bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Exodus 18
Exodus 18
Sukuma 2019
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 19 →
1
Ū Yesilo ūyo walī ngabīji wa Midiani na nkwīye o ng'wa Musa, akigwa pyī īyo Mulungu walī wang'wītīla ū Musa na a banhū bakwe a Baisilaeli, nū mumo ū SEEBA akabīngīja a Baisilaeli ī Misili.
2
Ū Musa walī wantūma kūja kaya ū nke wakwe ū Sipola; nang'hwe ū Yesilo ū nkwīye o ng'wa Musa ūnsola,
3
hamò na a bitūnja bakwe a babīlī. Ūmò witanagwa Gelishomu, nguno ū Musa akahaya, “Naalobelile mu sī ya kūle.”
4
Ū ūngī walī wang'wilīka ī lina lyakwe, Eliezeli; nguno akahaya, “Ū Mulungu o ng'wa baba walī ngunanhi wane, hū ng'wene akanipīja kwīnga mu nhabaala ya līlūshū lya ng'wa Falao.”
5
Na lūūlū ū Yesilo, ū nkwīye o ng'wa Musa wiza hamò na a bitūnja bakwe ū Musa, nū ninaabo; būnsangīla kwitogolo ūko walī watūūla ng'hambī, bbihī na lūgūlū lwa ng'wa Mulungu.
6
Ū Yesilo ūtūma nhūng'wa kūhaya, “Nene Yesilo nkwīyo nalīkūgeniha, nalī nang'hwe nū nke wako, hamò na a bitūnja bako būbīlī wabo.”
7
Na lūūlū ū Musa ūfuma hanze kūjūnsūng'wanha ū nkwīye; ūshika winama ūmo shalī shīmīle sha koolecha ikūjo, hūna ūmbipa. Hanuma ya henaho bigīsīlīja ī mhola jabo, hūna bingīla ng'wiheema.
8
Ū Musa ūng'wīla ū ise būkwi pyī ī yose, īyo SEEBA walī wang'wītīla ū Falao na a Bamisili kūlwa kūbalwīlīīla a Baisilaeli. Ūng'wīla nī ya mihayo ī midito īyo baalī bamanhya nayo ū mu nzīla, nū mumo akabapīgīja ū SEEBA ū mu yose yenīyo.
9
Ū Yesilo akayega no ū kwigwa pyī ī yawiza īyo SEEBA walī wabīītīla a Baisilaeli, kūlwa kūbapīja kūfuma mu nkono gwa Bamisili.
10
Ūhaya, “Akumīlījiwe ū SEEBA ūyo wamupīgije mu nkono gwa Bamisili na go ng'wa Falao, ūbakomoola a banhū kūfuma ū mu nkono gwa Bamisili.
11
Ī haha lūūlū nadeeba gīkī ū SEEBA ntaale kūtinda bamulungu bose, nguno wagwītile ū mhayo gwenūyū kū banhū abo babīītīlaga yabūbi a Baisilaeli mu kwikumīlīja.”
12
Hūna ū Yesilo ū nkwīye o ng'wa Musa ūmfunīja ū Mulungu shitambò sha kūpemva; nū Alooni wiza hamò nabo pye a banamhala ba Baisilaeli, kwiza kūlya nang'hwe shilīwa ū ise būkwi o ng'wa Musa, kū būtongi bo ng'wa Mulungu.
13
A ha ntondo yaho ū Musa wigasha, wandya kūbalamula a banhū; a banhū bīmīīla bampīdije ū Musa kwandīja dilū kūshisha mhīndī.
14
Ū nkwīye aho wībona pyī īyo wabīītīlaga a banhū; ūhaya, “Bebe ūlībīītīla mhayo kī a banhū? Nibūlī ūkwigashaga kūlamula iyene dūhū, hūna a banhū benaba pye a bose balocha līīmi bīmīīlile bakūpīndije?”
15
Ū Musa ūnshokeja, “Nguno a banhū bakwizaga kūlī nene kūkooba būlamuji bo ng'wa Mulungu.
16
Būlī ikanza ūlū bilemeelwa, bakizaga kūlī nene nafunya būlamuji ha gatī ya munhū na munhū; hūna nabinha na katongeelele ka ng'wa Mulungu, nī shilagīlo shakwe.”
17
Ū ise būkwi ūnshokeja, “Ūyo ūlīgwīta gūtī gwawiza.
18
Ū bebe na a banhū benaba bakwizaga kūkūbona, ī ng'halīlo yaho mukwifulamya. Ū nīmo gwenūyū ndito no, ūtūdūla ū kūgūbbyeedecha iyene.
19
Na lūūlū nidegelekage nakwinhe būūbū būganikīji, nū Mulungu abize hamò nang'ho. Ū bebe bizaga ha gatī ya ng'wa Mulungu na a banhū benaba; ī mihayo yabo ūyīīshisha ū bebe ū kūlī Mulungu.
20
Ūbalanga ī mbika ja kajīle nī shilagīlo; ūboolekeja ī nhūngwa ja kikalīle a kawiza, nī milīmo īyo ībigelile kwīshikīlīja.
21
Alīyo ū mu banhū benaba, solanhyaga banhū ba būdūla, banhū abo bang'ogohile Mulungu hangī basanyiwa, na balemile kūhongwa. A benabo hū batūūlage babize bataale ba mabità ga banhū, ū wa shihūmbī, ū w'igana, ū wa makūmi atanò, na a b'ikūmi ikūmi.
22
A benabo binhage ū nīmo gwa kūyūbalamula a banhū ū mu mihayo ya būlī lūshikū. Ū bebe bayūkwenhela ī mihayo ī midito dūhū; ī mido mido bayīdīlīla boi. Ū mu gīko gūkūbbūpa ū nigo gwako; nguno bakūkūgunanha ū kūgūbūūcha.
23
Ūlū wīta ūmo nalīkūwīlīla nū Mulungu ūlagīla chene, ūkūbiza na nguzu ja kūdūla kūgwīta ū nīmo gwenūyū. Hama na a banhū benaba pye bakūyūshoka ū mu kaya jabo bifuulaga ū mu maganiko.”
24
Ū Musa akang'wigwa ū ise būkwi, wīta pyī īyo akanganikīla;
25
Ūsola banhū abo baalī na būdūla kūfuma ū mu Baisilaeli, ūbatūūla ha būtaale wa mabità ga banhū, ū wa shihūmbī, ū w'igana, ū wa makūmi atanò, na a b'ikūmi ikūmi.
26
A benabo hū būyūbalamula a banhū ū mu mihayo ya būlī lūshikū; ī mihayo ī midaamu dūhū h'īyo būyūng'wenhela ū Musa, alīyo ī minogu, būyūyīmala boi.
27
Na lūūlū ū Musa akīīta ūnshindīkīla ū ise būkwi, ūshoka kaya kū sī yakwe.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40