bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Exodus 15
Exodus 15
Sukuma 2019
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 16 →
1
Hūna ū Musa na a Baisilaeli būng'wīmbīla ū SEEBA lyīmbo īlī: Nakūng'wīmbīla ū SEEBA, nguno alī nkūjiwa ntaale. Falasa wajishikīgije shiki mu nyanza, na a badamhīji bajo shiki shiki.
2
Ū SEEBA alī nguzu jane na lyīmbo lyane, hū ng'wene wabizile būpīji wane. Alī Mulungu wane, na nakūnkumīlīja we gwa, alī Mulungu o ng'wa baba, nane nakūngūngūhya.
3
Ū SEEBA Mpyeni mu būlūgū, Ī lina lyakwe lyene SEEBA.
4
A magogoteni ga ng'wa Falao nī libità lyakwe, wagashikīgije mu nyanza. Bagosha ba mbagashūūla ba ng'wa Falao baamililwe būjiba wa Nyanza Yaza.
5
Minzī mashimu gaabanwegije, būnwela nwe mu būjiba gīt'iwe.
6
Ū nkono gwako gwa būlyo SEEBA, gūlī na būdūla w'ikūjo itaale no, ū nkono gwako gwa būlyo SEEBA, hū gwene gwantobagūlile tobo tobo ū ng'wanishi.
7
Abo baalūgaagaanaga kūkūchaama, wabagwishije kūlwa būtaale w'ikūjo lyako. Ūkabūzunīlīja ū būpelanu wako būbababagūla gītī mapalala.
8
Ūkafuupa myūyī na mūūlū gako, bana minzī bikīga makīgo makīgo. A minzī ayo gatalembeelaga gīmīīla gītī ndugu; minzī gibūmba mu nda ya nyanza, lyūbiza iwe.
9
Ū ng'wanishi akigīmba akūhayaga; Nabakūūbīje, nakūbapandīka dūhū. Nakūgabanhya nding'wa, nakūgwasha magudyenge namale malusu. Nakūlīsopoola ī līlūshū lyane, nabakenaagūle na nkono gwane.
10
Alīyo ūkafuula na myūyī yako yūbakundīkīja ī nyanza; būlibīla mu minzī gatī ga kwihebelwa, libilibi gītī chūma shidito.
11
Ee SEEBA, ū mu bamulungu nani ūyo a bange gītī bebe? Nani ūyo alī ng'wela na nkūjiwa? Nani ū wa lyogohya kūlw'ikūjo na meeja wa mihayo ya kūkaamaaja?
12
Aho wagūgoloola ū nkono gwako gwa būlyo yūbamila ī sī!
13
A banhū bako abo wabakomoolile, wabatongeelile kūlwa shigongo shako shitaale. Ūkūbashisha ū kū wikalo wako wela, kūlwa būdūla wako.
14
A mahanga gakwigwa gadeteme, ba sī ya Filisiti bakūminyiwa boobà.
15
A batemi ba Edomu bakūbbaha, a batongeeji ba Moabu bakūding'wa idetemya. A banhū ba Kanaani pye bakwaaba basalang'hane.
16
Bakūgwīlwa boobà n'idedebaja. Kūlwa būdūla wa nkono gwako, bakūdedebala bahuumūlīje sele gīt'iwe, kūshisha babīte a banhū bako SEEBA; kūshisha babīte a banhū bako abo wabakomoolile.
17
Ee SEEBA, ūkūbenha mo, Ūkūbahamba ū mu lūgūlū lwa wingīji wako; ipandī īlo wibeegeja kūlwa wikalo wako, Ee SEEBA, ipandī lyeela īlo makono gako galībeeja.
18
Ū SEEBA ng'wene Ntemi wa welelo bose!
19
Ī falasa ja ng'wa Falao na a magogoteni, hamò na a badamhīji bajo bakakūūbīja būkingīla nū mu nyanza, ū SEEBA ūgashosha a minzī ga nyanza gūbakundīkīja; alīyo a Baisilaeli būbīta balīshimīza ha sī nyūmu.
20
Miliamu ū ng'hangi nkīma, ū ilūmbūye o ng'wa Alooni, ūsola kang'oma mu nkono; na a bakīma a bangī būsola tūng'oma. A bose bandya kūbina,
21
kūnū ū Miliamu akūbīmbīlaga ūhaya: Ng'wīmbīlagi ū SEEBA, nguno alī nkūjiwa ntaale. Falasa wajishikīgije shiki mu nyanza, na a badamhīji bajo shiki shiki.
22
Hūna ū Musa ūbīnja a banhū a ha Nyanza Yaza, ūbatongeela kūja kwitogolo lya Shuli. Būmala shikū idatū bakūshimīzaga, ndūhū nūūlū kūpandīka minzī.
23
Būshika ipandī litanagwa Maala, gaalīho minzī; alīyo būlemeelwa ū kūgang'wa nguno gaalī malūlū. (H'ī nguno yene ī lipandī lyenīlo līkitanwa Maala).
24
Na lūūlū a banhū būndugumīla ū Musa balīhaya, “Ī gīsī lūūlū, tūng'we kī?”
25
Ū Musa ūnīlīīla ū SEEBA, nang'hwe ū SEEBA ūng'olekeja itambī lya līntī; ūlīsola ūlīponeja ū mu minzī; a minzī gūnona. A henaho ū SEEBA ūbinha mihayo ya kūbatongeela, na shilagīlo; nīyo aho bataalī henaho ūbagema.
26
Ūhaya, “Ūlū ng'ūliigwa mu logohano ī lilaka lya ng'wa SEEBA Mulungu wing'we, na ng'wīta īyo ītūngīlīgije kū būtongi bokwe; hūna ng'ūgadīlīla na a malange gakwe, na a kahelele kakwe pye a kose ng'ūkadima chiza, natūng'wenhela a mabūsaatu gīt'ayo nalūbenhelaga Bamisili; nguno ū nene nalī SEEBA, hū nene nalī mpīja wing'we.”
27
Hanuma ya henaho būja Elimu; ū kwene jalīho nzwinzī ikūmi n'ibīlī; na mitī makūmi mpungatī ya nhende, būtūūla ng'hambī bbihī nago a minzī genayo.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40