bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Exodus 39
Exodus 39
Sukuma 2019
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
1
Ū kūfuma ū mu būlūba bo langi ya būlulu, na ya nzulunge, nī yaza, bakabeeja shizwalo sha kūtūmamīla ng'wipandī lyeela, būbeeja na shizwalo sheela sha ng'wa Alooni gīt'ūmo SEEBA walī wanagīīlīla ū Musa.
2
A kagoodi ka makono maguhī akakabeeja ka zahabu, būsanjiwa mo na būlūba wa būlulu na wa nzulunge na waza, hamò na kitaani īdosilwe na būgaliili būtaale.
3
Ī zahabu yalī yapondwa pondwa yūbbapaana, yūbiza gītī ibbaapala ly'ibbaadi ibbūpu, hūna īyūchemva ndo do do gītī būlūba bo zahabu; būyūdūla mu gīko ū kwīsanja nū būlūba ū wa būlulu nū wa nzulunge, nū waza, hamò nī kitaani īyo yalī īdosilwe chiza; nīmo go ng'wa koolī ngoogo.
4
A kagoodi ka makono maguhī būkatūūlīla na shipande shibīlī, shūdimanīgīwa ha mabega gako, hūna shūsumīīlwa hoi kadūle kūfatanyiwa hamò.
5
Ū mu nkīmbīlī kūtūūlīlwa ngwasho gwa kwiyikola nako; gwa zahabu īsangije na būlūba wa būlulu na wa nzulunge na waza, hamò na kitaani īdosilwe chiza; gūkasung'wa na būgaliili būtaale, gūdamīlījiwa a ha koi, gūbiza mīlī gūmò nako, gīt'ūmo SEEBA walī wanagīīlīla ū Musa.
6
Hūna būsola mawe ga oniki būgandīka ho a mina ga bitūnja ba ng'wa Isilaeli gīt'ūmo koolī wa kwandīka akīītīlaga ūlū alītūūla wandīke h'imeng'helo, hanuma būgadamīlīja mu mabalala ga zahabu.
7
Hanuma ya henaho a mabalala ga zahabu būgasumīīla a ha shipandī īsho shilī ha mabega ga kagoodi ka makono maguhī, gīkī gabize mawe ga shiizūkījo kūlwa baana ba ng'wa Isilaeli, gīt'ūmo SEEBA walī wanagīīlīla ū Musa.
8
Hūna būūkabeeja a kamfuko ka ha shikuba; nīmo go ng'wa koolī ngoogo. Nako būūkabeeja gīt'ūmo kaalī a kagoodi ka makono maguhī; ka zahabu īsangije na būlūba wa būlulu na wa nzulunge na waza, hamò na kitaani īdosilwe na būgaliili būtaale.
9
Kaalī ka malīngīīla dūhū, ū būlīhu nū būgalī galī wako būlenganīlile; sentimita makūmi abīlī n'ibīlī būlī kwene; hama kūbiza kagondilwe habīlī.
10
Hūna būkatūūlīla ng'hīlīlī inè ja mawe ga mpango; ū mu lūhīlīlī lwa kwandya jūbiza mo lubi, topazio na belilo.
11
Ū mu lūhīlīlī lwa kabīlī jūbiza mo takwiyo, safilo na sumaladi;
12
Ū lwa kadatū lūbiza na yakonto, agate na ametisto.
13
Ū mu lwa kanè jūbiza mo klisolito, sadoniko na yaspi. Hūna a mawe ga mpango genayo būgadaamīlīja mu mabalala ga zahabu.
14
A mawe gose gaalī ikūmi n'abīlī; iwe līmò ha ng'wanya gwa būlī ūmò wa bintūnja ba ng'wa Isilaeli; būlī lyene lyūbiza na lina lya lūganda lūmò ū mu ng'anda īj'ikūmi n'ibīlī, lyandīkilwe mu wandīke gītī w'imeng'helo.
15
A kamfuko ka ha shikuba būūkabeegeja migufu ya zahabu īdosilwe chiza na būgaliili būtaale.
16
Bakabeeja na tūbalala tūbīlī twa zahabu hamò na tūgwasījo tūsoga twa zahabu, būtūsumanīja ha koona ibīlī ja kamfuko ka ha shikuba.
17
Ū tūmigufu twa zahabu tūgwashiwa ū kū tūgwasījo twa zahabu ūto tūlī ū kū koona ja kamfuko ka ha shikuba.
18
Ī lipandī ī līngī ī lya tūmigufu twenūto lyūdimanījiwa ū kū mabalala ga zahabu; tūbiza twadimanījiwa kū būtongi wa shipandī ī shibīlī ī sha ha mabega ga kagoodi ka makono maguhī.
19
Hanuma būbeeja na tūgwasījo tūngī tūbīlī twa zahabu, tūsung'wa ū kū koona ja kamfuko ka ha shikuba, ījo jilī ū kwipandī lya mu gatī, ījo jikuumije a ha kagoodi ka makono maguhī.
20
Hanuma būbeeja tūgwasījo tūngī tūbīlī twa zahabu, ū twene būtūsuma a ha sīlīlī ya shipande shibīlī ī sha ha mabega ga kagoodi ka makono maguhī, a ha būtongi yaho; bbihī nū būlūngīlo wa ngwasho gwa mu nkīmbīlī ū gwa kagoodi ka makono maguhī.
21
Ū tūgwasījo twa kamfuko ka ha shikūba būtūtunga na katungījo ka langi ya būlulu ū kū tūgwasījo twa ha kagoodi ka makono maguhī. Kwīngīīla a henaho tūlūngwa a ha ngwasho gwa mu nkīmbīlī, kūlwa kūkahangīja a kamfuko ka ha shikuba katizihubenga kwīnga a ha kagoodi ka makono maguhī, gīt'ūmo SEEBA walī wanagīīlīla ū Musa.
22
Ī ng'hanjo ya kūzwalwa higūlya ya kagoodi ka makono maguhī, akībeeja ya ng'wenda gwa langi ya būlulu dūhū; nīmo gwa nsumi koolī.
23
Īkīītīlwa ipūndū lya kūbītīja ntwe a ha gatī; yūsumīīlwa na shipande sha ng'wenda kūlīpīndīlīja ī lipūndū lyenīlo, ītizūdasimūka na kūtandūka.
24
Ī ng'hanjo yenīyo pye a hose ū ng'wipīndo lyayo bakītūūlīla būlenji wa makomamanga, gasumīīlilwe būlūba bo langi ya būlulu, ya nzulunge, yaza, na kitaani īdosilwe chiza;
25
hūna būtūūla na nzoozo ja zahabu, jiitobanīja na a makomamanga.
26
Ī nzoozo ja zahabu na a makomamanga jūhelwa gīt'ūmo SEEBA walī wanagīīlīla ū Musa, kūlwa kūzwalwa ikanza lya kūtūmama; jūtobanījiwa hose pyī ū ng'wipīndo lyayo ī ng'hanjo yenīyo, aho ikomamanga aho nzoozo.
27
Ū Alooni na a bitūnja bakwe būbeegejiwa mashadi ga būlūba wa kitaani yawiza; nīmo go ng'wa koolī ntaale.
28
Na a mahima būbeegejiwa ga kitaani yawiza, pyī nī shikoye sha kwitunga kū ntwe, nī shizwalo sha kūzwala mu gatī shalī sha kitaani yawiza īdosilwe chiza.
29
Ū ngwasho bakabeegejiwa gwa kitaani yawiza īsumilwe chiza, na būlūba wa būlulu na wa nzulunge na waza; nīmo gwa nsumi ndeeba; gīt'ūmo SEEBA walī wanagīīlīla ū Musa.
30
Būbeeja n'ibalala lyeela lya zahabu niza, lya kūbiza gītī sahani; hūna būlyandīka gīt'ūmo meng'ho jikandīkīlīgwa, bandīka, “NG'WELA KŪLĪ SEEBA.”
31
Hanuma būlītūūlīla itungījo lya langi ya būlulu; lya kūyūtungīlwa a h'ihima, gīt'ūmo SEEBA walī wanagīīlīla ū Musa.
32
Na lūūlū gūshila ū nīmo gwa kūlībeeja ī lipandī lya kwikala, ī liheema lya kwibilingīla. A Baisilaeli bakīīta gīt'ūmo SEEBA walī wanagīīlīla ū Musa.
33
Hūna būlyenha kūlī Musa ī lipandī lya kwikala, ī liheema nī shikolo shalyo ī shose, a malobò galyo, mīīmīlīkījo galyo, nī mbawa ja magito, hamò nī ng'hīngī jalyo, nī shidako shaajo.
34
Būng'wenhela nī likundīkījo lyaho, ī lya makūnza ga ng'ondi gadabbiwe mu langi yaza, nī likundīkījo īlo lyalī lībeejiwe na makūnza ga mbūli, nī litundubaali ī lya kūshīkīja isandīko.
35
Nī lisandīko lya būkaanīji būng'wenhela, nī mitī ya kūlībūūkīja, nī lisumbī lya shigongo;
36
nī meza hamò nī shikolo shaho pyī ī shose, nū ngatī gwa koolechiwa.
37
Būng'wenhela nī likīndīkīlo lya talà īlo lyalī lībeejiwe lya zahabu niza, nī talà jalyo, nī shikolo shalyo ī shose; na a maguta ga kūbakīja ī talà.
38
Būng'wenhela nū ng'walīlò gwa zahabu, na a maguta ga kūbitīīla batūmami, nū būbbani wa ng'waso gwawiza, nī litundubaali lya ha nyango gw'iheema.
39
Būgwenha nū ng'walīlò gwa shaba, nū lweyo lwaho ū lwa shaba, nī mitī ya kūgūbūūkīja, nī shiseme shaho; nī shiseme sha kūkalabīla nī likīndīkīlo lyasho.
40
Būng'wenhela na a matundubaali ga lūūba lwa gwalugwa nī ng'hīngī jaho, nī shidako shaajo; nī litundubaali lya kūtūūla ha mita gwa ha gwalugwa, nī ngoye jaho nī mambo ja lūūba lwa gwalugwa. Būshenha pyī ī shikolo sh'ipandī lya kwikala, ī liheema lya kwibilingīla.
41
Nī shizwalo būng'wenhela, īsho shalī shabeejiwa kūlwa nguno ya būtūmami wa ng'wipandī lyeela; ī shizwalo sheela ī sha ngabīji Alooni, nī sha bitūnja bakwe ūlū balītūmama nīmo gwa būgabīji.
42
A Baisilaeli bakagwīta ū nīmo gīt'ūmo SEEBA walī wanagīīlīla ū Musa.
43
Ū Musa aho wagūlola ū nīmo ūbona gīkī baalī bagwīta gīt'ūmo SEEBA walī walagīīlīla. Na lūūlū ū Musa ūbafuuha.
← Chapter 38
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 40 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40