bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
1 Kings 6
1 Kings 6
Zande
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
1
Si adu wa gere, fuo kura awiri aYisaraere ringara Ezipeta yo earã asaki yo wa 480, Soromo ki tona ka dua ga Yekova bambu, rogo biama garã zoga ko rago ku ri aYisaraere, rogo gu diwi nga Ziu, nga ue diwi
2
Gu bambu Bakindo Soromo adua ha tipa Yekova bagizaha adu wa bagiza mbiribe 60, patihe ki du wa bagiza mbiribe 20, basonaha ki du wa bagiza mbiribe 30.
3
Gu mbaraza naadu barangba gu ziazia ba nga ga bambu, bagizaha adu wa bagiza mbiribe 20, a wa i aringbisi he kuti bakia pati bambu; patihe adu wa bagiza mbiribe bawe barangba bambu.
4
Ko ambakadi bangiri bambu na ngua ni haha bangirihe.
5
Kuti vuro bambu kirikiri ko adua he ku ari ni kparakakparaka he kuti vuro bambu rogo gu nga ga yekaru na rogo gu kparakpara ziazia ba susi a. Ko ki mbakadi adimo pati he kirikiri.
6
Gu vuruhe naadu ku sende patihe adu wa bagiza mbiribe bisue, gu vuruhe naadu ku ri he ni ue ne, patihe adu wa bagiza mbiribe saba. Ko adua asongoro ti pavuru bambu kirikiri zegi yo, ka angbongbo azada nga pavuru bambu ya.
7
Ho i adua gi bambu ni re, i adua ha na agu ambia i ambakadi he kina bagetaka ha yo; si du i agia nga woro bande na mangua na kura marã sunge ti ni wa i adua ha ya.
8
Ngbadimo gu vuru bambu naadu ni bambata ha, si adu ti gu pavuru bambu naadu ku kumbabe; i ki nidakpa ti kengerakengera babita ki rimi ku rogo gu vuruhe naadu ni ue he, i ki kuru rogo ue he ki ndu ku rogo gu vuruhe yo naadu ku ri he ni biata ha.
9
Ko ki dua gi bambu re, ki nyasi he; ki kisi rihe yo na ngbongbo na kpakparikpa angua kedara.
10
Ko ki dua agu avuru bambu gu naadu ku ri kura ha ti bambu dunduko, basona avuruhe ni ba sa sa ki du wa bagiza mbiribe bisue; si Ki sungu kuti bambu na ngua kedara.
11
Sangba Yekova ki ye koyo du Soromo ni, ki ya,
12
“Tipa gu bambu mo adua ha, ka mo apéka fuo gimi rugaapai, ki nisari gimi ruru angbanga, ki nika kuti gimi arugute dunduko, ki nita rogo ho; mi anyákasa gi pai na mo, nga gu mi agumba pa ha fu bamo nangia Dawidi.
13
Mi ki nye dagba awiri aYisaraere, ka mi ambú nga gimi aboro aYisaraere ya.”
14
Si du Soromo adua bambu ti ni ki nyasi he.
15
Ko adadi vuro bambu vuru he yo na angua kedara; tona ti vuru bambu yo kusende na pavuruhe na ri he a, ko adadi he na ngua. Ko ki dadi vuru bambu yo sande na gu ngua nga kupuresa.
16
Ko ki mbakadi vuru bambu ku gii bambu yo wa bagiza mbiribe 20, ki nyasi he na agu angua nga kedara, tona ku sende ka ndu ku ari a; ko adua ha vuruhe yo tipa ziazia ba, nangia kina gu kparakpara ziazia ba naadu ni ziazia ha susi.
17
Gu bambu nangia gu yekaru naadu barangba ziazia ba, bagizaha adu wa bagiza mbiribe 40.
18
Gu ngua kedara du ti vuro bambu i aseke he ni kpiahe wa inga na kpia zarazara mbumbuda; kina ngua kedara ki du dunduko; ka i abi nga mbia ya.
19
Ko ki mbakadi ziazia ba bebere gu vuru bambu yo re ka maa ga Yekova sanduki mokido ku rogo ho.
20
Bakia ziazia ba adu wa bagiza mbiribe 20, patihe ki du wa bagiza mbiribe 20, basonaha ki du wa bagiza mbiribe 20 a; ko ki dadi he ni ndikidi dahabu. Ko ki dadi bamotumo na ngua kedara.
21
Si du Soromo adadi vuro bambu ti ni ni ndikidi dahabu. Ko ki moi azogbo ni dahabu barangba ziazia ba, ko ki dadi he ni dahabu.
22
Ko ki dadi vuro bambu dunduko ni kina dahabu, si du bambu ki nyasi dunduko. Gu bamotumo naadu rogo ziazia ba, ko ki dadi he ni kina dahabu dunduko a.
23
Ko ki mbakadi kpia akeruba ue rogo ngua nzeme tipa ziazia ba, basonaha wa du he ue ki du wa bagiza mbiribe bawe.
24
Bagiza pupo keruba sa adu wa bagiza mbiribe bisue, bagiza gu kura pupoho ki du wa bagiza mbiribe bisue a; tona ti mburu pupoho sa dati digida gu ue he adu wa bagiza mbiribe bawe.
25
Bagiza kura keruba ki du wa bagiza mbiribe bawe. Bagiza akeruba ue adu wa sa, kpiaha ki du wa sa a.
26
Basona gu keruba ki du wa bagiza mbiribe bawe, kura keruba ki du wa kina ha a.
27
Ko ki moi akeruba ku rogo gu pa vuru Dambu yo du ku mbata yo; pupo akeruba ki du ni zarazara ha, si du pupo keruba sa ada ti vuro bambu sa, pupo kura keruba ki da ti vuro bambu ku bani; apupoho ki gbia tihe bebere bambu yo.
28
Ko ki dadi agi akeruba re ni dahabu a.
29
Ko ki seke vuro bambu kirikiri dunduko ni kpia sekeseke ahe wa akeruba na asikisa na zarazara mbumbuda, ti gu vuruhe du dimo yo na gu vuruhe du ku zegi yo a.
30
Ko ki dadi vuru bambu sande ni dahabu a, na gu vuruhe du dimoyo na gu vuruhe du ku zegi yo a.
31
Ko ki mbakadi akpuguru ni ngua nzeme tipa ngbadimo ziazia ba. Gu ngua naadu ni wagiwagi he ri ngbadimo na agu angua naadu pa ngbadimo si adi ba wa sa dagba bisue he ti pavuru bambu.
32
Ko ambakadi akpuguru ue na ngua nzeme, ki seke kpiaahe ti ni wa akeruba na asikisa na zarazara mbumbuda, ki dadi he ni dahabu; ko ki dadi akeruba ni dahabu na asikisa a.
33
Ko ki mbakadi angua pangbadimo ni ngua nzeme tipa ngbadimo yekaru a, bakia baha ki di sa dagba biama ha ti pavuru bambu,
34
na akpuguru ue ni ngua akupuresa; ngbadimo sa ki du ni zunguzungu he ue, ho i aura ha ni si ki nimina tihe kuti kura ha, kura ngbadimo adu kina wo a.
35
Ko ki seke kpiaahe ti ni wa akeruba na asikisa na zarazara mbumbuda, ko ki dadi he ni dahabu ni kpasakpasa ha si ki zi tihe kuti sekeseke he.
36
Ko ki mbakadi ndugu gu vurukporo naadu ku vuru he yo na sekeseke ambia genehe ki du biata, na genehe sa ni ngbongbo ni ngua kedara.
37
Ti biama garã ko atona mburu ga Yekova bambu, ti gu diwi nangia Ziu.
38
Rogo 11 garã, ti gu diwi nga Buru, nga muambi diwi, pa dua bambu ki nyasi dunduko, a wa i aringbisi pa ha. Ko ki du pati sunge duaha tipa garã saba.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22