1 Chronicles 7

Sotho 1951 (BIBELE)

← Chapter 6 Jump to: Chapter 8 →

1Bana ba Isashara ke Thola, le Phua, le Jasubu, le Simirone, ba bane ba.

2Bana ba Thola ke Usi, le Refaya, le Jeriele, le Jabemai, le Jibisama le Samuele; ke bona bakgoma ba dilete. Ba ga Thola e be e le bagale, ba dinatla mo go ba gabo. Palo ya bona mehleng ya Dafida e be e le ba dikete tše masome a mabedi le metšo e mebedi le makgolo a selelago.

3Barwa ba Usi ke Jisiraya; barwa ba Jisiraya ke Mikaele, le Obadya, le Joele, le Jisia, ba bahlano ba ka moka e be e le bakgoma.

4Mo go bona dikgao tša dira di be di eya ka meloko ya bona le ka dilete tša bona; e be e le ba dikete tše masome a mararo le metšo e selelago, gobane ba be ba na le basadi le bana ba bantši.

5Bana ba bobona mo melokong ya Isashara e be e le banna ba bagale, ba dinatla; e be e le ba dikete tše masome a seswai le metšo e šupago, ba ngwadilwe ka moka.

6Babenyamini ke Bela, le Bekere, le Jediale, ba bararo ba.

7Bana ba Bela ke Etsibone, le Usi, le Usiele, le Jerimothe, le Iri; ke ba bahlano. E be e le banna ba bagale; ba ngwadilwe tokologanyong ya meloko ya bona, ba tšwa dikete tše masome a mabedi le metšo e mebedi le masome a mararo a metšo e mene.

8Bana ba Bekere ke Semira, le Joase, le Eliesere, le Elioenai, le Omiri, le Jeremothe, le Abia, le Anathothe, le Alamethe; ka moka ba e be e le bana ba Bekere.

9Mo tokologanyong ya meloko ya bona ba ngwadilwe e le bakgoma ba dilete tša gabo, banna ba bagale, ba tšwile dikete tše masome a mabedi, le makgolo a mabedi.

10Bana ba Jediaele ke Bilihana; bana ba Bilihana ke Jerusi, le Benyamini, le Ehudi, le Kenaana, le Sethana, le Tarasisi, le Ahisahara.

11Ka moka ke bana ba Jediaele, bakgoma ba dilete tša gabo, banna ba bagale; e be e le ba dikete tše lesome la metšo e šupago le makgolo a mabedi ge ba etšwa dira.

12Supima le Hupima e be e le bana ba Iri; ba Husima e be e le bana ba Ahere.

13Bana ba Nafutali e be e le Jahatsiele, le Guni, le Jetsere, le Salume, bana ba Biliha.

14Bana ba Manase e be e le Asiriele, e a belegwego ke mosadi wa gagwe wa Siria, a belega le Makiri le Gileada.

15Makiri o tšere mosadi wa ga Hupima le Supima; leina la kgaetšedi ya gagwe e be e le Maaka; leina la monnagwe e be e le Tselofagadi. Tselofagadi o be a na le barwedi fela.

16Maaka mosadi wa Makiri o belege morwa a mo reela leina la Perese; leina la ngwanabo e be e le Serese; barwa ba gagwe e be e le Ulama le Rakema.

17Bana ba Ulama e be e le Bedane. Ke bona bana ba Gileada morwa wa Makiri morwa wa Manase.

18Ge e le Molekathe kgaetšedi ya gagwe yena o belege Isihudi, le Abiesere, le Mahla.

19Bana ba Semida e be e le Aheyane, le Sekema, le Likhi, le Aniama.

20Bana ba Efuraimi ke Suthela; wa gagwe ke Beredi; morwa gagwe ke Thahathe; morwa wa gagwe ke Eleada; morwa wa gagwe ke Thahathe;

21morwa wa gagwe ke Sabadi; morwa wa gagwe ke Suthela; morwa wa gagwe ke Esere; morwa wa gagwe ke Eladi. Bona ba bolailwe ke banna ba Gati, ba e bego e le beng ba naga yeo, mme ba tlile go thopa dikgomo tša bona.

22Efuraimi tatabo a ba llela lebaka le letelele; bana babo ba tla go mo homotša.

23A tsena go mosadi wa gagwe, a ima a belega morwa, a mo reela leina la Beria, ka gobane mo lapeng la gagwe ba be ba wetšwe ke kotsi yeo.

24Morwedi wa gagwe e be e le Seera; yena o agile Bethe-Horoni wa ka tlase, le Bethe-Horoni wa ka tletlolo, le Useni-Seera.

25Barwa ba gagwe ke Refage, le Resefe; morwa wa gagwe ke Thela; morwa wa gagwe ke Thahane;

26morwa wa gagwe ke Laedana; morwa wa gagwe ke Amihudi; morwa wa gagwe ke Elisama,

27morwa wa gagwe ke Nuni; morwa wa gagwe ke Joshua.

28Ga gabobona mo ba dulago e be e le Bethele le metsana ya gona; ka thoko ya bohlabela e be e le Naarane, ka thoko ya bodikela e be e le Gesere le metsana ya gona go fihla Gasa le metsaneng ya gona.

29Ba be ba bapetše le ba gaManase mo Bethe-Seana le metsaneng ya gona, le Taanake le metsaneng ya gona, le Megido le metsaneng ya gona le Doro le metsaneng ya gona. Ke mo go bego go dutše bana ba Josefa morwa wa Isiraele.

30Bana ba Asere ke Jemana, le Jisoa, le Jisoi, le Beria, le Serag, kgaetšedi ya bona.

31Bana ba Beria ke Hebere, le Malakiele, ke yena tatago Biresaite.

32Hebere a tswala Jafelethe, le Somere, le Hothama, le Sua Kgaetšedi ya bona.

33Bana ba Jafelete ke Pasake, le Bimehala, le Asibathe. Ke bona bana ba Jafelete.

34Bana ba Semere ke Ahi, le Rohaga, le Jehuba, le Arama.

35Bana ba Helema ngwanabo ke Tsofa, le Jemina, le Selese, le Amala.

36Bana ba Tsofa ke Suage, le Haranefere, le Suale, le Beri, le Jimira,

37le Batsere, le Hodi, le Sama, le Silisa, le Jithirama, le Beera.

38Bana ba Jethere ke Jefune, le Thisipa, le Ara.

39Bana ba Ula ke Ara, le Haniele, le Ritsia.

40Bona ka moka e be e le bana ba Asere, e le bakgoma ba dilete tša gabobona, banna ba ba hlaotšwego, balaodi ba dikgošana; ba be ba ngwadilwe mo tokologanyong ya madira a go hlabana; palo ya bona e be e le banna ba dikete tše masome a mabedi a metšo e selelago.

← Chapter 6 Jump to: Chapter 8 →