bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
1 Kings 14
1 Kings 14
Zande
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
1
Ni gu rago re kaza azi Abiya nangia wiri Yerobama.
2
Yerobama ki ya fu diako, “Mi nazungadi ro, mo gúari, ki biriki tiro, ka boro ini nga ya dia Yerobama nga mo ya. Mo ki ndu ku Siroa yo; mo ngére, Aiya nangia nebi du yo, nga gu ko nagumba ha ya mi nikadu ni bakindo ku ri agi aboro re.
3
Mo ndú na kpokuta bawe, na udiudi kpokuta, na nzeme anyege rogo kambu, ki ndu koyo du ko ni. Ko agúmba gu pai foro nikamanga gude.”
4
Dia Yerobama ki mangi wo. Ri ki guari, ki ndu ku Siroa yo, ki da ku Aiya yo. Ono Aiya arengba nga ka ngera te, bambiko bangiriko adu ni tataita ha be gbinza.
5
Yekova ki ya fu Aiya, “Mo ngére, dia Yerobama naye ka sana ro tipa wiriri; bambiko ko nakaza. Mo yá fu ri were na were.” Ho ri ada ni, ri abiriki tiri ki sa tiri wa kura de akia.
6
Ono ho Aiya agi woro nduri ni, wa ri arima ti ngbadimo, ko ki ya, “Mo rimi, mo nga dia Yerobama; tipagine biriki mo tiro ti ni ka du wa kura boro akia? Bambiko i kedi re na nyanyaki pangbanga tipa ro.
7
Mo ndú ki ya fu Yerobama, ‘Ya Yekova nga ga aYisaraere Mbori wẽ: “Wa mi avura kiisa pa ro dagba aboro, ki moi ro ni bazogo ku ri gimi aboro nga aYisaraere,
8
ki kpara ngbi be ngbatunga Dawidi, ki fu he foro; ono sinoro wa ga gi moyambu nangia Dawidi te, naaka kuti gimi arugute, nipeke re na kpotoko yo dunduko, ki nimangi kina gu pai ngba bangire.
9
Ono mo mangi gbigbitapai ki susi agu yo dunduko naadu mbata foro, mo andu ki mbakadi kura ambori tipa ro, na kpiahe ni zaragasizaragasi marã, ka gara gi zinga ku ri ro, ki ba re ku gii ro yo.
10
Si du mi ka ye ti ni na gbigbitapai ku ri ngbatunga Yerobama, ki nyasi akumba be Yerobama dunduko, gu ni du ni zogozogo ni, na gu ni ra ni rini a Yisaraere no, ki ba ngbatunga Yerobama aba ku sa yo kpakaya, a wa boro nizo gbegberẽ rago, daho si ka gbi ni dunduko.
11
Gu ngbatunga Yerobama nikanikpi bakporo yo, aango nikaniriti ni; gu ni nikanikpi haurago yo, azire ari nikaniriti ni; bambiko Yekova gumba ha wo.”’
12
Mo gúari tie, ki ga ku kpuro yo. Ho nduro ka rima ni ku bakporo yo, gude akpi.
13
AYisaraere dunduko nikakpara ko ki nita ngbaduyo ki kpisidi ko; bambiko dagba awiri Yerobama yo kina ko sa nikazorã ku murã yo, bambiko i bi wenepai kpotoko yo koyo du Yekova ni, nga ga aYisaraere Mbori, dagba ngbatunga Yerobama.
14
Gbiakuti gere, kina Yekova nikafu bakindo ku ri aYisaraere ni tiko, nikanyasa ngbatunga Yerobama ni gu rago re.
15
Bambiko Yekova nikata aYisaraere, a wa badumo nawo rogo ime yo, ka amofa aYisaraere amofa rogo gi wene ringara re, nga gu ko afu fu abayo, ki gbandaka yo ku mbiti Ferata yo, bambiko i ambakadi gayo aAsera nga ngbama, ki gara ga Yekova zinga kuti yo.
16
Yekova ambú aYisaraere bambiko ga Yerobama ingaapai, nga gu ko amangi, ki niingisi aYisaraere i niingi pai.”
17
Dia Yerobama ki guari, ki ndu ki da ku Tirusa yo. Ho ri ada ni ti barima ti ngbadimo bambu, gude ki kpi.
18
AYisaraere dunduko ki kpisidi ko ki ta kpara ko, nita ngbaduyo, kuti sangba Yekova, gu ko agumba ku ngba gako moyambu nangia Aiya nangia nebi.
19
Were, kura ga Yerobama mangaapai, wa ko aso vura, na wa ko azogo rago, oni ngére, si du ni keke he rogo gu Kitabu Peka pa agu apai Abakindo aYisaraere anamanga.
20
Agu agarã Yerobama azogo rago ti ni adu wa garã 22; ko ki kpi fuo atitako, Nadaba ki zogo rago ku ba ko nangia wiriko.
21
Rabama ki zogo rago Yuda yo nangia wiri Soromo. Garã Rabama adu 41 ho ko atona ka zoga rago ni. Ko ki zogo rago garã ki du 17 Yerusarema yo, nga gu bakporo Yekova asia ha dagba angbatunga aYisaraere dunduko, ka maa rimoko ti ni. Rimo na Rabama angia Nama ni boro Amona.
22
AYudo ki nimangi gu pai nadu ni gbigbita ha bangiri Yekova, i ki zingisi ko dati deringo na gu gayo ingaapai i anamanga, ki susi gu atitayo anamanga dunduko.
23
Bambiko i ni tiyo adudua tumbatumba arago na kpiaahe, na aAsera nga ngbama ku ri gbangagbanga agangara dunduko, na tii agu angua du na fogo kpehe dunduko.
24
Airabari akumba adu rogo ringara a. I anamanga kere gbegberẽapai a wa agu arikaaboro anamanga nga agu yo Yekova ado yo barangba awiri aYisaraere.
25
Si adu wa gere, ti bisue garã zogarago nga ga Bakindo Rabama, Sisaka nangia bakindo aEzipeto aye na vura kuti Yerusarema.
26
Ko ki rogo gu kikiipaahe naadu rogo ga Yekova bambu, na gu kikiipaahe naadu rogo ga bakindo bambu yo; ko ki ga na ni dunduko. Ko ki rogo agu avurakube du ni dahabu Soromo ambakadi he dunduko.
27
Bakindo Rabama ki mbakadi avurakube ni sirigi ku ba ha, ki fu he ku be agu abaakumba naadu ku ri ababandarago, nangia agu yo naabanda ngbadimo ga bakindo bambu.
28
Si adu wa gere, wa bakindo anandu ku rogo ga Yekova bambu yo, babandarago aniaka ha ki nigasi he berewe ku rogo ga ababandarago bambu yo.
29
Kura ga Rabama apai, na agu apai dunduko ko anamanga, ati si ni keke he rogo gu Kitabu Peka pa agu apai Abakindo aYudo anamanga?
30
Vura anye dagba aRabama na Yerobama kindi.
31
Rabama ki kpi fuo atitako, i ki kpisidi ko fuo atitako rogo gu bakporo nga ga Dawidi. Rimo nako nangia Nama ni boro Amona. Abiyama ki zogo rago ku ba ko nangia wiriko.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22