1 Chronicles 7 — Shan

1လုၵ်ႈၸၢႆး ဢီႉသၶႃႇ ၸမ်ႉ၊ ပဵၼ် တေႃးလႃႉ၊ ၽူႉဝႃႇ၊ ယႃႇသုပ်ႉ၊ သီႉမရုၼ်ႇ ဢၢၼ်ႇပွင်းၵၼ်ပဵၼ်သီႇၵေႃႉဢေႃႈ။-

2လုၵ်ႈၸၢႆး တေႃးလႃႉ ၸမ်ႉ၊ ပဵၼ် ဢေႃႇၸီႉ၊ ရေႇၽႃႇယႃႉ၊ ယေႇရေးလႃႉ၊ ယႃႇမေး၊ ယီႉပသမ်ႇ၊ သမူၺ်ႇလႃႉ ဢၼ်ပဵၼ်တူၼ်ႈပဵၼ်ငဝ်ႈ ၼႂ်းမဵဝ်းၸိူဝ်ႉၶိူဝ်းပေႃႈၶဝ်ၼၼ်ႉဢေႃႈ။ ၶဝ်ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇ ၼႂ်းမဵဝ်းၸိူဝ်ႉၶိူဝ်းဢၼ်သိုပ်ႇတၢမ်းလူင်းမႃးၼၼ်ႉလႄႈ ၼႂ်းၸူဝ်ႈပၢၼ်ၶုၼ်လူင် တႃႇဝိတ်ႈ ၼၼ်ႉ ၼပ်ႉဢၢၼ်ႇပွင်းၵၼ်မီးသွင်မိုၼ်ႇသွင်ႁဵင်ပၢႆႁူၵ်းပၢၵ်ႇဢေႃႈ။-

3လုၵ်ႈၸၢႆး ဢေႃႇၸီႉ ၸမ်ႉ၊ ပဵၼ် ဢီႉၸရႁီႉ ၊ လုၵ်ႈၸၢႆး ဢီႉၸရႁီႉ ပဵၼ် မိၵ်ႉၶေႇလႃႉ၊ ဢေႃးပတီႉ၊ ယူဝ်းဢေးလႃႉ၊ ဢီႉသယႃႉ ဢၢၼ်ႇပွင်းၵၼ်ပဵၼ်ႁႃႈၵေႃႉဢေႃႈ။ ၶဝ်ၵႃႈမီးၼႆႉပဵၼ်ၵေႃႉဢၼ်ပဵၼ်တူၼ်ႈပဵၼ်ငဝ်ႈဢေႃႈ။-

4ၵွပ်ႈပိူဝ်ႈဢၼ်ၶဝ်မီးမေးမီးလုၵ်ႈၼမ်ၼႃႇလႄႈ၊ ၸွမ်းလူၺ်ႈပီႈၼွင်ႉမဵဝ်းၸိူဝ်ႉၶိူဝ်းပေႃႈၶဝ်ဢၼ်သိုပ်ႇလူင်းမႃးၼၼ်ႉ ၶဝ်ဢွၼ်ၵၼ်ပဵၼ်တပ်ႉပဵၼ်တႃႇဝႆႉလႄႈ မီးၵူၼ်းသိုၵ်းသၢမ်မိုၼ်ႇပၢႆႁူၵ်းႁဵင်ဢေႃႈ။-

5ပီႈၼွင်ႉၶဝ်ၼႂ်းမဵဝ်း ဢီႉသၶႃႇ ၵူႈၸိူဝ်ႉၵူႈၶိူဝ်းၼၼ်ႉ ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇလႄႈ၊ ၸွမ်းၵႃႈၼင်ႇဢၼ်မၢတ်ႈမၢႆၶဝ်ႈပႃးၼႂ်းၸရၢင်းၼၼ်ႉ ဢွၼ်ၵၼ်မီးပႅတ်ႇမိုၼ်ႇပၢႆၸဵတ်းႁဵင်ဢေႃႈ။

6လုၵ်ႈၸၢႆး ပိၼ်ႇယႃႇမိၼ်ႇ ၸမ်ႉ၊ ပဵၼ် ပေႇလႃႉ၊ ပေႇၶႃႇ၊ ယေႇတယေးလႃႉ ဢၢၼ်ႇပွင်းၵၼ်ပဵၼ်သၢမ်ၵေႃႉဢေႃႈ။-

7လုၵ်ႈၸၢႆး ပေႇလႃႉ ၸမ်ႉ၊ ပဵၼ် ဢေးၸပုၼ်ႇ၊ ဢေႃႇၸီႉ၊ ဢေႃးၸေးလႃႉ၊ ယေႇရီႉမုတ်ႉ တင်း ဢီႉရီႉ ဢၢၼ်ႇပွင်းၵၼ်ပဵၼ်ႁႃႈၵေႃႉဢေႃႈ။ ၶဝ်ၸိူဝ်းၼႆႉ ပဵၼ်တူၼ်ႈပဵၼ်ငဝ်ႈမဵဝ်းၸိူဝ်ႉၶိူဝ်းပေႃႈၶဝ်လႄႈ ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇသေလႄႈ ၸွမ်းၵႃႈၼင်ႇဢၼ်မၢတ်ႈမၢႆၶဝ်ႈပႃးၼႂ်းၸရၢင်းၼၼ်ႉ မီးသွင်မိုၼ်ႇသွင်ႁဵင်ပၢႆသၢမ်သိပ်းသီႇၵေႃႉဢေႃႈ။-

8လုၵ်ႈၸၢႆး ပေႇၶႃႇ ၸမ်ႉ၊ ပဵၼ် ၸေႇမရီႉ၊ ယေႃးသႃႉ၊ ဢေးလျေႃႇၸႃႇ၊ ဢေးလီႉဢေႃးၼေႇ၊ ဢေႃးမရီႉ၊ ယေႇရီႉမုတ်ႉ၊ ဢၽီႉယႃႉ၊ ဢႃႇၼသုတ်ႉ တင်း ဢႃႇလမိတ်ႉ လႄႈ ၶဝ်ၵႃႈမီးၸိူဝ်းၼႆႉပဵၼ်လုၵ်ႈၸၢႆး ပေႇၶႃႇ ဢေႃႈ။-

9ၶဝ်လႆႈၶၢမ်ႇတၢင်းဢၼ်မၢတ်ႈမၢႆၶဝ်ႈပႃး ၼႂ်းၸရၢင်းၸွမ်းလူၺ်ႈမဵဝ်းၸိူဝ်ႉၶိူဝ်းၶဝ်ဢၼ်သိုပ်ႇလူင်းမႃးၼၼ်ႉလႄႈ ပဵၼ်ၵေႃႉဢၼ်ပဵၼ်တူၼ်ႈပဵၼ်ငဝ်ႈမဵဝ်းၸိူဝ်ႉၶိူဝ်းပေႃႈၶဝ်လႄႈ ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇသွင်မိုၼ်ႇပၢႆသွင်ပၢၵ်ႇဢေႃႈ။-

10လုၵ်ႈၸၢႆး ယေႇတယေးလႃႉ ၸမ်ႉ၊ ပဵၼ် ပီႉလႁၼ်ႇ ၊ လုၵ်ႈၸၢႆး ပီႉလႁၼ်ႇ ပဵၼ် ယူႉသႃႉ၊ ပိၼ်ႇယႃႇမိၼ်ႇ၊ ဢေႇႁုတ်ႉ၊ ၶေးၼႃႇၼႃႉ၊ ၸေႇသၼ်ႇ၊ ထႃႇသီႉသႃႉ၊ ဢႁီႉသႁႃႇ ဢေႃႈ။-

11ၶဝ်ၵႃႈမီးၼႆႉ ပဵၼ်လုၵ်ႈၸၢႆး ယေႇတယေးလႃႉ ၸွမ်းလူၺ်ႈဢၼ်ၶဝ်ပဵၼ်တူၼ်ႈပဵၼ်ငဝ်ႈမဵဝ်းၸိူဝ်ႉၶိူဝ်းပေႃႈၶဝ်ၼၼ်ႉသေလႄႈ ပဵၼ်ႁူဝ်ႁၢၼ်ၵူၼ်းသိုၵ်းဢၼ်ႁႅင်းယႂ်ႇၼႃႇ မိုၼ်ႇပၢႆၸဵတ်းႁဵင်သွင်ပၢၵ်ႇဢၼ်တၢတ်ႈၼိူင်ႇႁႂ်ႈလႆႈၶီႇသိုၵ်းၵႂႃႇၼၼ်ႉဢေႃႈ။-

12လိူဝ်သေၼၼ်ႉ မီး သူႉပိမ်း တင်း ႁူႉပိမ်း ၵူၼ်း ဢီႇရႃႉ ဢိၵ်ႇတင်း ႁူႉသိမ်း ၵူၼ်း ဢႁေႇရႃႉ ဢေႃႈ။

13လုၵ်ႈၸၢႆး ၼပ်ႉထလီႉ ၸမ်ႉ၊ ပဵၼ် ယႃႇၸေးလႃႉ၊ ၵူႉၼီႉ၊ ယေႇၸႃႉ တင်း သႃႇလုမ်ႇ ဢၼ်ပဵၼ်လၢၼ် ပီႉလႁႃႇ ၼၼ်ႉဢေႃႈ။

14လုၵ်ႈၸၢႆး မၼႃႇသေႇ ၸမ်ႉ၊ ပဵၼ် ဢႃႇသရေးလႃႉ ဢၼ်မေးမၼ်းၵိူတ်ႇလဵင်ႉမႃးၼၼ်ႉဢေႃႈ၊ လႆႈသမ်ႉမေးၼွႆႉမၼ်းဢၼ်ပဵၼ်မဵဝ်း သူႉရီႉ ၼၼ်ႉၵိူတ်ႇလဵင်ႉ မႃႇၶီႉရႃႉ ပေႃႈ ၵီႉလတ်ႉ ၼၼ်ႉမႃးလႄႈ၊-

15မႃႇၶီႉရႃႉ ၼၼ်ႉ ႁူမ်ႈပွင်းဢဝ်ၵၼ်တင်းၼွင်ႉယိင်း ႁူႉပိမ်း တင်း သူႉပိမ်း ဢၼ်လႆႈၸိုဝ်ႈ မႃႇၶႃႇ ၼၼ်ႉဢေႃႈ။ လုၵ်ႈၸၢႆးဢၼ်ထူၼ်ႈထိုင်သွင်သိုပ်ႇၼၼ်ႉၸမ်ႉ၊ လႆႈၸိုဝ်ႈ ၸလေႃးၽတ်ႉ၊ ၸလေႃးၽတ်ႉ ၼၼ်ႉ မီးလုၵ်ႈယိင်းၵူၺ်းဢေႃႈ။-

16လႆႈသမ်ႉ မႃႇၶႃႇ မေး မႃႇၶီႉရႃႉ ၼၼ်ႉ ၵိူတ်ႇလဵင်ႉလုၵ်ႈၸၢႆးလႄႈ ႁွင်ႉႁဵၵ်ႈၸိုဝ်ႈ ပေႇရိတ်ႉ ဢေႃႈ၊ ၼွင်ႉၸၢႆးမၼ်းၸမ်ႉ၊ လႆႈၸိုဝ်ႈ သေးရိတ်ႉ ဢေႃႈ၊ လုၵ်ႈၸၢႆးမၼ်းၸမ်ႉ၊ ပဵၼ် ဢူႉလမ်ႇ တင်း ရေႇၵိမ်ႇ ဢေႃႈ။-

17လုၵ်ႈၸၢႆး ဢူႉလမ်ႇ ၸမ်ႉ၊ ပဵၼ် ပေႇတၼ်ႇ ဢေႃႈ၊ ၶဝ်ၸိူဝ်းၼႆႉၸမ်ႉ၊ ပဵၼ်မဵဝ်းၸိူဝ်ႉၶိူဝ်း ၵီႉလတ်ႉ လုၵ်ႈၸၢႆး မႃႇၶီႉရႃႉ လုၵ်ႈၸၢႆး မၼႃႇသေႇ ဢေႃႈ။-

18ၼွင်ႉယိင်းမၼ်း ႁမ်ႇမေႃႇလေးၵိတ်ႉ ၼၼ်ႉ ၵိူတ်ႇလဵင်ႉ ဢီႉသေႃးတႃႉ၊ ဢပျေႇၸႃႇ တင်း မႁႃႇလႃႉ ဢေႃႈ။-

19လုၵ်ႈၸၢႆး သမီႉတႃႇ ၸမ်ႉ၊ ပဵၼ် ဢႁီႉဢၼ်ႇ၊ သေႇၶိမ်ႇ၊ လီႉၵႁီႉ တင်း ဢၼီႉဢမ်ႇ ဢေႃႈ။

20လုၵ်ႈၸၢႆး ဢေႇၽရိမ်ႇ ၸမ်ႉ၊ ပဵၼ် သူႉသေးလႃႉ ၊ လုၵ်ႈၸၢႆး သူႉသေးလႃႉ ပဵၼ် ပေႇရိတ်ႉ ၊ လုၵ်ႈၸၢႆး ပေႇရိတ်ႉ ပဵၼ် တႃႇႁတ်ႉ ၊ လုၵ်ႈၸၢႆး တႃႇႁတ်ႉ ပဵၼ် ဢေးလျႃႇတႃႉ ၊ လုၵ်ႈၸၢႆး ဢေးလျႃႇတႃႉ ၊ ပဵၼ် ထႃႇႁတ်ႉ ၊-

21လုၵ်ႈၸၢႆး ထႃႇႁတ်ႉ ပဵၼ် ၸႃႇပတ်ႉ ၊ လုၵ်ႈၸၢႆး ၸႃႇပတ်ႉ ပဵၼ် သူႉသေးလႃႉ ဢေႃႈ။ လိူဝ်သေၼၼ်ႉ မီး ဢေးၸႃႇ တင်း ဢေးလတ်ႉ ဢၼ်ၵူၼ်းဝဵင်း ၵႃႇသႃႉ ဢၼ်ၵိူတ်ႇလဵင်ႉၵႃႈတီႈမိူင်းၼၼ်ႉၸိူဝ်းၼၼ်ႉ ဢွၼ်ၵၼ်ဢဝ်တၢႆပႅတ်ႈသေ ၵွပ်ႈပိူဝ်ႈဢၼ်သွင်ၶႃလူင်းၵႂႃႇ ႁႂ်ႈလႆႈႁိမ်ႁူင်ႇဢဝ်တရိၵ်ႈသၢၼ်ႇၶဝ်ၼၼ်ႉဢေႃႈ။-

22ပေႃႈၶဝ် ဢေႇၽရိမ်ႇ ၼၼ်ႉ ၸႂ်ဢမ်ႇသႃႇၶၢင်းၶီၶၢင်းၽၢၼ် ယူႇၶိင်ႇၵႃႇလႃႉမိုဝ်ႉဝၼ်းၼမ်ၼႃႇလႄႈ၊ ပီႈၼွင်ႉမၼ်းတင်းလၢႆဢွၼ်ၵၼ်မႃးႁႂ်ႈမၼ်းပေႇၸႂ်ဢေႃႈ။-

23လိုၼ်းၼၼ်ႉ မၼ်းၶဝ်ႈၸူးတီႈမေးမၼ်းသေယဝ်ႉ၊ မႄႈယိင်းၼၼ်ႉပႃးပတိၵ်ႉသၼ်ႇထေႇသေလႄႈ ၵိူတ်ႇလဵင်ႉလုၵ်ႈၸၢႆးမႃးလႄႈ၊ မၼ်းႁွင်ႉႁဵၵ်ႈၸိုဝ်ႈလုၵ်ႈၸၢႆးၼၼ်ႉ ပေႇရီႉယႃႉ ဢေႃႈ။ လွင်ႈမၼ်းၸမ်ႉ ဢႃႉမင်ႇၵလႃႇႁွတ်ႈထိုင်ၵႃႈတီႈႁိူၼ်းမၼ်းယေးမၼ်းဢေႃႈ။-

24လုၵ်ႈယိင်းမၼ်းၸမ်ႉ၊ ပဵၼ် သေးရႃႇ ဢၼ်တႄႇႁဵတ်းဝဵင်း ပႅတ်ႉႁေႃႇရုၼ်ႇ ဢၼ်ၵႃႈၼိူဝ်ဢိၵ်ႇတင်း ဢၼ်ၵႃႈတႂ်ႈ တင်းဝဵင်း ဢေႃးၸႅၼ်ႇသေးရႃႇ ၸိူဝ်းၼၼ်ႉဢေႃႈ။-

25လုၵ်ႈၸၢႆးမၼ်းၸမ်ႉ၊ ပဵၼ် ရေးၽႃႉ ၊ လုၵ်ႈၸၢႆး ရေးၽႃႉ ပဵၼ် ရေႇသႅပ်ႉ ၊ လုၵ်ႈၸၢႆး ရေႇသႅပ်ႉ ပဵၼ် တေးလႃႉ ၊ လုၵ်ႈၸၢႆး တေးလႃႉ ပဵၼ် တႃႇႁၼ်ႇ ၊-

26လုၵ်ႈၸၢႆး တႃႇႁၼ်ႇ ပဵၼ် လႃႇတၼ်ႇ ၊ လုၵ်ႈၸၢႆး လႃႇတၼ်ႇ ပဵၼ် ဢမီႉႁုတ်ႉ ၊ လုၵ်ႈၸၢႆး ဢမီႉႁုတ်ႉ ပဵၼ် ဢေးလီႉသမႃႇ ၊-

27လုၵ်ႈၸၢႆး ဢေးလီႉသမႃႇ ပဵၼ် ၼုၼ်ႇ ၊ လုၵ်ႈၸၢႆး ၼုၼ်ႇ ပဵၼ် ယေႃးသူႉ ဢေႃႈ။-

28တီႈယူႇတီႈသဝ်းဢၼ်ၶဝ်ထိူၵ်ႈပိူင်ႇၸမ်ႉ၊ ပဵၼ်ဝဵင်း ပေႇသလႃႉ ဢိၵ်ႇတင်းဝၢၼ်ႈမၼ်းတင်းလၢႆ၊ ၵႃႈတီႈၽၢႆႇတၢင်းဢွၵ်ႇၼၼ်ႉ ဝဵင်း ၼႃႇရၼ်ႇ ၊ ၵႃႈတီႈၽၢႆႇတၢင်းတူၵ်းၼၼ်ႉ ဝဵင်း ၵေႇၸႃႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း သေႇၶိမ်ႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း ၵႃႇၸႃႉ ဢိၵ်ႇတင်းဝၢၼ်ႈမၼ်းတင်းလၢႆ၊-

29ၵႃႈတီႈႁိမ်းၶွပ်ႇၼမ်ႉလႅၼ်လိၼ်တီႈယူႇၵူၼ်းမဵဝ်း မၼႃႇသေႇ ၼၼ်ႉ၊ ဝဵင်း ပႅတ်ႉသၼ်ႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း တႃႇၼၵ်ႉ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း မေႇၵိတ်ႉတေႃႇ ဢိၵ်ႇတင်းဝၢၼ်ႈမၼ်းတင်းလၢႆ၊ ဝဵင်း တေႃႇရႃႉ ဢိၵ်ႇတင်းဝၢၼ်ႈမၼ်းတင်းလၢႆဢေႃႈ။ ၵႃႈတီႈဝဵင်းၸိူဝ်းၼႆႉၵူၼ်းမဵဝ်း ယူဝ်းသႅပ်ႈ ဢၼ်ပဵၼ်လုၵ်ႈၸၢႆး ဢီႉသရေႇလႃႉ ၼၼ်ႉၸိူဝ်းၼၼ်ႉ ဢွၼ်ၵၼ်တူၵ်းတီႈတူၵ်းလႅၼ်သေလႄႈယူႇဢေႃႈ။

30လုၵ်ႈၸၢႆး ဢႃႇသႃႇ ၸမ်ႉ၊ ပဵၼ် ယီႉမၼႃႉ၊ ဢီႉသႂႃႇ၊ ဢီႉသဝီႇ၊ ပေႇရီႉယႃႉ ၊ ၼွင်ႉယိင်းၶဝ် ၸေးရႃႉ ဢေႃႈ။-

31လုၵ်ႈၸၢႆး ပေႇရီႉယႃႉ ၸမ်ႉ၊ ပဵၼ် ႁေႇပႃႇ တင်း မႃႇလၶျေးလႃႉ ဢၼ်ပဵၼ်ပေႃႈ ပီႉရႃႇၸႃႇဝိတ်ႉ ၼၼ်ႉဢေႃႈ။-

32လုၵ်ႈၸၢႆး ႁေႇပႃႇ ၸမ်ႉ၊ ပဵၼ် ယႃႇၽလႅတ်ႉ၊ သေႃးမႃႇရႃႉ၊ ႁေႃးသမ်ႇ ၊ ၼွင်ႉယိင်းၶဝ် သူႉဢႃႇ ဢေႃႈ။-

33လုၵ်ႈၸၢႆး ယႃႇၽလႅတ်ႉ ၸမ်ႉ၊ ပဵၼ် ပႃႇသၵ်ႉ၊ ပီႉမႁႃႇလႃႉ၊ ဢႃႇသဝတ်ႉ ဢေႃႈ၊ ၶဝ်ၸိူဝ်းၼႆႉပဵၼ် လုၵ်ႈၸၢႆး ယႃႇၽလႅတ်ႉ ဢေႃႈ။-

34လုၵ်ႈၸၢႆး သမေႇရႃႉ ၸမ်ႉ၊ ပဵၼ် ဢႃႇႁီႉ၊ ရေႃးၵႃႉ၊ ယေႇႁုပ်ႉပႃႉ တင်း ဢႃႇရမ်ႇ ဢေႃႈ။-

35လုၵ်ႈ ႁေႇလိမ်ႇ ဢၼ်ပဵၼ်ၼွင်ႉၸၢႆးမၼ်းၼၼ်ႉၸမ်ႉ၊ ပဵၼ် ၸေႃႇၽႃႉ၊ ယီႉမၼႃႉ၊ သေးလိတ်ႉ တင်း ဢႃႇမလႃႉ ဢေႃႈ။-

36လုၵ်ႈၸၢႆး ၸေႃႇၽႃႉ ၸမ်ႉ၊ ပဵၼ် သူႉဢႃႇ၊ ႁႃႇၼေႇၽႃႇ၊ သႂႃႇလႃႉ၊ ပေႇရီႉ၊ ဢီႉမရႃႉ ၊-

37ပေးၸႃႇ၊ ႁေႃးတႃႉ၊ သမ်ႇမႃႇ၊ သီႉလသႃႉ၊ ဢီႉသရၼ်ႇ တင်း ပႄႇရႃႉ ဢေႃႈ။-

38လုၵ်ႈၸၢႆး ယေႇသႃႇ ၸမ်ႉ၊ ပဵၼ် ယေႇၽုၼ်ႇၼႃႉ၊ ပီႉသပႃႉ တင်း ဢႃႇရႃႉ ဢေႃႈ။-

39လုၵ်ႈၸၢႆး ဢူႉလႃႉ ၸမ်ႉ၊ ပဵၼ် ဢႃႇရႃႉ၊ ႁၢၼ်ႇယေႇလႃႉ တင်း ရေႇၸီႉယႃႉ ဢေႃႈ။-

40ၶဝ်ၵႃႈမီးၼႆႉ ပဵၼ်ၵူၼ်းမဵဝ်း ဢႃႇသႃႇ ၊ ၵေႃႉဢၼ်ပဵၼ်တူၼ်ႈပဵၼ်ငဝ်ႈၼႂ်းမဵဝ်းၸိူဝ်ႉၶိူဝ်းပေႃႈၶဝ် ၶုၼ်ႁူဝ်ႁၢၼ်ၵူၼ်းသိုၵ်းဢၼ်လိူၵ်ႈၵဵပ်းဢဝ်လႄႈ ႁႅင်းယႂ်ႇၼႃႇလႄႈ ပဵၼ်တူၼ်ႈပဵၼ်ငဝ်ႈၼႂ်းၶုၼ်တင်းလၢႆၼၼ်ႉဢေႃႈ။ ၶဝ်ၸိူဝ်းဢၼ်လႆႈၶၢမ်ႇတၢင်းဢၼ်မၢတ်ႈမၢႆၶဝ်ႈပႃးၼႂ်းၸရၢင်းလႄႈ တၢတ်ႈၼိူင်ႇႁႂ်ႈလႆႈၶီႇသိုၵ်းၵႂႃႇၼၼ်ႉ မီးသွင်မိုၼ်ႇပၢႆႁူၵ်းႁဵင်ဢေႃႈ။