1 Kings 4

Zande

← Chapter 3 Jump to: Chapter 5 →

1Bakindo Soromo adu ni bakindo ku ri aYisaraere dunduko.

2Agi yo re nangia gako abazogo: Azaraya adu ni boromotumo nangia wiri Sadoka;

3aEriorepe na Aiya adu ni abakeapai nangia awiri Sisa; Yosafata adu ni batingidipai nangia wiri Airuda;

4Benaya adu ni bakumba ku ri rimbasavura nangia wiri Yoyada; aSadoka na Abiatara ki du ni aboromotumo;

5Azaraya nangia wiri Natana adu ni barumbatayo ku ri abaakumba; Zabuda nangia wiri Natana adu ni gbia abaakumba, ko adu ni badia bakindo a.

6Aisara adu ni baira ku bakindo yo; Adonirama nangia wiri Abada adu ni baira ku ri arika zizi aborosunge.

7Ga Soromo abaakumba adu wa 12, ku ri aYisaraere dunduko, nga agu yo naabanda pa ungba tipa bakindo na gako abaakporo. Gu ni anibanda pa ungba vuru diwi sa ni ba sa sa, na garã.

8Rimoyo du re: Benura rogo ringara abaagangara Efuraima;

9Bene-dekere ku Makasa yo, na ku Sarabima yo, ku Bete-semese yo, na ku Eronobate-ananayo;

10Bene-sedeku Arubota yo; (gako rago nangia Soko, na ringara Efere dunduko);

11Bene-abinadaba ku ringara Nafata-doro yo du; (diako angia Tafata nangia wiri Soromo);

12Bana nangia wiri Airuda ku Tanaka yo na ku Megido yo, na Bete-sana yo dunduko nga gu ringara naadu pati Saretana, gii Yizerere yo, tona ti Bete-sana ki da ti Abere-mora, ki da gii Yokemama yo

13Bene-gebere ku Ramota-girada yo; ko adu ri agu akporo nangia ga Yaira nangia wiri Manase naadu Girada yo; ko adu ku ri gu rago naadu Aragobo yo a du Basana yo, nangia abaakporo 60 naadu na angapa pati he kirikiri, i ki kisi he na ngbongbo sirigi.

14Ainadaba nangia wiri Ido ki du Manaima yo;

15Aimasa ku Nafatari yo; ko adi Basemata wiri Soromo ni diako,

16Bana nangia wiri Usai ku Asera yo na ku Bearoto yo;

17Yosafata nangia wiri Parua ku Yisasakara yo;

18Simi nangia wiri Era ku Benyamina yo;

19Gebere nangia wiri Uri ku ringara Girada yo, nangia gu ringara nga ga Siona bakindo aAmoro na Ogo nangia bakindo Basana. Bakumba adu sa rogo ringara Yuda.

20AYudo adu ni dungu yo na aYisaraere a, wa kina gu ngume du pangba baime yo ni ngenge yo, i aniri riahe ki nimbiri he ki ningi angi.

21Soromo azogo angbi dunduko tona ti di nga Ferata ki da ti ringara aFereseto, ki da ti bangbanda ga aEzipeto ringara. I anaye na gamaahe, ki nimangi pa Soromo wenengaĩ wa ko adu ni ungako.

22Ga Soromo ungba nga gu narengbe tipa uru sa, si adu wa fufuru ngungo wa aritere 11,100, na ngungo zendeahe wa aritere 22,200;

23kikindigi abaabagara bawe, na abaabagara 20 nangia agu ra naadu abanambu yo, akandoro wa 100 gbiakuti anya wa anzungba na agbangbaria, na agbodi, na agu azire i ariga ra tipa ri ra.

24Bambiko ko azogo gu rago tigako naadu ku mbiti Ferata yo, tona ti Tifesa ki da ti Gaza, ko adu ku ri agu abakindo naadu ku mbiti Ferata no dunduko. Zereda ki du rogo agu arago dunduko du pati ko kirikiri.

25AYudo ki nisungu zezeredi na aYisaraere, aboro dunduko ki nisungu tii gayo bakakue na tii gayo vurumo, tona Dana yo ki da kina ku Beta-saba yo, ti agu arago dunduko nangia ga Soromo.

26Abambu tipa afarasi adu be Soromo wa 4,000 tipa gako angbagidavura, abanduri afarasi ki du wa 12,000.

27Agu abaakumba nanabanda pa ungba tipa Bakindo Soromo, na tipa agu yo dunduko nanan riahe auru ga Bakindo Soromo mbisa, gu sa tipa diwi sa; i aida nga he kpa wa sa te.

281 anaye na zende he wa ga mapunga na kazimoru tipa afarasi na tipa ipiipi afarasi koyo zingo he adu ni, gu ni a wa i aringbisi pa ha fu ni.

29Mbori afu tatamana na rugatinapai fu Soromo susi ba ringbisa ha, kpotoko yo ahi ahi be weneringise, wa kina gu ngume du ti pangba baime.

30Si du ga Soromo tatamana akii akia ki susi gu tatamana nga ga agu awiri aboro naadu ku uroyo dunduko, na gu tatamana nangia ga aEzipeto dunduko a.

31Bambiko ko adu ni iratatamana ki susi aboro dunduko, susi ga Etana boro Ezaro, na ga Emana, na ga Karakoro, na ga Daruda nangia awiri Maora. Rimoko ki niwo awo dagba arika ngbatunga aboro dunduko kirikiri pati ko.

32Ko agumba pai ni asanza wa 3,000; gako abia ki du wa 1,005.

33Ko agumba pa angua tona ti pa agu akedara naadu Rebanona yo dati pa gu kpepasio nga usopo nanakura dagba ngapa yo. Ko agumba pa anya a, na azire, na pa agu agbiro nagbe tira sande, na pa atĩo a.

34Aboro anaye koyo du Soromo ni dagba angbatunga dunduko ka gia pa gako tatamana, rogo ringara abakindo zegino du, nangia agu yo nagi pande pa gako tatamana.

← Chapter 3 Jump to: Chapter 5 →