bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 36
Jeremiah 36
Gussi (EBIBILIA ENCHENU) 2020
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
1
Ase omwaka o kane bw’okogamba kwa Yehoyakimu, mosinto o Yosia, igoro y’Abayuda, ring’ana ri’Omonene rigacha ase Yeremia, rikamotebia,
2
“Imokia ebuku, orike ime yaye amang’ana onsi nakwanete naye igoro y’Abaisraeli na Abayuda, na igoro y’ebisaku bionsi. Orike kera egento gochakera rituko riria nakwanete naye, ekero Yosia arenge kogamba, goika rituko ria rero.
3
Ande nebe ng’a Abayuda mbaigwe amang’ana aria amabe naganirie gokora asebare, kera omonto nabaise koonchoka atige chinchera chiaye chimbe, na ase ayio, inche nimbaabere ogosaria kwabo na ebibe biabo.”
4
Erio Yeremia akarangeria Baruku, mosinto o Neria, akamotebia amang’ana onsi ere omonyene atebetigwe n’Omonene, na Baruku akaba okoyarika ase ebuku ekero Yeremia arenge koyakwana.
5
Yeremia agatebia Baruku iga: “Inche natangirwe tingenda ase enyomba y’Omonene.
6
Ase ayio, aye genda aroro ase rituko ri’okweng’ata osomere abanto amang’ana onsi ay’Omonene korwa ase ebuku eye kwarika ekero narenge koyakwana. Obasomere aase baranyare koigwa buya, obasomere n’Abayuda bonsi abwo barache korwa ase emechie yabo.
7
Ande nebe ng’a abanto abwo nabasabe Omonene na komosorora, na kera oyomo aonchoke atige chinchera chiaye chimbe, ekiagera Omonene okwanire ng’a narente endamwamu yaye enene, na ekeririanda igoro ase abanto aba.”
8
Ase ayio Baruku, mosinto o Neria, agakora onsi aya Yeremia konya amochikire, agasoma korwa ase ebuku amang’ana ’Omonene, agwo ase enyomba y’Omonene.
9
Ase omotienyi o kianda, omwaka o gatano bw’okogamba kwa Yehoyakimu mosinto o Yosia, omoruoti bw’Abayuda, abanto bonsi abamenyete Yerusalemu, na bonsi abaruete ase emechie y’Abayuda, bagacha Yerusalemu, bakararia ng’a abanto beng’ate ase obosio bw’Omonene.
10
Erio agwo ase enyomba y’Omonene, ekero abanto bonsi bategererete, Baruku agasoma amang’ana a Yeremia arikire ase ebuku eria abwate. Ayio nigo akorete ase eero ya Gema ria, mosinto o Safani omoriki. Eero eria nigo yarenge ase egoora ya rogoro agwo ase egesoero ki’Egeita Ekeyia ki’Omonene.
11
Ekero Mikaya mosinto o Gema ria, omochokoro o Safani, aigwete amang’ana ayio onsi ay’Omonene arikire ase ebuku eria,
12
agatirimboka gochia ase enyomba y’omoruoti, agasoa ase eero y’omoriki. Aroro agwo nao abanene aba bonsi b’oboruoti barenge baikaransete: Elisama omoriki, na Delaya, mosinto o Semaya, na Elinatani, mosinto bw’Akibori, na Geramia, mosinto o Safani, na Zedekia, mosinto o Hanania, amo nabanene bonsi.
13
Mikaya akabatebia amang’ana onsi aigwete ekero Baruku asomete ebuku eria ase abanto bategererete.
14
Erio abanene abwo bonsi bagatoma Yehudi mosinto o Netania, omochokoro o Selemia, omocho kororia o Kusi, korangeria Baruku na komotebia, “Imokia ebuku eyio gwasoma ase abanto bategererete, ochiche nero.” Ase ayio Baruku, mosinto o Neria, akabogoria ebuku eria, aga cha asebare,
15
bakamotebia, “Ikaransa, otosomere ebuku eyio.” Na Baruku agakora bo.
16
Ekero baigwete amang’ana ayio, bakaonchoka bakarigererania bare nobwoba, bagatebia Baruku, “Goika totebie omoruoti amang’ana aya.”
17
Erio bakaboria Baruku, “Totebie, naki gwakorete okarika amang’ana aya onsi? Inee! Nigo kwayarigete ekero Yeremia are koyakwana?”
18
Baruku akabairaneria, akabatebia, “Ee, ekero Yeremia agendererete gokwana amang’ana aya, inche nario nagendererete koyarika newino ase ebuku eye.”
19
Erio abanene baria b’oboruoti bakamotebia, “Aye amo na Yeremia, genda mwebise. Timobaisa komanyia monto onde ase more.”
20
Abanene baria bakaira ebuku eria, bakayebeka ase eero eria y’Elisama omoriki, erio bakagenda ase omoruoti agwo ase egoora, bakamotebia amang’ana ayio onsi.
21
Erio omoruoti agatoma Yehudi agende korenta ebuku eria. Yehudi akayerenta korwa ase eero y’Elisama omoriki, erio akayesomera omoruoti amo nabanene bonsi b’oboruoti bwaye, abwo bamoetanaine.
22
Engaki eria ase omotienyi o kianda nigo yarenge ey’obokendu, na omoruoti nigo aikaransete ase enyomba amenyete ekero keria, na omorero nigo ore gwoka ase eriko bosio bwaye.
23
Ekero Yehudi asomire chinsemo isato, gose inye, chi’amang’ana aria, omoruoti akabogoria omoyio, agachinachana, agachiruta riko ase omorero, chikayia. Omoruoti akagenderera kona‐gokora boigo goika ebuku eria yonsi ekayia ekaera ase omorero oria.
24
Korende ase abanto aba, omoruoti gose abasomba baye, abwo baigwete amang’ana aria agosomwa, onde tabete nobwoba, gose tibatandorete chianga chiabo.
25
Nonya nekero Elinatani, na Delaya, na Gemaria basororete omoruoti ng’a tabaisa gosamba ebuku eria, tabaigwerete.
26
Erio omoruoti agachika Yerameeli, momura oye, na Seraya, mosinto bw’Asirieli, na Selemia, mosinto bw’Abudeeli, ng’a babwate Baruku omoriki amo na Yeremia omobani, korende Omonene konya obabisire.
27
Nyuma omoruoti gasambire ebuku eria yabwate amang’ana aya Baruku arigete ekero Yeremia are koyakwana, ring’ana ri’Omonene rigacha ase Yeremia, rikamotebia,
28
“Imokia ebuku ende, orike amang’ana aria onsi arenge ase eria entang’ani, eria Yehoyakimu, omoruoti bw’Abayuda, asambete.
29
Otebie Yehoyakimu, omoruoti bw’Abayuda ng’a aya naro Omonene agoteba: Aye gwasambire ebuku eye na koboria Yeremia ng’a nase ki arikire amang’ana imeo ng’a omoruoti o Babeli nachiche asarie ense eye na gosiria abanto bonsi ne ching’iti chionsi.
30
Ase ayio, aya naro Omonene agoteba igoro ya Yehoyakimu, omoruoti bw’Abayuda: Omonto takonyorekana ase ororeria rwaye oragambe ase ekerogo ki’obonene gia Daudi. Omobere o Yehoyakimu okwete notugutwe isiko obe aroro ase omobaso omororo na ase obokendu bwa botuko.
31
Ere amo nororeria rwaye na abasomba baye nimbae egesusuro ase engencho y’ebibe biabo. Nindete igoro asebare, na ase abanto ba Yerusalemu, na Abayuda, amabe onsi aria nakwanete ng’a nimbayarentere, nonya nabo bakaanga koigwera.”
32
Erio Yeremia akaimokia ebuku ende, akayea Baruku omoriki, mosinto o Neria; nere akarika ase ebuku eyio amang’ana aya Yeremia akwanete. Akarika amang’ana onsi aria arenge ase ebuku eria entang’ani, eria Yehoyakimu, omoruoti bw’Abayuda, asambete ase omorero. Boigo amang’ana ande amange buna ayio namentetwe ase ebuku eyio.
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 37 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52