bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 48
Jeremiah 48
Gussi (EBIBILIA ENCHENU) 2020
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
1
Aya naro Omonene bw’Emeganda, Nyasae bw’Abaisraeli, agoteba igoro y’Abamoabu: “Obobe nobwa Nebo, ekiagera osarigwe! Kiriataimu onyorire obosooku, ekiagera obwatirwe, chindwaki chiaye chiatagoirwe na obosooku bwachire,
2
ogotogigwa kw’Abamoabu gwasirire. Ababisa bare Hesiboni barobeirie gokora ense eria bobe. Nigo bagotebania: Inchuo tosirie abanto baye tibabaisa koba egesaku naende. Aye omochie o Madimena boigo nokirigwe‐kiri, omoro nokobwatie korwa nyuma.
3
Eriogi ri’okorera nariigugwe korwa Horonaimu, rigoteba: Ogotigara bosa na ogosirigwa okonene.
4
“Ense ya Moabu yasarigwe, abana baye nigo bakorera mono.
5
Nigo bagotiira gochia Luhiti bakorera; ekero bagotirimboka korwa Horonaimu, eriogi ri’okorera kw’ogosirigwa nigo rikoigugwa.
6
Tama! Motoorie obogima bwaino, mobe buna egetutu getigarete gioka ase erooro.
7
“Ekiagera inwe mosemeretie emeremo yaino, na obotenenku bwaino, inamwoswe moirwe ase obosomba, na enyasae eria Kemosi neirwe ase obosomba, amo nabakuani baye na abanene b’obogambi bwaye.
8
Oyio ogosaria na gosiria nachiche ase kera omochie, mochie onde togotooreka. Rikura amo nense omweya nabisarigwe, buna Omonene atebire.
9
“Kae ense ya Moabu chimbaba, eirurukere etame; emechie yaye yonsi nesirigwe, ebe amaturi atamenyiri na monto.
10
Oragererigwe omonto oria ogokora emeremo y’Omonene nobworo, na oragererigwe oria ogotanga omoro oye toitera amanyinga.
11
“Abamoabu babeire barendire bamenyete ase obotoereru korwa ase oboke bwabo. Babeire buna edivai etarakenonorwa korwa ase eturubo. Tibana koumorwa korwa ase ekebekerero ekemo gochia ase ekende, gose tibana gwoswa bairwe ase obosomba. Ase ayio rimisu riabo nabo rigendererete koba buna riarenge, na ogotioka kwabo tikwana koonchoka.
12
“Ase ayio, bono amatuko ngocha are, ndatome abaumori babaumore, erinde ebibekerero ebio bitigare bibe bosa, erio biatwe.
13
Na abanto ba Moabu nabarore obosooku ase enyasae eria Kemosi, buna Abaisraeli baroche obosooku ase enyasae ya Beteli oyio basemeretie.
14
“Naki mogoteba: Intwe nabarwani chituoni, abanto tore ne chinguru ase okorwana esegi?
15
Oyogosaria na gosiria ense ya Moabu na emechie yaye ochire; abamura baye bare abaya mono baitirwe. Nabo omoruoti, oyore Omonene bw’Emeganda, otebire.
16
Emechando y’Abamoabu yabeire ang’e mono, na egeku nigo gekoayerera kobachera.
17
“Inwe abwo momenyete ase chinsemo chiaye chionsi, nainwe abwo momanyete erieta riaye, morere! Motebe: Naki enyimbo eria ere nokobua na obonene yabunirwe!
18
Inwe abanto ba Diboni, ika korwa ase obonene bwaino, moikaranse inse ase amaroba; oyio ogocha gosiria Abamoabu nabachere inwe; atagore chindwaki chiaino chinkong’u.
19
Inwe abanto momenyete Aroeri, tenena ase enchera ensemo, motengere! Moborie abasacha abwo bagotama, na abakungu abagwetooria: Mang’ana ki ayio akorekire?
20
Ense ya Moabu yasookigwe, ekiagera yasirigwe; rera na kweumia! Tebia abamenyete ase chinsemo chi’orooche rw’Arinoni ng’a ense ya Moabu yasirigwe kegima.
21
“Ekina kianachirwe igoro y’ense eraire eimokererete igoro ya Holoni, na Yahasa, na Mefaati,
22
na Diboni, na Nebo, na Beti‐Dibulataimu,
23
na Kiriataimu, na Beti‐Gamuli, na Beti‐Meoni,
24
na Kerioti, na Bosira, na emechie yonsi y’ense ya Moabu ere aare na ang’e.
25
Chingunchara chi’Abamoabu chiabutoirwe, na amaboko abo abunirwe.” Nabo Omonene atebire.
26
“Kae Abamoabu banywe batinde, ekiagera beimokereirie igoro mamincha y’Omonene. Barabwo mbaroke, naende begara‐garie ime ase amaroki abo, abanto mbabasekerere.
27
Inee! Inwe timwabasekererete Abaisraeli? Abwo banyorekanete bare ase ekeombe ki’abaibi? Gose nase ki mwarenge gosinga‐singisia emetwe yaino ekero mware gokwana igoro yabo?
28
“Inwe abanto momenyete Moabu, karue ase emechie yaino, mogende komenya ase ebitare, mobe buna riruma rikoagacha egeswa kiaye ime y’omwenya bw’egetare.
29
Twaigure igoro y’oboenenu bw’Abamoabu; nigo bare abaenenu mono. Twaigure buna beimokereirie igoro, na buna bagwekaga na koba nobomwenu, na buna bare ne chinkoro chi’obwerori.
30
Inche Omonene nigo imanyete ribero riabo. Ogwetogia kwabo nigo kore okw’obong’ainereria, naboigo nogokora kwabo kore.
31
Ase engencho eyio, nindeere ense ya Moabu, nindeere abanto bonsi ba Moabu, boigo nindeere abanto ba Kiri‐Heresi.
32
Inwe abanto ba Sibuma, nimbareere mono kobua koreera abanto ba Yaeseri. Aye omochie o Sibuma nigo onga buna omosabibu, ne chinsagia chiao chiarandire gochia ng’umbu y’enyancha, chiaikire enyancha ya Yaeseri. Korende ekero kie rigesa omosaria ochire gosaria emesabibu na okwama kwabo.
33
Omogoko na omochengo biarusigwe korwa ase ense ya Moabu eyio ekwama ase obonge. Nasiririe edivai korwa ase ebimitero; monto onde tari okomita edivai ogotera ore nomochengo. Eriogi rigoakwa tiriri eri’omogoko.
34
“Abanto ba Hesiboni na ab’Eleale nigo bakorera, na eriogi riabo riaigurwe goika Eleale na Yahasi; boigo ndigugwe korwa ase Soari goika Horonaimu na Egilati‐Selisia. Na amache a Nimirimi nakame na gosira.
35
Ninsirie Abamoabu, abwo bakorua ebing’wanso agwo aase aimokererete igoro na gosamba ubani ase enyasae yabo.
36
“Ase igo enkoro yane nigo ekobareera Abamoabu na abanto ba Kireresi, ase eriogi buna eri’ekeroria. Obonda benyorerete bwasirigwe.
37
Kera omonto akigite etukia y’omotwe oye, ogingire ne chinderu chiaye boigo. Abanto bonsi nabekebe amaboko abo, na kweboyia chigunia ebinema biabo.
38
Ase chinyomba chionsi chi’ense ya Moabu, na ase chinchera chiaye, okorera gw’okweumia gwoka nakoigweke aroro, ekiagera naatire ense ya Moabu buna enyongo egwatwa, eyio monto onde atari gwechandera. Nabo Omonene atebire.
39
Abanto nkorera bare, bagoteba: Naki Abamoabu baitirwe na gosirigwa. Naki Abamoabu baonchoire amagega abo bare nobosooku, babeire egento ki’ogosekererigwa na eki’ogoichanerwa ase abanto bonsi ababaetanaine.”
40
Aya naro Omonene agoteba: “Egesaku gete nkeiruruke bwango buna ekeongo, kerambore chimbaba chiaye igoro y’Abamoabu.
41
Emechie amo ne chindwaki chire chinkong’u mbibwatwe. Ase rituko erio chinkoro chi’abarwani esegi ba Moabu bare chituoni nachiondoke; barabwo babe buna abakungu bakobina ase okoibora.
42
Abanto ba Moabu nabasirigwe kegima tibagenderera koba egesaku, ekiagera beimokereretie igoro mamincha y’Omonene.
43
Inwe abamomenyete Moabu, omoondoko, na eirima, na omoeto, nigo bibaganyete. Omonene otebire ayio.
44
Onde bwensi oratame ase engencho y’omoondoko nagwe ase eirima, na oyo orasoke korwa ase eirima nabwatwe nomoeto. Nindete ayio igoro y’Abamoabu ase omwaka ndabae egesusuro kiabo. Nabo Omonene atebire.
45
Abare gotama bagatenena ase ekiriri kia Hesiboni batari ne chinguru. Omorero okarua ase Hesiboni, chimeme chi’omorero korwa ase ense ya Sihoni, ogasaria amasio ’Abamoabu, na ogasamba ebiototeri bi’emetwe y’abanto banchete esegi.
46
Obobe nobwaino, inwe abanto ba Moabu! Abanto bagosasima Kemosi basirigwe. Abana baino abamura boosirwe, na abaiseke baino bairirwe obosomba.
47
“Korende ase amatuko agochi‐gocha ning’iranerie Abamoabu amaya abo. Nabo inche Omonene natebire.” Ayio naro arakoreke ase Abamoabu.
← Chapter 47
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 49 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52