bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joshua 9
Joshua 9
Sukuma 2019
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
1
Hūna a batemi ba kū ntambūko gwa ng'weli ya mongo gwa Yolodani aho bīyiigwa ī yenīyī, batemi ba Bahītī, Baamooli, Bakanaani, Bapelizi, Bahīvī, na Bayebusi; abo baalī bazengile mu sī ya magūlya, na kū sī ja ntubīlo, na a ba kū mbalama ya Nyanza ī Nhaale kūshisha mhandī ja Lebanoni;
2
pye a bose benabo bakibilinga hamò, kwilwisha būlūgū nū Yoshwa na a Baisilaeli.
3
Alīyo a banhū ba Gibeoni aho bīyiigwa īyo ū Yoshwa walī wabīītīla bana Yeliko na bana Ai,
4
a bene būbona batūmamīle masala ga kūlomaloma. Būja gītī banhū batūmilwe, balī na nzobe jabo jibūūkije magūnīla makūlūkūlū ga shikolo, na mhīnda ng'hūlūkūlū ja kūbūūkīja divai, nīyo jalī jitandagūkile hūna jūsung'wa.
5
Ū kū mhambala jabo būzwaala shilatū shishilile shūtūūlīlwa shilaka, hama nī shizwalo īsho baalī baazwaala shalī shishila shilile; ī migatī ya kūja bakūlyaga mu nzīla nayo būsola yakale, mikalamūku hama īlī na booba.
6
Hūna a banhū benabo būja ū kūlī Yoshwa, ū kū ng'hambī ī Giligaali; būūkang'wīla ū wei na a Baisilaeli a bangī gīkī, “Twafuma kū sī ya kūle, na lūūlū beejagi ilagane hamò nise.”
7
A Baisilaeli būbawīla a Bahīvī benabo gīkī, “Hamo īdūlīkanile kūbiza muzengile mu bbihī bbihī na bise ūmu; ūlū gīko nūmho tūkūdūla kinehe ū kūbeeja ī lilagane ning'we?”
8
Būng'wīla ū Yoshwa gīkī, “A bise tūlī basese bako!” Alīyo ū Yoshwa ūbabūūja, “Ī gete mulī ba naani a bing'we, na ng'wafumaga halī?”
9
Nabo būnshokeja balīhaya, “A bise basese bako twafumaga kū sī ya kūle no, twizaga kūlwa lūkumo lwa ng'wa SEEBA Mulungu wako. Nguno twalwigwile ū lūkumo lwakwe, īyo wīyīīta mu sī ya Misili;
10
nī yose īyo wabīītīlile batemi babīlī ba Baamooli ū kū ntambūko gwa kīya ya mongo gwa Yolodani, ū ntemi Sihoni wa Heshiboni nū Ogi ū ntemi wa Bashani, ūyo wikalo wakwe walī Ashtalooti.
11
Hūna lūūlū a banamhala bise na a banhū ba mu sī yise būtūwīla gīkī, ‘Bing'we solagi mhamba ja kūja mulītūmamīla mu nzīla; muje mukabagīshe a banhū benaba, mubawīle na gīkī, A bise tūlī basese bing'we, beejagi ilagane hamò nise.’
12
Ī migatī yise yenīyī yaalī misebu aho twīsolaga kūfuma ū mu kaya jise, ū mu lūshikū lwa kwandya lūgendo lwa kwiza kūūnū; alīyo ī haha angū mulīyībona ūmo yūmīlile yūkīīta na booba.
13
Nī mhīnda jise ja divai aho tūlījookaja ī divai jalī mhya, alīyo ī haha mulījibona najo ūmo jakūlūhalīlile, jūūkatandagūka na kūtandagūka. Nī shizwalo shise shenīshi nī shilatū shise shashilīlile mu lūgendo.”
14
A Baisilaeli būzunya ū kūbeeja nabo ī lilagane, alīyo baalī batabūūgije ū kūlī SEEBA.
15
Hūna ū Yoshwa ūbeeja nabo ilagane lya mhola, gīkī balekwe bikale bapanga. Na a batongeeji ba banhū bizunīlīja nago ū mhayo gwenūyo, nīyo mu kūlahīla.
16
Aho baalībeeja ī lilagane na a Bagibeoni, jahayūbīta shikū idatū a Baisilaeli bigwa gīkī gashi nīyo baalī banhū ba mu bbihī dūhū, bazenganwa bichaabo.
17
Hūna a Baisilaeli būbūūka bajile ko, būshimīza lūgendo lwa shikū idatū būshika ū kū mizengo yabo, Gibeoni, Kefila, Beeloti na Kiliati-yelimu.
18
Alīyo a Baisilaeli batabadumīlile, nguno a batongeeji babo baalī baamala kūbilahīlīla kū būtongi bo ng'wa SEEBA Mulungu wa Baisilaeli. Gwike a hene pye a banhū bakabadugumīla a batongeeji babo,
19
alīyo būbawīla dūhū gīkī, “Twamalile kūbilahīlīla kūlī SEEBA Mulungu wa Baisilaeli; na lūūlū ī haha tūtīko kūbakuumya gete.
20
Gwike gūūyū ū gwa kūbīītīla: Tūkūbaleka bikale bapanga tūtizūgwīīlwa nsango, kūlwa kūkenaagūla shilahīlo īsho twabilahīlīlile.”
21
A batongeeji babo bongeja kūhaya gīkī, “Ni bikalage bapanga, alīyo bakūbiza baseenhi ba ng'hwi, na badahi ba minzī kūlw'ihanga igima.” Ū mu gīko ū kwisagīja kwa batongeeji ūmo baalī baabisagīīgīja kūbiza kwikala gīko.
22
Hūna ū Yoshwa ūbitana a Bagibeoni ūbawīla, “Nibūlī ng'watūlembile ng'ūtūwīla gīkī, ‘A bise tūzengile kūle no na a bing'we,’ alīyo gashi mulī muumu bbihī ūmu hamò nise dahū?
23
Na lūūlū ī haha managi gīkī ng'wazumagwa, ū mu būlamu wing'we bose mukūbiza baseenhi ba ng'hwi, na badahi ba minzī kūlwa numba ya ng'wa Mulungu wane.”
24
Nabo būnshokeja ū Yoshwa balīhaya, “A bise basese bako tūkawīīlwa hape gete gīkī, ū SEEBA Mulungu wako walī wanagīla ū Musa kūng'winha bing'we pyī ī sī yenīyī, na gīkī akūbamala pye a banhū ba ng'wenūmu bang'wīngīle a bing'we. H'ī chene tūkang'ogoha no a bing'we, tūbona tūtizūjimīīja būpanga wise; hū tūūgwīta ū mhayo gwenūyo.
25
Alīyo ī haha tūlī mu makono gako; twītīlage ūyo ūlīgūbona gūtūngīlīgije na gwawiza ū mu miso gaako.”
26
Ū Yoshwa ūbiza wabapīja ū kū kūfuma ū mu makono ga Baisilaeli, būleka ū kūbabūlaga.
27
Alīyo ū mu lūshikū lwenūlo, ū Yoshwa ūbīīta kūbiza baseenhi ba ng'hwi, na badahi ba minzī kūlw'ihanga igima lya Baisilaeli, na kūlwa ng'walīlo go ng'wa SEEBA; kwipandī lyose lyose īlo SEEBA alaalīsole. H'ūmo bakwītīlaga kūshisha nī lelo īyī.
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24