1 Corinthians 5

Guarani 1970 (Ñandeyara Ñe'ẽ)

← Chapter 4 Jump to: Chapter 6 →

1Ojekuaa niko peteĩ peẽva oguerekoha isy angápe, upéva niko mba'e ivaipa jepéva oñehendu'ỹva umi Tupã Ñandejára rehegua'ỹva apytépe jepe.

2¡Ha hi'arietegua peẽ pejererovu, peñemba'embyasy uvei rangue! Upe ojapo va'ekue upéicha oñemosẽ vaerã pende apytégui.

3Naiméi ramo jepe upépe penendive che retépe, aime penendive che espíritupe ha ajuzgáma upe ojapo va'ekuépe upe pecado aime ramoguáicha upépe.

4Peñembyaty Ñandejára Jesucristo rérape, ha che aiméta che espíritupe penendive, ha Ñandejára Jesucristo autoridad rupi,

5pe hembiapo vai va'ekue toñeme'ẽ Satanáspe oñembyai haguã ho'ópe ha tojesalva hi'ánga Ñandejára Jesucristo ou ha'ára.

6Ani pejererovu pe pejapóva peína rehe. ¿Ndapeikuaái piko ku ñe'ẽ he'íva: “Levadura michĩmí ombovupa pe masa”?

7Peñemopotĩ aipóramo pe levadura tujágui, toiko pende hegui masa pyahu, ilevadura'ỹva, upéva voi niko peẽ. Pe ñande Pascua Cristo voi niko ojejukaukáma va'ekue ñande rayhupápe.

8Upéva rehe ñamboarete vaerã ñande Pascua tovamokõi'ỹ reheve ha añetehápe, pe pan ilevadura'ỹvaicha; ha ani ñamboarete ñaña ha ky'a rehevétei ku levadura tujakuéicha.

9Ha'e va'ekue niko peẽme che kuatiañe'ẽme ani haguã pejehe'a umi ojoguerekóva menda'ỹ rehe ndive.

10Nda'éi niko peẽme upéva pejehe'a'ỹ haguã opaite yvypóra kuéra heko ky'áva, terã ojupe kuéra guarãnteséva, terã mondaha terã ta'anga omomba'eguasúva rehe, upéichataramo niko tekotevẽta pesẽte ko múndogui.

11Ha'ese va'ekue uvei peẽme oime ramo he'íva ojehe hermanoha, ha heko ky'a terã ojupe guarãnteséva, omomba'eguasúva ta'anga terã ijurumby'ỹiva ika'u terã imondáva, ani haguã pekarúnte jepe umichagua ndive.

12Che ndarekói mba'érehepa ajuzga haguã umi Ñandejára rehegua'ỹvape, Tupã Ñandejára ojuzga vaerã ichupe kuéra. Umi pende reheguávape peẽ pejuzga vaerã. Upéva rehe, pemosẽ pende apytégui upe tekove vaípe.

← Chapter 4 Jump to: Chapter 6 →