bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Exodus 23
Exodus 23
Sukuma 2019
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 24 →
1
“Yaya kūkumūcha mihayo ya būlomolomo; yaya gete nūūlū kūbiza nkaanīji ng'hūnga kūlwa kūngunanha nkenaagūji,
2
Nūūlū kūjananījiwa n'ibità lya banhū mu kwīta yabūbi, nī chene yaya. Ūlū ūlīfunya būkaanīji ng'wibanza, ūtizūbiza na būsangī na bachaamya ba mihayo ya būtūngīlīnja.
3
Ū munhū ng'habī ūlū ūshishiwa ng'wibanza kūlwa būhūbi, ū bebe ūtizīchamya ī ng'hana ūkūngunījaga, īkī gīkī ng'habī.
4
Ūlū ūbona ng'ombe nūūlū nzobe ya ng'wanishi wako īkūtagaalījaga mu matogolo sagala, ngunanhage ūntwalīle,
5
nūūlū ūbona nzobe ya munhū atakūtogagwa yagwishiagwa nigo, ngunanhage ū kwīgūngūmūla; yaya ū kūnekanīja.
6
Ū mu mabanza, yaya ū kwīchaamya ī ng'hana ya bahabī abo ūkwikalaga hamò nabo.
7
Yaya kūmūūla munhū mu mhayo ūyo gūtī gwa ng'hana; hama ūtizūng'winha nsango gwa kūbūlagwa munhū ntūngīlīja ūyo atī ng'hūbi; nguno ū nkenaagūji natīko kwizunīlīja nang'hwe ū nene.
8
Yaya kwanukūla būhongwa, nguno ū būhongwa būkabbokujaga miso ga banhū, na kūchaamya mihayo ya būtūngīlīja.
9
Yaya kūnuhya munhū ū nobeji mu sī yako, a bing'we mugamanile a makoye ga kūlobela; nguno ning'we ng'walī balobeji mu sī ya Misili.”
10
“A malaale gako galīmage na kūgesa, kūshisha ikanza lya myaka itandatū.
11
Alīyo ū ng'waka gwa mpungatī, galekage galaale gifuule; bayūbīta mo a bahabī abo balīmo ū mu sī yako baapūmbīīla ī shilīwa, nī ndimu ja mu mabbaala jiyūgwasha īsho shilīsaajiwa, ītaga gīko nū kū migūnda yako ī ya mizabibu, nī ya mizeituni.
12
Ī milīmo yako tūmamaga mu shikū itandatū, alīyo ū mu lwa mpungatī yaya ū kūtūmama, ī nzīkū yako nī nzobe yako jipandīke kwifuula; nū nsese wako pyī nū nobeji, nabo bapandīke kwifuula.
13
Dīlīlagi, ng'wīshikīlīje pyī īyo namuwīlaga; a mina ga bamulungu bangī yaya gete ū kūgahaya, gatizigwiwa kūfuma mu milomo ying'we nūūlū hado.”
14
“Ng'hangala idatū ū mu ng'waka ūkwīta shigukulu kūlwa nguno yane.
15
Lizūkagwe ī likanza lya migatī ītī na shibimbya. Ng'wikanza lya shikū mpungatī ūkūlya migatī ya būsu būtasangije shibimbya, gīt'ūmo nakakūlagīīlīla. Ū mhayo gwenūyū gwītage mu ng'weji gwa Abibu, ī likanza īlo līhelilwe; nguno ū mu ng'weji gwenūyo hū ūkafuma ū mu Misili. Atizigela wa kwiza kwiyoolecha kū būtongi wane alī makono dalali.
16
Lizūkagwe nī likanza lya magesa, ī likanza lya matwajo ga kwandya ga shose īsho ūkalīmaga mu migūnda yako. Hama lizūkagwe nī likanza lya kūkuminga shilīwa kūshenha mu kaya kūfuma kū malaale, ī lya kūmalīīja milīmo ya ng'waka.
17
Ng'hangala idatū ū mu ng'waka, pye a bagosha shibigelile kūshika kū būtongi bo ng'wa Seeba MULUNGU.
18
Yaya kūnifunīja mininga ga shitambò hamò na shikolo shose shose īsho shilī na shibimbya. A mazezele ga shitambò sha mu lūshikū lwa shigukulu shane gatizūlekwa gakalaala kūshisha ntondo dilū.
19
A matwajo ga kwandya ū mu shikolo īsho ūkalīmaga mu ngūnda, genhage mu numba ya ng'wa SEEBA Mulungu wako. Yaya kūzuga mbūli mu mabeelè ga ninayo.”
20
“Alilūūlū nalīntūma malaika wa kūmutongeela ū mu nzīla, aje hamò ning'we kūshisha ū kwipandī īlo namulongegije.
21
Ng'wigwagi gete, hangī ng'wīdīlīle īyo akwīhayaga. Yaya ū kūbūlema ū būtongeeji bokwe, nguno atūmulekeja ū būhūbi wing'we; īkī alī na būdūla kūlwa lina lyane.
22
Ūlū ng'wīdegeleka chiza īyo akūmuwīla, na ng'wīta būlī mhayo ūyo nalīmulagīla, nakūbiza ng'wanishi wa banishi bing'we; nīyo a bilwisha bing'we nakwilwisha nabo nene.
23
Ū malaika wane akūja hamò ning'we amutongeelile, kūshisha amushishe ū mu sī ya Baamoli, Bahītī, Bapelizi, Bakanaani, Bahīvī na Bayebusi, abo nakūbapyagūla mo gete.
24
Yaya ū kūgema kwinama kū bamulungu babo nūūlū hado, nūūlū kūbalamya na kūshimīzīla mu shīmīle shabo. Ūkūbakenaagūla gete, na kūgabelagūla pye a mashikolo gabo ayo bakagalamyaga.
25
Ū bebe namyage SEEBA Mulungu wako, hūna ī jakwe jikūbiza hamò nī shilīwa shako na a minzī gako; na a mabūsaatu nakūkwīngīja.
26
Nīyo a makoye ga kūfundafunda nūūlū ga būgūmba, gatūbiza ho ū mu sī yako; nī shikū ja būlamu wako nakūjishikanya ī jose.
27
Nakūtūma lyogohya lyane lītonge ū kū būtongi wako, naginhe kūbbaha pye a mahanga ayo galayūkūchaama; hama a banishi bako nakūbīīta bakwinhīle ngongo bakūkūpeelaga.
28
Nakūtūma būkalasa būbapeeje a Bahīvī, Bakanaani na a Bahītī bakwīngīle ū mu nzīla.
29
Gwike natūbīnja pye a bose mu ng'waka gūmò, nguno ūlū nīīta gīko ī sī īkūgaya a banhū ūkwīlīlwe mashiinū.
30
Nakūbapeeja hado hado bakwīngīle, kūshisha ūkwīje a banhū ba kwīlang'hana ī sī.
31
Hama ī mbīmbī jako nakūjitūūla nene; kwandīja kū Nyanza Yaza kūshisha kū Nyanza ya Bafilisiti, na kūfuma kwitogolo ikalamuku kūshisha kū Mongo. A banhū ba mu sī yenīyo nakūbatūūla mu makono gako, hūna ū bebe ūkūbapeeja.
32
Yaya kūgema kūtūūla būlagane nabo, nūūlū na bamulungu babo.
33
Yaya ū kūbaleka bikale ū mu sī yako, bakūkwenheleja kūnīītīla shibi ū nene, nguno a kalamīje ka kūbalamya bamulungu babo kakūbiza lūtu ū kūlī bebe.”
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40