေႃႈ။ ၵူၺ်းၵႃႈ တီႈပီႈၸၢႆးၼွင်ႉၸၢႆးမၼ်းၸိူဝ်းၼၼ်ႉ လုၵ်ႈလၢင်းဢမ်ႇၼမ်၊ မဵဝ်းၸိူဝ်ႉၶိူဝ်းၶဝ်ၼၼ်ႉ ဢမ်ႇၸၢင်ႈၽႄႈမႃးၼမ်မႃးမိူၼ်ၸိူဝ်ႉၼင်ႇၵူၼ်းမဵဝ်း ယူႉတႃႉ ။-

28ၶဝ်ၼၼ်ႉဢွၼ်ၵၼ်ယူႇ ၵႃႈတီႈဝဵင်း ပေႇရသေႇၽႃႉ၊ ဝဵင်း မေႃႇလတႃႇ ၊ ဝဵင်း ႁႃႇၸႃႇသူႉဢႃႇလႃႉ ၊-

29ဝဵင်း ပီႉလႁႃႇ ၊ ဝဵင်း ဢေႇၸိမ်ႇ ၊ ဝဵင်း တေႃႇလတ်ႉ ၊-

30ဝဵင်း ပေႇသူၺ်ႇလႃႉ ၊ ဝဵင်း ႁေႃႇမႃႇ ၊ ဝဵင်း ၸီႉၵလတ်ႉ ၊-

31ဝဵင်း ပႅတ်ႉမႃႇၵပုတ်ႉ ၊ ဝဵင်း ႁႃႇၸႃႉသူႉသိမ်း ၊ ဝဵင်း ပႅတ်ႉပီႉရီႉ တင်းဝဵင်း သႃႇရိမ်း ဢေႃႈ။ ဝဵင်းၸိူဝ်းၼႆႉပဵၼ်ဝဵင်းၶဝ်တေႃႇထိုင်ႁွတ်ႈ ၸူဝ်ႈပၢၼ်ၶုၼ်လူင် တႃႇဝိတ်ႈ ဢေႃႈ။-

32လိူဝ်သေၼၼ်ႉ ၶဝ်ဢွၼ်ၵၼ်ပိူင်ႇဝဵင်းထိူၼ်ႇဢၼ်ဝႃႈ ဢေးတမ်ႇ၊ ဢႃႇဢိၼ်ႇ၊ ရိမ်ႇမုၼ်ႇ၊ တေႃႇၶိမ်း တင်း ဢႃႇသၼ်ႇ ဝဵင်းႁႃႈဝဵင်း ဢိၵ်ႇလူၺ်ႈၵၼ်တင်း၊-

33ဝၢၼ်ႈဢၼ်မီးလဵပ်ႈႁွပ်ႈဝဵင်းၸိူဝ်းၼၼ်ႉ တေႃႇထိုင်ႁွတ်ႈဝဵင်း ပႃႇလႃႉ ဢေႃႈ။ ဢၼ်ၼႆႉၸမ်ႉ၊ ပဵၼ်တီႈယူႇတီႈသဝ်းၶဝ်လႄႈ မဵဝ်းၸိူဝ်ႉၶိူဝ်းၶဝ်ဢေႃႈ။-

34မေႇသေႃးပပ်ႉ၊ ယႃႇမလႅၵ်ႉ၊ ယေႃးသႃႉ လုၵ်ႈၸၢႆး ဢႃႇမၸီႉ၊ ယူဝ်းဢေးလႃႉ ၊-

35ယေႇႁူႉ လုၵ်ႈၸၢႆး ယေႃးသီႉၽီႉ လုၵ်ႈၸၢႆး ၸရႃႇယႃႉ လုၵ်ႈၸၢႆး ဢႃႇသေႇလႃႉ ၊-

36ဢေးလျေႃႇၼေႇ၊ ယႃႇၵေႃႇၽႃႉ၊ ယေႇသေႃႇႁႃႇယႃႉ၊ ဢသႃႇယႃႉ၊ ဢတေႇလႃႉ၊ ယေႇသီႉမျေးလႃႉ၊ ပေႇၼႃႇယႃႉ ၊-

37ဢိၵ်ႇတင်း ၸီႉၸႃႉ လုၵ်ႈၸၢႆး သီႉၽီႉ လုၵ်ႈၸၢႆး ဢႃႇလုၼ်ႇ လုၵ်ႈၸၢႆး ယေႇတႃႇယႃႉ ၊ လုၵ်ႈၸၢႆး သီႉမရီႉ လုၵ်ႈၸၢႆး သေႇမႃႇယႃႉ ၸိူဝ်းၼၼ်ႉ၊-

38လႆႈၶၢမ်ႇတၢင်းဢၼ်မၢတ်ႈမၢႆဢဝ် ၼႃႇမႃႉၸိုဝ်ႈသဵင်ၶဝ်သေလႄႈ ပဵၼ်တူၼ်ႈပဵၼ်ငဝ်ႈၵႃႈၼႂ်းမဵဝ်းၸိူဝ်ႉၶိူဝ်းၶဝ်ၼၼ်ႉလႄႈ မဵဝ်းၸိူဝ်ႉၶိူဝ်းၶဝ်ၼၼ်ႉယႂ်ႇၽႄႈၼမ်မႃးၼႃႇလူင်လၢင်ဢေႃႈ။

39ၶဝ်ၼၼ်ႉဢွၼ်ၵၼ်ၵႂႃႇ တေႃႇထိုင်ႁွတ်ႈသူပ်းတၢင်းတီႈဢၼ်ၶဝ်ႈၸူးဝဵင်း ၵေးတေႃး ဢၼ်ဝႃႈၽၢႆႇဝၼ်းဢွၵ်ႇပၢင်ႇႁူၺ်ႈၼၼ်ႉ ႁႂ်ႈလႆႈႁႃတီႈဢၼ်ၽုင်သူဝ်းၽုင်ပႄႉၶဝ်တၵ်းလႄႇၵိၼ်လႆႈၼၼ်ႉလႄႈ၊-

40ထူပ်းတီႈဢၼ်လႄႇၵိၼ်ဢၼ်တူၼ်ႈယိူဝ်ႈယႃႈၼမ်ၼႃႇလႄႈလီငၢမ်း၊ တီႈဢၼ်ၵႂၢင်ႈလီလႃးလီလႄႈ ယဵၼ်လီၼိမ်လီၼၼ်ႉဢေႃႈ။ ၶဝ်ၸိူဝ်းဢၼ်ယူႇၵႃႈတီႈၼၼ်ႈမိူဝ်ႈဢွၼ်တၢင်းၼၼ်ႉ ပဵၼ်ၵူၼ်းမဵဝ်း ႁႃႇမႃႉ ဢေႃႈ။-

41ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်တႅမ်ႈမၢႆဢဝ်ၼႃႇမႃႉၸိုဝ်ႈသဵင်ၶဝ်သေလႄႈဝႃႈမႃးယဝ်ႉၼႆႉၸိူဝ်းၼၼ်ႉ ဢွၼ်ၵၼ်ၵႂႃႇၼႂ်းၸူဝ်ႈပၢၼ် ႁေႇၸၵီႉ ၶုၼ်ႁေႃၶမ်း ယူႉတႃႉ ၼၼ်ႉသေလႄႈ တိုၵ်းတေႃးယႃႉပႅတ်ႈမူဝ်းၵႃႇတီႈယူႇတီႈသဝ်းၶဝ် ဢိၵ်ႇတင်းၵူၼ်း မေႃႇၼီႉ ဢၼ်ၶဝ်ထူပ်းႁၼ်ၵႃႈတီႈၼၼ်ႈလႄႈ ပႄႇၽဵဝ်ႈၶဝ်ပႅတ်ႈမူတ်းမူတ်းသဵင်ႈသဵင်ႈသေယဝ်ႉ၊ ဢွၼ်ၵၼ်ပုတ်ႈတီႈၶဝ်ၼၼ်ႉသေလႄႈ ယူႇၵႃႈတီႈၼၼ်ႈတေႃႇထိုင်ႁွတ်ႈဝၼ်းမိူဝ်ႈၼႆႉ ၵွပ်ႈပိူဝ်ႈဢၼ်ၶဝ်ထူပ်းႁၼ် တီႈဢၼ်ၽုင်သူဝ်းၽုင်ပႄႉတၵ်းလႄႇၵိၼ်ၼၼ်ႉဢေႃႈ။-

42လႆႈသမ်ႉၶဝ်ၵမ်ႈၽွင်ႈဢၼ်ဝႃႈ၊ ၵူၼ်းၸၢႆးမဵဝ်း သီႉမုၼ်ႇ ႁႃႈပၢၵ်ႇ ဢွၼ်ၵၼ်ၶီႇသိုၵ်းၵႂႃႇၵႃႈတီႈလွႆ ၸီႉရႃႉ ဢိၵ်ႇလူၺ်ႈၵၼ်တင်းပူဝ်ႇၶဝ် ဢၼ်ဝႃႈ ပေႇလတီႉ၊ ၼႃႇရီႉ၊ ရေႇၽႃႇယႃႉ၊ ဢေႃးၸေးလႃႉ ၊ ဢၼ်ပဵၼ်လုၵ်ႈၸၢႆး ဢီႉသီႉ ၸိူဝ်းၼၼ်ႉလႄႈ၊-

43တိုၵ်းတေႃးယႃႉပႅတ်ႈ မဵဝ်း ဢႃႇမလႅၵ်ႉ ဢၼ်ၵိုတ်းဢၼ်ၵျၢၼ်ႇလႄႈ လွတ်ႈဝႆႉၼၼ်ႉၸိူဝ်းၼၼ်ႉသေယဝ်ႉ၊ ဢွၼ်ၵၼ်ယူႇ ၵႃႈတီႈၼၼ်ႈတေႃႇထိုင်ႁွတ်ႈဝၼ်းမိူဝ်ႈၼႆႉဢေႃႈ။