Joshua 18

Chinese TTVR (現代台語譯本羅馬字版)

← Chapter 17 Jump to: Chapter 19 →

1Í-sek-lia̍t -lâng í-keng cheng-ho̍k choân-tōe, choân-thé hōe-chiòng chiū lâi Sī-lô chū-chi̍p, tī hia siat-li̍p hōe-bō͘.

2Í-sek-lia̍t -lâng ê tiong-kan ū chhit ê chi-cho̍k iáu-bē pun-tio̍h in ê ke-gia̍p.

3Iok-su-a chiū tùi Í-sek-lia̍t -lâng kóng, “Siōng Chú — lín lia̍t-chó͘ ê Siōng-tè í-keng ū siúⁿ-sù lín thó͘-tōe, lín beh thoa-iân kàu tī-sî chiah khì kong-chhú?

4Lín ta̍k chi-cho̍k tio̍h kéng saⁿ ê lâng, góa beh phài in kiâⁿ-thàu choân-tōe; chiàu ta̍k chi-cho̍k èng-tit ê thó͘-tōe ōe-chòe tōe-tô͘, chiah tò-lâi góa chia.

5In tio̍h chiong choân-tōe pun-chòe chhit hūn; Iû-tāi iû-goân tòa tī lâm-pêng ê kéng-lāi, Iok-sek -ke tòa tī pak-pêng ê kéng-lāi.

6Lín chiong hit chhit hūn thó͘-tōe oân-sêng chè-tô͘ liáu-āu, the̍h-lâi góa chia, góa beh tī Siōng Chú — lán ê Siōng-tè bīn-chêng ūi-tio̍h lín thiu-chhiam.

7Lī-bī -lâng tī lín tiong-kan bô pun thó͘-tōe, in-ūi chòe chè-si ho̍k-sāi Siōng Chú chiū-sī in ê ke-gia̍p. Ka-tek, Lū-piān, kap Má-ná-se pòaⁿ chi-cho̍k, Siōng Chú ê po̍k-jîn Mô͘-se í-keng chiong Iok-tàn-hô tang-pêng ê thó͘-tōe pun hō͘ in chòe ke-gia̍p.”

8Hiah-ê lâng beh chhut-hoat ê sî, Iok-su-a bēng-lēng in, kóng, “Lín khì kiâⁿ-thàu choân-tōe, ōe-chòe tōe-tô͘ liáu-āu, koh tò-tńg-lâi góa chia; góa beh tī Sī-lô, tī Siōng Chú bīn-chêng ūi-tio̍h lín thiu-chhiam.”

9In chiū khì, kiâⁿ-thàu choân-tōe, ōe-chòe tōe-tô͘, chiong siâⁿ-tìn pun-chòe chhit hūn, kì tī chheh--ni̍h, tò-tńg-lâi Sī-lô iâⁿ-tiong, kau hō͘ Iok-su-a.

10Iok-su-a chiū tī Sī-lô Siōng Chú ê bīn-chêng, ūi-tio̍h in thiu-chhiam; tī hia, chiàu Í-sek-lia̍t -lâng ê chong-cho̍k pun thó͘-tōe hō͘ in.

11Piān-ngá-bín chi-cho̍k chiàu in ê chong-cho̍k thiu-chhiam tit--tio̍h ê tōe, sī tī Iû-tāi kiáⁿ-sun kap Iok-sek kiáⁿ-sun ê tiong-kan.

12In pak-pêng ê tōe-kài, tùi Iok-tàn-hô khí, ǹg pak kàu Iâ-lī-ko hù-kūn, koh ǹg sai pôaⁿ-kè soaⁿ, ti̍t-ti̍t kàu Pek A-bûn ê khòng-iá;

13koh tùi hia ǹg lâm keng-kè Lō͘-su hù-kūn (Lō͘-su chiū-sī Pek-te̍k-lī), koh lo̍h-khì A-tha-lio̍k A-ta̍t-ní, kàu óa-kūn Ē Pek Hô-lûn lâm-pêng ê soaⁿ.

14Chit-ê pian-kài tùi hia ǹg sai chhun--khì, koh oat lo̍h-lâm, tùi Pek Hô-lûn thâu-chêng lâm-pêng ê soaⁿ, ti̍t-kàu Iû-tāi -lâng ê siâⁿ Ki-lia̍t Pa-le̍k (chiū-sī Ki-lia̍t Iâ-lîm). Che sī in sai-pêng ê pian-kài.

15Lâm-pêng tùi Ki-lia̍t Iâ-lîm ê pian-kài khí, kàu Nî-hut-to-a ê chúi-chôaⁿ,

16koh lo̍h-khì kàu Him-lūn-chú Soaⁿ-kok tùi-bīn ê soaⁿ-kha, chiū-sī Lī-hoa̍t-im Soaⁿ-kok ê pak-pêng; koh tùi hia keng-kè Him-lūn Soaⁿ-kok, Iâ-pò͘-su (chiū-sī Iâ-lō͘-sat-léng) ê lâm-pêng, lo̍h-khì kàu Ún Lô-kiat;

17koh ǹg pak keng-kè Ún Sī-be̍k, chhut-khì kàu A-to͘-bêng soaⁿ-phiâⁿ tùi-bīn ê Ki-lī-lio̍k, koh lo̍h-khì kàu Pho-hán ê chio̍h-pôaⁿ (Pho-hán sī Lū-piān ê kiáⁿ).

18Koh ǹg pak keng-kè A-la-pa ê pian-kài, lo̍h-khì kàu A-la-pa,

19koh keng-kè Pek Hat-la pak-pêng ê kau-kài, ti̍t-ti̍t kàu Iâm-hái pak-pêng ê hái-oan, chiū-sī Iok-tàn-hô lâm-pêng ê hô-kháu. Che sī Piān-ngá-bín lâm-pêng ê pian-kài;

20tang-pêng ê pian-kài kàu Iok-tàn-hô. Che sī Piān-ngá-bín -lâng chiàu in ê chong-cho̍k, sūn sì-ûi ê pian-kài pun--tio̍h ê ke-gia̍p.

21Piān-ngá-bín chi-cho̍k chiàu in ê chong-cho̍k pun--tio̍h ê siâⁿ, chiū-sī Iâ-lī-ko, Pek Hat-la, I-be̍k Ki-sek,

22Pek A-la-pa, Sé-má-lián, Pek-te̍k-lī,

23A-ōe, Pa-la, Gô-hut-la,

24Ki-hoat A-mô͘-nî, Gô-hut-nî, kap Ka-pa, kiōng cha̍p-jī chō siâⁿ kap hù-kūn ê chng-siā.

25Koh ū Ki-piàn, La-má, Pí-lio̍k,

26Bí-su-pa, Ki-hui-la, Mô͘-sat,

27Lī-kim, I-lī-pí-le̍k, Tha-la-la,

28Sé-la, Í-lī-hut, Iâ-pò͘-su (chiū-sī Iâ-lō͘-sat-léng), Ki-pí-a, kap Ki-lia̍t, kiōng cha̍p-sì chō siâⁿ kap hù-kūn ê chng-siā. Che sī Piān-ngá-bín -lâng chiàu in ê chong-cho̍k pun--tio̍h ê ke-gia̍p.

← Chapter 17 Jump to: Chapter 19 →