bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Jeremiah 4
Jeremiah 4
Gussi (EBIBILIA ENCHENU) 2020
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
1
Omonene otebire iga: “Inwe Abaisraeli, onye morigetie koirana asende, ing’iranere. Motugute emegwekano yaino mogosasima ere okogechia ase obosio bwane, motari nechitang’u‐tang’u.
2
Komoratiane ase ekeene na oboronge, mogoteba: Ekeene, buna Omonene are moyo, rirorio abanto b’ebisaku bionsi mbesesenie ime yaye, naende mbetogie asare.”
3
Aya naro Omonene agotebia Abayuda na abanto ba Yerusalemu: “Chaka korema embuna timobaisa kobusura ase amagwa ime.
4
Inwe Abayuda na abanto ba Yerusalemu, earokie inwe abanyene, mwerue ase Omonene! Arokia chinkoro chiaino! Motakoreti bo, rirorio endamwamu yane nigo eraoroke igoro asemore buna omorero, na omonto tari orayerimie. Ayio onsi nigo arabe nase engencho y’ogokora kwaino okobe.”
5
Tebia Abayuda, na morarie ase Yerusalemu: “Bugia egetureri ase ense eye yonsi, moake eriogi rinene, motebe: Sangererekana amo, togende ase emechie egiteire chindwaki.
6
Imokia ekemanyererio kiorokie enchera egochia Sayoni; tama motooreke, timobaisa gotebana, ekiagera nkorenta nde obobe na ogosaria okonene korwa sugusu.”
7
Endo yaimokire korwa ase riraro riaye; oria ogosiria ebisaku oimokire, orure aase aye, akore ense yaino ebe bosa; emechie yaino nesarigwe ebe amaturi, atamenyiri nabanto.
8
Ase ayio, eboyie chigunia, morere na kweng’ereria, ekiagera endamwamu enene y’Omonene nigo ere asetore, teraonchoka etotige.
9
Omonene nigo agoteba iga: “Ase rituko erio abaruoti amo nabanene b’oboruoti tibakoba noboremu, abakuani mbaondoke na ababani mbakumie.”
10
Erio ngateba, “Aye Omonene Nyasae, kwabang’ainire abanto aba ba Yerusalemu, ekiagera kwabatebetie ng’a mbabe nomorembe, korende bono omoro obeire ang’e kobaita.”
11
Ase engaki eyio abanto aba amo naba Yerusalemu mbatebigwe ring’ana eri: “Omwaga ogosamba buna omorero noguse korwa ase ebigoro bi’erooro gochia ase abanto baane. Omwaga oyio tokoba oyo bw’okoirurera gose bw’ogosonga,
12
korende omwaga oyio ninyotome obe omotindi mono goetania. Bono ninche ndabanachere ekina.”
13
Rora, omobisa nigo agotochera buna amare, nigo abwate chigari chi’esegi chinga buna ekerambauti; chibarasi chiaye nigo chikominyoka chimbero kobua ekeongo. Obobe nobwaito! Ee, twasirigwe.
14
Inwe abanto ba Yerusalemu, chena chinkoro chiaino korwa ase obobe, erinde motoorigwe. Ngoika ririri moragenderere kogacha ebirengererio bi’obobe ime yaino?
15
Omonto orure ase orogongo rwa Dani, orentire amang’ana neriogi rinene, nigo akoraria obobe korwa ase ense y’Efraimu.
16
Kurera abanto b’ebisaku ng’a amabe ngocha are; raria ase Yerusalemu, motebe: Abagochia koboera ngocha bare korwa ase ense y’aare, bagoaka eriogi ase emechie y’Abayuda.
17
Ekiagera Abayuda basaririe asende, ababisa babo mbabaetanane buna abarendi b’omogondo bakoyoetanana. Omonene okwanire.
18
Chinchera chiaino, na ogokora kwaino, nabio biagerire amang’ana ayio abanyorire inwe. Oko nakwo ogosirigwa kwaino, na nigo kore nobororo obonge. Obororo obwo bwasoire ime ase chinkoro chiaino.
19
Obee! Obee! Obororo bw’enda yane bwabeire obonene. Enkoro yane nigo egontwoma mono, tinkonyara gokira; naigure eriogi ri’egetureri, ogotaboborwa gw’esegi.
20
Obobe nigo bokoromeng’ana obobe bonde, ense yonsi yasarigwe. Chiema chiane chiasarigwe mobosokano; ebietubo bie chiema chiane biatandoirwe.
21
Ngoika ririri ndagenderere korora ekemanyererio gi’esegi, na koigwa eriogi ri’egetureri rikobugigwa?
22
“Abanto baane nigo bare abariri, tibamanyeti inche. Barabwo nigo bare buna abana batari nobong’aini, tibamanyeti gento kende. Nigo bare aboge mono ase ogokora ebibe, korende tibamanyeti gokora amaya.”
23
Nkarigereria ense, nkarora yabeire bosa, gento tikiarengeo; nkarigereria gochia igoro, na oborabu bonde tibwarengeo.
24
Nkarigereria gochia ase ebitunwa, nkarora birobio bigotengechigwa, na ebigoro bionsi bikonyegerigwa gochia aaria na aaria.
25
Nkarigereria, nkarora omonto taiyo nonya noyomo; chinyoni chionsi konya chiatamire.
26
Nkarigereria, nkarora ense yarenge kwama, yabeire erooro, emechie yaye yonsi yasarigwe, ekaba amatombe ase obosio bw’Omonene, ase engencho y’endamwamu yaye enene.
27
Aya naro Omonene agoteba: “Ense yonsi nesarigwe etigare bosa, korende tinkoyesiria kegima.
28
Ase engencho eyio ense nereere na kweumia, igoro nchionchoke chimwame ti, ekiagera ninche nakwanire, naganirie gokora ayio; tinkonyara gweitia gose koonchora ebirengererio biane.”
29
Abanto ba kera omochie mbatame ekero baraigwe amariogi ’abariini chibarasi na ay’abwo babwate amata, mbatame gochia ase amanani, bebise ase ebitare ime. Emechie yonsi netigare bosa, nonya nomonto oyomo tagotigara aroro.
30
Aye oyo gwatigirwe bosa na gwasarigwe, ninki orengereretie ekero okobeka chianga chimonyinga, naende ogwechabera nebinto bie chitahabu, na gosata amaiso ao? Nigo ogwechabera bosa. Abanchi bao bagochayire, na nigo bakorigia gosiria obogima bwao.
31
Naigure okorera buna okw’omokungu okobina aibore; ekerero ekenene buna eki’oyo okoibora omwana omotangi. Okorera okwo nigo kore okorera gwa Sayoni, omoiseke one, ngwesacha are ang’use omoika, okorambora amaboko aye, okorera: “Nakure! Nkong’ita bare!”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52