bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joshua 6
Joshua 6
Sukuma 2019
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
1
Na lūūlū ū nzengo gwa Yeliko gūkayikala gūlugalilwe nde nde nde, kūlwa nguno ya Baisilaeli. Walī atīho wa kūfuma mo nūūlū wa kwingīla mo.
2
Hūna ū SEEBA ūng'wīla ū Yoshwa, “Managa gīkī ū nzengo gwa Yeliko nagūtūūlaga mu nkono gwako, hamò nū ntemi, pyī na bashilikale baago.
3
Ū bebe hamò na a bashilikale bako pye a bose mukūshimīza mukūgwipīndīīlaga kamò būlī lūshikū, kūshisha shikū itandatū.
4
Tūūlaga ho bagabīji mpungatī baakūja ū kū būtongi w'isandīko, babūkije mhembe ja mapembe ga ng'ondi. Ū mu lūshikū lwa mpungatī mukūgwipīndīīla ū nzengo ng'hangala mpungatī, kūnū a bagabīji bakūjilījaga ī mhembe jabo.
5
Ūlū ng'wigwa ī lilaka lya mhembe lyalīlīla higūlya no no no mu kūjangīīla ikanza ilīhu, pye a banhū bahoolanīje kūhamuka n'ilaka lya higūlya no no no nabo; a henaho ī ndugu ya nzengo gwenūyo īkūhilimikīla īgwe hasī. Haho na haho a banhū bakūlinha kūja ū mu nzengo; būlī ng'wene akūpeela ajile mo.”
6
Hūna ū Yoshwa ū ng'witūnja bo ng'wa Nuni ūbitana a bagabīji; ūbawīla, “Līsolagi ī lisandīko lya būlagane o ng'wa SEEBA, bigele na bagabīji mpungatī baakūja ū kū būtongi walyo babūkije mhembe.”
7
Hanuma ya henaho ūbawīla a banhū gīkī, “Andyagi ī haha yenīyī, muje mukūgwipīndīīlaga ū nzengo; abo babūūkije shilanga batongele ū kū būtongi w'isandīko lya ng'wa SEEBA.”
8
Ū Yoshwa aho wamala kūlūngalūnga nabo a banhū, a bagabīji abo mpungatī a baakūja babūūkije mhembe kū būtongi bo ng'wa SEEBA, būbūūka bajile, kūnū bakūjilījaga ī mhembe jabo. Na a babūūcha b'isandīko lya būlagane bo ng'wa SEEBA būlībūūcha, būbakūūbīja.
9
Ū kū būtongi wa bagabīji abo baafuulaga mhembe baalīko bashilikale na shilanga shabo, nū kū numa y'isandīko baalīko balang'hani na shilanga shabo. Pyī ī likanza lyenīlo ī mhembe jalīlaga.
10
Alīyo ū Yoshwa walī wabawīla a banhū gīkī, “Yaya ū kūyoganya, nūūlū kūfunya ilaka ling'we yaya; mutizūyomba mhayo gose gose, kūshisha lūshike ū lūshikū ūlo nakūmuwīla kūhamuka; a henaho hū mukūhamuka!”
11
Hūna ūlagīla lyūbūūchiwa ī lisandīko lya ng'wa SEEBA, būgwipīndīīla ū nzengo kamò; hanuma ya henaho a banhū būshoka kū ng'hambī, būūkifuula kūshisha wela ū būjikū.
12
Ī ntondo yaho ū Yoshwa ūmisha dilū, a bagabīji nabo būlīsola ī lisandīko lya ng'wa SEEBA.
13
A bagabīji abo mpungatī a babūūcha mhembe mpungtī, būtongela ū kū būtongi w'isandīko, būja bakūjifuulaga ī mhembe jabo. Ū kū būtongi wabo baalīko a bashilikale ba shilanga, pyī nū kū numa y'isandīko lya ng'wa SEEBA. Pyī ī likanza lyenīlo ī mhembe jalīlaga.
14
Nū mu lūshikū lwa kabīlī būgwipīndīīla ū nzengo kamò, būshoka kū ng'hambi; bakamala shikū itandatū bakwītaga gīko.
15
Ū mu lūshikū lwa mpungatī bakabūūka dilū līīmi līlīfuma, būgwipīndīīla ū nzengo ng'hangala mpungatī, bīīta ūmo bīītīlaga na kale; gwike dūhū ū mu lūshikū lwenūlo būgwipīndīīla ū nzengo ng'hangala mpungatī.
16
Bahayūshisha ū lūkangala lwa mpungatī, a bagabīji būlīja ī mhembe n'ilaka lya higūlya no no no lya kūjangīīla ikanza ilīhu. Nang'hwe ū Yoshwa ūbalagīla a banhū ūhaya, “Hamukagi nguno ū SEEBA wang'winhaga ū nzengo gwenūyū.
17
Pyī ū nzengo na a bikaji baamo a bose, shiigelile gūpemve moto kūbiza shakwinha kūlī SEEBA. Lahabu dūhū, ū malahya h'ūyo akūpīla, na a bose abo balīmo ū mu kaya yakwe. Nguno ū wei akababisa a badati abo twalī twabatūma.
18
Alīyo yaya mutizūgema gete ū kūshikuumya ī shikolo īsho shiigeleelilwe kūpemva mu moto, mutiziyenheleja kūyagaala kūlwa kūsola shose shose ū mu shikolo shenīsho. Ūlū ng'wīta gīko, ī ng'hambi ya Baisilaeli mukwīyenhela saalaala, yigeleelwe kūkenaagūlwa, muyenheleje kūkenaagūka.
19
Ī feza nī zahabu ī jose, nī shikolo sha shaba, pyī nī sha chūūma, ī shenīsho shilī sheela kūlwa ng'wa SEEBA; shikūtūūlwa ng'wibīīkīlo lya sabo jakwe.”
20
Hūna lūūlū ī lilaka lya mhembe aho lyalīla, a banhū būhoolanīja n'ilaka lya kūhamukīla higūlya; lyahayūlīla ī lilaka lya mhembe na a banhū būhamuka, ī ndugu yūhilimikīla kūgwa hasī. Haho na haho a banhū būpeela bajile mo, būgūdima ū nzengo.
21
Ū nzengo gwenūyo būgūpemba moto kūbiza shakwinha kūlī SEEBA, ī shose īsho shaalīmo, īsho shikesheemaga būshibūlaga na līlūshū; pye a banhū, bagosha na bakīma, bado na bataale, ng'ombe, ng'holo pyī nī nzobe.
22
Ū Yoshwa ūbawīla a bagosha a babīlī abo baalī baaja kwīdata ī sī, “Jaagi ū mu numba ya ng'wa malahya mukamfunye hanze na a bose abo balīmo ū mu kaya yakwe, gīt'ūmo mukang'wilahīlīla.”
23
Na ng'hana a basūmba abo baalī baaja ū kwīdata ī sī būja ū mu nzengo būkamfunya ū Lahabu nū ise nū nina, na a baana ba ng'wawe, pye na banhū a bangī abo baalī ba mu kaaaya ya ng'wawe. Būyīfunya pyī ī kaya ya ng'wawe bītūūla h'ipandī ilebe, hanze ya ng'hambī ya Baisilaeli.
24
Hūna būgūpemba moto pyī ū nzengo nī shose īsho shalīmo, alīyo ī feza nī zahabu nī shikolo sha shaba, nī sha chūūma būshitūūla ng'wibīīkīlo lya sabo, mu numba ya ng'wa SEEBA.
25
Ū Yoshwa ūneka wikala mpanga ū Lahabu ū malaaaya, na a banhū ba mu kaya ya ng'wawe; nguno waalī wababisa a banhū abo walī wabatūma ū Yoshwa kūja kwīdata ī Yeliko. Kūshisha nī lelo īyī akwikalaga hamò na Baisilaeli.
26
Hūna ū Yoshwa wilahīla alīhaya gīkī, “Ni azumagwe na SEEBA ū munhū wa kūgūzenga ū nzengo gwenūyū, ū gwa Yeliko, ‘A h'ikanza lya kūgūsīmbīla ū nsingi gwaago, akūchīlwa na ng'witūnja wakwe tangī. Hama a h'ikanza lya akwītūūla ī mibita yaago, akūchīlwa na kwangūlīja wakwe.’”
27
Ū SEEBA walī hamò nū Yoshwa; ū lūkumo lwakwe lūsambaala pye a hose ū mu sī yenīyo.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24