1 Chronicles 24

Shan

← Chapter 23 Jump to: Chapter 25 →

1တၢင်းဢၼ်ၵူၼ်းမဵဝ်း ဢႃႇရုၼ်ႇ ႁဵတ်းမုၵ်ႉႁဵတ်းၸိူဝ်းယူႇၶေႃၶေႃၼၼ်ႉၸမ်ႉ၊ လုၵ်ႈၸၢႆး ဢႃႇရုၼ်ႇ ၼၼ်ႉ ပဵၼ် ၼႃႇတပ်ႉ၊ ဢၽီႉႁူႉ၊ ဢေးလႃႇၸႃႇ တင်း ဢီႉသမႃႇ ဢေႃႈ။-

2ၵွပ်ႈပိူဝ်ႈဢၼ် ၼႃႇတပ်ႉ တင်း ဢၽီႉႁူႉ ၼၼ်ႉ ယင်းဢမ်ႇမီးလုၵ်ႈၸၢႆးလႄႈတၢႆၼႂ်းၸူဝ်ႈပၢၼ်ပေႃႈၶဝ်ၼၼ်ႉလႄႈ၊ ဢေးလႃႇၸႃႇ တင်း ဢီႉသမႃႇ လႆႈၵိုတ်ႉႁၢပ်ႇဢမူႉယိတ်ႈပရေႃးႁဵၵ်ႈဢေႃႈ။-

3တႃႇဝိတ်ႈ ဢိၵ်ႇတင်း ၸႃႇတုၵ်ႉ မဵဝ်း ဢေးလႃႇၸႃႇ တင်း ဢႁီႉမလႅၵ်ႉ မဵဝ်း ဢီႉသမႃႇ ၸိူဝ်းၼၼ်ႉ ၶၢၼ်းၶဝ်ဝႆႉၸွမ်းၵႃႈၼင်ႇဢၼ် ၶဝ်ထုၵ်ႇႁဵတ်းႁင်းၽႂ်ႁင်းမၼ်းၼၼ်ႉဢေႃႈ။-

4ၵွပ်ႈပိူဝ်ႈဢၼ်ၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈမဵဝ်း ဢေးလႃႇၸႃႇ ယဵင်ႈၶႅၼ်းၼမ်လိူဝ်တွၼ်းသေ ၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈမဵဝ်း ဢီႉသမႃႇ ၼၼ်ႉလႄႈ၊ တၢင်းဢၼ်ၽႄၶဝ်ၶၢၼ်းဝႆႉၼၼ်ႉၸမ်ႉ၊ မဵဝ်း ဢေးလႃႇၸႃႇ ဢၼ်ပဵၼ်တူၼ်ႈပဵၼ်ငဝ်ႈတီႈပီႈၼွင်ႉၸိူဝ်ႉၶိူဝ်းပေႃႈၶဝ်ႁင်းၽႂ်ႁင်းမၼ်းၼၼ်ႉ မီးသိပ်းပၢႆႁူၵ်းၵေႃႉ၊ ၵူၼ်းမဵဝ်း ဢီႉသမႃႇ ဢၼ်ပဵၼ်တူၼ်ႈပဵၼ်ငဝ်ႈၸွမ်းလူၺ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ႁင်းၽႂ်ႁင်းမၼ်းၼၼ်ႉမီး ပႅတ်ႇၵေႃႉဢေႃႈ။-

5ၼင်ႇၼၼ်လႄႈႁဵတ်းတၢင်းဢၼ်တူၵ်းၸႃႇၵွၵ်ႈသေလႄႈ ၽႄၶဝ်ၼၼ်ႉၶၢၼ်းဝႆႉႁင်းၽႂ်ႁင်းမၼ်းဢေႃႈ၊ လွင်ႈမၼ်းၸမ်ႉ ၵႃႈၼႂ်းမဵဝ်း ဢေးလႃႇၸႃႇ တင်းမဵဝ်း ဢီႉသမႃႇ ၼၼ်ႉ၊ မီးၶုၼ်တီႈထႃႇၼႃႉတီႈမူတ်းၸၢင်ႇၸဝ်ႈ ဢိၵ်ႇတင်းၶုၼ်တီႈၽြႃးပဵၼ်ၸဝ်ႈဢေႃႈ။-

6သေႇမႃႇယႃႉ လုၵ်ႈၸၢႆး ၼႃႇသၼေႇလႃႉ မဵဝ်း လေႇဝီႉ ဢၼ်ပဵၼ်ၸရေးၸဝ်ႈၼၼ်ႉ လႆႈမၢတ်ႈမၢႆတႅမ်ႈဝႆႉၸရၢင်းၶဝ် ၵႃႈတီႈၽၢႆႇၼႃႈၶုၼ်ႁေႃၶမ်း၊ မူးမၢတ်ႈၽွင်းမိူင်း၊ ယိတ်ႈပရေႃးႁဵၵ်ႈ ၸႃႇတုၵ်ႉ၊ ဢႁီႉမလႅၵ်ႉ လုၵ်ႈၸၢႆး ဢႃႇပျႃႇသႃႇ ဢိၵ်ႇတင်းၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈ ပီႈၼွင်ႉၸိူဝ်ႉၶိူဝ်းပေႃႈၶဝ် ယိတ်ႈပရေႃးႁဵၵ်ႈၵူၼ်းမဵဝ်း လေႇဝီႉ ၸိူဝ်းၼၼ်ႉဝႆႉလႄႈ၊ ပီႈၼွင်ႉၸိူဝ်ႉၶိူဝ်းပေႃႈၶဝ်ၶိူဝ်းၼိုင်ႈ လႆႈၶၢမ်ႇတၢင်းဢၼ်ၸႃႇၵွၵ်ႈတူၵ်းပုၼ်ႈ မဵဝ်း ဢေးလႃႇၸႃႇ ၵမ်းၼိုင်ႈ၊ ၶိူဝ်းၼိုင်ႈပုၼ်ႈမဵဝ်း ဢီႉသမႃႇ ၵမ်းၼိုင်ႈလႄႈ ပဵၼ်လႄႉပဵၼ်ၵမ်းဝႆႉဢေႃႈ။-

7တၢင်းဢၼ်ၸႃႇၵွၵ်ႈတူၵ်းဢွၵ်ႇၵမ်းပထမႃႉပဵၼ် ယေႃးယႃႇရိပ်ႉ ၊ ၵမ်းတူႉတီႉယႃႉ ယေႇတႃႇယႃႉ ၊-

8ၵမ်းတႃႉတီႉယႃႉ ႁႃႇရိမ်း ၊ ၵမ်းၸတုၵ်ႉထႃႉ ၸေႃးရိမ်း ၊-

9ၵမ်းပိၼ်ႇၸမႃႉ မႃႇလၶီႉယႃႉ ၊ ၵမ်းသႃႉထမႃႉ မီႉယမိၼ်း ၊-

10ၵမ်းသတ်ႉတမႃႉ ႁၵ်ႉၵုတ်ႉ ၊ ၵမ်းဢႃႉထမႃႉ ဢၽီႉယႃႉ ၊-

11ၵမ်းၼဝမႃႉ ယေႇသႂႃႇ ၊ ၵမ်းတႃႉသမႃႉ သေႇၵၼီႉ ၊-

12ၵမ်းဢေႇၵႃႉတႃႉသမႃႉ ဢေးလျႃႇသိပ်ႉ ၊-

13ၵမ်းတႂႃႇတႃႉသမႃႉ ယႃႇၵိမ်း ၊ ၵမ်းဢၼ်ထူၼ်ႈထိုင်သိပ်းသၢမ် ႁုပ်ႉပႃႉ ၊ ၵမ်းဢၼ်ထူၼ်ႈထိုင်သိပ်းသီႇ ယေႇသေးပပ်ႉ ၊-

14ၵမ်းဢၼ်ထူၼ်ႈထိုင်သိပ်းႁႃႈ ပီႉလၵႃႉ ၊ ၵမ်းဢၼ်ထူၼ်ႈထိုင်သိပ်းႁူၵ်း ဢိမ်ႇမေႇရႃႉ ၊-

15ၵမ်းဢၼ်ထူၼ်ႈထိုင်သိပ်းၸဵတ်း ႁေႇၸီႉရႃႉ ၊ ၵမ်းဢၼ်ထူၼ်ႈထိုင်သိပ်းပႅတ်ႇ ဢပ်ႉၸိတ်ႉ ၊-

16ၵမ်းဢၼ်ထူၼ်ႈထိုင်သိပ်းၵဝ်ႈ ပေႇသႁီႉ ၊ ၵမ်းဢၼ်ထူၼ်ႈထိုင်သၢဝ်းၼိုင်ႈ ယေႇၸၵျေႇလႃႉ ၊-

17ၵမ်းဢၼ်ထူၼ်ႈထိုင်သၢဝ်းဢဵတ်း ယႃႇၶိၼ်ႇ ၊ ၵမ်းဢၼ်ထူၼ်ႈထိုင်သၢဝ်းသွင် ၵႃႇမူႉလႃႉ ၊-

18ၵမ်းဢၼ်ထူၼ်ႈထိုင်သၢဝ်းသၢမ် တေႇလႃႇယႃႉ ၊ ၵမ်းဢၼ်ထူၼ်ႈထိုင်သၢဝ်းသီႇ မႃႇၸီႉ ဢေႃႈ။-

19ဢၼ်ၼႆႉၸမ်ႉ၊ ပဵၼ်တၢင်းဢၼ်ၸီႇယၢင်ႇၶၢၼ်းၶဝ်ဝႆႉၼႂ်းတၢင်းဢၼ်ၶဝ်ၵိုတ်ႉႁၢပ်ႇဢမူႉ ႁႂ်ႈၶဝ်လႆႈၶဝ်ႈၵႃႈၼႂ်းႁိူၼ်းထႃႇဝရႃႉၽြႃး ၸွမ်းလူၺ်ႈလွင်ႈတၢင်းဢၼ်ၸီႇယၢင်ႇဝႆႉ၊ ဢၼ်မၼ်းၸဝ်ႈဢဝ်တင်းမိုဝ်းပေႃႈၶဝ် ဢႃႇရုၼ်ႇ ပၼ်တီႈၶဝ်ၸွမ်းၵႃႈၼင်ႇဢၼ် ထႃႇဝရႃႉၽြႃး ၽြႃးပဵၼ်ၸဝ်ႈမဵဝ်း ဢီႉသရေႇလႃႉ သင်ႇလၢတ်ႈဝႆႉတီႈမၼ်းၼၼ်ႉဢေႃႈ။

20ၵူၼ်းမဵဝ်း လေႇဝီႉ ဢၼ်ယင်းၵိုတ်းယင်းၵျၢၼ်ႇၸိူဝ်းၼၼ်ႉၸမ်ႉ၊ ၼႂ်းလုၵ်ႈၸၢႆး ဢႃႇမရမ်ႇ ၸိူဝ်းၼၼ်ႉ၊ သေႇပူၺ်ႇလႃႉ ၊ ၼႂ်းလုၵ်ႈၸၢႆး သေႇပူၺ်ႇလႃႉ ၼၼ်ႉၸိူဝ်းၼၼ်ႉ ယေႇတႃႇယႃႉ ၊-

21ၼႂ်းလုၵ်ႈၸၢႆး ရေႇႁၽီႉ ၸိူဝ်းၼၼ်ႉ ဢီႉသယႃႉ ဢၼ်ပဵၼ်တူၼ်ႈပဵၼ်ငဝ်ႈ၊-

22ၼႂ်းလုၵ်ႈၸၢႆး ဢီႉၸႁႃႇ ၸိူဝ်းၼၼ်ႉ သေႇလေႃးမိတ်ႉ ၊ ၼႂ်းလုၵ်ႈၸၢႆး သေႇလေႃးမိတ်ႉ ၸိူဝ်းၼၼ်ႉ ယႃႇႁတ်ႉ ၊-

23ၼႂ်းလုၵ်ႈၸၢႆး ႁေႇပြုၼ်ႇ ၸိူဝ်းၼၼ်ႉ လုၵ်ႈၸၢႆးၵေႃႉယႂ်ႇ ယေႇရီႉ ၊ လုၵ်ႈၸၢႆးတူႉတီႉယႃႉ ဢႃႇမရီႉ ၊ လုၵ်ႈၸၢႆးတႃႉတီႉယႃႉ ယႁႃႇၸေးလႃႉ ၊ လုၵ်ႈၸၢႆးၸတုၵ်ႉထႃႉ ယေႇၵမမ်ႇ ၊-

24ၼႂ်းလုၵ်ႈၸၢႆး ဢေႃးၸေးလႃႉ ၸိူဝ်းၼၼ်ႉ မီႉၶႃႇ ၊ ၼႂ်းလုၵ်ႈၸၢႆး မီႉၶႃႇ ၼၼ်ႉ ၸိူဝ်းၼၼ်ႉ သမီႉရႃႉ ၊-

25ၼွင်ႉၸၢႆး မီႉၶႃႇ ၼၼ်ႉ ဢီႉသယႃႉ ၊ ၼႂ်းလုၵ်ႈၸၢႆး ဢီႉသယႃႉ ၸိူဝ်းၼၼ်ႉ ၸႃႇၶရီႉ ဢေႃႈ။-

26လုၵ်ႈၸၢႆး မေႇရႃႇရီႉ ၸမ်ႉ၊ ပဵၼ် မႁႃႇလီႉ တင်း မူႉသီႉ လႄႈ၊-

27လုၵ်ႈၸၢႆး ယႃႇၸီႉ ဢၼ်ပဵၼ်ၵူၼ်းမဵဝ်း မေႇရႃႇရီႉ ၸမ်ႉ၊ ပဵၼ် ပေးၼေႃး၊ သေႃးႁမ်ႇ၊ ၸၵ်ႉၵူႉရႃႉ တင်း ဢီႉပရီႉ ဢေႃႈ။-

28ဢေးလႃႇၸႃႇ လုၵ်ႈၸၢႆး မႁႃႇလီႉ ၼၼ်ႉ ဢမ်ႇမီးလုၵ်ႈၸၢႆး။-

29လုၵ်ႈၸၢႆး ၵီႉသႃႉ ၸမ်ႉ၊ ပဵၼ် ယေႇရမေးလႃႉ ဢေႃႈ။-

30လုၵ်ႈၸၢႆး မူႉသီႉ ၸမ်ႉ၊ ပဵၼ် မႁႃႇလီႉ၊ ဢေးတႃႇ တင်း ယေႇရမုတ်ႉ ဢေႃႈ။ ၶဝ်ၸိူဝ်းၼႆႉၸမ်ႉ၊ ပဵၼ်မဵဝ်းၸိူဝ်ႉၶိူဝ်း လေႇဝီႉ ၸွမ်းလူၺ်ႈပီႈၼွင်ႉၸိူဝ်ႉၶိူဝ်းပေႃႈၶဝ်ၼၼ်ႉဢေႃႈ။-

31ၶဝ်ၸိူဝ်းၼႆႉဢွၼ်ၵၼ်ႁဵတ်းတူၵ်းၸႃႇၵွၵ်ႈ ပဵၼ်လႄႉပဵၼ်ၵမ်း မိူၼ်ၸိူဝ်ႉၼင်ႇပီႈၼွင်ႉၶဝ်ၵူၼ်းမဵဝ်း ဢႃႇရုၼ်ႇ ၼၼ်ႉ ၵႃႈတီႈၽၢႆႇၼႃႈၶုၼ်လူင် တႃႇဝိတ်ႈ ဢိၵ်ႇတင်း ၸႃႇတုၵ်ႉ၊ ဢႁီႉမလႅၵ်ႉ တင်းၶဝ်ၸိူဝ်းဢၼ်ပဵၼ်တူၼ်ႈပဵၼ်ငဝ်ႈ ပီႈၼွင်ႉၸိူဝ်ႉၶိူဝ်းပေႃႈၶဝ်ယိတ်ႈပရေႃးႁဵၵ်ႈၵူၼ်းမဵဝ်း လေႇဝီႉ ၸိူဝ်းၼၼ်ႉဢေႃႈ။ ပီႈၼွင်ႉၸိူဝ်ႉၶိူဝ်းပေႃႈ ဢၼ်ပဵၼ်ၵေႃႉယႂ်ႇ မိူၼ်ၸိူဝ်ႉၼင်ႇၵေႃႉဢၼ်ပဵၼ်ၵေႃႉလဵၵ်ႉၼၼ်ႉဢေႃႈ။

← Chapter 23 Jump to: Chapter 25 →