bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joshua 2
Joshua 2
Sukuma 2019
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
Hūna aho balī ha Shitimu henaho, ū Yoshwa ng'witūnja o ng'wa Nuni ūtūma mu mbisīla bagosha babīlī; ūbawīla gīkī, “Jaagi mukīīdate ī sī yenīyo; ī no no no ī Yeliko.” Hūna būja būkingīla mu numba ya nkīma ūmò malahya, lina lyakwe witanagwa Lahabu; būlenda henaho.
2
Ū ntemi wa Yeliko ūwīlwa gīkī, “Alidegelekaga ī lelo ī būjikū bizaga ūmu bamò ba Baisilaeli kwīdata ī sī.”
3
Na lūūlū ū ntemi wa Yeliko ūtūma banhū ū kū ng'wa Lahabu alīhaya, “Bafunyage hanze a banhū abo bizaga bingīla mu ng'wako; nguno a benabo bizaga kwīdata pyī ī sī.”
4
Alīyo ū nkīma ng'wenūyo akasangwa wabasolaga a bagosha benabo būbīlī wabo ūbabisa. Na lūūlū ūshosha alīhaya gīkī, “Na ng'hana baalī bizaga bagosha babīlī a henaha, alīyo natadeebile ūko baalī baafumaga.
5
Aho lyagwa ī līīmi, lyashika ikanza lya kūlugalwa mita gwa nzengo, baalī bīnga, nūleka ū kūdeeba ūko baalī baalola. Bakūūbījagi wangū, naliganika mukūbapandīka dūhū.”
6
(Alīyo walī wabalinhya kwigūlya ya numba yakwe hūna ūbakundīkīja mantī ga kitaani gaalī ū kwigūlya ya numba.)
7
Na ng'hana abo baalī baatūng'wa būdima nzīla balībakūūbīja kūīlīīla kū mongo gwa Yolodani, būkashika ū kū būkīlīlo wa mongo gwenūyo. Aho bīnga dūhū a bakūūbīja benabo, gūlugalwa ū mita gwa nzengo.
8
A badati benabo aho bataalī kūlaala, ū nkīma ng'wenūyo ūlinha ū kwigūlya ūko baalī.
9
Ūbawīla, “Ū nene namanile gīkī ū SEEBA wang'winhile bing'we ī sī yenīyī. Nīyo nī lyogohya ling'we lyatūminije no; nose pye a bikaji ba ng'wenūmu baahahūkile no, kūlwa nguno ya kūng'ogoha bing'we.
10
Nguno ī mhola jing'we jatūpandīka, ī gīkī ū SEEBA akamubeegeja nzīla aho mulīfuma Misili, ūgakamya a minzī ga mu Nyanza Yaaza, ng'ūpandīka ha kūbītīla. Pyī nī mihayo ya kīya ū kū nkīlo gwa Yolodani, īyo mukabīītīla ba Sihoni na Ogi, a batemi a babīlī ba Baamooli, abo mukabakenaagūla gete.
11
Aho twayigwa ī yenīyo jūbbaha ī ng'holò jise, būlī ng'weene ūmala gete ū gwa kūpya kūlwa nguno ying'we; nguno ū SEEBA Mulungu wing'we hū ng'wene ūyo alī Mulungu ū kwigūlya ū ng'wigūlū, nī hasī ū mu sī.
12
Alilūūlū, nalīng'wikūmbīlīja muniilahīlīle kūlī SEEBA, gīkī mukwīyītīla yawiza ī kaya ya ng'wise, nguno nū nene nang'wītīlaga yawiza. Hama nīyo ninhagi shimanīīkījo sha ng'hana gete,
13
sha koolecha gīkī mutūmūlaga ū baba nū mayū, na a baana bang'wise bagosha na bakīma, na a banhū ba mu kaya jabo pye a bose; na gīkī mukūtūpīja ū būpanga wise, tūtizūūcha.”
14
A banhū benabo būng'wīla gīkī, “Twaweega ū būpanga wise kūlwa būpanga wing'we! Ūlū ng'ūleka ū kūgūkumūcha ū nīmo gwise gwenūyū, a bise tūkūng'wītīla yawiza na ya wishigwa būtaale no ī likanza lya ng'wa SEEBA kūtwinha ī sī yenīyī.”
15
Na lūūlū ūbabītīja h'iddilisha, ūbicha bo lūgoye, nguno ī numba īyo wikalaga, ī ndugu ya lwandī ū lūmò yaalī ndugu ya nzengo gwenūyo.
16
Hūna ūbawīla gīkī, “Jaagi kū ngūlū, batizūmupandīka abo balīmukooba; jagi mukibise kwenūko shikū idatū kūshisha bashoke, hanuma lūūlū hū mukūja ūko ng'wafumile.”
17
A banhū benabo būng'wīla ū nkīma ng'wenūyo, “A bise tūtūbiza na shilingo ū mu shilahīlo īsho watwilahīja shenīshi,
18
ūlū gīkī a h'ikanza lya kwingīla ū mu sī yenīyī tūūleka kūsanga wagūtungaga ū ngwasho gwaza ūyū, a h'idilisha īlo watwikīja lyenīlī; na a babyaaji bako, ū so nū noko, ūsangwe wabingījaga ū mu numba yako, hamò na a baana ba ng'wing'we bagosha na bakīma, nī kaya ya ng'wing'we ī yose.
19
Ūlū munhū ūfuma ū mu numba yenīyī ūja hanze kūcheyeeka mu mabbalabbala, a mininga gakwe gakūbiza higūlya ya ntwe gwakwe wei ng'wenekīlī; a bise tūtūbiza ba kūsolwa būbi. Alīyo ūlū munhū alī mu kaya hamò nang'ho, hūna nkono gose gose gūnkuumya, a mininga gakwe gakūbiza ha mitwe yise.
20
Gwike ū bebe ūlū ūlagūkumūche ū nīmo gwise gwenūyū, tūkūbiza twataligūka ū mu shilahīlo īsho watwilahījaga.”
21
Nang'hwe ūbashokeja alīhaya, “Mulītūngīlīja n'ījaaage gīt'ūmo ng'wahayīla gīko.” Hūna ūbaleka būja; nang'hwe ūgūtunga ū ngwasho gwaza a h'idilisha lyenīlo.
22
Aho bīnga a henaho būlinha kūja kū ngūlū, būkikala kwenūko kūshisha shikū idatū; a bakūūbīja babo būkooba pye a hose ū mu bbihī bbihī ya nzīla, būbagayiwa būshoka kaya.
23
Hūna nabo a bagosha a babīlī benabo bika ū mu ngūlū būshoka, būūkakīla a ha būkīlīlo wa mongo, būja ū kūlī Yoshwa ng'witūnja o ng'wa Nuni, būūkang'winha pyī īyo īkabilongela.
24
Būng'wīla ū Yoshwa gīkī, “Ū SEEBA wītūūlile mu makono gise gete pyī ī sī yenīyo, a ba nhū a bose ūmo bagelelile bakūdetemaga dūhū ī haha kūlwa kūtogoha bise.”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24