bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 17
Jeremiah 17
Gussi (EBIBILIA ENCHENU) 2020
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
1
“Ebibe bi’Abayuda nigo birikire nekaramu y’ekioma, na komang’erwa ne rigena rikong’u rikorokwa alimasi, ase chinkoro chiabo ime, na ase emegwekano ye chingunchara ere ase ebisasimero biabo.
2
Naboigo abana babo nigo bagendererete gosasima ase ebisasimero biabo, na ase emete yabo y’Asera, enyasae yabo enkungu, na ase emete emebese, na ase ebigoro ebitambe,
3
na ase ebitunwa bire ase egetii aarabu. Nindue obotenenku bwaino ne chinibo chiaino, bisakorwe biirwe, na nigo moegwe egesusuro ki’ebibe biaino mwakorire ase ense yaino yonsi.
4
Ase ayio namotige omwando oyo nabaete, na inche mbatige mokorere ababisa baino ase ense inwe motamanyeti, ekiagera endamwamu yane nigo ere buna omorero outire, nosambe kogenderera botambe.”
5
Aya naro Omonene agoteba: “Oragererigwe omonto oyo osemeretie mwanyabanto na kwegena chinguru chia mwanyabanto, oyio okoonchoka ase enkoro yaye ontiga inche Omonene.
6
Omonto oyio nigo anga buna egetutu ki’erooro kiomire, takorora amang’ana ande onsi amaya akomochera. Namenye aase aomo agwo ase erooro, ase ense ere nomonyo etamenyiri na onde.
7
“Nasesenirie omonto oria omosemeretie Omonene, ekiagera Omonene nere ogosemeria kwaye.
8
Omonto oyio nigo anga buna omote osimekire ase orooche mbarabare, na emeri yaye nigo ekoranda gochia ase orooche ime. Omote oyio tori kwoboa eguru‐gura, ekiagera amato aye nigo akogenderera koba amabese; tori gochandeka ase engencho y’eguru‐gura, tori gotiga kwama okwama kwaye.
9
“Enkoro nigo ere eng’ainereria mono goetania ebinto bionsi, na nigo ere ensareku kegima. Ning’o orayemanye buna ere?
10
Inche Omonene nigo nkoriga‐rigia ebirengererio bia mwanyabanto, na korenga chinkoro chiabo, erinde ng’ee kera omonto koreng’ana ne chinchera chiaye, na buna okwama kw’ogokora kwaye kore.”
11
Omonto okonyora obotenenku ase enchera y’obong’ainereria, nigo anga buna enkware ekorarera amagena etabiareti. Obotenenku obwo nigo bogosira korwa asare gaikire obogima bwaye gati, ase omoerio oye nigo agotigara ore omoriri.
12
Aase Hekalu yaito Enchenu ere, nao agwo ekerogo ki’obonene kiabegetwe korwa omochakano.
13
Aye Omonene ore ogosemeria kw’Abaisraeli, abanto abwo bagotigire nigo banyorire obosooku; ee, abwo baonchokire na kogotiga nigo barasire buna ririko ririkire ase riroba, ekiagera bagotigire aye Omonene ore ensoko y’amache are moyo.
14
Aye Omonene, ingwenie, nainche ningwene; intoorie, nainche nintooreke, ekiagera naye ngotogia.
15
Rora, abanto nigo bakomboria: “Ng’ai ring’ana ri’Omonene rire? Tiga riikeranigwe.”
16
Omonene, tinana gotiga koba omorisia gose gotiga kogotunyana, gose tinana kogania ng’a rituko ri’ogosiria richiche. Omonene, nomanyete amang’ana ayio. Aya nakwanete nigo akwanetwe ase obosio bwao.
17
Tobaisa kong’ondokia, ekiagera naye ore obotamero bwane ase rituko ri’emechando.
18
Abanto abwo bagonchanda tiga barenterwe obosooku, korende inche timbaisa korenterwa obosooku. Barabwo tiga baichanigwe, korende inche ting’ichanigwa. Rituko ri’emechando tiga richiche igoro asebare, basirigwe nogosirigwa ara kabere.
19
Aya naro Omonene antebetie: “Genda otenene ase Egeita ki’Abanto, agwo ase abaruoti b’Abayuda bagosoera na gosokera, naende ase ebiita binde bionsi bia Yerusalemu,
20
obatebie iga: Inwe abaruoti b’Abayuda na inwe Abayuda mwensi, na inwe mwensi aba Yerusalemu, aba mogosoera ebiita ebi, igwa ring’ana ri’Omonene.
21
Aya naro Omonene agoteba: Onye moganetie gotooria obogima bwaino, mwerende, timobaisa kobogoria egurube ende yonsi ase rituko ri’Esabato, gose koyesoyia ase ebiita bia Yerusalemu ase rituko erio.
22
Rituko ri’Esabato timobaisa gosokia egurube ende yonsi korwa ase chinyomba chiaino na koyebogoria, gose timobaisa gokora emeremo ende yonsi, korende morende rituko ri’Esabato ribe richenu, buna nachigete chisokoro chiaino.
23
Korende barabwo nigo baangete tibaigwerete gose gotegerera; nigo barenge abanyabigoti bikong’u ng’a tibabaisa koigwa na gwancha amorokererio.
24
“Naende Omonene nigo agoteba iga: Monyigwere, timorenta egurube ende yonsi ase ebiita bi’omochie oyo ase rituko ri’Esabato; morende rituko ri’Esabato ribe richenu, na timokora emeremo ende yonsi ase rituko erio.
25
Komoranyigwere igo, rirorio abaruoti abarache goikaransa ase ekerogo ki’oboruoti gia Daudi nabasoere ase ebiita bi’omochie oyo. Abaruoti abwo amo nabanene b’oboruoti obwo, na abanto ba Yuda, na aba Yerusalemu, nababe bakoriina ne chibarasi, na abanto nabagenderere komenya ase omochie oyo botambe.
26
Abanto nabachiche korwa ase emechie y’Abayuda, na korwa ase chinsemo chionsi chiaetanaine Yerusalemu, na korwa ase ense ya Benjamin na ense omweya, na korwa ase ense y’ebitunwa, na Negebu. Barabwo mbarente ase enyomba y’Omonene ebing’wanso bi’ogosambwa, na ebing’wanso binde, na okoruegwa kw’endagera, na ubani, na okuruegwa gw’okoiraneria ng’a mbuya mono.
27
Goika monyigwere, erinde morende rituko ri’Esabato ribe richenu, gose timobaisa gosoyia egurube ende yonsi ase ebiita bia Yerusalemu ase rituko erio. Onye timokonyigwera, rirorio inche nintongie omorero ase ebiita bi’omochie oyio, noro nosambe na osirie chinyomba chi’oboruoti chire agwo Yerusalemu, na omorero oyio tokorimigwa.”
← Chapter 16
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 18 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52