1 Chronicles 4

Sotho 1951 (BIBELE)

← Chapter 3 Jump to: Chapter 5 →

1Bana ba Juda ke Pheretse, le Hetsirone, le Karami, le Huri, le Sobala.

2Reaya morwa wa Sobala o tswetše Johate; Johate a tswala Ahumai le Lahadi. Ke yona meloko ya ba Tsorea.

3Ba ga Abi-Ethama ke Jeseriele, le Jisima, le Jidibasa; kgaetšedi ya bona ke Seleleponi.

4Penuele ke tatago Gedoro; Esere ke tatago Husa. Bona ke bana ba Huri wa ntlha wa Efuratha tatago ba Betlehema.

5Asahuru tatago Thekoa o be a na le basadi ba babedi, Helea le Naara.

6Naara a mmelegela Ahusama, le Hefere, le Themeni, le Ahasethari. Ke bona bana ba Naara.

7Bana ba Helea ke Tserete, le Jesohara, le Etinana.

8Kotsi o tswetše Anuba, le Sobeba, le moloko wa Aharahele morwa wa Haruna.

9Jabese e be e le yena a godišwago mo go bana babo; mmagwe o mo reetše la Jabese ka ge a itše: Ke mmelege ka bohloko.

10Jabese o be a rapela Modimo wa Isiraele a re: Hle nkatle wa go atla; o katološe naga ya ka; seatla sa gago ge se ka ba le nna, se mphemela kotsi, e se nthokofatše! Gomme Modimo a mo tlišetša tše a bego a di kgopela.

11Kelubu monnago Sua o tswetše Mehiri tatago Esithone.

12Esithone ke tatago Bethe Rafa le Pasea le Thehina, tatago motse wa Nahasi. Ke bona bana ba Reka.

13Bana ba Kenase ke Othiniele le Seraya; bana ba Othiniele ke Hahathe.

14Meonothai o tswetše Ofura; Seraya o tswetše Joaba tatago ba moedi wa babetli; ka kgonthe e be e le babetli.

15Bana ba Kalebe morwa wa Jefune ke Iru, le Ela, le Naama, le ba Kenase barwa ba Ela.

16Bana ba Jahalele ke Sifi, le Sifa, le Thira, le Asariele.

17Bana ba Esera ke Jethere, le Meredi, le Efere, le Jaloni. Bana ba Bithia morwedi wa Farao e a bego a tšerwe ke Meredi, ke Miryama, le Samai, le Jisiba tatago Esithemoa.

18Mosadi wa gagwe wa Mojuda a belega Jeredi tatago Gedoro, le Hebere tatago Soko, le Jekuthiele tatago Sanoa.

19Bana ba mosadi wa Hodiya kgaetšedi ya Nahama ke tatago Kegila wa Garami, le Esithemoa wa Akhathi.

20Bana ba Simone ke Amoni, le Rina, le Benihanana, le Thilone. Bana ba Kisei ke Sohebe, le Beni-Sohethe.

21Bana ba Sela morwa wa Juda ke Ere tatago Leka, le Laeda tatago Maresa, le moloko wa balogi ba leokodi ba ga Asibea,

22le Jokima, le banna ba Koseba, le Joase, le Sarafa, ba ba bego ba guša Moaba le Jasubi-Lehema. Taba tšeo ke tša bogologolo.

23E be e le bona babopi ba dibjana ba ba bego ba agile Netaima le Gedera; ba be ba dutše moo le kgoši ya gona, ba e hlankela.

24Bana ba Simeone ke Nemuele, le Jamini, le Jariba, le Sera, le Saulo.

25Morwa wa gagwe e be e le Salume; morwa wa gagwe ke Mibisane; morwa wa gagwe ke Masima.

26Bana ba Masima ke Hamuele; morwa wa gagwe ke Sakuri; morwa wa gagwe ke Simei.

27Simei o be a na le barwa ba lesome le metšo e selelago le barwedi ba ba selelago. Ge e le ba gabo ba be ba se na bana ba bantši, moloko wa gabo wa se ke wa ata bjalo ka wa Juda.

28Ba be ba agile Bereseba, le Molada, le Hasara-Suale,

29le kua Biliha, le Etsema, le Tholadi,

30le kua Bethuele, le Horoma, le Tsikilaga,

31le kua Bethe-Marakabothe, le Hasara-Susima, le Bethe-Birei, le Searima. E be e le yona metse ya bona go fihla ge Dafida a eba kgoši.

32Le metsana ya bona še: Ke Ethama, le Aini, le Rimone, le Thokena, le Asane, metsana e mehlano,

33le metsana ya bona ka moka e bego e dikologile metse yeo ya goma ka Baali. Ba be ba dutše moo; ba be ba na le moeno wa moloko wa bona.

34Le Mesobaba, le Jamaleka, le Josa morwa wa Amatsia,

35le Joele, le Jehu morwa wa Jesibya morwa wa Seraya morwa wa Asiele,

36le Elioenai, le Jaakoba, le Jesohaya, le Asaya, le Adiele, le Jesimiele, le Benaya,

37le Sisa morwa wa Sifei morwa wa Alone morwa wa Jeyada morwa wa Simiri morwa wa Semaya.

38Ba ba bolelwago fa ka maina e be e le bakgoma dileteng tša bona; gomme ba moloko wa bona ba be ba atile e le ba bantši.

39Ba be ba goma ka difata tša Gedoro, thoko ya Bohlabela ya moedi, ba nyakela dinku tša bona mafulo.

40Ba hwetša mafulo a a nonnego a mabotse, le naga ye e ahlamilego thoko tšohle, e letše e robetše boroko, ka gobane kgale e be e dutšwe ke Bahama.

41Ba maina a bona a ngwadilwego fa, ba tlile mehleng ya Hiskia kgoši ya Juda, ba hula metse ya gona, le ya Bameuni ba ba ba hweditšego ntshe, ba ba dira segafiwamoka, le mehleng yeno go sa le bjalo; ba dula madulong a bona, ka gobane go be go na le mafulo a dinku.

42Ba bangwe ba bana ba Simeone ba kile ba tšwa e le banna ba makgolo a mahlano, ba tla dithabeng tša Seire ba etilwe pele ke Pelatya, le Nearia, le Refaya, le Usiele, barwa ba Jisei,

43ba bolaya mašalela a Bamaaleke ba ba bego ba šaletše, ba dula ntshe; le lehono ba sa le gona moo.

← Chapter 3 Jump to: Chapter 5 →