bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 2
Jeremiah 2
Gussi (EBIBILIA ENCHENU) 2020
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
1
Ring’ana ri’Omonene rigacha asende, rigantebia:
2
“Genda orarie ase abanto ba Yerusalemu, obatebie ng’a aya naro Omonene agoteba: “Nainyoire buna kwarenge omwegenwa ekero kwarenge omoke, buna kwanyanchete ekero kwarenge omoriakari one, naende buna kwabete kogontunyana agwo ase erooro, ense eria etarenge gosimekwa kende kiameo.
3
Inwe Abaisraeli, nigo mwaatananetwe koba abachenu asende inche Omonene, ogotongora gw’okwama kwane. Abanto bonsi abariete ogotongora okwo nigo babete nokomocha; amabe nigo abanyorete. Nabo inche Omonene ngoteba.”
4
Inwe ab’ororeria rwa Yakobo ne chiamate chionsi chi’Abaisraeli, igwa ring’ana ri’Omonene.
5
Aya naro Omonene agoteba: “Mbobe ki chisokoro chiaino chiaroche asende, erinde chigantiga, chikagenda gosasima emegwekano ere bosa?
6
Barabwo tibaboretie: Inee! Omonene oria otorusetie ase ense ya Misiri, ng’ai are? Ere nigo atoraaete ase erooro, ense eria ere enyomo ere namaoromomo, ense y’eguru‐gura enyomo pa ere ekiriri ki’amakweri. Ense eria omonto atarenge konyara goeta ase egati yaye, agwo omonto nonya noyomo atamenyete.
7
Nkabarenta ase ense y’omoigoto, monyare kogoka ase okwama kwaye na ebinto biaye ebiya. Korende ekero mwachete, mogakora ense yane ekaba entwambu, mogakora omwando one nabaete okaba okogechia.
8
Abakuani tibaboretie: Ng’ai Omonene are? Baria barenge kworokereria amachiko aane, tibamanyete inche; abagambi bagasaria asende; ababani bakaba bakobana ase erieta ri’enyasae ekorokwa Baali; barabwo bagatunyana na gokorera ebinto bitarenge kobakonya.”
9
Omonene otebire iga: “Inche ningendererete kobagambia inwe ekina, boigo ningambie abana baino, na ororeria rwabo.
10
Amboka gochia ase ebisinka bi’Abakuporo, morore, gose motome abanto gochia Kedari bauna‐unie buya, barore gose egento buna ekio kiana gokorekana aroro.
11
Inee! Gesaku kende kiana koonchoreria chinyasae chiaye, nonya tichiri echi’ekeene? Korende abanto baane bang’onchoreirie inche inde obonene bwabo, banchire egento getari kobakonya.
12
Inche Omonene nigo ngoteba iga: Inwe igoro chionsi, kumia ase ayio, kabe nobwoba, moiroke na koiguswa!
13
Abanto baane bakorire amabe abere: bantigire inche inde ensoko y’amache amaya ay’obogima; bakunyire ebisima biabo bi’amache, ebisima biremogete, bitanyare kogacha amache nonya ng’ake.”
14
“Inee! Abaisraeli nabasomba bare? Gose nigo baiboretwe bare abasomba? Onye taibo, nase ki rende bakoirwa ase obosomba?
15
Chindo chiarumire asebare, chiarumire namariogi amanene; chirochio chiasaririe ense yabo yabeire erooro; emechie yabo yabeire amaturi atamenyiri nabanto.
16
Abanto ba Memifisi na aba Tapanesi baikaranseire emetwe yaino.
17
Inee! Tari inwe abanyene mwerenteire emechando eye, ekiagera mwantigire inche Omonene, Nyasae oino, ekero naganetie kobaraa ase orogendo rwaino?
18
Ngento ki mogochia konyora ase okogenda Misiri konywa amache ’orooche rwa Sihori? Gose inki mogochia konyora ase okogenda Asuri konywa amache ’orooche rw’Eufarati?
19
“Obobe bwaino nabobarentere egesusuro; okogwa kwaino korwa ase okwegena nkogere motogonyerwe. Goika momanye na korora ng’a mwerenteire obobe na obororo ekero mwantigire inche Omonene, Nyasae oino, na timonyirogeti.” Nabo Omonene, Nyasae bw’Emeganda, atebire.
20
Naende Omonene otebire iga: “Agwo kare inwe nigo mwerusetie rikorogoto riaino, mokaba mwesiboire, mogateba: Titorigeti koba abakoreri b’Omonene. Igoro ase kera ekegoro egetambe, na inse ya kera omote omobese, mogatung’ama mogasasima, timwabete abegenwa asende.
21
Inche nkabasimeka buna omosabibu omuya, korwa ase chimbusuro chingiya mono. Naki rende inwe mwaonchokire na gwesaria, mwagwekanire omosabibu bw’orosana?
22
Inwe namoisa gwesiberia esabuni ere ne chinguru chi’okorusia riko, ebimoa bi’okomocha kwaino nigo bigendererete koba ase obosio bwane.
23
Naki inwe moranyare goteba: Titori abatachenegeti, titwabwatetie chinyasae chikorokwa Baali? Rigereria chinchera chiaino ase amakura ime, inyora na komanya egento mwakorire; mwabeire buna engamia eaberi ekominyoka gochia aaria na aaria.”
24
Mwabeire buna etigere eaberi y’orosana enarete ase erooro, ekero ere nokogania nigo ekoeyana mono na gwesesa. Ning’o oranyare gotanga etigere ase okogania kwaye? Etigere etuoni ekoyerigia tekwerosia enyene, ekiagera engaki yaye egoika eganetie erieme neoroke enyene.
25
Renda amagoro aino, timobaisa koba motari nebikoroto, naende timobaisa koba nerang’o. Korende inwe nigo mogoteba: Ayio namang’ana a bosa; nigo twanchete chinyasae chingeni, na echio chioka nachio torabe tokobwatia.
26
“Buna koreng’ana omoibi akoba nobosooku ekero abwatirwe, naboigo n’Abaisraeli bararore obosooku barabwo amo nabaruoti babo, na abanene b’oboruoti bwabo, na ababani babo.
27
Inwe mwensi abamogoteba ng’a, omote noro iso, ne rigena nario nyoko, nigo morasookigwe. Ayio nigo arakoreke, ekiagera mwantigire na kong’a amagega; timong’onchorereti amasio aino. Korende ekero more nemechando mwabora: Inchuo ototoorie.
28
“Inwe Abayuda, ng’ai chinyasae chiaino chire, echio mweroiseretie? Tiga chiche, erinde chibatoorie ekero more nemechando, ekiagera buna emechie yaino ere emenge, nabo nachirochio chire chinyinge.
29
Inche Omonene nakwanire iga: Nase ki mokwemurungania asende? Inwe mwensi mwasaririe asende.
30
Nkaa abana baino egesusuro, korende tikiabarongeetie. Emioro yaino abanyene egaita ababani baino, buna nigo yarenge endo egoita.
31
Inwe Abaisraeli b’ekegori eke, igwera ring’ana riane, inche Omonene. Inee! Inche nigo nabeire buna erooro asemore? Gose nigo nabeire buna ense y’omosunte ekerima asemore? Nase ki inwe abanto baane mogoteba ng’a mobwate obosibore, na timorigeti kong’iranera inche?
32
Inee! Omoiseke omwekungi nanyare kweba ebinto biaye bi’ogwechabera? Gose omoriakari nkweba are chianga chiaye chi’enyangi? Korende abanto baane banyebire ase amatuko amange mono.
33
Imomanyete buya mono korigia abanchi, nonya nabakungu abanyaka begire chinchera chiaino chimbe.
34
Chianga chiano nigo chibwate ebimoa bi’amanyinga ’abanto abataka batari nokomocha. Ekero mwabaitete timwabanyorete bakobochora chinyomba chiaino, korende nase okogania kwaino mwabaitete.
35
“Nigo mogendererete goteba: Intwe titori nokomocha, na ase ayio Omonene tari nendamwamu asetore. Ekiagera mwakanire ng’a timokoreti ebibe, nimbanachere ekina.
36
Nase ki mokwerosia kobwatia chinchera ching’ao? Inwe mwasookigwe n’Abamisiri buna mwasoogetigwe n’Abaasuri.
37
Nigo morarue asebare, mwetwegete amaboko ase emetwe, ekiagera Omonene bwangire abanto abwo mosemeretie, rirorio timokonyora ogosesenigwa amo nabarabwo.”
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52