bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joshua 5
Joshua 5
Sukuma 2019
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Na lūūlū pye a batemi ba Baamooli a ba kū nkīlo gwa ng'weli ya mongo gwa Yolodani, na a batemi ba Bakanaani a bose abo baalī kū ng'hilimva ya nyanza aho bigwa gīkī ū SEEBA wagūkamije ū mongo gwa Yolodani kūlwa nguno ya Baisilaeli, kūshisha tūūkīla pye a bose, ī ng'holò jabo jikahaahūka, būgayiwa gete ī nguzu ja kūmanhya na a Baisilaeli.
2
Hūna ū ng'wikanza lyenīlo ū SEEBA ūng'wīla ū Yoshwa gīkī, “Beejaga shū ja mawe madiimu, ūbasaale hangī a Baisilaeli.”
3
Na ng'hana ū Yoshwa ūbeeja shū ja mawe madiimu, ūūkabasaalīla a Baisilaeli Gibeati-haalaloti.
4
Ū Yoshwa akabasaala kūlwa nguno ya gīkī, pye abo baalī bafuma mu sī ya Misili, a bagosha ba myaka ya kūdūla kūja kū būlūgū, bakachīla ng'witogolo aho balī mu nzīla balīfuma ī Misili.
5
Pye a banhū abo baalī bafuma Misili baalī baasaalwa; alīyo pye abo bakabyalīlwa ng'witogolo mu lūgendo lwa kūfuma Misili, a bene batasaalilwe.
6
A Baisilaeli baalī baamal'ikanza lya myaka makūmi anè bakūyūnga yūngaga ū ng'witogolo, kūshisha pye a banhū abo baalī bashikile kūja kū būlūgū būshila kūcha aho balīfuma Misili; nguno baalī batang'wigwile ū SEEBA. Na lūūlū ū SEEBA walī wabilahīlīla gīkī batūdūla ū kwībona ī sī īyo walī wabisagīja bakūlūgenji babo mu kwilahīla, gīkī akūtwinha; ī sī ya būhondo ī ya kūsūlūlūka būkī na mabeele.
7
Hūna ū SEEBA ūbagūngūmūla bitūnja babo a ha ng'wanya gwabo; a benaba hū bene abo Yoshwa akabasaala. Baalī bataalī ū kūsaalwa, nguno baalī batasaalilwe ū mu nzīla.
8
Hūna ī lihanga ī lyose aho lyamala kūsaalwa, bikala ha ng'hambī henaho, kūshisha būpīla.
9
Hūna ū SEEBA ūng'wila ū Yoshwa gīkī, “Ī lelo yenīyī nīpilingītījaga kūle ī minala ya Misili yang'wīngīlaga a bing'we.” Na lūūlū ī lipandī lyenīlo litanwa Giligaali kūshisha lelo īyī.
10
Lwahayūshika ū lūshikū lw'ikūmi na inè lwa ng'weji, a Baisilaeli būlya Pasaka aho balī a ha ng'hambī ya Giligaali yenīyo, ū mu mbūga ya Yeliko.
11
Ha ntondo ya lūshikū lwa Pasaka, ū lūshikū lwenūlo, būlya matwajo gamò na gamò ga mu sī yenīyo; migatī ītī na shibimbya, hamò na shilīwa sha būkalange.
12
Hūna ī eemanu yooya ū kwilonga kwīngīīla ha ntondo yaho, a ha ntondo ya lūshikū lwa kūshilya ī shilwa sha mu sī yenīyo. Kwīngīīla ikanza lyenīlo a Baisilaeli bataliile eemanu hangī, gwike ū ng'waka gwenūyo būlya sha kūfuma mu matwajo ga mu sī ya Kanaani.
13
Aho balī bbihī na Yeliko, ū Yoshwa wahayūbūūcha a miso, ūmona ngosha īmīīlile kū būtongi wakwe, walī na līlūshū mu nkono gwakwe līsopoolilwe ū mu shilaalo shalyo. Ū Yoshwa ūng'wegeela ūmūūja, “Ū bebe ūlī kū lwande lwise, nūūlū lwa banishi?”
14
Nang'hwe ūhaya, “Yaya ītī gīko; ū nene hū nalī ntaale wa mabità ga ng'wa SEEBA, nashika lūūlū ī haha.” A henaho ū Yoshwa ūgwa hasī achimīgīje kūlwa kūnkūja; ūmūūja, “Ū SEEBA alī na mhayo kī gwa kūng'wīla ū ntūmami wakwe?”
15
Ū ntaale wa mabità ga ng'wa SEEBA ūnshokeja, “Zuulaga ī shilatū shako, nguno a hipaandī īlo wīmīīlaga halī heela.” Ū Yoshwa wīta chene.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24