bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Exodus 6
Exodus 6
Sukuma 2019
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 7 →
1
Nang'hwe ū SEEBA ūnshokeja ū Musa, “Alilūūlū ī haha ūkūbona ūmo nalang'wītīle ū Falao; akūbalekela baje kūlwa nguno ya būdūla wa nkono gwane; nīyo akūbapeeja ū mu sī yakwe kūlwa nguno ya būdūla wa nkono gwane.”
2
Ū Mulungu ongeja ū kūng'wīla ū Musa, “Ū nene nalī SEEBA,
3
nakang'wilongela ū Abulahamu nū Isaka, nū Yakobo; nūboolekeja gīkī nalī Mulungu Ndūji wa shose Alīyo natimanīkije ū kūbo ū mu lina lyane, ī lya gīkī nalī SEEBA.
4
Na hangī nakabeeja ilagane lyane nabo kūlwa kūbinha ī sī ya Kanaani, ūmo bikalaga gītī balobeji.
5
A higūlya ya yenīyo, naakwigwile ū kūlīla kwa Baisilaeli, ūmo Bamisili bakūbatūmamījaga mu būsese; nī lilagane lyane naalizūkilwe.
6
Hūna lūūlū bawīlage a Baisilaeli gīkī, ‘Ū nene nalī SEEBA; managi gīkī nakūng'wīnja ū mu būdito bo miligo ya Bamisili, nang'wīnje ū mu būsese wa kūbatūmamīla boi. Nakūgūgoloola ū nkono gwane kūlwa kūmukomoola, nīīte shītīle shitaale sha kūbagwisīja nsango.
7
Nakūmusola nang'wīte mubize banhū bane, nū nene nabize Mulungu wing'we. A henaho hū mukūdeeba gīkī ū nene nalī SEEBA Mulungu wing'we; ūyo alīng'wīnja mu būsese wa kūbatūmamīla Bamisili.
8
Na lūūlū nakūng'wenha ū kū sī īyo nakabūūcha nkono nūng'wilahīlīla Abulahamu na Isaka na Yakobo, gīkī nakūng'winha bing'we ībize ying'we ya wikomangīle, ū nene nalī SEEBA.’”
9
Ū Musa ūbawīla ī mihayo yenīyo a Baisilaeli, alīyo batandegelekile, nguno ū būsese walī wabaminya no, kūshisha baalī baagwa ng'holò.
10
Hūna ū SEEBA ūng'wīla ū Musa gīkī,
11
“Jaga ū kūlī Falao, ū ntemi wa Misili; ūkang'wīle abalekele a Baisilaeli bīnge ū mu sī yakwe.”
12
Alīyo ū Musa ūnshokeja ū SEEBA alīhaya, “A Baisilaeli benekīlī baalemile ū kūnidegeleka, sumva na Falao! Akwandya kinehe ū kūnidegeleka ū nene wa nomo gūtigeleelilwe kūlūngalūnga?”
13
Ū SEEBA ūlūngalūnga nabo hangī a ba Musa nū Alooni, ūbinha mihayo ya kūbatwalīla a Baisilaeli, nī ya kūntwalīla ū Falao, ū ntemi wa Misili; gīkī ībigeleelile babafunye a Baisilaeli ū mu sī ya Misili.
14
A banhū aba hū baalī batongeeji ba kaya ja ng'wabo: A bitūnja ba ng'wa Lubeni, ū tangī o ng'wa Isilaeli, baalī, Hanoki na Palu, Hezilomu na Kalīmi, ī jenīji h'ī kaya ja mu lūganda lwa Lubeni.
15
A bitūnja ba ng'wa Simioni baalī, Yemūli, Yamini, Ohadi, Yakini, Zohali, na Shauli; ū ng'wene walī wa kūfuma mulī nkīma w'ihanga lya Bakanaani, ī jenīji h'ī kaya ja mu lūganda lwa Simioni.
16
A mina aya gene gaalī ga bitūnja ba ng'wa Lawī, gīt'ūmo shalī shibyalīlwe shabo, Gelishomu, Kohati, na Melali. Ū Lawī akashisha būlamu wa myaka igana na makūmi adatū na mpungatī.
17
A bitūnja ba ng'wa Gelishomu baalī ba Libīni, na Shimei; h'ī kaya jabo ī jenījo.
18
A bitūnja ba ng'wa Kohati baalī ba Amulamu, Izihali, Hebuloni na Uzieli. Ū Kohati akashisha būlamu bo myaka igana na makūmi adatū n'idatū.
19
A bitūnja ba ng'wa Melali baalī ba Mahili na Mushi, ī jenīji h'ījo jalī kaya ja mu lūganda lwa Lawī; h'ūmo shalī ī shibyalīlwe shabo.
20
Ū Amulamu akantoola sengiye, Yokebedi ūmyalīla ba Alooni na Musa; ū Amulamu ng'wenūyo ūbiza na būlamu bo myaka igana na makūmi adatū na mpungatī.
21
A bitūnja ba ng'wa Izihali baalī ba Koola, Nefegi na Zikili.
22
A bitūnja ba ng'wa Uzieli baalī ba Mishaeli, Elizafani na Sitili.
23
Ū nke o ng'wa Alooni walī Elisheba, nshīke o ng'wa Aminadabu, n'ilūmbūye o ng'wa Naashoni. Akabyala nang'hwe ba Nadabu, Abihu, Eleazali na Itamaali.
24
A bitūnja ba ng'wa Koola baalī ba Asili, Elikana na Abiasafu. A benaba hū baalī ba kūfuma mu kaya ya ng'wa Koola.
25
Ū Eleazali ū ng'witūnja o ng'wa Alooni akantoola ūmò wa bashīke ba ng'wa Putieli, ūmyalīla ng'witūnja lina lyakwe Finehasi. A benaba hū baalī ba lūganda lwa Lawī; būlī kaya yene yene.
26
Hama ū ng'wenūyū h'ū Alooni ūyo walī hamò na Musa; banhū abo SEEBA akabawīla, “Bīnjagi a Baisilaeli ū mu Misili, gafume mo pye a mabità gabo.”
27
A benaba hū bene a ba Musa nū Alooni, abo bakang'wīla ū Falao, ū ntemi wa Misili mihayo ya kūbafunya a Baisilaeli ū mu sī yakwe ya Misili.
28
Hūna lūūlū ū Musa aho alī mu sī ya Misili, ū ng'wikanza lyenīlo h'aho ū SEEBA akalūngalūnga nang'hwe ūng'wīla gīkī,
29
“Ū nene nalī SEEBA, ng'wīlage ū Falao ū ntemi wa Misili pyī ī mihayo īyo nalīkūwīla.”
30
Alīyo ū Musa akanshokeja ū SEEBA alīhaya, “Ū Falao akwandya kinehe kūnidegeleka ū nene ng'wenūyū, ūyo nalī munhū wa nomo nsoso gūtigeleelilwe kūlūngalūnga?”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40