bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Exodus 14
Exodus 14
Sukuma 2019
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 15 →
1
Hūna lūūlū ū SEEBA ūng'wīla ū Musa gīkī,
2
“Bawīlage a Baisilaeli bagalūke, muje mukatūūle ng'hambī bbihī na Pi-hahiloti, ha gatī ya Megido na nyanza, ī ng'hambī ying'we ībize haho na nyanza, yilolele na Baali-zefoni ū kū ntambūko.
3
Nguno ū Falao akwiganika gīkī, ‘A Baisilaeli balīko dūhū ū kwenūko bakūyūnga yūngaga balemeelagwa ūmo bīītīle, lyabachaamaga ī litogolo.’
4
Hūna nakwīgang'hanaja ī ng'holò yakwe ū Falao, andye kūbakūūbīja; nipandīkīle ikūjo ū mu nzīla yakwe ū Falao, na a mabità gakwe. Ū mu gīko a Bamisili bakūmana gīkī ū nene nalī SEEBA.” Ng'hana a Baisilaeli bakīīta chene.
5
Ū ntemi wa Misili aho wawīlwa gīkī a banhū benabo bapeelaga, ū Falao na a batūmami bakwe būgalūcha a maganiko gabo. Būhaya, “Twītaga mhayo kī ū gwenūyū? Ī gete nibūlī twabalekelaga a Baisilaeli būja? Īkī hū twagayiwa lūūlū a ba kūtūtūmamīla ī milīmo!”
6
Na lūūlū ūlagīla igogoteni lyakwe lya būlūgū lyūfunyiwa, ūsola n'ibità lya bashilikale.
7
Ūsola magogoteni gakwe gaalīho magana atandatū ga būlūgū, ayo walī agasanije no no no; ūgasola na a magogoteni a gangī pye a gose a ga mu Misili, būlī lyene na bashilikale baalyo.
8
Ū SEEBA wīgang'hanaja hangī ī ng'holò ya ng'wa Falao ū ntemi wa Misili yūbipa no, ūbona abakūūbīje a Baisilaeli ū mu lūgendo lwabo, ūlo bashimīzaga mu kwisandaala.
9
Na ng'hana a Bamisili būbūūka kūbakūūbīja a Baisialaeli; būja najo pyī ī falasa ja ng'wa Falao na a magogoteni gakwe, na badamhīji ba falasa jenījo, hamò na a bashilikale. Būbapandīkīla a ha ng'hambī īyo baalī batūūla haho na nyanza, hihī na Pi-hahiloti; yalī kū ntambūko yilola na Baali-zefoni.
10
Hūna ū Falao ūbatumbya a Baisilaeli, bahayūponya a miso būbabona a Bamisili balībakūūbīja, bakogoha no; bandya kūnīlīīla ū SEEBA.
11
Būngalūkīla ū Musa būyūng'wīla, “Ū bebe gashi watwenhile kūūnū kwiza kūtūmalīla kwitogolo; walī wabonile gīkī shagayile ī shigila ī Misili? Ī gīsī īkī watwīngije ī Misili, kī lūūlū īsho watwītīlile?
12
Aho tūlī Misili twalī tūtakūwīlaga gīkī, ‘Tūlekage dūhū a bise tūbatūmamīle a Bamisili?’ Yalī hambū hambū ū kūbatūmamīla a Bamisili kūtinda kūchīla kū matogolo kūūnū!”
13
Nang'hwe ū Musa ūbawīla a banhū, “Mutogohage īmīīlagi dūhū mulembeele, mukūbūbona ū būpīji ūbo SEEBA alīng'wenhela ī lelo. A Bamisili abo mulībabona beneba ī lelo īyī, mutalababona hangī ilalī.
14
Ū SEEBA akūmulwīlīīla, a bing'we bene lembeelagi dūhū.”
15
Hūna ū SEEBA ūng'wīla ū Musa, “Nibūlī ūlīnilīlīīla nene? Bawīlage a Baisilaeli baje kū būtongi.
16
Ū bebe gūbūūchage ū nang'ha gwako, ūgūgoloole ū nkono gwako a higūlya ya nyanza gagabanhīke a minzī, a Baisilaeli bapandīke nzīla ya kūshimīza ha sī nyūmu kūbītīla ū mu nyanza.
17
Ū nene nakongeja kūjigang'hanaja ī ng'holò ja Bamisili, bongeje ū kūmukūūbīja. Hūna nakwipandīkīla ikūjo ū mu nzīla ya ng'wa Falao nī libità lyakwe lya bashilikale, na a magogoteni gakwe ga būlūgū, pye na a badamhīji bakwe ba falasa.
18
A Bamisili hū bakūdeeba gīkī ū nene nalī SEEBA, ūlū nalipandīkīle ikūjo mu nzīla yakwe ū Falao na a magogoteni gakwe ga būlūgū, na a badamhīji bakwe ba falasa.”
19
Hūna ū malaika o ng'wa Mulungu ūyo washimīzaga kū būtongi w'ibità lya Baisilaeli, wīnga ko, wiza kū numa yabo. Nī ng'hīngī y'ilunde yīnga ū kū būtongi yiza kwīmīīla kū numa yabo;
20
yikīngīja a ha gatī y'ibità lya Bamisili, nī lya Baisilaeli. Ū mu būjikū pyī ū bose, ī ng'hīngī yenīyo ī lipandī ī līmò yalī yatūūla giiti, alīyo ī lipandī ī līngī yenha isana. Nose a mabità būbīlī wago yalī shilambu ū kwiyegeela būjikū pe.
21
Na lūūlū ū Musa ūgūgoloola ū nkono gwakwe a higūlya ya Nyanza Yaza; ū SEEBA wenha lūyaga lwa nguzu lwa kūfuma kīya, lwīhuuyembela ī nyanza yūgabanhīka, yūleka ibbaala lya sī nyūmu.
22
A Baisilaeli būbīta ha sī nyūmu ū mu nyanza ng'wenūmo, bakīngagwa ndugu ja minzī, ū kū būlyo nū kū lūmoso!
23
A Bamisili būbakūūbīja mo, ī falasa ja ng'wa Falao na a magogoteni gakwe pye, na a badamhīji ba falasa bakwe būkūūbīja ū mu nyanza.
24
Mu makanza ga dilū, ū SEEBA ūlīlola ī libità lya Bamisili kūfuma ū mu ng'hīngī ya moto n'ilunde; ūlīzwanja ī libità lyenīlo.
25
Ūgateja a madandali ga magogoteni gabo gūyūkomooka; bandya kūkoya ū kūselema, ī likanza lyenīlo a Bamisili biwīla, “Bing'we tūbalekagi a Baisilaeli tūpeele, nguno ū SEEBA alilwisha nise kūbalwīlīīla a boi!”
26
Hūna ū SEEBA ūng'wīla ū Musa, “Gūgoloolage ū nkono gwako a higūlya ya nyanza, gashoke a minzī gabakundīkīje a Bamisili na a magogoteni gabo nī falasa jabo.”
27
Ū Musa ūgūgoloola ū nkono gwakwe a higūlya ya nyanza; ū mu dilū ī nyanza yandya kūshoka ūmo yikalīlaga na kale. A Bamisili būgema ū kūpeela, alīyo ū SEEBA ūbapyagūlīla dūhū mo ū mu nyanza.
28
A minzī gūhūūma gashokile, gūgakundīkīja a magogoteni na badamhīji ba falasa; pyī ī libità lya ng'wa Falao na būtaale walyo īlo lyalī lyabakūūbīja a Baisilaeli ū mu nyanza, lyūshikīla shiki shiki, atapīlile nūūlū ūmò wabo.
29
Alīyo a Baisilaeli būbīta ha sī nyūmu bakīngilwe minzī gikīgaga gītī ndugu, ū kū būlyo nū kū lūmoso.
30
Ū lūshikū lwenūlo, ū SEEBA ūbapīja a Baisilaeli ū kūfuma ū mu makono ga Bamisili; a Baisilaeli būbabona a Bamisili bachile a ha ng'walo gwa nyanza.
31
A Baisilaeli aho babūbona ūmo walī ū būtaale bo būdūla bo ng'wa SEEBA ūbo akaboolecha mu kūbakenaagūla a Bamisili, a banhū bakang'ogoha ū SEEBA, nū ntūmami wakwe ū Musa būnsanya.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40