Joshua 19

Chinese TTVR (現代台語譯本羅馬字版)

← Chapter 18 Jump to: Chapter 20 →

1Se-biān chi-cho̍k chiàu in ê chong-cho̍k thiu-tio̍h tē-jī chhiam, in ê ke-gia̍p sī tī Iû-tāi chi-cho̍k ê ke-gia̍p kéng-lāi.

2In tit--tio̍h ê ke-gia̍p chiū-sī: Pia̍t-sī-pa (á-sī Sī-pa), Mô͘-la-tāi,

3Hap-sat Su-a, Pa-la, Í-sim,

4I-le̍k-to-la̍h, Pí-thó͘-le̍k, Hô-ní-má,

5Sé-kek-la, Pek Má-ka-phok, Hap-sat So͘-sat,

6Pek Lī-pa-bu̍t, Sa-ló͘-hiám, kiōng cha̍p-saⁿ chō siâⁿ kap hù-kūn ê chng-siā;

7koh ū A-in, Lîm-bûn, Í-thiap, A-san, kiōng sì chō siâⁿ kap hù-kūn ê chng-siā;

8í-ki̍p chiah-ê siâⁿ sì-ûi it-chhè ê chng-siā, ti̍t-kàu Pa-la Pí-ní, chiū-sī lâm-pêng ê La-boa̍t. Che sī Se-biān chi-cho̍k chiàu in ê chong-cho̍k tit--tio̍h ê ke-gia̍p.

9Se-biān -lâng ê ke-gia̍p sī tùi Iû-tāi -lâng ê ke-gia̍p pun--chhut-lâi--ê; in-ūi Iû-tāi -lâng pun--tio̍h ê ke-gia̍p siuⁿ chōe, só͘-í Se-biān -lâng tī Iû-tāi -lâng ê ke-gia̍p tiong tit-tio̍h ke-gia̍p.

10Se-pò͘-lûn chi-cho̍k chiàu in ê chong-cho̍k thiu-tio̍h tē-saⁿ chhiam. In ê ke-gia̍p ê pian-kài sī tùi Sat-li̍p,

11ǹg sai kàu Má-la-la, keng-kè Tāi-pa-siat, thàng kàu Iok-liām tang-pêng ê khoe;

12koh tùi Sat-li̍p ǹg tang, ǹg ji̍t chhut ê hong-hiòng, kàu Kiat-su-lio̍k Tha-po̍k ê kau-kài; koh thàng kàu Tāi-pí-la, chiūⁿ kàu Ngá-hui-a.

13Tùi hia koh ǹg tang khì kàu Ka-te̍k Hi-hut, koh keng-kè Í-te̍k Ka-sìn, chhut-khì Lîm-bûn, oat-khì kàu Nî-a.

14Hit-ê pian-kài tùi Nî-a koh ǹg pak-pêng se̍h-kè Hap-ná-tùn, thàng kàu Iâ-hut-tha I-le̍k ê soaⁿ-kok ûi-chí;

15iáu ū Ka-tha, Ná-hap-la, Sin-lûn, Í-tāi-la, kap Pek-lī-hêng, kiōng cha̍p-jī chō siâⁿ kap hù-kūn ê chng-siā.

16Chiah-ê siâⁿ kap hù-kūn ê chng-siā, chiū-sī Se-pò͘-lûn -lâng chiàu in ê chong-cho̍k tit--tio̍h ê ke-gia̍p.

17Í-sat-ka chi-cho̍k chiàu in ê chong-cho̍k thiu-tio̍h tē-sì chhiam.

18In ê tōe-kài pau-koat Iâ-su-lia̍t, Ki-so͘-lu̍t, Su-liām,

19Hap-hut-liân, Sī-àn, A-ná-hap-la,

20La-phek, Ki-siān, A-pia̍t,

21Lī-bia̍t, Ún Kan-lêng, Ún Hap-tāi, kap Pek Phà-siat;

22hit-ê pian-kài kàu Tha-po̍k, Sa-hap-sé-má, Pek Sī-be̍k; in ê pian-kài kàu Iok-tàn-hô ûi-chí, kiōng cha̍p-la̍k chō siâⁿ kap hù-kūn ê chng-siā.

23Chiah-ê siâⁿ kap hù-kūn ê chng-siā, chiū-sī Í-sat-ka chi-cho̍k chiàu in ê chong-cho̍k tit--tio̍h ê ke-gia̍p.

24A-siat chi-cho̍k chiàu in ê chong-cho̍k thiu-tio̍h tē-gō͘ chhiam.

25In ê tōe-kài sī Hek-kah, Hap-lī, Pí-tiân, Ap-soah,

26A-la-bí-le̍k, A-boa̍t, kap Bí-sa-le̍k; ǹg sai keng-kè Ka-bi̍t, kàu Se-hat Li̍p-la̍p;

27ǹg tang keng-kè Pek Tāi-kún, thàng kàu Se-pò͘-lûn; ǹg pak keng-kè Iâ-hut-tha I-le̍k Soaⁿ-kok, kàu Pek Í-be̍k kap Nî-gia̍p, thàng kàu Ka-pō͘-le̍k ê pak-pêng,

28koh kàu Gī-pek-lûn, Lī-ha̍p, Hap-bûn, Ka-ná, ti̍t-kàu Se-tùn tōa-siâⁿ.

29Hit-ê pian-kài oat tùi La-má, kap kian-kò͘ ê siâⁿ Thài-ní, koh se̍h-kè Hô-sat; kàu Má-hek-la, A-kek-sek tōe-khu, ti̍t-kàu Tōe-tiong-hái ûi-chí.

30Koh ū O͘-má, A-hut, Lī-ha̍p, kiōng jī-cha̍p-jī chō siâⁿ kap hù-kūn ê chng-siā.

31Chiah-ê siâⁿ kap hù-kūn ê chng-siā, chiū-sī A-siat chi-cho̍k chiàu in ê chong-cho̍k tit--tio̍h ê ke-gia̍p.

32Ná-hut-tha-lī chi-cho̍k chiàu in ê chong-cho̍k thiu-tio̍h tē-la̍k chhiam.

33In ê pian-kài tùi Hi-lī-hut, keng-kè Sat-ná-im ê siōng-chhiū, A-tāi-bí Nî-kiat, kap Ngá-pí-liap, ti̍t-kàu La-kiōng, thàng kàu Iok-tàn-hô;

34ǹg sai, keng-kè A-su-la̍p Tha-po̍k, thàng kàu Hō͘-kat; lâm-pêng kàu Se-pò͘-lûn, sai-pêng kàu A-siat, tang-pêng kàu Iok-tàn-hô.

35Kian-kò͘ ê siâⁿ ū Se-teng, Chhek-ní, Hap-boa̍t, La-kah, Ki-nî-lia̍t;

36A-tāi-má, La-má, Hā-só;

37Ki-te-su, Í-tek-lâi, Ún Hā-só;

38Í-lī-ún, Bi̍t-tāi I-le̍k, Hô-liân, Pek A-la̍p, kap Pek Sī-be̍k, kiōng cha̍p-káu chō siâⁿ kap hù-kūn ê chng-siā.

39Chiah-ê siâⁿ kap hù-kūn ê chng-siā, chiū-sī Ná-hut-tha-lī chi-cho̍k chiàu in ê chong-cho̍k tit--tio̍h ê ke-gia̍p.

40Tān chi-cho̍k chiàu in ê chong-cho̍k thiu-tio̍h tē-chhit chhiam.

41In pun--tio̍h ê ke-gia̍p pau-koat Só-la, Í-si̍t-tô, I-ní Sī-be̍k,

42Sa-la-pin, A-ngá-lûn, I-thê-la,

43Í-lûn, Têng-ná, Í-kek-lûn,

44I-lī-thê-ki, Ki-pí-tùn, Pa-la,

45I-ô͘-tek, Pí-nî Pí-la, Ka-te̍k Lîm-bûn,

46Bí Iâ-khun, La-khun, kap Iok-phà tùi-bīn ê tōe-khu.

47Tng Tān ê hō͘-tāi sit-khì in ê thó͘-tōe ê sî, chiū khì kong-táⁿ Lī-siān, ēng to thâi siâⁿ-lāi ê lâng. In chiàm-léng hit-ê siâⁿ, tòa tī hia, ēng in chó͘-sian ê miâ kiò Lī-siān chòe Tān.

48Chiah-ê siâⁿ kap hù-kūn ê chng-siā, chiū-sī Tān chi-cho̍k chiàu in ê chong-cho̍k tit--tio̍h ê ke-gia̍p.

49Í-sek-lia̍t -lâng chiàu tōe-kài hun-phòe thó͘-tōe oân-sêng liáu-āu, chiū chiong in tiong-kan ê chi̍t tè tōe hō͘ Lūn ê kiáⁿ Iok-su-a chòe ke-gia̍p.

50In chiàu Siōng Chú ê bēng-lēng, chiong Iok-su-a só͘ iau-kiû ê siâⁿ hō͘ i, chiū-sī Í-hoat-liân soaⁿ-khu ê Têng-ná Se-la; i chiū khí-chō hit-ê siâⁿ, tòa tī hia.

51Í-siōng chiah-ê chiū-sī chè-si Í-lī-a-sat, kap Lūn ê kiáⁿ Iok-su-a, í-ki̍p Í-sek-lia̍t ta̍k chi-cho̍k ê cho̍k-tiúⁿ, tī Sī-lô hōe-bō͘ mn̂g-kháu, Siōng Chú ê bīn-chêng, thiu-chhiam pun hō͘ ta̍k chi-cho̍k ê ke-gia̍p. Án-ni, in chiū oân-sêng thó͘-tōe ê hun-phòe.

← Chapter 18 Jump to: Chapter 20 →