bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 31
Jeremiah 31
Gussi (EBIBILIA ENCHENU) 2020
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
1
Omonene nigo agoteba iga: “Ase engaki egocha, inche nimbe Nyasae bw’ebisaku bionsi bi’Abaisraeli, na barabwo nababe abanto baane.”
2
Aya naro Omonene agoteba: “Abanto abwo batooregete korwa ase ogoitwa nemioro, mbanyorete amabera agwo ase erooro. Ekero Abaisraeli baganetie banyore obotoereru,
3
inche Omonene nkabaorokera korwa aare. Nabeire mbanchete nobwanchani bwa kare na kare. Ase ayio obuya bwane bwa botambe bwabang’usire.
4
Naende inwe Abaisraeli, abamore asende buna omoiseke omwekungi, nimbaagache nainwe moagacheke, mokong’e. Inwe namwechabere chinchigiri naende, erio mochenge mogotenga amo nabwo bagochenga.
5
Mosimeke emesabibu ase emegondo y’ebitunwa bia Samaria. Abwo barasimeke nabarie okwama okwo.
6
Rituko ngocha rire ekero abarendi bararangerie korwa ase ense y’ebigoro y’Efraimu, batebe: Imoka togende Sayoni ase Omonene Nyasae oito.”
7
Aya naro Omonene agoteba: “Tera neriogi ri’omogoko ase engencho y’abanto ba Yakobo, moake amariogi ase engencho yaye oyore omonene bw’ebisaku. Raria na goaka ng’a mbuya mono, erio motebe: Omonene obooririe abanto baye, abatigari b’Abaisraeli.
8
Rora, nimbarente korwa ase ense ya sugusu, mbasangererie korwa chinsinyo chi’ense. Amo nabarabwo mbachiche emeuko na ebirema, abakungu bare barito na abakobina baibore, nabairane aase aiga bare omoganda omonene.
9
Ekero barairane mbache bakorera, korende inche nimbatang’ane mbairanie gocha bagosaba. Nimbatang’ane gochia ase chindooche chi’amache, mbaeterie ase enchera engiya ase batagochwe. Inche nigo inde ise bw’Abaisraeli, na Efraimu nomwana one omotangi.
10
“Inwe abanto b’ebisaku, igwa ring’ana ri’Omonene, morirarie ase ebisinka na ase chinse chi’aare echire ang’e ne chinyancha, motebe: Oria osiarerete Abaisraeli, nabasangererie naende, ere nabarisie buna omorisia akorisia ching’ondi chiaye.
11
Omonene obooririe abanto ba Yakobo, obatooririe korwa ase amaboko ’abanto bare ne chinguru kobabua.
12
Nabachiche bagotera neriogi rinene igoro y’egetunwa gia Sayoni; nabaayerere gochia ase obuya bw’Omonene, gochia ase endagera, na edivai, na amaguta ’amazeituni, na ase chimanwa chie ching’ondi, na echie chimbori, ne chimori chie chiombe. Obogima bwabo nabobe buna omogondo ogoitororerwa amache; barabwo tibakogoya nonya ng’ake.
13
Erio abaiseke abekungi mbatenge na bagoke, abanto abake na abagotu nababe nomogoko. Ning’onchore ebirero biabo bibe omogoko. Nimbaremie, mbae omosasoko ribaga ri’omoichano.
14
Ninyigotie na goisanekia abakuani nebinto ebinoru; abanto baane mbaisaneke nobuya bwane. Nabo Omonene atebire.”
15
Aya naro Omonene agoteba: “Eriogi riaigurwe Rama, okorera na okweumia nobororo. Raeli nkobareera are abana baye; tancheti aremigwe ase engencho y’abana baye, ekiagera tibaiyo.”
16
Naende aya naro Omonene agoteba: “Tiga korera mono iga, takoiyeria amariga, ekiagera emeremo yao nenyorerwe eng’eria yaye, abwo nabairane korwa ase ense y’ababisa babo, Inche Omonene nakwanire.
17
Naende ngoteba iga: Ogosemeria nkore asore ase amatuko agochi‐gocha, na abana bao nabairane gocha ase ense yabo.
18
“Naigure Efraimu okorera, ogoteba: Aye kwang’akire ase okondongeyia, na inche narongeire buna emori etorokereiri, ng’iranie, na inche ning’iranigwe, ekiagera naye Omonene, Nyasae one.
19
Ekero nagotigete nigo neitetie, nkaonchoka; nyuma konorokererigwe, nigo neagete ebachwa, ngatureka omotwe one nkarora obosooku, ekiagera nabogoretie obosooku bw’obosae bwane.
20
“Inee! Efraimu tari omwana one nyanchete? Ere nere ongogetie mono. Nonya nkomotianera, nigo imorengereretie botambe. Enkoro yane nigo emwechanderete, ekeene, nimororere amabera.” Nabo Omonene atebire.
21
“Ebekere ebimanyererio ase enchera yao, beka ekiorokererio kegokoraa ase ogoetera. Rengereria mono igoro y’enchera enene, enchera eyio gwaeterete. Irana inwe Abaisraeli abamore buna omoiseke omwekungi, irana ase emechie yaino.
22
Ngoika ririri oragenderere konakoong’anya, aye omoiseke one otari omwegenwa? Omonene natonge ring’ana riyia ase ense, omokungu nabe okorenda omosacha.”
23
Aya naro Omonene bw’Emeganda, Nyasae bw’Abaisraeli, agoteba: “Ekero ndairanerie abanto bairetwe obosomba amaya abo, nabakwane naende amang’ana aya ase ense y’Abayuda na ase emechie ereo: “Omonene agosesenie aye obomenyo bw’abanyaboronge, aye ekegoro egechenu.
24
Abayuda mbamenye ase emechie yabo yonsi amo. Boigo abaremi na abarisia baria bakona‐koong’anya mbamenyeo.
25
Nintimokie na goisanekia abanto abwo barosire; na kera omonto ogoyire nimoisanekie na komoigotia.”
26
(Aroro agwo nkaboka korwa ase chitoro, nkarigereria, ne chitoro chiane nigo chiarenge chingiya asende.)
27
Omonene nigo agoteba iga: Amatuko ngocha are, ekero inche ndabusure ense y’Abaisraeli, na ey’Abayuda, ne chimbusuro chia mwanyabanto na echie ching’iti.
28
Buna nabeire mbarigereretie ase okobasimora, na kobatagora, na kobaonchorana, na kobasiria, na kobarentera amabe, naboigo ndabarigererie ase okobaagacha na kobasimeka. Nabo inche Omonene natebire.
29
Ekero amatuko aria araike, tibagokwana iga nonya ng’ake: “Abaise babo barire amasabibu amaroro, na amaino ’abana babo abeire nobokang’iti.
30
Kera omonto nigo arakwe ase engencho y’obobe bwaye omonyene. Kera omonto orarie amasabibu amaroro, amaino aye nabe nobokang’iti.”
31
Omonene otebire iga: “Rora, amatuko ngocha are, ekero ndakore okobwatana okoyia kw’ogotianania nenyomba y’Abaisraeli na ey’Abayuda.
32
Okobwatana okwo tigokoba buna koria nakorete ne chisokoro chiabo, ekero nabarusetie nokoboko kwane korwa ase ense ya Misiri, okwo basaretie nonya inche narenge buna omosacha obo.” Nabo Omonene atebire.
33
Naende Omonene nigo agoteba iga: “Oko nakwo okobwatana ndakore n’Abaisraeli nyuma y’amatuko ayio: Nimbeke amachiko aane ime yabo; ninyarike ase chinkoro chiabo. Inche nimbe Nyasae obo, na barabwo mbabe abanto baane.
34
Engaki eyio tibakogenderera kworokererania, kera omonto ogotebia omogisangio oye, gose oyomwabo: Manya Omonene, ekiagera bonsi pi nabamanye inche, korwa omonto omoke mono goika omonene mono. Inche nimbaabere obobe bwabo; tinkoinyora ebibe biabo nonya ng’ake,” Nabo Omonene atebire.
35
Aya naro Omonene agoteba, “Ere oyogotoa erioba riabara mobaso, na gochika omoroberio bw’omotienyi obara botuko amo ne ching’enang’eni, ere oyio ogoserokia enyancha erinde yaeera, oyio erieta riaye n’Omonene bw’Emeganda.
36
Omoroberio oyo obekirwe ase ebinto ebio oise korusigwa asende, ororeria rw’Abaisraeli nigo rorasire tirobao, tibakoba egesaku ase obosio bwane kogenderera botambe.” Nabo Omonene atebire.
37
Naende aya naro Omonene agoteba: “Igoro chionsi chiise korengwa na komanyekana, na amaroso ’ense aise gotukwa na komanyekana buna ere, erio inche nintugute ororeria rw’Abaisraeli ase engencho y’amang’ana ayio onsi bakorire.”
38
Omonene nigo agoteba iga: “Amatuko ngocha are ekero omochie oria oraagachwe naende asende, gochakera ase Omorobiri o Hananeli goikera ase Egeita gi’Ekoona.
39
Orobebe rwaye rw’okoyorenga narogende aare, rorongee gochia ase ekegoro kia Garebu, naende roonchoke rogende roike Goa.
40
Rikura rionsi rire nemebere ekwete, ne ribu, amo nemegondo yonsi ere agwo goikera akarooche ga Kidironi, na goika ekoona ekorokwa Egeita gie Chibarasi, gochia ase ensemo ya moocha; chinsemo echio nchibe chinchenu asende inche Omonene. Tichikoonchoranwa gose gosarigwa nonya ng’ake.”
← Chapter 30
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 32 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52