bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 25
Jeremiah 25
Gussi (EBIBILIA ENCHENU) 2020
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
1
Ase omwaka o kane bw’okogamba kwa Yehoyakimu mosinto o Yosia, omoruoti bw’Abayuda, ring’ana ri’Omonene rigacha ase Yeremia, rikamotebia amang’ana igoro y’Abayuda bonsi. (Oyio noro orenge omwaka omotang’ani bw’okogamba kwa Nebukadinesaro, omoruoti o Babeli.)
2
Yeremia omobani agakwana amang’ana ayio ase Abayuda bonsi na ase abanto bonsi ba Yerusalemu, akabatebia,
3
“Ase engaki y’emiaka emerongo ebere na etato, gochakera omwaka o ikomi na gatato bw’okogamba kwa Yosia mosinto bw’Amoni, omoruoti bw’Abayuda, goika rituko ria rero, ring’ana ri’Omonene riabeire rigochicha asende, na inche nabeire nkoribatebia inwe ntari gotiga, korende inwe mwabeire mokwanga koriigwera.
4
Ase chingaki echi chionsi Omonene obeire okobatomera abasomba baye ababani, atari gotiga, korende mwangire koigwera, gose gotegerera moigwe.
5
Abwo babeire bakobatebia,” “Kera oyomo oino aonchoke atige chinchera chiaye chi’ebibe na ogokora kwaye okobe, erio nario moramenye ase ense eye Omonene aete chisokoro chiaino kare, nainwe obayeeire ebe eyaino kogenderera botambe.
6
Nigo babakanetie ng’a timobaisa koonchokera chinyasae ching’ao ase ogochikorera na gochisasima; mobaise kogechia Omonene abe nendamwamu ase emeremo y’amaboko aino. Moise koigwera amang’ana ayio, rirorio Omonene takobaa egesusuro.
7
Omonene nigo agoteba iga: Nonya naboigo timwanyigwerete. Ribaga ri’ayio nigo mwangechetie nkaba nendamwamu ase engencho y’emeremo y’amaboko aino, na nkabaa egesusuro.”
8
“Ase ayio, aya naro Omonene bw’Emeganda agoteba: Ekiagera mwabeire mokwanga konyigwera,
9
nindangerie ebisaku bionsi bia sugusu, na Nebukadinesaro, omosomba one, omoruoti o Babeli. Barabwo nimbarente barwanie ense eye na abanto bareo, naende barwanie ebisaku bionsi bietanaine aiga. Ninsirie abanto b’aiga kegima, nimbakore babe egento ki’ogoichanerwa na eki’ogosekererigwa, na ense eye nebe bosa kogenderera botambe.
10
Ninsirie korwa asebare eriogi ri’omogoko na eri’omochengo, na eriogi ri’omonyuomi na eri’omoriakari. Eriogi ri’orogena rogosia tirikoigugwa, gose oborabu bwe chitaya tibokobao.
11
Ense eye yonsi nesareke ebe amaturi na ebisaku ebi nabimokorere omoruoti o Babeli ase engaki y’emiaka emerongo etano na ebere.
12
Nyuma y’emiaka emerongo etano na ebere koyaerire, ning’ee omoruoti o Babeli amo negesaku kiaye, na ense y’Abakalidayo, egesusuro ase engencho y’ebibe biabo; ninkore ense eria ebe bosa kogenderera botambe. Nabo Omonene atebire.
13
Amang’ana onsi nakwanete igoro ya Babeli, ayarikire ase ebuku eye, ayio Yeremia abanete mamincha y’ebisaku bionsi, ninyarente igoro ase ense eria.
14
Nimbaakane obobe bwabo na emeremo y’amaboko abo. Ebisaku ebinge na abaruoti abanene nabakore abanto ba Babeli babe abasomba babo.”
15
Aya naro Omonene, Nyasae bw’Abaisraeli, antebirie: “Bogoria egekombe eke ki’edivai y’endamwamu korwa ase okoboko kwane, erio oe ebisaku bionsi ase ndagotome gochia, biyenywe.
16
Barabwo banywe, batinde bataba‐tabe, babe buna chiosi, ase engencho y’esegi ndarente igoro asebare.”
17
Ase ayio nkaimokia egekombe keria korwa ase okoboko kw’Omonene, nkaa ebisaku bionsi ase antomete gochia, nkabinyoisia edivai eria y’endamwamu yaye.
18
Yerusalemu na emechie yonsi y’Abayuda, amo nabaruoti na abanene b’oboruoti bwabo, bakaegwa bakanywa edivai eria, erinde ense yabo esarigwe ebe bosa, na abanto bakorora ayio mbakumie babachaye, na baragererie ase erieta riabo, buna ere goika rero iga.
19
Aba nabwo abanto bande banyosetigwe edivai eria: Farao, omoruoti o Misiri, na abasomba baye, na abanene b’oboruoti bwaye, amo nabanto baye bonsi,
20
abanto bonsi abamenyete amo nabarabwo, na abaruoti bonsi b’ense ya Usi, na abaruoti b’Abafilisti baare ase emechie y’Asikeloni, na Gasa, na Ekironi, na abatigarete b’Asidodi;
21
abanto ba Edomu na Moabu, na ab’Amoni;
22
abaruoti bonsi ba Turo na Sidoni, na ab’ebisinka, na abe chinse chire ng’umbu mbarabare y’enyancha;
23
emechie ya Dedani, na Tema, na Busi, na abanto bonsi abwo bakonacha chitukia chiabo;
24
abaruoti bonsi b’Arabia na ab’ebisaku ebio bisang’anaine bimenyete ase erooro;
25
abaruoti bonsi ba Simuri, na Elamu, na Media;
26
abaruoti bonsi ba sugusu, abare aare na abare ang’e, kera oyomo nanywe edivai eria, na oyonde amobwatie. Amaruoti onsi pi are ase ense nanywe edivai eyio. Erio omoruoti o Sesaki, noro Babeli, nabe oyo bw’omoerio koyenywa.
27
Erio ngatebigwa ng’a mbatebie amang’ana aya: “Aya naro Omonene bw’Emeganda, Nyasae bw’Abaisraeli, agoteba: Kanywe, motinde na moroke, mogwe inse na timoimoka naende, ase engencho y’esegi ndarente ase egati yaino.
28
Abanto abwo kobaraange kobogoria egekombe ekio korwa ase okoboko kwao na konywa edivai eria, obatebie ng’a aya naro Omonene bw’Emeganda atebire: Goika moyenywe.
29
Naama! Inche nachakire korenta amabe igoro ase omochie oyio okorokwa ase erieta riane. Inee! Nigo mokorengereria ng’a nigo moratigwe timoegwa egesusuro? Goika monyore egesusuro, ekiagera nindete esegi erwanie abanto bonsi bamenyete ase ense.” Nabo Omonene bw’Emeganda atebire.
30
“Aye Yeremia, obane amang’ana aya onsi igoro asebare, obatebie: Omonene narume korwa igoro, naake eriogi riaye korwa ase obomenyo bwaye obochenu. Narume ne chinguru igoro ye riicho riaye; naake eriogi buna eri’abanto bakomita amasabibu. Naake eriogi buna eri’ebanto bonsi bamenyete ase ense.
31
Eriogi riaye nariigweke ase chinsinyo chionsi chi’ense, ekiagera Omonene nabwate ekina nebisaku bionsi. Narente abanto bonsi ase ekina, abakori amabe nabaitwe nemioro. Inche Omonene nakwanire.”
32
Aya naro Omonene bw’Emeganda agoteba: “Rora, obobe naboche ase egesaku ekemo, bogende ase ekende, na ekembugu‐mbugu nageche korwa ase chinsinyo chi’ense.
33
Ase rituko riria emebere y’abanto baraitwe n’Omonene, nesiarerwe korwa ase ensinyo eyemo y’ense goika eyende. Abwo tibakoreerwa, gose gosangererigwa na gotindekwa. Nababe buna obwoyo ase ense.
34
“Inwe abarisia, bokia amagombo morere! Inwe abanene be riicho, egara‐garie ase ribu, ekiagera rituko ri’okonyenywa kwaino na ogoserebanigwa kwaino riachire; namosirigwe mogwe buna chimingichi chiachorirwe chinyenywe.
35
Abarisia tibakonyora ase baratamere; abanene be riicho tibagotooreka.
36
Igwa eriogi ri’okorera kw’abarisia, na okobokia kw’amagombo kw’abanene be riicho. Omonene osaririe oborisia bwabo.
37
Obomenyo bwarenge bw’obotoereru bwasarigwe ase endamwamu entindi y’Omonene.
38
Omonene otigire abanto baye, buna endo egotiga riraro riaye. Ense yabo yasarigwe na gotigwa bosa, ase engencho y’obotindi bw’abachandi, na ase engencho y’endamwamu entindi y’Omonene.”
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52