1 Kings 10

Zande

← Chapter 9 Jump to: Chapter 11 →

1Ho gu nakindo nazoga ringara Seba agi pa pande Soromo ni tipa pa rimo Yekova, ri ki ye ka asada ko na gari nyanyaki sasana ahe.

2Ri ki ye ku Yerusarema yo na gari nyanyaki aboro ni dungu yo, na akameri natindi wene fuõngua, na badungu dahabu, na kikiipa ambia. Ho ri ada ni ku Soromo yo, ri ki fura na ko tipa agu apai dunduko naadu berãri yo.

3Soromo ki karaga pa gari sasana ahe fu ri dunduko; pai adu nga ho nagasi bakindo ka ko ahe gumba pa ha fu rite.

4Ho nakindo Seba abi ga Soromo tatamana ni dunduko, na gu bambu ko adua ha,

5na gu riahe i anamaa ha ku auru gako mbisa, na waĩ gako amoyambu asunga pati he, na waĩ gako aboro amanga pa ko, na pa gayo aremu, na pa gako abafuinga a, na pa gako zozo amotumo ko afu he rogo ga Yekova bambu, ngbari ki zere azera gbodo.

6Ri ki ya fu bakindo, “Ndikidi rengo nga gu pai mi agi tipa gamo apai rogo gi ringara, na pa ga tatamana,

7wa si avura du wo mi aida nga pa ha te, da kina ho mi aye ni, ki bi he ni bangire; mo ngére, i agumba nga ha fere dati bebere he te; ga tatamana na ga ũkumuko si susi gu pande he mi anagia.

8Betedi aboro nga avururo! Betedi aboro nga gamo amoyambu, nga agu yo ninaru ku bara bangiro dedede, ki nibi ga tatamana!

9Sambuahe dú fu Yekova nga ga Mbori, nga gu ko ngba mo ti ko gbe, namoi ro ku auru gu mbatabakindo nga ga aYisaraere! Bambiko wa Yekova akpi nyemu aYisaraere nye anye kindi, si du ko amoi ro ti ni ni bakindo, mo nimángi rurupai ki nisapu ngbanga ni ruru he.”

10Ri ki fu dahabu fu bakindo barõaha adu wa akiro 7,080, na wene fuõngua ni bakere he, na kikiipa ambia. Wene fuõngua ayé nga berewe ni bakere he wa gu nakindo Seba afu fu Bakindo Soromo te.

11Ga Irama abaakurungba a, nga gu naye na dahabu Ofiri yo, si aye na dungu angua nga aruguma Ofiri yo, na kikiipa ambia.

12Bakindo ki mbakadi andu bambu na angua aruguma tipa ga Yekova bambu, na ga bakindo bambu, anzenze a, na akindondo fu abayango; ngua aruguma aye nga mbata wa gure te, i abi nga ha a te, daku areme.

13Bakindo Soromo ki fu agu ahe dunduko fu nakindo Seba ri asana ko tipa ha, wa ri akpi nyemu he, Soromo ki fu gu ku ri he wa ko adu ni bakindo a wa ko akumuko. Ono ri akaraga tiri, ki ga ku rogo gari ringara, ri na gari amoyambu a.

14Gu dahabu naaye fu Soromo rogo garã sa barõaha adu wa akiro 39,294,

15ku ri gu naye be arika abaabagiahe, na be agu abakindo naadu ku ri angbatunga agu aboro dunduko, na be abairaairangbi a.

16Baikindo Soromo ki mbakadi bakikii vurakube wa 200 ni takitaki dahabu; barõa dahabu tipa bakikii vurakube ni ba sa sa adu wa akiro bawe.

17Ko ki mbakadi kura vurakube ni takitaki dahabu wa 300; barõa dahabu tipa vurakube ni ba sa sa adu wa akiro biata; bakindo ki moi he ku rogo Bambu Birengua Rebanona.

18Ku ri gere bakindo ambakadi bakere mbataba kindo ni rindimbarã, ki dadi he ni ndikidi ziazia dahabu.

19Badakpa ti mbatabakindo adu nga tangaratangara bandue sita, kpia ri wiri bagara adu ti gii mbatabakindo yo; basunga adu na bamaabe ti ni ku bani na ku bani, kpia abahu ki rundu ue pati bamaabe.

20Kpia abahu 12 adu ti badakpaha auru tangaratangara bandue sita ku bani na ku bani. I amanga nga he wa gere rogo gu kura ngbi wa sa te.

21Ga Bakindo Soromo ainga ki du ni kinaku dahabu dunduko, na agu aũsunge naadu rogo Bambu Birengua Rebanona, si adu ni kinaku ziazia dahabu; ka gu adu nga sa ni feda ya; bambiko feda adu nga ni he ti rago Soromo te.

22Bambiko bakindo adu na abaakurungba baime yo Tarusisa yo naata na agu abaakurungba nangia ga Irama. Agu abaakurungba Tarusisa yo si anaye bara sa fuo garã biata na dahabu, na rindimbarã, na anyangua a, na agu abaazire nga pavo.

23Si du ga Bakindo Soromo kumuko na gako tatamana asusi ga kura abakindo dunduko du auru kpotosende no.

24Aboro auru kpotosende no dunduko ki idi ka ye ku bara bangiri Soromo, ka gia pa gako tatamana nga gu Mbori afu he ku rogo gako berã.

251 ni ba sa sa ki niye na gayo gamaahe, aũsunge ni feda, na aũsunge ni dahabu, na aremu, na auvura, na wene fuõngua, na afarasi, na abaadongi, wa i aringbisi pa ha na garã na agarã.

26Soromo ki dungura angbagidavura na abanduri afarasi. Angbagidavura adu be ko wa 1,400, abanduri afarasi ki du wa 12,000. Ko ki moi yo ku rogo agu abaakporo i akpara ha tipa angbagidavura, na ku pati bakindo Yerusarema yo a.

27Ti rago bakindo feda adu Yerusarema yo wa kina zekere mbia, na angua akedara ni ngenge he wa kina angua wa vurumo du ngboongboorago yo.

28Ga Soromo afarasi aye Ezipeta yo, ga bakindo ababagiahe angbe ra kuti ringbisiringbisi genora.

29Geno gu ngbagidavura sa naye Ezipeta yo adu wa sekere feda 600, geno gu farasi sa ki du wa sekere 150. Ga bakindo ababagiahe ki bagi ra berewe fu abakindo aIto dunduko, na fu abakindo aSurio a.

← Chapter 9 Jump to: Chapter 11 →