bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tswana
/
Tswana (BAEBELE e e Boitshepo) 1992
/
Exodus 25
Exodus 25
Tswana (BAEBELE e e Boitshepo) 1992
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 26 →
1
Jehofa a bua le Moše a re:
2
“Bua le bana ba Iseraele gore ba mpaakanyetse tshupelo; mo mothong mongwe le mongwe yo pelo ya gagwe e mo ratisang, lo tseye tshupelo ya me mo go ene.
3
E ke yone tshupelo e lo tlaa e tsayang mo go bone; e bong gouta, le selefera, le kgotlho,
4
le bobududu, le bohibidu jo bo mo kgona, le bohibidu jo bo letlhololo, le letsela la leloba le le boleta, le maodi a dipodi;
5
le matlalo a diphelefu, a a tsentsweng mmala o mohibidu, le matlalo a manyebi, le dikgong tsa makala;
6
le lookwane lwa lesedi, le dinkgisa monate tsa lookwane lo lo tlolwang, le tsa maswalo a a monate,
7
majana a sohama, le majana a a lomelwang mo sekhutlaneng, le mo letlatleng la sefuba.
8
Ba ntirele ntlo e e itshepileng gore ke tle ke age mo go bone.
9
Lo e dire ka fa ke go supetsang ka gone gotlhe fela, ka fa sekaong sa dilwana tsa one.”
10
“Ba dire letlole ka dikgong tsa makala: boleele jwa lone e nne selekanyo sa disentimetara di le 110, boatlhamo jwa lone e nne selekanyo sa disentimetara di le 66, le bogodimo jwa lone e nne selekanyo sa disentimetara di le 66.
11
Mme o le manege gouta e e sa pekwang, o le manege ka fa teng le ka fa ntle, o le direle segomo sa gouta mo tikologong yotlhe ya lone.
12
O le bopele melepo ya gouta e le mene, o e tsenye mo maotong a yone a mane; melepo e le mebedi e nne ka fa tlhakoreng longwe, le melepo e le mebedi e nne ka fa tlhakoreng lo longwe.
13
O dire disikaro tsa makala, o di manege gouta.
14
O tsenye disikaro mo melepong e e ka fa ditlhakoreng tsa letlole, gore go sikarwe letlole ka tsone.
15
Disikaro di nne mo melepong ya letlole; a di se tlosiwe mo go yone.
16
O tlaa tsenya mo letloleng tshupo e ke tlaa e go nayang.
17
“O dire senno sa boutlwelo botlhoko ka gouta e e sa pekwang: boleele jwa sone e nne selekanyo sa disentimetara di le 110 le boatlhamo jwa sone e nne disentimetara di le 66.
18
O dire ditšheruba di le pedi ka gouta; o di dire ka gouta e e papetlilweng ka noto, di nne mo dintlheng tsoo pedi tsa senno sa boutlwelo botlhoko.
19
O dire gore tšheruba e nne kwa ntlheng nngwe, le tšheruba e nne kwa ntlheng e nngwe; o dire senno sa boutlwelo botlhoko le ditšheruba tse di mo ntlheng tsoo pedi tsa sone gore e nne gouta nngwe fela e sa kgaogana.
20
Ditšheruba di tsharololele diphuka tsa tsone kwa godimo, di khurumetse senno sa boutlwelo botlhoko ka diphuka tsa tsone di lebanye difatlhogo; difatlhogo tsa ditšheruba di lebe senno sa boutlwelo botlhoko.
21
Senno sa boutlwelo botlhoko se nne mo godimo ga letlole; mo teng ga letlole o tlaa tsenya tshupo e ke tlaa e go nayang.
22
Ke tlaa rakanela nao gone, ke le mo godimo ga senno sa boutlwelo botlhoko, ke le fa gare ga ditšheruba tse pedi tse di mo godimo ga letlole la tshupo, ke tlaa bua nao ka ga dilo tsotlhe tse ke tlaa di go neelang go di laolela bana ba Iseraele.”
23
“O dire tafole ka mokala; boleele jwa yone e nne disentimetara di le 88, boatlhamo jwa yone bo nne disentimetara di le 44, le bogodimo jwa yone bo nne disentimetara di le 66.
24
O e manege gouta e e sa pekwang, o e direle segomo sa gouta mo tikologong ya yone.
25
O e direle merapalego mo tikologang ya yone: boatlhamo bo le kana ka dimilimetara di le 75; o direle merapalego ya yone segomo mo tikologong ya yone.
26
O e direle melepo ya gouta e le mene, mme o tsenye melepo eo ka fa dikgonong tsoo nne tsa maoto a yone.
27
A melepo e nne gaufi le losi lwa morapalego, go nna manno a disikaro tse go sikarwang tafole ka tsone.
28
Disikaro o di dire ka mokala, o bo o di manege gouta gore tafole e sikarwe ka tsone.
29
O dire megotšana ya yone, le dintshwana tsa yone, le digwana tsa yone, le digo tsa yone, tse go thelwang ka tsone; dilo tse o di dire ka gouta e e sa pekwang.
30
Mo tafoleng o tlaa baya senkgwe sa tshupo fa pele ga me ka metlha yotlhe.”
31
“O dire setlhomo sa dipone ka gouta e e sa pekwang: se dirwe ka gouta e e papetlilweng ka noto, e bong marago a sone, le thito ya sone; dinkgwanyana tsa sone, le dikgolokwane tsa sone, le dithunya tsa sone, a di nne gouta nngwe fela naso e sa kgaogana.
32
Go nne dikala di le thataro tse di tswang mo ditlhakoreng tsa sone; dikala di le tharo tsa setlhomo sa dipone di tswe mo lotlhakoreng longwe, le dikala di le tharo tsa setlhomo sa dipone di tswe mo lotlhakoreng lo longwe.
33
Dinkgwanyana di le tharo tse di dirilweng jaaka dithunya tsa thamane di nne mo kaleng nngwe, di na le kgolokwane le sethunya; le dinkgwanyana di le tharo tse di dirilweng jaaka dithunya tsa thamane di nne mo kaleng e nngwe, di na le kgolokwane, le sethunya; go nne jalo mo dikaleng tse thataro tse di tswang mo setlhomong:
34
Le mo setlhomong go nne dinkgwanyana di le nne tse di dirilweng jaaka dithunya tsa thamane, dikgolokwane tsa tsone, le dithunya tsa tsone;
35
le kgolokwane e nna fa tlase ga dikala di le pedi, e le gouta e le nngwe fela e sa kgaogana, le kgolokwane fa tlase ga dikala di le pedi e le gouta e le nngwe fela e sa kgaogana; le kgolokwane fa tlase ga dikala di le pedi e le gouta e le nngwe fela e sa kgaogana, go direlwe, dikala tse thataro tse di tswang mo setlhomong sa lobone.
36
Dikgolokwane tsa tsone, le dikala tsa tsone e nne gouta nngwe fela e sa kgaogana; gotlhe fela ga sone e ne gouta e e sa pekwang, e e papetlilweng ka noto, e sa kgaogana.
37
O dire dilampa tsa sone di supa; o di tlhome mo go sone gore di bonese bolebana naso.
38
Le dipoma tsa tsone, le dipomelo tsa tsone, a e nne tsa gouta fela e e sa pekwang.
39
Se dirwe, se na le dilwana tse tsotlhe, ka gouta e e sa pekwang, e le bokete jwa talenta.
40
O bone gore o di dire ka fa sekaong sa tsone, se o se bontshitsweng mo thabeng.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40