bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 51
Jeremiah 51
Gussi (EBIBILIA ENCHENU) 2020
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
1
Aya naro Omonene agoteba: “Rora, inche ninseegete omoika bw’ogosiria Babeli na abanto bamenyete aroro bare mamincha yane.
2
Ase rituko riria ri’emechando nintomere abanto ba Babeli abairuri babairure, batige ense yabo ebe bosa.
3
Timobaisa gotiga abarwani bakumbe amata na korasa chinsara chiabo, gose kobeka chigoti chi’ebioma. Timororera abamura b’aroro amabera. Mosirie abarwani baye b’esegi bonsi pi.
4
Abanto abwo mbaitwe ase ense y’Abakalidayo, babe bakwete ase chinchera chi’emechie yabo.
5
Nyasae, Omonene bw’Emeganda, tatigeti Abaisraeli na Abayuda, nonya ense yabo yabeire nebibe ebinge ase Omonene ore omochenu bw’Abaisraeli.
6
Tama korwa Babeli, kera omonto atoorie obogima bwaye. Timobaisa gosirigwa ekero ense eyio eraegwe egesusuro kiaye, ekiagera eye nero engaki Omonene akorusia egesiomba, ayeakane buna koreng’ana nogokora kwaye kore.
7
Babeli nigo yarenge buna egekombe gi’etahabu ase okoboko kw’Omonene; ebisaku bionsi bi’ense bikanywera korwa ase kerokio bigatinda. Ebisaku bikanywa edivai ya Babeli, erio bigatinda, bikaba buna chibarimo.
8
Babeli ogure mobosokano na gosirigwa, Yoreere mobogorie amaguta akogwenia amaote aye, ande nabo ense eria erabaise kogwenigwa.
9
Nanga nabo twagwenetie Babeli, korende togwenetigwe. Togende, totige Babeli; kera omonto agende ase ense yaye, ekiagera obobe bwa Babeli bwaikire igoro nonya nase amare.
10
“Omonene otorenteire oboronge bwaito. Inchuo torarie ase Sayoni emeremo y’Omonene, Nyasae oito.
11
“Tieria chinsara! Imokia chinguba! Omonene oseegetire emeika y’abaruoti b’Abamedi, ekiagera nigo aroberetie gosiria Babeli. Ekio negesiomba Omonene akoruseria Hekalu yaye.
12
Tenenia ebendera ase chindwaki chia Babeli! Kora oborendi bobe obokong’u ase okobeka abarendi. Beka abanto bebise na koboa, ekiagera Omonene orobeirie na goikerania amang’ana aria akwanete ase abanto bamenyete Babeli.
13
Aye omenyete aase amache amange are, ore omonda bwe chinibo chinyinge, korende omoerio oo oikire, naboigo na okogania kwao okonge.
14
Omonene bw’Emeganda bwetianirie ogoteba: Ekeene, ninkorentere abanto abange mono buna chingige, bachiche gokorwania, na barabwo nabakobue na baake eriogi ri’obobui.”
15
“Omonene nere otongete ense ase okobua kwaye, nere oyetenenetie goetera ase obong’aini bwaye, na ase okomanya kwaye akarambora igoro.
16
Ekero agokwana neriogi riaye, amache are igoro nigo akoruma. Nigo agokora ritaturi riaimokerera igoro korwa ase chinsinyo chi’ense. Nigo akomesia na korenta embura, naende orenta omwaga ogusa korwa ase ebigachero biaye.
17
Kera omonto nigo are omoriri, tamanyeti gento, na kera omoroisia etahabu nigo agosookigwa nemegwekano yaye y’ogosasimwa, ekiagera emegwekano eyio ney’obong’ainereria, tebwati omoika ime yaye.
18
Eyio nigo ere bosa, nesekererwe, ekero eraegwe egesusuro, nesirigwe.
19
Korende oyore egetari o Yakobo tagwekaini emegwekano eyio; nere otongete ebinto bionsi. Abaisraeli nigo bare egesaku ki’omwando oye; Omonene bw’Emeganda nario erieta riaye.”
20
“Aye nenturago na ekerwanero kiane gi’esegi; goetera asore ning’ake ebisaku bibe ebisamunye, ninsirie amaruoti.
21
Goetera asore ninsamunyore chibarasi na abanto bachiriinete; ninsamunyore ne chigari na abagochigendia.
22
Goetera asore ninsamunyore abasacha na abakungu, ninsamunyore abanto abagotu na abake, ninsamunyore abamura na abaiseke;
23
goetera asore ninsamunyore abarisia ne riicho riabo, ninsamunyore abaremi ne chiombe chiabo; boigo goetera asore ninsamunyore abagavuna na abachiki.”
24
Omonene nigo agoteba iga: “Agwo ase amasio aino ning’akane Babeli na Abakalidayo bonsi obobe bwabo bwonsi bakorete ase Sayoni.
25
Aye egetunwa kegosiria, gwasiririe ense yonsi, rora, inche nabeire mamincha yao; nindambore okoboko kwane asore; nkobwate ngoturunkanie korwa ase emienya y’ebitare, erio nkoonchore obe egetunwa giasambirwe.
26
Igena rinde tirikorusigwa asore ribe eri’ekoona, gose kobekwa ase oboroso, korende aye nosarigwe ogenderere koba ritongo kogenderera botambe.” Nabo Omonene atebire.
27
“Tenenia ebendera y’esegi igoro ase ense! Bugia egetureri ase egati y’ebisaku! Beka ebisaku ang’e birwanie Babeli. Rangeria amaruoti ayorwanie, ee, rangeria Ararati, na Mini, na Asikenasi. Chora abatang’ani b’esegi bayoumokere. Renta chibarasi chinyinge buna chingige chikogosa.
28
Beka ebisaku ang’e biche korwania Babeli. Rangeria abaruoti b’Abamedi amo nabagavuna na abakonyi babo, na kera ense ere ase obogambi bwaye.
29
Erio ense etengeche na koiguswa ase obororo, ekiagera omoroberio bw’Omonene bw’ogosaria Babeli noikeranigwe, na ere nasirie ense eyio ebe bosa temenywa na monto.
30
Abarwani chituoni ba Babeli batigire korwana esegi. Nigo bagendererete kobeera ase chiburi ime, ekiagera tibari ne chinguru, babeire buna abakungu. Chinyomba chia Babeli chiasambirwe, na emekorogoto yabo y’ebiita yabunirwe.
31
Omominyoki oyomo naminyoke aumerane noyonde, na omotomwa oyomo naminyoke aumerane noyonde, kogenda gotebia omoruoti o Babeli ng’a omochie obwatirwe ase chinsemo chiaye chionsi,
32
naende ng’a ebiambokero biabwatirwe, amaagacho ogwekengera asambirwe nomorero, na abarwani esegi baondokire.
33
Aya naro Omonene bw’Emeganda, Nyasae bw’Abaisraeli, agoteba: Abanto ba Babeli babeire buna ekeooreri gi’okoorera kiaroisigwe ase ogotachwa. Engaki netigarete enke, erio rigesa riaye riike.
34
“Nebukadinesaro, omoruoti o Babeli, ondiire, onsegenyire; ontigire inde bosa buna ekebekerero getabwati gento. Omerire inche buna enchoka ekomera egento. Oichoirie enda yaye nebinto biane ebiya, ontigire inde bosa.
35
Obobe bw’obotindi bwakoretwe asende na ase abaminto nabobekwe igoro ya Babeli. Tiga abanto ba Sayoni batebe: Okomocha kw’ogoiterwa kw’amanyinga aito, tiga kobe igoro ase Abakalidayo.”
36
Ase ayio aya naro Omonene agoteba: “Naama! Nimbarwanerere inwe, mbaruserie egesiomba. Ninkamie enyancha ya Babeli, nkamie ne chinsoko chiaye chionsi.
37
Babeli nosirigwe obe etui y’amatongo ase chisese chi’orosana chiramenye. Abanto tibakomenya aroro, korende nigo barabe bagoichanigwa na koyochecheria.
38
Abanto ba Babeli nabaronye amo buna chindo chikoronya; nabarere buna chindo chinsae.
39
Ekero bare ne ribero rinene, nimbakorere omoyega, erinde banywe, batinde na kogoka. Erio barare chitoro chintambe, tibaboka. Nabo inche Omonene natebire.
40
Nimbarente banyenywe buna chimanwa chie ching’ondi, ne chimingichi amo ne chigoree chikonyenywa.”
41
“Naki Sesaki, nero Babeli, eyere ogotogigwa gw’ense yonsi, yabwatirwe na koondokia ebisaku binde!
42
Enyancha yaumokire igoro ase Babeli, emerindo y’enyancha yayetubire.
43
Emechie y’ense eyio yasirigwe yabeire ey’okoondokia, yabeire enyomo na erooro, ense etamenyiri na monto onde, na mwanyabanto onde tagoeta aroro.
44
Ning’ee enyasae Beli ya Babeli egesusuro, nindusie korwa ase omonwa oye ebi yamerete. Ebisaku tibikogenderera gocha ase enyasae eyio. “Chindwaki chia Babeli chiagure.
45
Inwe abanto baane, tama morue aroro! Kera omonto atoorie obogima bwaye korwa ase endamwamu enene y’Omonene.
46
Timokwa emioyo, gose timoiroka, ekero moraigwe amang’ana agocha ase ense. Omwaka oyomo nigo moraigwe amang’ana gete, na omwaka onde moigwe ayande. Boigo obotindi nigo bore ase ense, na omogambi oyomo nigo akorwana noyonde.
47
Ase ayio, amatuko ngocha are, ekero ndarente egesusuro ase emegwekano y’ogosasimwa ya Babeli. Ense eyio yonsi nenyore obosooku, na abanto baye mbaiterwe aroro agwo.
48
Erio igoro na ense, na ebinto bionsi bireo, mbitere nomochengo, ekero abasaria bararue sugusu gocha gosaria Babeli. Nabo inche Omonene natebire.
49
Babeli goika esirigwe, ekiagera yagerete Abaisraeli abange bagakwa, naende boigo yaitete abanto abange mono b’ense yonsi.”
50
“Inwe abamwatoorekire korwa ase emioro, genda, timobaisa gotebana. Mong’inyore inche Omonene, ekero more ase ense y’aare, moyorengererie mono Yerusalemu.
51
Inwe nigo mogoteba: Intwe twanyorire obosooku, ekiagera twabeire togochecherigwa. Obosooku bw’ogochaywa bwatubire amaiso aito, ekiagera abanto b’egesaku ekegeni basoire chinsemo chinchenu chi’enyomba y’Omonene oito.
52
Inche Omonene nigo ngoteba iga: Ase engencho eyio, rora, amatuko ngocha are, ekero ndanachere emegwekano egosasimwa ya Babeli ekina na abanto bonsi baakirwe chingoma nababe bakonakweumia ase ense eyio yonsi.
53
Babeli, noisa gotiira gochia igoro, noisa kwegitera chindwaki chinkong’u, ne chintambe gochia igoro, inche nintome abagosiria bayosirie. Inche Omonene nakwanire.”
54
“Tegerera moigwe ekerero gekorwa Babeli. Eriogi ri’ogosirigwa okonene riarure ase ense y’Abakalidayo.
55
Inche Omonene nasiririe Babeli; nakiririe amariogi amanene arengeo. Emerindo egocha aroro nigo ekoeera buna amache amange, eriogi riabo rinene nigo riraigugwe.
56
Abagosiria bachire gosiria Babeli; abarwani baye chituoni bairirwe, amata abo abunirwe. Inche Omonene Nyasae nigo inde Nyasae bw’ogoakana egesiomba, ekeene goika ngeakane kegima.
57
Ninyoisie na gotindia abanene b’oboruoti bwa Babeli na abanto baye abang’aini; na abagambi baye, na abachiki baye, na abarwani baye chituoni. Barabwo mbarare chitoro chintambe, tibaboka. Nabo inche omoruoti inde Omonene bw’Emeganda ngoteba.”
58
Aya naro inche Omonene bw’Emeganda ngoteba: “Chindwaki chinetu chia Babeli nachiyerigwe inse, na ebiita biaye ebitambe gochia igoro mbisambwe nomorero. “Emeremo abanto bagokora nebe bosa; ebisaku nigo bikwerosia bosa ase emeremo erasambwe nomorero.”
59
Aya naro amang’ana Yeremia omobani achigete Seraya mosinto o Neria, omochokoro o Maaseya, ekero agendete Babeli amo na Zedekia, omoruoti bw’Abayuda, ase omwaka o kane bw’okogamba gwa Zedekia. Seraya nigo arenge omoteneneri bw’aase agotimokerwa.
60
Yeremia akarika ase ebuku obobe bwonsi bware gocha konyora Babeli, amo namang’ana ande onsi igoro ya Babeli.
61
Yeremia agatebia Seraya, “Ekero oraike Babeli, orore ng’a gwasomire amang’ana aya onsi.
62
Erio otebe: Aye Omonene gwatebire ng’a nosirie aase aiga kegima, gento kende tikemenyao, mwanyabanto gose ching’iti, na ense eye nesirigwe ebe erooro kogenderera botambe.
63
Na ekero gwakoorire gosoma ebuku eye, oyesiberanie rigena, oyerute ime ase orooche rw’Eufarati.
64
Erio otebe iga: Naboigo Babeli erarimere, gochia inse, teimoka naende nonya ng’ake, ase engencho y’obobe nkorenta ase ense eyio, goika obwo bobagoyie.” Amang’ana a Yeremia aereire aiga.
← Chapter 50
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 52 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52