bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Joshua 18
Joshua 18
Sukuma 2019
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
1
Hanuma ya kwīdima na kwīīsuga pyī ī sī, a Baisilaeli a bose bakikuminga kū nzengo gwa Shilo, būlyīmīlīcha kwenūko ī liheema lya kwibilingīla.
2
Gwike baalīho banhū ba mu ng'anda mpungatī ja Baisilaeli, abo baalī bataalī ū kwanukūla ū wingīji wabo.
3
Hūna ū Yoshwa ūbawīla a Baisilaeli gīkī, “Mukwikala mulī bagokolo gīkī kūshisha nanalī, hū ng'wingīle kwīdima ī sī īyo SEEBA Mulungu wa bakūlūgenji bing'we wang'winha?
4
Solanhyagi banhū badatū badatū kūfuma būlī lūganda; nabatūme baje bakwīlolaga chiza ī sī, pyī ī mihayo īyo balayībone moi baje bakwīyandīkaga, gīt'ūmo būlī wingīji wa būlī lūganda lwa banhū; hūna bize hangī kūlī nene.
5
Ī sī mukwīgabanhya mapandī mpungatī. Ī Yuda yene īkwikala ū ng'wipandī lyaayo ū kū dakama, ī numba yang'wa Yosefu nayo ū ng'wipandī lyaayo ū kū sukuma.
6
Ūlū ng'ūmala ū kwīyandīka ī mihayo īyo mulīībone ū mu mapandī ga sī ayo mpungatī genayo, nenhelagi aha namutūlīgīje mbale kū būtongi bo ng'wa SEEBA Mulungu wise.
7
Gwike a Balawī yaya ū kūsola ū wingīji hamò ning'we, nguno ū nīmo gwa būgabījibo ng'wa SEEBA hū gūlī wingīji wabo. Hama a banhū ba lūganda lwa ng'wa Gaadi nū lwa ng'wa Lubeni, nī nusu ya lūganda lwa ng'wa Manase baamala kwanukūla ū wingīji wabo ū kū kīya ya mongo gwa Yolodani. Ū Musa ū ntamami o ng'wa SEEBA akabinha.”
8
A banhū benabo aho beegeela kwīnga baje bakwīlolaga ī sī, ū Yoshwa ūbakomeleja alībawīla, “Jaagi ng'wīlola chiza gete ī sī, ng'wandīke pyī ī mihayo īyo mulīībone. Hūna mushoke kūlī nene kūūnū Shilo, nize namutūlīgīje mbale kū būtongi bo ng'wa SEEBA.”
9
Na ng'hana a banhū benabo bīnga, būja hose hose pyī ū mu mizengo ya sī yenīyo. Pyī ī mihayo īyo bīībonaga bīyandīka mu shitabo, bīīgabanhya mu magele mpungatī; hūna būshoka ū kū ng'hambī ī Shilo ū kūlī Yoshwa.
10
Ī Shilo kwenūko, ū Yoshwa ūbatūlīgīja mbale kū būtongi bo ng'wa SEEBA; ūbagabanhya a Baisilaeli ī sī alī henaho, a bose būpandīka kūlenganīla na wingīji bo ng'anda jabo.
11
Aho yabagwīīla ī mbale a banhū ba lūganda lwa Benjamini kūlenganīla na ndūgū jabo, yūbatūūla ha gatī ya sī ya banhū ba lūganda lwa ng'wa Yuda na lwa ng'wa Yosefu.
12
Ū lūbīmbī lwabo ū kū sukuma lwandīja kū mongo gwa Yolodani, lūūbītīla kū ntulumenho gwa Yeliko, lūūlola ng'weli kū sī ya magūlya; lūūkanyamuka hangī kwiza kūshika ng'witogolo lya Beti-aveni.
13
Ū kūfuma ū kwenūko lūūtīna lūjile kū ntulumenho gwa sī ya Luzu (nūūlū Beeteli), hūna lwika lūlolile Atalooti-ada kū dakama ya ngūlya gwa Beti-holoni.
14
Ū kūfuma ū kū ngūlya ūyo gwilolile na Beti-holoni ī lipandī lya dakama, ū lūbīmbī lūūtūja lūjile dakama lūkūsīngījaga kūja ng'weli lūūkapulukīla Kiliati-baali (nūūlū Kiliati-yelimu). Ū gwenūyo gwaalī nzengo gwa banhū ba lūganda lwa Yuda. H'ū lūbīmbī lwa kū ng'weli ū lwenūlo.
15
Ū lūbīmbī lwa dakama lwaalī bbihī na nzengo gwa Kiliati-yelimu ū kū ng'weli yaho; ū kwīnga a henaho lūūgoloola lūjile kūshisha lūūkapulukīla kū nzwinzī ja minzī ga Nefutoa.
16
Lūūlūmbūlīla lwikile sīlīlī ya ngūlya gwa kwika kū ntubīlo gwa Beni-hinomu kū sukuma ya Lefaimu. Lūja nago ū ntubīlo gwa Hinomu, lūkūsīngījaga ntulumenho gwa dakama ya nzengo gwa Bayebusi; lūūkashika Eni-logeeli.
17
Ū kūfuma a henaho lūūtūja lūjile sukuma kūshisha Eni-shemeshi; lūūbītīlīja kūja Geliloti, īyo yilolile na nzīla ya Adumimu, hūna lwika kūja kwiwe lya ng'wa Bohani ng'witūnja o ng'wa Lubeni.
18
Lūūlūmbūlīla na ntulumenho gwa kūlola sukuma kūja Alaba, lūūkashikīīla ū mu Alaba yenekīlī.
19
Hama hangī ū lūbīmbī lwenūlo lūūlola sukuma kūīlīīla kū ntulumenho gwa Beti-hogila, lūūkapulukīla kwikondo lya sukuma ya Nyanza ya Munhu; dakama ya mongo gwa Yolodani, aho gwingīlīlile ū mongo gwenūyo. Ū lwenūūlū hū lwalī ū lūbīmbī lwa dakama.
20
Ū lūbīmbī lwa kū kīya ū lwene gwalī ū mongo gwa Yolodani. Ī jenīji h'ī mbīmbī ījo jalī jīpīndīlīgije hose hose ī sī īyo bakinhwa banhū ba lūganda lwa ng'wa Benjamini kūbiza wingīji wabo, kūlenganīla nū mumo jalī ī ndūgū jabo.
21
Ī mizengo ya banhū ba lūganda lwa ng'wa Benjamini, kūlenganīla nī ndūgū jabo yaalī īyī, Yeliko, Beti-hogila, Emekezizi,
22
Beti-alaba, Zemalaimu, Beeteli,
23
Avimu, Pala, Ofula,
24
Kefaali, Amoni, Ofini, na Geba; mizengo ikūmi n'ībīlī, hamò na magūngūli gayo.
25
Gibeoni, Lama, Beeloti,
26
Misipa, Kefila, Moza.
27
Pekemu, Ipeeli, Talala,
28
Zela, Haelefu, nzengo gwa Bayebusi (h'ī Yelusalemu), Gibea na Kiliati; mizengo ikūmi n'īnè, hamò na magūngūlī gayo. Ū wenūbū hū walī wingīji wa banhū ba lūganda lwa Benjamini kūlwa ndūgū jabo pyī ī jose.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24