bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joshua 1
Joshua 1
Sukuma 2019
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
1
Ū Musa ū ntūmami o ng'wa SEEBA aho waacha, ū SEEBA ūng'wīla ū Yoshwa ng'witūnja o ng'wa Nuni, na ntūmami o ng'wa Musa; ūhaya gīkī,
2
“Ū ntūmami wane ū Musa wazumalīkile, alilūūlū ū bebe na a banhū benaba, ibeeja beejagi mugūkīle ū mongo gwa Yolodani, muje ū mu sī īyo nalībinha a banhū benaba, a Baisilaeli.
3
Būl'ipandī īlo mukūlīpanda na mhambala jing'we nakūng'winha lībize ling'we, gīt'ūmo nakang'wisagīja Musa.
4
Ū lūbīmbī lwing'we lūkūbiza kwandīja kwitogolo na sī ya Lebanoni kūshisha ū kū mongo ntaale, ū gwa Flati. Ī sī ya Bahītī ī yose īkūbiza ying'we, kūshisha kū būgwa līīmi, ū kū nyanz'ī nhaale.
5
Atīho munhū nūūlū ūmò, wa kūdūla kūkūchaama pyī ū mu shikū ja būlamu wako. Nakūbiza hamò nang'ho gīt'ūmo naalī hamò na Musa; natīko kūkūlekanīja nūūlū kūkwīība.
6
Ū bebe, īdadīlage dūhū ūtimbye ng'holò, nguno ūkūbatongeela a banhū benaba bingīle ū mu sī ya wingīji wabo īyo naabilahīlīla bakūlūgenji babo gīkī nakūbinha.
7
Idadīlage dūhū ū bebe ūtimbye ng'holò; hama ūbize ng'welwa ng'holò ū kūshimizīla ū mu shilagīlo īsho ntūmami wane Musa wakwinha. Yaya gete ū kūshileka ūgalūkīle kū būlyo nūūlū kū lūmoso, ūpandīke kwīlūkīlwa būlī kwene ūko ūlaaje.
8
Ī shitabo shenīshi, ī sha shilagīlo, yaya ū kūshileka nose shīnge ū mu nomo gwako. Shiideedeeng'hanyage līīmi na būjikū, hūna ūkūdūla kūbiza ndeeba ū mu kwīshikīlīja pyī īyo yandīkilwe mo. Ū mu gīko ūkūbiza na mbango, nīyo nī mihayo yako īkūja chiza.
9
Angū natakūlagīlile nene? Bebe ng'wene idadīlage dūhū, hangī ūtimbye ng'holò. Yaya ū kūdetema nūūlū kogoha; nguno ū SEEBA Mulungu wako akūbiza hamò nang'ho būlī kwene ūko ūkūja.”
10
Ū Yoshwa ūbalagīla a bagunanhi ba banhū alīhaya,
11
“Bītagi hose pyī ū mu ng'hambī muje mukūbawīlaga a banhū gīkī, ‘Golanyagi ī mhamba jing'we, nguno ūlū jūbīta shikū idatū mukūgūkīla ū mongo gwa Yolodani gwenūyū; nīyo mukūgūkīlīla henaha aha, muje mukīdiime ī sī īyo SEEBA Mulungu wing'we alīng'winha kūbiza ying'we.’”
12
Alīyo a ba lūganda lwa Lubeni nū lwa ng'wa Gaadi, nī nusu ya lūganda lwa Manase, ū Yoshwa ūbawīla gīkī,
13
“Shiizūkagwi ī shilagīlo īsho Musa ntūmami o ng'wa SEEBA akang'winha alīhaya, ‘Ū SEEBA Mulungu wing'we akūng'wifuuja, nī sī yenīyī alīng'winha.’
14
Na lūūlū a bake bing'we na a baana bing'we h'abo bakūsaaga ū mu sī īyo Musa wang'winha kū kīya ya mongo gwa Yolodani; bakūsaaga nī mitugo jing'we. Alīyo pye a bagosha ba nguzu abo balīmo ū mu bing'we shibigeleelilwe basole shilanga, bakīle hamò na a badūgū bing'we.
15
Kūshisha ū SEEBA abinhe nabo kwifuula gīt'ūmo wang'winhīlile a bing'we; kūshisha nabo bīsole ī sī īyo SEEBA Mulungu wing'we alībinha. A hanuma ya yenīyo hū mukūja lūūlū na a bing'we ū kū sī ying'we īyo wang'winhile Musa ntūmami o ng'wa SEEBA; īyo īlī kū kīya ya mongo gwa Yolodani, ū kū būfuma līīmi.”
16
Nabo būnshokeja ū Yoshwa balīhaya gīkī, “Būlī mhayo ūyo watūlagīlaga kūgwīta tūkūgwīta, na būlī kwene ūko ūlatūtūme tūkūja.
17
Ūmo twang'wigwīlaga Musa mu būlī mhayo, nū bebe tūkūkwigwa gīko. Ū SEEBA Mulungu wako ni abizage hamò nang'ho dūhū, gīt'ūmo walī hamò na Musa.
18
Ose ose ūyo ūshilema ī shilagīlo shako, ūlema ū kwīyigwa ī mihayo yako yose yose īyo ūkūlagīla yītwe, ū ng'wenūyo akūbūlagwa. Ū bebe ng'wene idadīlage dūhū ūtimbye ng'holò!”
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 2 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24