Joshua 21

Chinese TTVR (現代台語譯本羅馬字版)

← Chapter 20 Jump to: Chapter 22 →

1Lī-bī -lâng ê cho̍k-tiúⁿ lâi kìⁿ chè-si Í-lī-a-sat, kap Lūn ê kiáⁿ Iok-su-a, í-ki̍p Í-sek-lia̍t ta̍k chi-cho̍k ê cho̍k-tiúⁿ,

2tī Ka-lâm -tōe ê Sī-lô tùi in kóng, “Í-chêng Siōng Chú ū bēng-lēng Mô͘-se, tio̍h hō͘ goán ū siâⁿ thang tòa, ū chháu-po͘ thang chhī cheng-siⁿ.”

3Í-sek-lia̍t -lâng chiū chiàu Siōng Chú ê bēng-lēng, tùi ka-kī ê ke-gia̍p chiong ē-bīn só͘ kì chiah-ê siâⁿ-tìn kap in hù-kūn ê chháu-po͘, hō͘ Lī-bī -lâng.

4Lī-bī chi-cho̍k ê Ko-hat chong-cho̍k thiu-tio̍h thâu chi̍t ki chhiam; chè-si A-lûn ê hō͘-tāi tùi Iû-tāi chi-cho̍k, Se-biān chi-cho̍k, kap Piān-ngá-bín chi-cho̍k tit-tio̍h cha̍p-saⁿ chō siâⁿ.

5Ko-hat kî-tha ê hō͘-tāi tùi Í-hoat-liân chi-cho̍k, Tān chi-cho̍k, kap Má-ná-se pòaⁿ chi-cho̍k, thiu-tio̍h cha̍p chō siâⁿ.

6Kek-sūn chong-cho̍k tùi Í-sat-ka, A-siat, Ná-hut-tha-lī saⁿ ê chi-cho̍k, kap tī Pa-san ê Má-ná-se pòaⁿ chi-cho̍k pun-tio̍h cha̍p-saⁿ chō siâⁿ.

7Bí-la-lī ê hō͘-tāi chiàu in ê chong-cho̍k, tùi Lū-piān, Ka-tek, Se-pò͘-lûn saⁿ ê chi-cho̍k, tit-tio̍h cha̍p-jī chō siâⁿ.

8Í-sek-lia̍t -lâng chiàu Siōng Chú thong-kè Mô͘-se só͘ bēng-lēng--ê, chiong chiah-ê siâⁿ-tìn kap in hù-kūn ê chháu-po͘, thiu-chhiam pun hō͘ Lī-bī -lâng.

9Í-sek-lia̍t -lâng tùi Iû-tāi chi-cho̍k, Se-biān chi-cho̍k, chiong ē-bīn chiah-ê siâⁿ-tìn

10pun hō͘ Lī-bī chi-cho̍k, Ko-hat chong-cho̍k, A-lûn ê hō͘-tāi, in-ūi in thiu-tio̍h tē-it chhiam;

11in tit--tio̍h ê siâⁿ-tìn ū Iû-tāi soaⁿ-khu ê Ki-lia̍t A-pa (hiān-chāi kiò-chòe Hi-pek-lûn), kap hù-kūn ê chháu-po͘; A-pa sī A-la̍p -cho̍k ê chó͘-sian.

12M̄-kú hit-ê siâⁿ ê chhân-hn̂g kap chng-siā, í-keng pun hō͘ Iâ-hu-nî ê kiáⁿ Ka-le̍k chòe ke-gia̍p.

13Chè-si A-lûn ê hō͘-tāi koh pun-tio̍h ūi gō͘-sat-lâng--ê siat ê pī-lān-siâⁿ Hi-pek-lûn, í-ki̍p Li̍p-ná,

14Ngá-thê-ní, Í-si̍t-thê-bo̍k,

15Hô-lûn, Tí-phek,

16A-in, Ù-tha, Pek Sī-be̍k kiōng káu chō Iû-tāi kap Se-biān nn̄g chi-cho̍k ê siâⁿ-tìn, kap in hù-kūn ê chháu-po͘;

17koh tùi Piān-ngá-bín chi-cho̍k ê tōe-khu pun-tio̍h Ki-piàn, Ka-pa,

18A-ná-tu̍t, A-le̍k-bûn kiōng sì chō siâⁿ-tìn, kap in hù-kūn ê chháu-po͘.

19A-lûn ê hō͘-tāi chòe chè-si--ê lóng-chóng pun-tio̍h cha̍p-saⁿ chō siâⁿ-tìn, kap in hù-kūn ê chháu-po͘.

20Lī-bī -lâng Ko-hat ê chong-cho̍k kî-tha ê kiáⁿ-sun, thiu-chhiam pun-tio̍h Í-hoat-liân chi-cho̍k tōe-khu ê siâⁿ-tìn,

21chiū-sī Í-hoat-liân soaⁿ-khu ūi gō͘-sat-lâng--ê siat ê pī-lān-siâⁿ Sī-kiàm, í-ki̍p Ki-sek,

22Ki-pek-sian, Pek Hô-lûn, kiōng sì chō siâⁿ-tìn, kap in hù-kūn ê chháu-po͘.

23Koh tùi Tān chi-cho̍k pun-tio̍h I-lī-thê-ki, Ki-pí-tùn,

24A-ngá-lûn, Ka-te̍k Lîm-bûn, kiōng sì chō siâⁿ-tìn, kap in hù-kūn ê chháu-po͘.

25Koh tùi Má-ná-se pòaⁿ chi-cho̍k pun-tio̍h Tha-la̍p kap Ka-te̍k Lîm-bûn nn̄g chō siâⁿ-tìn, kap in hù-kūn ê chháu-po͘.

26Ko-hat chong-cho̍k kî-tha ê kiáⁿ-sun, lóng-chóng pun-tio̍h cha̍p chō siâⁿ-tìn, kap in hù-kūn ê chháu-po͘.

27Lī-bī -lâng Kek-sūn ê chong-cho̍k tùi Má-ná-se pòaⁿ chi-cho̍k pun-tio̍h ūi gō͘-sat-lâng--ê siat ê pī-lān-siâⁿ Pa-san ê Ko-lân, í-ki̍p Pí Si-thê-la, kiōng nn̄g chō siâⁿ-tìn, kap in hù-kūn ê chháu-po͘.

28Koh tùi Í-sat-ka chi-cho̍k pun-tio̍h Ki-siān, Tāi-pí-la,

29Iâ-boa̍t, Ún Kan-lêng, kiōng sì chō siâⁿ-tìn, kap in hù-kūn ê chháu-po͘.

30Koh tùi A-siat chi-cho̍k pun-tio̍h Bí-sa-le̍k, A-pek-tùn,

31Hek-kah, Lī-ha̍p, kiōng sì chō siâⁿ-tìn, kap in hù-kūn ê chháu-po͘.

32Koh tùi Ná-hut-tha-lī chi-cho̍k pun-tio̍h ūi gō͘-sat-lâng--ê siat ê pī-lān-siâⁿ Ka-lī-lī ê Ki-te-su, í-ki̍p Hap-boa̍t To-ní, Ka-ní-thán, kiōng saⁿ chō siâⁿ-tìn, kap in hù-kūn ê chháu-po͘.

33Kek-sūn -lâng chiàu in ê chong-cho̍k, lóng-chóng pun-tio̍h cha̍p-saⁿ chō siâⁿ-tìn, kap in hù-kūn ê chháu-po͘.

34Kî-tha ê Lī-bī -lâng, chiū-sī Bí-la-lī ê chong-cho̍k tùi Se-pò͘-lûn chi-cho̍k pun-tio̍h Iok-liām, Ka-ní-tha,

35Teng-ná, Ná-hap-la, kiōng sì chō siâⁿ-tìn, kap in hù-kūn ê chháu-po͘.

36Koh tùi Lū-piān chi-cho̍k pun-tio̍h Pí-sek, Ngá-cha̍p,

37Ki-tí-bo̍k, Bí-hoat-ap, kiōng sì chō siâⁿ-tìn, kap in hù-kūn ê chháu-po͘.

38Koh tùi Ka-tek chi-cho̍k pun-tio̍h ūi gō͘-sat-lâng--ê siat ê pī-lān-siâⁿ Ki-lia̍t ê La-boa̍t, í-ki̍p Má-hap-liām,

39Hi-si̍t-pún, Ngá-siā, kiōng sì chō siâⁿ-tìn, kap in hù-kūn ê chháu-po͘.

40Lī-bī -lâng Bí-la-lī ê hō͘-tāi chiàu in ê chong-cho̍k, thiu-chhiam pun-tio̍h cha̍p-jī chō siâⁿ-tìn.

41Lī-bī -lâng tùi Í-sek-lia̍t ê ke-gia̍p lóng-chóng pun-tio̍h sì-cha̍p-poeh chō siâⁿ-tìn, kap in hù-kūn ê chháu-po͘.

42Chiah-ê siâⁿ-tìn chiu-ûi lóng ū chháu-po͘, ta̍k-ê siâⁿ-tìn lóng sī án-ni.

43Án-ni, Siōng Chú chiàu I í-chêng tùi Í-sek-lia̍t -lâng ê lia̍t-chó͘ li̍p-sè èng-ún--ê, chiong choân-tōe kau hō͘ in; in chiū tit-tio̍h chit-ê tōe chòe ke-gia̍p, tòa hia khiā-khí.

44Siōng Chú chiàu I tùi in ê lia̍t-chó͘ li̍p-sè èng-ún--ê, siúⁿ-sù in sù-kéng-pêng-an, bô chi̍t ê tùi-te̍k ōe-tàng tùi-khòng in; Siōng Chú chiong in ê tùi-te̍k lóng kau tī in ê chhiú.

45Siōng Chú tùi Í-sek-lia̍t -ke só͘-ū ê chiok-hok, bô chi̍t kù lo̍k-khong, lóng ū si̍t-hiān.

← Chapter 20 Jump to: Chapter 22 →