bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 10
Jeremiah 10
Gussi (EBIBILIA ENCHENU) 2020
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 11 →
1
Inwe Abaisraeli, igwa amang’ana Omonene agoteba.
2
Aya naro Omonene agoteba: “Timobaisa kweorokereria chingencho chi’abanto b’ebisaku, gose ebimanyererio bikorwa igoro tibibaisa kobaondokia, ebio nigo bikoondokia abanto b’ebisaku.
3
Chinyasae abanto b’ebisaku bagosasima nigo chire echi’oborimo. Omote ore rinani ime nigo okogechwa, na omoroisia omong’aini oyobaacha nekoyo na oroisia emegwekano.
4
Abanto nigo bakoyeooma ne chifeta ne chitahabu, bayeakerania bokong’u nenyundo na emesumari, erinde tenyegerigwa.
5
Emegwekano eyio yabo nigo enga buna ebinto bikogosa chinyoni chire ase emegondo y’amasosa. Emegwekano eyio tekonyara gokwana; nigo ekobogorigwa, ekiagera teri gotaara. Timobaisa koyeiroka, ekiagera tegokora bobe bonde bwensi, gose tekonyara gokora gento kende ekiya.”
6
Aye Omonene, onde tari okogwekaine; aye naye Omonene, na erieta riao nigo rire nokobua okonene.
7
Aye Omoruoti bw’ebisaku, ning’o otagwenereti gokoiroka. Aye nogwenerete oirokwe. Onde tari okogwekaine ase abang’aini bonsi b’ebisaku, gose ase amaruoti abo onsi.
8
Barabwo bonsi tibamanyeti gento, nabariri bare. Naki ogosemigwa korwa ase emegwekano eyio nemete bosa.
9
Eyio nefeta eturire ekorwa Tarisisi, na etahabu ekorwa Ufasi. Nigo ere emeremo y’omoroisia omong’aini na omoturi bw’etahabu. Chianga emegwekano eyio ekobekerwa nigo chire chimbariri ne chimonyinga, chiroisirie nabanto abang’aini.
10
Korende Omonene nere Nyasae bw’ekeene, Nyasae ore moyo, Omoruoti o kare na kare. Ense nigo egotengechigwa ase endamwamu yaye, ebisaku tibikonyara koremereria ekeririanda kiaye.
11
Mobatebie ng’a chinyasae chiria chitatongete igoro na ense nachisire, tichiba inse y’erioba.
12
Omonene nere otongete ense ase okobua kwaye; agatonga ebinto bionsi bi’ense ase obong’aini bwaye, na akarambora igoro ase okomanya kwaye.
13
Ase eriogi riaye amache are igoro chionsi akoeera neriogi, nigo akorenta ritaturi korwa ase chinsinyo chi’ense. Nere okorenta chinkoba chire nembura, na omwaga ogusa korwa ase ebigancha biaye.
14
Kera omonto nigo are omoriri ase obong’aini bwaye, na kera omoturi nigo agosookigwa nemegwekano y’ogosasimwa aroisirie, ekiagera emegwekano yaye ney’obong’ainereria, tebwati omoika ime yabo.
15
Eyio mbosa kegima, emeremo eyio nesekererwe. Ekero eraegwe egesusuro, nesirigwe kegima.
16
Omonene oria ore egetari kia Yakobo tagwekaini emegwekano eyio. Ere nere otongete ebinto bionsi. Abaisraeli nigo bare egesaku kere omwando oye; Omonene bw’Emeganda nario erieta riaye.
17
Inwe abwo mwaetananirwe nababisa, sangereria ebinto biaino morue aase agwo.
18
Aya naro Omonene agoteba: “Ase engaki eye ninserie ne chinguru abwo bonsi bamenyete ase ense eye, nimbarentere ogoichana goika baigwe obororo.”
19
“Obobe nobwaito, ekiagera twasunyuntirwe. Amaote aito tari kogwenigwa. Intwe nigo twarengereretie: Ekeene, eye nemechando, korende goika toremererie.
20
Chiema chiaito chiasarekire; Chingori chi’ogochisibera chiabutoirwe. Abana baito basirire, tibari aande. Omonto tari ogotenenia chiema naende. Onde tari oratosungere ebitambaa bie chiema chiaito.
21
“Abarisia babeire abariri, tibari korigia oboraai korwa ase Omonene. Ase ayio, tibari kogenderera konyora amaya, riicho riabo rionsi riasiareirwe.
22
Tegerera moigwe! Ebirage bigocha. Riroroche ri’omoganda omonene riaigurwe rigocha korwa sugusu, gocha gosaria emechie y’Abayuda ebe amaturi, ase chisese chi’orosana chiramenye.”
23
Aye Omonene, nimanyete ng’a enchera y’omonto tekoraagwa nere omonyene, gose omogendi takonyara koraa orogendo rwaye ere omonyene.
24
Aye Omonene, ondongeyie ase okong’a egesusuro, korende ase ekerengo kegwenerete gioka, gose tonkora bo ekero ore nendamwamu, ekiagera nigo orabaise gonsiria.
25
Itera endamwamu yao ase ebisaku bitakomanyeti na ase abanto batari korangeria erieta riao bakonywe. Barabwo basiririe abanto ba Yakobo, ee, babamerire kegima na kobasiria, basaririe obomenyo bwabo bwabeire bosa.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52