bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
1 Kings 7
1 Kings 7
Zande
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 8 →
1
Soromo ki du pati sunge dua boro gako bambu tipa garã 13, ko ki nyasi he dunduko.
2
Ko adua Bambu Birengua Rebanona; bagizaha adu wa bagiza mbiribe 100, patihe adu wa bagiza mbiribe 50, basonaha ki du wa bagiza mbiribe 30, ko adua ha ri adangba, genehe ki du biama, du ni ngua kedara, angbongbo adu auru adangba ni ngua kedara a.
3
I ki dadi he ni angua kedara ku ari auru agu angbongbo naadu 45 naadu auru adangba; angbongbo 15 ki du ti genehe sa.
4
Ngua bangiri bambu adu ti agene biata, bangiri bambu ki du ku bani na ku bani ti agenehe biata.
5
Angbadimo dunduko na agu angua naadu pa ngbadimo si adu ni kpakparikpa ha ni angbongbo, bangiri bambu adu ku bani na ku bani ti agene biata.
6
Ko ki mbakadi Mbaraza Adangba; bagizaha adu wa bagiza mbiribe 50, patihe ki du wa bagiza mbiribe 30, umba mbaraza ki du barangba ha na anduhe ti ni.
7
Ko ki mbakadi Mbaraza Mbatabakindo, nga gu ko ka sunga rogo ka asara ngbanga, nangia Mbaraza Sarangbanga. I ki dadi vuro bambu ku sende yo ki da ku ari yo ni angua kedara.
8
Ndikidi gako bambu nga gu ko ka araka rogo ho, naadu rogo gu kura vurukporo nadu gii ambaraza yo, si adu ni mbakadimbakadi he wa gu kura ha. Soromo ambakadi bambu tipa wiri Faro a, nangia gu ri ko adi ri ni diako, si adu wa kina gu mbaraza re.
9
Ko adua agi abambu re dunduko ni kina agu ambia kii pa genoho akia gbe, nangia sekeseke ambia, a wa i aringbisi pa ha, ni yepeyepe he na asii, ku vuru bambu yo na zegi yo a, tona ti mburu bambu ki da ti kina ri bambu, na tona zegi yo a ki da ti kina bavurukporo.
10
I amoi mburu bambu na agu ambia kii pa genoho akia gbe, si angia bakikindigi ambia, bakia agu ambia re adu wa bagiza mbiribe bawe, watadu wa bagiza mbiribe muambi.
11
Agu ambia kii pa genoho akia gbe adu ku ari, nangia sekeseke ambia, a wa i aringbisi pa ha, na angua kedara a.
12
Ndugu bavurukporo naadu pati bambu kirikiri si adu na sekeseke ambia, genehe ki du biata, kura genehe ki du ni angbongbo ni kedara; a wa si adu ti gu vurukporo naadu vuru ga Yekova bambu yo, na ti mbaraza bambu a.
13
Bakindo Soromo akedi sunge koyo du Irama ni Tura yo ko ye.
14
Ko adu ni wiri dekurugbo ni ngbatunga Nafatari, bako ki ngia boro Tura, nangia boro manga ahe rogo sirigi. Irama adu na tatamana na rugatinapai na birĩ, tipa manga ahe rogo sirigi dunduko. Ko aye koyo du Bakindo Soromo ni, ki mangi gako sunge dunduko.
15
Ko ambakadi adangba ue ni sirigi, basonaha adu wa bagiza mbiribe 18. Bakiaha kirikiri adu wa bagiza mbiribe 12.
16
Ko ambakadi akpakpari ue ni zaragasizaragasi sirigi, ka maa ha ku auru adangba. Bagiza kpakpari dangba sa adu wa bagiza mbiribe bisue, bagiza kura kpakpari dangba ki du wa bagiza mbiribe bisue a.
17
Ko ambakadi sirigi ni arambaaramba ha, na kura sirigi ni kpia azogbo ni kãikãi he tipa agu akpakpari naadu auru adangba; ko ambakadi he saba tipa dangba sa, ki mbakadi he saba tipa gu kura dangba.
18
Ko ambakadi he ni kpia zuzu ngua wa ndavu; genehe ki du ue, ri arambaaramba sirigi, ka dada gu kpakpari na ni naadu ku ri dangba; ko ki mangi he kina wo tipa gu kura kpakpari.
19
Agu akpakpari naadu auru agu andu bambu naadu ti mbaraza, si adu na sekeseke kpiahe ti ni wa mbumbuda aranga, ku ari wa bagiza mbiribe biama.
20
Akpakpari adu ti adangba ue ku ari, pati gu rago naadu ti bebere arambaaramba sirigi; zuzu ngua wa ndavu ki du wa 200, ti agenehe ue kirikiri, kina wo a ti gu kura kpakpari ti mbaraza yekaru.
21
Ko adua gu dangba ku kumbabe yo, ki yambu rimoho nga Yakina; ko ki dua gu kura dangba ku garebe yo, ki yambu rimoho nga Boaza.
22
Ri adangba adu ni sekeseke he wa mbumbuda aranga. Si du sunge adangba ki nyasi.
23
Ko ki mbakadi bakere bazundati ni zaragasizaragasi sirigi ni kirikiri he, pangbaha dati gu pangbaha ku bani adu wa bagiza mbiribe bawe, basonaha adu wa bagiza mbiribe bisue, pati pangbaha kirikiri adu wa bagiza mbiribe 30.
24
Kpiaahe wa inga adu tii pangbaha yo kirikiri rengbe wa bagiza mbiribe 30, ainga adu ti agenehe ue, i ambakadi ainga wa sa na bazundati.
25
I amoi bazundati ku auru kpia abaabagara 12, gu biata angera ku nodiyo, gu biata ki ningere ku dioyo, gu biata ki ningere ku audiyo, gu biata ki ningere ku uroyo. Bazundati ki du auru he, rumburuhe dunduko ki du ku vuruhe yo.
26
Banagaha adu wa pabe sa; pangbaha adu ni mbakadimbakadi he wa pangba inga, ni sekeseke he ni kpia mbumbuda aranga. Vuruhe yo ki rengbe na ime wa aritere 74,000.
27
Ko ambakadi abamaasaani bawe ni sirigi; bagiza bamaasaani sa adu wa bagiza mbiribe biata.
28
I ambakadi abamaasaani wa gere: si adu na kisikisi ngbandaha; ngbanda gu ki rimi ku dagba angbazungaha.
29
1 aseke kpiaahe ti gu ngbandaha narimi ku dagba angbazungaha wa kpia abahu, na abaaabagara, na akeruba. Bamaasaani ki du auru angbazungaha, i aseke kpia akpakpari tii kpia abahu yo na abaabagara ku sende.
30
Abamaasaani dunduko ni ba sa sa adu na ngbagida sirigi ti ni biama, marã sirigi ki vo angbagida; nduhe biama adu na asongodihe rukutu. Asongodihe ki du ni sekeseke he wa kpakpari tii mburu bazundati yo ti pavuruhe ni ba sa sa.
31
Ba ngbaha vuru kpakpari yo adu wa bagiza mbiribe sa; si ki du ni kirikiri he wa kpia mburuhe, ngbandaha adu ni kpakparikpa ha, ni kirikiri he te.
32
Agu angbagida biama re adu tii ngbandaha yo; gu marã angbagida naasaka tiru ti ni si adu rogo mburuhe; basona ngbagida adu wa bagiza mbiribe sa na bebere he.
33
Ngbagidahaadu wa angbagida marã vura; gu marã ngbagida naasaka tiru ti ni na ngbagida, na gu rukutu agire nanyakasa ngbagida, na gu marã nazada agirihe bebere he yo, si adu ni zaragasizaragasi marã dunduko.
34
Asongodihe rukutu adu biama ti abamaasaani ni ba sa sa ti tukpuhe biama; asongodihe rukutu i ambakadi he wa sa na abamaasaani.
35
Ti ri abamaasaani ni ba sa sa pangbaha adu ti ni kirikiri, si ki du ku ari wa bagiza bebere mbiribe; i ambakadi abe abamaasaani na angbandaha wa sa.
36
Ti kpakpu abehe na ti angbandaha ko aseke kpiaahe wa akeruba, na abahu, na asikisa, a wa i aringbisi ba tipa ha ni ba sa sa, ki seke kpakpari pati he kirikiri.
37
Were ko ambakadi abamaasaani oawe; si adu ni mbakadimbakadi he wa sa, na baringbisaha sa, na kpiaha a sa.
38
Ko ambakadi asaani zundati bawe rogo sirigi; asaani zundati ni ba sa sa arengbe na ime wa aritere 1,476; bakia asaani zundati ni ba sa sa ki du wa bagiza mbiribe biama; ko ki aoi asaani zundati ku auru abamaasaani bawe dunduko ni ba sa sa.
39
Ko ki moi abamaasaani bisue pati bambu ku kumbabe, ki moi he bisue pati bambu ku garebe yo; ko ki moi bakere bazundati pati bambu ku uroyo, ku sudiyo toni.
40
Irama ambakadi aakoro, na aundukuda ahe na abaakurungbu a. Si du Irama ki nyasi gu sunge dunduko ko amangi he tipa Bakindo Soromo tipa ga Yekova bambu:
41
nangia adangba ue, na agu akpakpari naadu auru adangba; na gu sirigi naadu ni arambaaramba ha naadu ti kpakpari adangba;
42
na gu azuzu ngua wa ndavu 400 naadu ti arambaaramba sirigi ue; zuzu ngua wa ndavu adu ti agene ue auru arambaaramba sirigi ni ba sa sa, ka dada agu akpakpari naadu ri adangba;
43
na abamaasaani bawe, na agu asaani zundati bawe naadu ti abamaasaani;
44
na gu bakere bazundati sa, na gu kpia abaabagara 12 du tii bazundati yo.
45
Aakoro, na aundukuda ahe, na abaakurungbu, agu aũsunge dunduko Irama ambakadi he tipa Bakindo Soromo, tipa ga Yekova bambu, si adu rogo imaima sirigi dunduko.
46
Bakindo ambakadi he rogo gu kpasakpasa rago du pavuru Yaradene, yo pere adu ni dagba Sukota na Zaretana.
47
Soromo aringbisa nga pa barõa ausirigi te, bambiko si adu ni badungu he gbe; ka i aina nga pa barõa sirigi a ya.
48
Si du Soromo ki mangi agu aũsunge dunduko naadu rogo ga Yekova bambu: nga bamotumo ni dahabu, mbisa nga gu kpokuta yugopai anidu auru he, ni kina dahabu;
49
abaduawe ni ndikidi dahabu adu bisue ku kumbabe, bisue ki du ku garebe yo a, barangba ziazia ba; na mbumbudaahe, na awe na auza ni ndikidi dahabu;
50
ainga, na aubisa we, na abaakurungbu, na abaarikare, auzo kingire, ni ndikidi dahabu a; amarã vo ngbadimo nga gu naadu tipa akpuguru ku vuru bambu yo, nga gu ziazia ba naadu ni ziazia ha susi, na tipa kpuguru bambu nga ga yekaru, si adu ni kina ku dahabu dunduko.
51
Si du agu ahe Bakindo Soromo amangi tipa ga Yekova bambu, si ki nyasi dunduko. Soromo ki ye na agu ahe bako nangia Dawidi airpara ha tipa ha, nga feda, na dahabu, na ainga a, ki moi he ku rogo baiga gu kikiipa ahe naadu rogo ga Yekova bambu.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22