Isaiah 43

Amharic Gofa GFBEVF (ጌሻ ማፃፋ)

← Chapter 42 Jump to: Chapter 44 →

1ሽን ነኖ ያይቆባ ነና መዳይ፥ ነኖ እስራኤለ፥ ነና ጊግስዳይ፥ ጎዳይ ሀይሳዳ ያጌስ፦ “ታኒ ነና ዎዝዳ ግሾ ያዮፋ፤ ታኒ ነና ነ ሱንን ፄጋስ፤ ኔኒ ታባ።

2ኔኒ ሃ ግዶራ ፕንያ ዎደ ታኒ ኔራ ግዳና። ኔኒ ሻፋታ ግዶራ ፕንያ ዎደ ኤንቲ ነና ምቶኮና። ኔኒ ታማ ግዶራ አያ ዎደ ፁገታካ፤ ላጮይካ ነና ሜና።

3ታኒ ነና አሽይሳ፥ እስራኤለ ጌሻ፥ ጎዳ ነ ፆሳ። ግብፀ ነዉ ዎዞ ኦዳ፥ ቶጰነ ሳባ ነዉ ላመ ኦዳ እማና።

4ኔኒ ታ ስንን አልኦነ ቦንቾ ግድያ ግሾ፥ ታኒ ነና ዶስያ ግሾ፥ አሳ ነ ግሾ፥ ካዎተታ ነ ሸምፑዋ ግሾ ላመ ኦዳ እማና።

5ታኒ ኔራ ደእያ ግሾ ያዮፋ፤ ታኒ ነ ናይታ ዶሎሀፐ ነና ዉሎሀፐ ሺሻና።

6ታኒ ፑደሀ ባጋ፥ ‘ኤንታ ዛራዳ ኤሀ!’ ዱገሀ ባጋ፥ ‘ኤንታ ተቆፋ’ ያጋና። ታ አደ ናይታ ሃሆሶፐ፥ ታ ማጫ ናይታ ሳኣ ጋፃፐ ኤሀና።

7ኤንቲ ታ ሱንን ፄገትዳይሳታ፥ ታኒ ታ ቦንቹዋስ መዳይሳታ፥ ታኒ ጊግስዳይሳታነ ኦዳይሳታ ሀምተ።”

8አይፈይ ደእሽን ቆቅዳ አሳታ፥ ሀይ ደእሽን ቱልዳ አሳታ ከሳ።

9ካዎተት ኡባይ እስፈ ሺቆ፤ አሳይ ዱላታ ኡቶ። ኤንታ ኤቃታ ግዶፈ ሀይሳ ኦዳናዉ፥ ካሰ አዳባታ ኑስ ቆንጭሳናዉ ዳንዳኤይ ኦኔ? ሀራ አሳይ ስእድ፥ “ሀይስ ቱማ” ጋና መላ፥ ኤንቲ ልከ ግደይሳ በሳናዉ ባንታ ማርካታ ኤሆ።

10ጎዳይ ሀይሳዳ ያጌስ፦ “ህንተ ታ ማርካታ፤ ህንተ ታና ኤራና መላነ አማናና መላ ታኒ ፆሰ ግደይሳ አኬካና መላ ታኒ ዶርዳ ታ አይለት ህንተና። ታፐ ካሰ ሀራ ፆሲ መትቤና፤ ታፐ ጉየ ሀራ ፆሲ ዴና።

11ታኒ ጎዳ፤ ታፐ አትሽን፥ ሀር አሸይ ባዋ።

12ታ ካሰታዳ ኦዳስ፥ ታ ኦናባ አዋጃስ፥ ታ አሻስ። ህንተ ግዶን ደእያ አላጋ ፆሳታፐ ሄሳ ኦዳይ ባዋ። ታኒ ፆሰ ግደይሳስ ህንተ ታዉ ማርካታ።

13መርናፐ መርናዉ ታኒ ፆሰ፤ ታ ኩሸፐ ኦንካ አሸና፤ ታ ኦዳባ ላማናዉ ዳንዳኤይ ባዋ” ያጌስ ጎዳይ።

14ጎዳይ፥ ህንተና ዎዝያ፥ እስራኤለ ጌሻይ፥ ሀይሳዳ ያጌስ፦ “ህንተ ግሾ፥ ታኒ ባብሎነ ቦላ ኦላንቾታ ኪታና። ባብሎነታ ኡባ ኤንቲ ጬቀትያ ማርካበታራ በታና መላ ኦና።

15ታኒ ጎዳ፥ ህንተ ጌሻ፥ እስራኤለ መዳ ህንተ ካዋ” ያጌስ።

16አባ ግዶን ኦገ፥ ዎልቃማ ሃታ ግዶራ ሆሮጋ ከስዳ ጎዳይ ሀይሳዳ ያጌስ።

17ፓራ ጋረታነ ፓራታ፥ ኦላንቾታነ ምኖ አሳታ አባን ኤህድ፥ ኤንቲ ደንዶና መላ የግዳይ፥ ኤንታ ሙቃዳ ታማዳ ቶይስዳ።

18ጎዳይ ሀይሳዳ ያጌስ፦ “ካሰባታ ሃሳዮፕተ፤ በንባታ ቆፖፍተ።

19ሄኮ፥ ሀእ ታኒ ኦራባ ኦይስ፤ እካ ሀእ ዶላና። ሄስ ህንተዉ በንተኔ? ታኒ መላ ቢታን ኦገ፥ መላ ቢታን ሻፋታ ከሳና።

20ታኒ ዶርዳ፥ ታ አሳስ መላ ቢታን ሃ፥ መላ ቢታን ሃ ሻፋታ እማስ። ዎራ ዶአት፥ ዎርካናትነ ያንቾት ታና ቦንቻና።

21ታኒ ታዉ መዳ ደረ ግድያ ግሾ፥ ታ ጋላታ አዋጃና ማላ ታ ሀይሳ ኦስ።

22ሽን ነኖ ያይቆባ፥ ኔኒ ታ ሱን ፄጋባካ፤ ነኖ እስራኤለ፥ ኔኒ ታና ሳለታዳሳ።

23ኔኒ ታዉ ፁሳ ያርሾስ ዶርሰ ኤሀባካ፤ ሀራ ያርሾንካ ታና ቦንቻባካ። ታኒ ነና ካ ያርሾ ኤሀ ጋዳ ዋይሳብከ፤ እፃነ ታዉ ጩይሶ ጋዳ ዳቡርሳብከ።

24ኔኒ ታዉ ሳውያ እፃነ ሻማባካ፤ ነ ሞ ያርሾን ታና ኡፋይሳባካ። ሽን ኔኒ ነ ናጋራን ታና ዋይሳዳሳ፤ ነ ናቁዋን ታና ዳቡርሳዳሳ።

25“ታ ግሾ ጋዳ ነ ናጋራ ቁቸይ ታና፤ ነ ናጋራ ዛራዳ ቆፕከ።

26አነ ታና ሀሳይሳ፤ ኔኒ ፅሎ ግደይሳ ኤርሳናዉ እስፈ ሺቅድ ሞተቶስ።

27ነ ኮይሮ አዋይ ናጋራ ኦስ፤ ነ አስታማረት ታና ቆህዶሶና።

28ሄሳ ግሾ፥ ታኒ ታ ኬ ሀላቃታ ካዉሻስ፤ ያይቆባ ጋዶስ፥ እስራኤለ ጫሻስ አዳ እማስ።”

← Chapter 42 Jump to: Chapter 44 →