bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Exodus 25
Exodus 25
Sukuma 2019
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 26 →
1
Ū SEEBA ūng'wīla ū Musa gīkī,
2
“Bawīlage a Baisilaeli banenhele shakwinha. Ī shakwinha kūlwa nguno yane ūkūshanukūla kūfuma kū būlī munhū ūyo ng'holò yakwe īlīzunya.
3
Ī shakwinha īsho ūkwanukūla kūfuma kūbo shikūbiza, zahabu, feza, shaba,
4
būlūba būdosile bo langi ya būlulu, ya nzulunge na yaza; ūkwanukūla na kitaani, hamò na boya bo mbūli.
5
Na ndīlī ja ng'ondi jidabbiwe mu langi yaza, makūnza ga mbūli, mitī ya ng'wininga.
6
Na maguta ga mizeituni ga kūbakīja talà, shingīla sha kūsanja mu būbbani na mu maguta ga kūbitīīla batūmami.
7
Na mawe ga oniki na gangī ga mpango ntaale ga kūtūūlwa ha ifoodi na ha kamfuko ka ha shikuba.
8
“Hanuma ya henaho ūbawīle banibeegeje ipandī lyeela, nayikala hamò nabo.
9
Ī liheema nī shiseme shaamo ī shose, mukūlībeeja lībize gīt'ūmo nalīkoolekegeja gīkī.
10
“Bakūbeeja isandīko lya mbawa ja ntī gwa ng'wininga, lya būlīhu bo sentimita igana n'ikūmi; ū būgalī galī sentimita makūmi mpungatī, nū būgūngūhu būbize sentimita makūmi mpungatī.
11
Hūna ūkūlībila zahabu yawiza ū mu gatī na a h'igūlya; hama ū mu mhelo mhelo ūkūlīpīndīlīja būlenji bo lūgala lo zahabu lūbeegije chiza.
12
Ūkūsula na matendele anè ga zahabu, ūgadimanye ū kū magūlū galyo būnè wago; abīlī ī lipandī ī līmò nī lipandī ī līngī abīlī.
13
Hanuma ūkūbeeja na mitī ībīlī ya ng'wininga yūbilwa zahabu.
14
Ī mitī yenīyo ūkūsweng'ha ū mu matendele ayo gadaamīlījiwe a h'isandīko, kūlwa kūyūlībūūkīja.
15
Īkūbiza ya kwikala ū mu matendele g'isandīko lyenīlo; ītī ya kwīnjiwa mo.
16
Hūna a mawe ga būkaanīji ayo nalakwinhe ūkūgatūūla ū ng'wisandīko lyenīlo.
17
Ūkūbeeja n'isumbī lya shigongo, lya būlīhu bo sentimita igana n'ikūmi, ū būgalī galī walyo sentimita makūmi mpungatī; ūkūtūmamīla zahabu niza.
18
Hanuma ya henaho ūkūbeeja makelubi abīlī ga zahabu ya kūsula, gabize a higūlya y'isumbī lya shigongo, ū kū mhelo būbīlī wajo.
19
Ūbeeje ikelubi līmò ū kū lwandī ūlū, nū kū lwandī ū lūngī ikelubi līmò; a makelubi genayo ūkūgīīta gadimanile nī lisumbī lya shigongo ū kū mhandī būbīlī wajo.
20
Gakūbiza na manana gagagoloolile higūlya, gūūlīfīīkīja ī lisumbī lya shigongo na manana gago. Hama gabize gilolegije ū būshū, hūna gūūlola a hisumbī lya shigongo.
21
Ū būkaanīji ūbo nalakwinhe ūkūbūtūūla ū ng'wisandīko, hanuma ī lisumbī lya shigongo lyenīlo ūkūlītūūla a higūlya y'isandīko.
22
Ū ng'wikanza lya kūyūmanhyja nang'ho nakūbiza ha gatī gatī ya makelubi ayo galī a h'isumbī lya shigongo, a higūlya y'isandīko lya būkaanīji, naakwinha pye a malange gane kūlwa Baisilaeli.”
23
“Hūna ūkūbeeja na meza ya ntī gwa ng'wininga, ībize na būlīhu bo sentimita makūmi kenda, ū būgalī galī sentimita makūmi atanò, ū būgūngūhu wayo sentimita makūmi mpungatī.
24
Hanuma wībile zahabu niza, ū mu mhelo mhelo wīpīndīlīje būlenji bo zahabu ībūmbile chiza.
25
Hūna wīpīndīlīje lūgala lo būgalī galī bo kūbiza gītī shiganza sha munhū, ū lūgala lwenūlo ūlūtūūlīle būlenji bo zahabu kūlūpīndīlīja ū lose.
26
Ūkwībeegeja matendele anè ga zahabu, ūgadimanya ū kū magūlū gayo ī meza būnè wago.
27
A matendele genayo gakūbiza bbihī nalo ū lūgala, ga nīmo gwa kwīlang'hana ī mitī ya kwībūūkīja ī meza.
28
Ī mitī ya kwībūūkīja ī meza wībeeje ya ng'wininga, hūna yūbilwa zahabu.
29
Ūkūbeeja na sahani, shijiko, nungū na mabakuli kūlwa shitambò sha kwitwa; ī shose shenīshi shibeejiwe kūfuma mu zahabu niza.
30
A ha meza ūkūtūūla na migatī ya koolechiwa; īyo īkūbiza kū būtongi wane būlī lūshikū.
31
“Hūna ūkūbeeja n'ikīndīkīlo lya talà, lya zahabu niza; lībize lya kūsula. Ī shidako shalyo nū nshigītī gwalyo shisulanījiwe hamò nī shikombe shalyo, nī shitūlī nū bonji.
32
A h'ikīndīkīlo lya talà gafume ho matambī atandatū, adatū ī lipandī ī līmò, nī lipandī ī līngī adatū.
33
Ī litambī ī līmò lībize na shikombe shidatū sha kwikola bonji wa mulozi, hamò na shitūlī na būlabo, nī lya kabīlī lībize nasho shidatū; pye na a gangī, a gose būtandatū wago ayo gafumile a h'ikīndīkīlo lya talà gabize gīko.
34
Ū nshigitigi gw'ikīndīkīlo lya talà gwenūyo shibize ho shikombe shinè sha kwikola na bonji wa mulozi, hamò na shitūlī na būlabo.
35
A ha sīlīlī ya būmanhījo bo matambī galyo a ga kwandya, shibize ho shitūlī shimò, na a ha sīlīlī ya matambī a ga kabīlī shitūlī, na a ha sīlīlī ya matambī a ga kadatū; pye a matambī būtandatū wago gatang'anhīle.
36
Ī shitūlī na a matambī gakūbiza gabeejiwe kūfuma mu zahabu niza, gasulanījiwe hamò nī likīndīkīlo lya talà, shibize shikolo shimò.
37
Hanuma ya henaho ūkūjibeeja ī talà jaho ījo mpungatī, ūjitūūle ho jiyūtwima ū kū būtongi w'ikīndīkīlo lya talà.
38
A majimījo ga talà jalyo nī sahani jaho, ī shose shibize sha zahabu niza.
39
Īkūtūmama zahabu niza ya būdito bo talanta īmò, ū kūlībeeja ī likīndīkīlo lya talà lyenīlo, nī shikolo shalyo ī shose.
40
Na lūūlū lang'hanaga, nguno īkwigeleelilwe ūshibeeje kūlenganīla nū mumo ūkoolekegejiwa ū mu lūgūlū.”
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40