bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joshua 3
Joshua 3
Sukuma 2019
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
Ha ntondo yaho ī dilū, ū Yoshwa na a Baisilaeli a bose būbūūka kwīnga ī Shitimu, beegeela kū mongo gwa Yolodani, būūkatūūla ng'hambī kwenūko aho bataalī kūkīla.
2
Aho jabīta shikū idatū a bagunanhi būbīta pye a hose ū mu ng'hambī,
3
būja bakūbakomigaga a banhū balībawīla, “Ūlū ng'ūbabona a bagabīji, a ba lūganda lwa Lawī, baalībūūcha ī lisandīko lya būlagane bo ng'wa SEEBA Mulungu wing'we, shing'wigelile kwīnga aho mukwikalaga mulīlondeele.
4
Ū mu gīko hū mukūdeeba ūko mujile, nguno mutaalī ū kūshika a mapandī genaya na kamò yaya. Gwike īkūng'wigeleelwa kūbiza kūle nalyo ī lisandīko, bū kūle wa kwegeela ha kilomita īmò; yaya ū kūlyegeela bo mumo bbihī.”
5
Ū Yoshwa ūbawīla a banhū gīkī, “Iyeejagi nguno ū SEEBA akwīta mihayo mitaale ū mu bing'we ī ntondo.”
6
A bagabīji nabo ūbawīla ū Yoshwa gīkī, “Lībūūchagi ī lisandīko lya būlagane muje nalyo mubatongeele a banhū;” ng'hana būlībūūcha būtongela ū kū būtongi wa banhū.
7
Hūna ū SEEBA ūng'wīla ū Yoshwa gīkī, “Ī lelo yenīyī nakwandya kūkūgūngūhya ū mu miso ga Baisilaeli bose, bamane gīkī nalī hamò nang'ho gīt'ūmo naalī hamò na Musa.
8
A bagabīji abo bakalībūūchaga ī lisandīko lya būlagane bawīlage gīkī, ‘Ūlū mulashike a ha minzī ga mongo gwa Yolodani, ingīlagi ū mu mongo ng'wīmīīle mo.’”
9
Ū Yoshwa ūbawīla a Baisilaeli gīkī, “Egeelagi aha mudegeleke ī mihayo ya ng'wa SEEBA Mulungu wing'we.
10
Nguno hū mukūdeeba gīkī ū Mulungu mpanga alī hamò ning'we, na gīkī akūbapeeja bang'wīngīle gete pye a Bakanaani, na a Bahītī, Bahīvī, Bapelizi, Bagiligashi, Baamooli, na a Bayebusi.
11
Mulīlībona ī lisandīko lya būlagane bo ng'wa SEEBA wa sī yose, līkūja līmutongeelile līkashike ū kū mongo gwa Yolodani.
12
Na lūūlū ī haha solanhyagi banhū kūfuma ū mu ng'anda ikūmi na ibīlī ja Baisilaeli, munhū ūmò būlī lūganda.
13
A bagabīji abo balībūūkije ī lisandīko lya ng'wa SEEBA, ū SEEBA wa sī yose, ūlū būgakuumya dūhū a minzī ga mongo gwa Yolodani na mhambala jabo, a minzī ga mongo gwenūyo gakūlekaana, ayo galīfuma kū sī ja magūlya gakwīīma, gikīge gītī lūgegu.”
14
Na lūūlū a banhū aho baasambūla ī ng'hambī kwandya lūgendo lwa kūjūkīla mongo gwa Yolodani, a bagabīji abo baalī balībūūkije ī lisandīko lya būlagane būtongela kū būtongi.
15
Ū mongo gwenūyo gūkikalaga gookalile pa gūtaalile, pyī ī likanza lya shikū ja magesa. Alīyo a bagabīji, abo baalī balībūūkije ī lisandīko lya būlagane, aho bashika a ha mongo, ī mhambala jabo aho jagakuumya a minzī ga Yolodani,
16
a minzī ayo gafumaga kū sī ja magūlya gooya ū kūhūūma, gilūndīka ilūndo itaale kūle ū kwīnga a henaho; bbihī na nzengo gwa Adamu, kūīlīīla ipandī liitanagwa Zaletani. A minzī ayo gahūūmaga kūja kū Nyanza ya Alaba (h'ī Nyanza ya Munhu), a gene gūja gete; gūbiza gatīnīka. Na lūūlū a banhū būbīta hasī nyūūmu, h'ipandī lyilolile nū nzengo gwa Yeliko.
17
A bagabīji abo baalī balībūūkije ī lisandīko lya būlagane o ng'wa SEEBA bīmīīla hasī nyūūmu a ha gatī gatī ya mongo gwa Yolodani, ū kūnū a Baisilaeli bakūbītaga, kūshisha pyī ī lihanga lyūgūkīla ū mongo gwa Yolodani.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24